牧羊少年咖啡館 (葵青劇院)

营业中

休息中

上次食過牧羊少年已經覺得不錯，所以今次就叫朋友一齊試埋個Brunch！可能因為今日係公假，所以十點半去到都要等一陣位！個個餐都好吸引，好難揀！朋友叫左個牧羊少年特色湯意大利粉，羅宋湯底好開胃！炒蛋有小小蛋汁，好香好好味！厚多士好脆又唔會太'un'！我叫左個香蕉麥皮，味道一流，平時去茶餐廳食既麥皮一係淡得制，一係就好淍，但係尼到既麥皮就味道岩岩好！原來麥皮配香蕉係咁夾！蜜桃綠茶，好清新，綠茶既小小苦澀味加上蜜桃既甜味，真係好好飲！芒果綠茶，芒果酸酸地甜甜地，好飲！

約了兩個真的很久不見的朋友吃飯, 剛好兩人都是在葵青區上班, 約她們放工後, 問佢地想留在葵涌抑或出旺角, 結果二人不約而同都是說留在葵涌......眾所周知, 葵芳站一帶的食肆, 一係就好似葵涌廣場果D掃街FEEL, 一係就去新都會的連鎖店, 沒甚特色, 若想有點新意, 就只有位於葵青劇院的「牧羊少年咖啡．茶．酒館」.由於不設訂座, 故此6:30pm已到達取籌, 不過在門口登記的那位小姐, 聲調有點小, 佢叫到我張票都完全聽唔到, 令到錯過了入座, 雖然後來都肯補回, 但就白白多等15分鐘了......7:28pm入座, 叫了三樣食物, 有青醬魚柳意大利飯, 煙三文魚白菌長通粉及蜆意粉, 青醬魚柳意大利飯個飯口感有點乾身(其實意大利飯係淋的, 但是否乾身就不知了), 但魚柳煎得十分軟熟.友人的煙三文魚白菌長通粉及蜆意粉, 二人都吃清光光, 相信應是很好味.最後三人都後加了藍莓木槺布甸, 軟淋淋有蛋糕的感覺, 甜度也適中.為了全日早餐, 我一定會再去.

不論是早，午，晚餐，每次問熊貓少爺"吃什麼好呀" ，他都會回說"找些特別的吃吧"。究竟可謂特別呢？大小姐也未能有準確的掌握，但今天選的這間茶座，總算合他心意。相信女士們都有到過葵芳血拚，商裡有比旺角要便宜的衣服，另外又有一些從日韓購置貨品的小boutique，每次走一圈也會一頸血。在這裡找吃的，永遠不會煩惱。連鎖食坐得舒舒服服的，可到新都會廣場。平價的，就留在葵涌廣場內掃街吧。但原來不遠處，有一間可以說得上"特別"的餐廳。它就是　牧羊少年咖啡‧茶‧酒館。一間位於葵青劇院的餐廳，有室內及室外座位，可這天氣嘛，還是坐裡面好了。門外放著一個書架，放了很多很多旅遊書藉，台主應該很喜歡旅遊吧？加分！裝潢也不錯，沒有大路餐廳的氣氛，反而有一種到了台灣CAFE的感覺。坐半小時車就像去旅行一樣，大少也很滿意這特別之選。不用等很久就被安排了書架旁的小吧檯，有一個玻璃瓶放著食水，需要便自己倒一杯。這玻璃瓶好想念到澳洲的時光呀！加分！一心想吃BRUNCH，怎料我們太晚了，早餐時段已完。幸好還有ALL DAY BREAKFAST可以選擇。一個餐有蛋，蓄茄，茄汁豆，蘑菇，多士，解果乳酪及橙汁。我們大胃一族還加了

生意好似好好 同友人一行四人排左好耐隊 近一個小時企係出面派籌侍應嘅態度奇差 面燶燶咁室內嘅就 nice 好多了地方 OK 客人比較多 可能係因為葵芳呢區得幾間 Cafe卡邦尼長通：一般 分量唔係多 質量一般小食拼盤：冇特色 不過不失咖啡：冇特色 不過不失窩夫：份量係 OK 一般女仔食完會飽 窩夫無蛋味無奶味 朱古力醬份量不夠且廉價果隻味 忌廉冇奶味 雪糕不論綠茶定朱古力都係一般果汁：唔記得係咩味 朋友話唔伏肯定唔會再去食！以呢個價錢可以搵到個更好嘅選擇

１１點左右到，仲有早餐，見到唔少顧客都食緊早餐或者ALL DAY BREAKFAST，所以同朋友一人叫左一樣。平時食既ALL DAY BREAKFAST都好油，呢度既全日早餐既炒蛋唔算好油，而且都幾滑。麵包烘到啱啱好，唔會太濃，加上牛油，唔錯！茄汁豆、蘑菇等無咩特別。最喜歡食呢個麥片，加左牛奶，好滑，仲加左幾片香蕉，健康之選！可惜個厚多士烘得唔夠耐。仲有個士多啤梨果茶，專屬既壺，可以飲好多杯！值得推介！總括而言，咁舒服既環境食一個素質都算唔錯既早餐，真係令一天充滿能量！

一直都想試牧羊少年。終於有機會。不用等就可以入去食。有涼風一起一點都不熱（1700）。可以坐2小時沙律雞多士：沙律醬太甜。雞冇味。多士好味道藍苺芝士餅：吾夠凍。忌廉已熔熔地。芝士味吾夠薯條雞翼腸：普通味道冇咩特別咖啡：味道好味。吾太酸。有咖啡味。泡泡夠厚。推介！！最後3個餐加2個飲品（$146）都叫坐得舒服之餘味道可以接受

是晚同❤️相約晚飯，諗左好耐決定去食牧羊少年！之前去過太子果間超多人排隊，放棄左，今日閒日應該無咁多人卦？我地揀左去葵芳依間地點方便d...去到見到環境唔錯，雖然夏天但係夜晚坐出面涼涼地都唔錯。而且唔使等位Tim!我地決定叫兩個小食同埋兩個main course，兩杯野飲。叫左個芝士薯條，蒜蓉焗帆立貝，一個南瓜意大利飯同咖喱飯。一杯士多啤梨玫瑰綠茶，一杯荔枝（唔記得個名但係杯野係ocean blue的）。So far咁多樣野都好唔錯，芝士薯條好夠cheese, 帆立貝都好味，個意大利飯還不錯，不過❤️食果個咖哩飯d飯好硬，食到佢有d胃痛🙈，不過我試過咖哩汁都唔錯。整體黎講都ok, 值得再黎。

今日難得入黎葵芳行街 終於有機會一試牧羊之前聽過好評劣評參半 但都係想親自黎試下下午茶有好多set選擇 最近成為窩夫控的我當然選擇窩夫微溫的窩夫 尚算鬆軟 加上香蕉朱古力醬 整體感覺好match朋友揀左忌廉三文魚長通粉 都係好評 下午茶黎講份量都算適中飲品同樣選擇左cappuccino個人對咖啡沒有特別喜好 所以感受不多如果話想行下街又想搵個地方坐下食個tea 牧羊都係唔錯的選擇另外佢令我記起係我小學時候睇的一本書-牧羊少年奇幻之旅 我諗呢間店應該都係因此書而起名

跟老公逛得累了，隨便找間餐廳，早一點吃個晚飯。先叫了一份卡邦尼長通粉，一杯奇異果沙冰及一壺蘋果紅茶，後上一份鮮草莓佐窩夫。卡邦尼長通粉不過不失吧，味道剛好，不太濃。後上的鮮草莓佐窩夫賣相不錯，窩夫外脆內軟，不論配上草莓還是抹茶雪糕，都很好味連老公都讚好。可以encore

適逢友人有空，自己又一直想試試這間餐廳，於是就選了這裏。二人分別叫了窩夫配香腸煙肉炒蛋和班戟配豬柳漢堡炒蛋，飲品則是蘋果綠茶和薄荷綠茶。窩夫不夠脆，但熱呼呼的配上花生醬和牛油，還是十分好吃。至於炒蛋腸仔和煙肉則普普通通，味道偏淡。班戟的味道和麥當勞的差不多，但不及後者香軟。而豬柳則稍嫌油膩。跟餐的花果茶味道清香，十分好喝，但要注意的是後期的茶味會變得過濃，令茶變得苦澀，難以入口。雖然這裏食物水準平平，但環境一流，和友人吃着早餐，聊聊天，或是翻下旅遊書，便消磨了一個早上。

第一次光顧牧羊少年.咖啡.茶.酒館...由於晚上到來，氣氛及環境不錯...若天氣不是這麼熱，我會選擇外面的露天座位氣氛可能更有不同...這店沒有預約，六點多來到時人流不算太多...這裡堂食限兩小時，慢慢食，跟朋友聊聊天，其實也很足夠...

吃完午餐後(其實已經4點多，也不算是午餐了)，便跟朋友來到牧羊少年吃甜品，以前也來過幾次，每次都挺滿意的。五點三進去，剛好能趕上下午茶的時間，安排了一個L形的卡位讓我們兩個女生都坐得舒舒服服，對面就是掛滿了關於旅遊的各種圖畫和影片，整個感覺下來都很舒服。想也不用想，就決定還是「例牌」窩夫！為什麼說是「例牌」呢，因為我真的是個窩夫迷，基本上餐廳裡有窩夫我也就一定會選它了。 香蕉朱古力窩夫配朱古力雪糕球 $38一時快手，拍不到全部可能太久沒來了，這個大概是新的口味，以前好像只有焦糖和士多啤梨味道。另外可加$13配一杯飲品，可是我沒有加錢，因為已經很飽了。最滿意的是那些朱古力醬，不會太甜味道很好，淋上窩夫上根本就是絕配！朋友也是點了窩夫，她的是焦糖口味配雲尼拿雪糕球，還有一些蘋果片。

熱辣辣的大食拼盤，有腸仔、鷄翼、炸魚柳、火腿丸、墨魚丸、薯角、鷄肉串燒、炸春卷及咖哩角，食物好豐富,每款又美味,炸物香脆無比，鷄肉嫩滑，還有3款醬汁提供，配合食物提升味道!反而龍利魚柳青醬意大利就普通了一點，飯比較硬,，味道不突出!飲品方面，選擇了卡布奇諾及凍香蕉朱古力鮮打咖啡，濃濃的咖啡香味,又滑，偏甜!

星期三放假，同老公、仔仔一齊去食個精神早餐先，家住荃灣，所以選擇咗葵芳嘅牧羊少年。早餐有9款，另有all days breakfast$58,可+$+多啲選擇，三人選擇咗以下套餐，這裡是自助購票形式，先付款，食物從後送上。窩夫好脆好味，煙肉不會過肥，厚多士新鮮，整體西式早餐滿意，但阿仔個鷄扒出前一丁就比較遜色，雞扒好嚡，而且佢係西式煮法～清，無咗茶餐廳風味，但最失望就係杯咖啡，不是即磨，好苦澀，無咖啡香味，not my cup of coffee,下次要飲花茶。

知道牧羊少年。是因為它是很多旅遊記者的聚腳地。也說室內裝潢很有型。太子店到訪過一兩次。因為喜歡看著咖啡師沖咖啡。於是都選擇坐bar檯。第一次來到葵芳店。說真的。很不習慣。坐在「bar檯」前的小桌子。卻看不見咖啡吧的大小事。有點不習慣。雖說。這樣我更可專注跟朋友聊天打屁。朋友們應該比較開心。哈哈。今天的主角。窩夫。不錯。再來一客窩夫。葵芳來過一次。點的是香蕉巧克力窩夫。對於我喜歡吃的東西。我經常想要encore。由於Mr.Lam沒有試過牧羊少年的窩夫。我決定再到此一遊。藉口再吃多一次。當然要再點一個香蕉巧克力窩夫。好了。談談「主菜」。說真的。我有時候有莫名的強迫症。所以很怕雪糕和窩夫一起放在平碟上。這樣一來窩夫就不能避免沾了雪糕。而且雪糕溶化了。不但把窩夫浸軟。而且賣相會變得很恐怖。於是。我決定。下單時先要說明把雪糕分上。他們把它盛進玻璃杯中。讓我可自己決定一匙雪糕一口窩夫的吃法。而且賣相來個大加分。入口幼滑。朱古力適中。不會過甜。不會過苦。作為窩夫的伴碟好友。正好恰如其份。最令我滿意的。是他有一小碗朱古力醬。讓我自己選擇沾醬的多與小。我可以一塊吃原味。一塊伴雪糕吃。一塊沾醬吃。這是多麼