牧羊少年咖啡館 (葵青劇院)

营业中

休息中

下午茶時間，約了友人三點半，等了約二十分鐘有位了。其實門口附近有書架，放著各式各樣嘅旅行書籍，以地點分類，不難消磨時間。整間店子以旅遊為主題，食物有多種類，下午茶有三文治，迷你飯等輕食，亦有all day breakfast. 不太餓要了apple Caesar salad & fruit yogurt, 餐飲加錢要了蘋果綠茶，再要cappuccino. 意外地食物性質不錯，因為總認為有主題嘅店子常顧不了食物質素。沙律內有粒粒芝士，燒雞肉等，跟餐嘅鮮果乳酪很近鮮，連蘋果綠茶嘅蘋果都超爽脆！著是感動。小店加油，繼續用心做。香港少數良心小店，又沒有開出百元早餐嘅價錢，推推！唯waiters 較忙，但態度友善良好

外面睇無咩特別。但入到去感覺好好。。雖然裝修吾係好豪華但好舒服。。服務生人數夠。。一叫就到。。吾洗勞氣。食物味道幾好。。亦好靚。。。唯一可惜係無電話預約。。揸車要泊新都會或者多層車場。要行過去。但都吾算遠。對揸車嘅我真係吾太方便。不過都覺得值得。。會再去試下佢地d coffee..拉花好靚。好多味道。。

見到好多好既comments，諗住無衰一定要試試! 去到已經8點幾，仲好多人，幸好唔使等位。2個人叫左面包(忘記左個名)伴薯條及墨汁青口意大利飯。個包好硬，凍冰冰的，入面有火腿，芝士等。個醬汁味道還可以，不過我D牙就軟晒，無晒力!!墨汁青口意大利飯: 估唔到都唔好食，無味道，青口一食落口就知道唔新鮮。最後叫左杯咖啡，係咁多樣野入面最好的。

平日上班，葵芳大部分餐廳都嚐過，最美味的一品香又不太適合與女朋友去吃，便來了葵青劇院外的這店。雖然門外有人群，但查問後卻即時有位子，坐外面更好，晚風吹拂，昏昏欲睡。地獄辣湯雞扒讚岐烏冬亮麗的名字，其實只是雞扒浸辣湯烏冬。烏冬全無彈性，比起從「佳寶」買回家弄的更林更軟。端來時，雞扒經已在湯內浸浴，即使煎得如何具鑊氣、香噴，也會在湯內浸走吧。這樣的扒湯烏冬，其實跟普通茶餐廳的質素沒太大分別。意大利飯，相片賣相是底下一個飯，上面又青口、又蝦，海鮮紛呈，而端來的竟是一碟全黑的意大利飯；幸好海鮮還是可以在底下尋回。有汁而不稠，無法令飯黏在一起，飯就是散散的，沒甚麼凝聚力；飯亦頗為硬，較街外的意粉更al dente，硬得連本人亦不太能接受，undercook與al dente，都取決於大家的觀點與角度吧。個人認為，此兩個餐都是定價過高的「快餐」，尤其烏冬，大約$40已屬合理。（沒有點的）彩虹木糠布甸$28圖片呈列數個（6-7個）小杯裝布甸，七彩繽紛、賞心悅目，惟本人向店員查問，她卻表示︰「其實那是任選其一啊！」。似乎上述意大利飯及木糠布甸這兩款食品的圖片，僅屬設計圖片，並未能為食客說明食物的真正內

葵芳分店要比太子店來得佈置精美，可以說是更有味道一些。但食物卻要遜色得多，無甚驚喜，只能說是合格而已。有點異國風情，大片窗戶配上碎花簾布伴著不刺眼但怡人的暖陽斜照，的確很是討好。店內人流不算少，堂食限時兩小時，但若無人等位則可繼續進食。我則稍嫌桌與桌之間空間感不足，少了Cafe的寫意味道。店內燈飾呈花朵狀，配上微黃的燈泡，有那麼點復古味。餐牌是吸引的，而食物賣相亦的確不錯，只可惜色香有餘，而味不足。黑松露醬鮮菌闊條麵，$49。味道偏淡，但麵條做得很出色，軟硬適中。內裡野菌份量毫不吝啬，但黑松露醬的味道是嚐不出來的，因此中和下來只能說是不太差。Lunch set 配湯+餐包 ， 加$15。餐湯是不錯的，大路中上貨色，有點小濃郁。撩起湯匙亦可見些許粟米，份量不多但亦算適中。但餐包的香草味是我不能理解，友人認為可以接受，所以單論香草味只能說是個人口味問題。只是，作為餐包最失敗的是它毫無溫熱感，加上滋味不足，不客氣地說是連一般甜餐包都不如。全日早餐 (另加薯餅、煙三文魚)，$75。原價$52，薯餅$8，煙三文魚$15。煙三文魚味道不錯，咸香可口，煙熏味足。蕃茄味道可以省略，算是新鮮吧。茄汁豆亦

落雨出面冇開，少左好多位，唯有等下啦。lunch set其實都唔係set，要加錢先有沙律同餐飲。spaghetti carbonara，做得幾好，忌廉同芝士味幾香，濃度剛好，彈牙既意粉沾上汁放入口，好rich好creamy，又有咬口 蘑菇煮得生生地，咬落重有D爽爽地既口感。每食一啖都覺得好好味。等左一陣位，佢問我地介唔介意坐門口既高枱，我地又冇所謂，所以就冇乜環境可言啦。

星期六, 同老公出去食個早餐, 諗起牧羊少年係個好地方, 就即刻揸車黎食, 之前食過一次all day breakfast,其實係無咩特別, 志在價錢ok, 今次試佢呢兩款早餐, 我選了窩夫配抄蛋, 個窩夫係最值得一讚, 好香脆, 入面又好軟熟, 老公果個pancakes就真係無咩特別啦, 30幾蚊一份, 我覺得都ok啦, 係份量細左少少, 不過環境加番分,想有個relax sat breakfast, 我一定會諗起佢!

今晚呢到食飯，order左雞肉salad,卡邦尼意粉，炒烏冬，加兩杯沙冰，食物好好味，不過食完意粉先上salad，次序有啲奇怪，隔離枱order左小食拼盤同waffle，但waffle上先，小食拼盤先後上，所以呢樣要改善下

經過葵青劇院見到新開的咖啡店，一於試下 · 要了一杯hot capucchino 等了一會，終於有得飲聞下先，咖啡味幾香呷一口，豐盈的泡泡便貼係我的唇上，諗起韓劇tim 味道雖好，但份量比較小同埋好快凍晒環境都吾錯架，有户外同户內，任君選擇，我特別喜愛露天座位 ，夠寫意

換了新工作環境終於有一個多星期,開始上了軌道......對呀!我在新工作的地方,遇見差不多10多年沒見的舊中學同學,重遇時,她竟然不認得我了,我的樣子有變這麼多嗎?幸好,她說我比以前更加靚,不然我會傷心死,枉我天天花這麼多時間塗東塗西~ 差不多十年沒見,當然要來一個Girl Talk~星期六的下午放工後,到了葵涌劇院的 牧羊少年咖啡．茶．酒館 喝個Tea!!!一起回憶小學雞的時光~大概兩點半來到門口拎籌,(No.75 籌, 當時 叫到No.53籌)要等廿張籌,心裡已經冷了一半!最後決定等兩張台,看看棄籌的情況再決定,btw,叫了兩次已經到了No.68, 這個情況其實"等able!!"我知 牧羊少年咖啡．茶．酒館 在太子同深水步都有分店!(原來國內都有)以旅遊為主題的Coffee Shop,一入門口就見到兩個大書架!全是不同國家的旅遊書, 不過大部分都是殘體字!大概半小時就入座了,入座時侍應亦有提醒有兩小時的用餐時間限制當日天氣不好,門外露天的位置都停止開放!坐在室內,沒有了陽光,感覺有點暗沉 最後我們都要了 All Day Breakfast(另加煙三文魚)橙汁和生果乳酪先上,其餘主

邀約面試電話接二連三,好不容易安排三個面試時間都在同一天,怎料第一間面試的公司已即時聘請,如此順利就要為自己慶祝一下,看到樓下往葵芳小巴經過,那就牧羊少年葵芳店吧!!在葵芳區曾遊走多年,絕對懂得以最少人的路徑走到葵青劇院,自己還是利用劇院裡那邊的入口,只因葵青劇院大廳平日下午又靜又涼快,要不是有活動這裡像是個寧靜天堂。門簾後是一列書架,這裡距離收銀處最近,在先付款後送餐的點菜流程實在十萬個方便,年青店員看到客人也主動提醒先付款點餐,開水、碟子則自助式的在前面自取,明白!怕熱的我捨棄戶外位置而選了有空調的室內,自己的座位更是面對書架的自成一角,多沾點書卷氣讓自己優雅一點;桌面還有絲花一朵點綴一下,餐具紙巾也已準備妥當,相當方便。牧羊少年一直以旅遊為主題,店方也以國旗代替慣用的號碼牌,只是我忘記自己是拿著什麼國家的國旗了。侍應先送來橙汁及鮮果乳酪各一杯,好讓面試後的我滋潤一下喉嚨。相信來自盒裝而非鮮榨的橙汁酸比甜稍重,冰冰凍的喚醒味蕾及解渴,爽!! 滿滿一杯的鮮果乳酪看來很健康似的,澆上酸乳酪的燕麥片下有著香蕉、蜜桃、蘋果和火龍果,除了浸過糖水的罐頭桃片較人工外,幾款鮮果新鮮清甜也較健康,

5月1日雖然係公眾假期，但太太依然要返工，諗住難得可送太太返工，咁就搭車出去食餐午飯啦！去到等位都不算太耐，十分鐘就有！咁拿拿聲點菜等食啦！點知就係惡夢的開始，而呢個惡夢足足長達一小時， 呢度比較另類，點好菜先付錢，之後再等上菜，咁我地比曬錢，坐定定等，一等就等了半小時。佢地先奉上兩杯飲品, 一杯荔枝綠茶,一杯蘋果綠茶,飲品方面,可能遷就現代人,味道好淡,我杯簡直係普通綠茶,但有兩粒荔枝肉咁....咁我地就一心等食物啦......由於我太太要返工，開始有點急所以第一次問女侍應乜野情況啦！點知果位 長髮女侍應就好似敷衍我地咁，求其拿起張單口up up，但又冇按對講機自言自語又放下張單。再十五分鐘之後我地又吹了第二&第三次，最終有位男侍應才説電腦故障，呢次我信佢，因為廚房開始有食物出，但全部是之後來的客人的食物 再過十五分鐘，一路睇住後來的人遲來先上岸，所以我決定問佢可否退錢，因為佢係先付錢的政策，所以幾臺客都懷疑可否成功退錢，最終我都能成功退款!亦沒時間理其他客人有冇退錢，一個箭步衝出店送太太返工，與呢間食店永別!

久仰大名,咁啱要去葵青劇院,就黎到,九點平日,都幾full,得返室外,有點熱,好采有風扇提供。煙三文魚忌廉通粉,用的並不是煙,而是熟,這個有點失望,不過通粉煙靭度適中,忌廉略嫌少了些,沒太有creamy的感覺,不過這個價錢抵食的。講返個湯,得菜湯可供應,味道唔錯,但加錢轉套餐卻唔包餐茶,有點奇怪。總括呢間ok的,有機會會再黎

下著毛毛細雨的下午和男友來到葵芳，tea time選擇在聞名已久的牧羊少年cafe，一嚐休閒生活的味道。因下雨關係，來到劇院室內則門拎飛等位，店員話露天有大把位又有大太陽傘遮住，如果唔介意係雨毛下坐露天的話，可以好快入座，我地聽到即刻「lur飯應」話無問題啦，唔洗等喎！坐低後店員會比餐牌同筆你，click好食乜就自己出去買，過程中減少紙張浪費，環保又簡單。下午茶餐 - 香蕉朱古力雪糕窩夫窩夫同雪糕同肥cream永遠都是最好的朋友，而且熱辣辣又脆口的窩夫，加上朱古力醬，雖然無乜驚喜，但好食就夠了。All Day Breakfast (另加豬肉腸)橙汁和生果乳酪先上，其餘就隔十零分鐘後上，哈...點解唔一齊上呢？生果乳酪不是不好吃，只是沒什麼特別。其餘那些食材煮法都是手板眼見功夫，罐頭茄汁豆，煎腸仔，烘麵包，扒蕃茄，需要少少功力的炒蛋就炒得唔夠滑。嗯，整個就是外表平凡，味道普通的All Day Breakfast。餐廳播放著輕鬆的英文歌，擺放著貼落memo的世界地圖，門口有一排排旅遊書供食客閱讀，環境氣氛一流，食物素質卻一般，希望餐廳會改良吧！

今晚因為朋友生日，所以大家便出來吃飯聚聚。這家餐廳是沒有訂位服務的，只能到門外等位，這晚朋友一早去等了，餐廳有戶外和室內的，很像也蠻多人，幸好不用等太久已經有位了。先來一碗熱熱的羅宋湯和麵包，麵包是暖暖的，不錯。羅宋湯我沒有喝，所以不知道味道如何。意粉沒有太大驚喜，三人一齊分享。拼盤分量超多，有幾款不同香腸，還有雞翼、墨魚丸、薯條，配有三款醬汁，其實吃到這個時候已經十分飽足。飲品蠻特別的，記得是有不同星座有不同口味的飲品，而這款是朋友喝的，記憶中記得是薄荷蜜瓜味飲品。而我和另一位朋友就選蘋果酒，因為開心所以想飲，這是我最愛的。最後甜品上場，多飽也要吃甜品才夠滿足的呢，窩夫十分脆口，配朱古力雪糕，另有朱古力醬，正!!!朋友生日當然要有生日蛋糕，在碟上跟店員說想寫祝福字句，蛋糕送上時碟是冷冷的，大概是想令朱古力不會溶化。整頓晚餐十分滿意，下次有機會還會來光顧的。