牧羊少年咖啡館 (香港單車館)

营业中

休息中

今天與朋友再一次去這間餐廳用膳，因為經過上次之後，覺得真係唔錯，又平又好食煙三文魚凱撒沙律，佢哋嘅份量真係無得，芝士味又濃又香，沙律菜又新鮮小食我哋點咗蜜糖雞翼同黑椒蜜糖牛柳粒，雞翼炸得過咗小小火，皮就乾咗小小，但唔影響肉汁，蜜糖牛柳粒就煮得啱啱好，好嫩明太子鮮蝦意粉意粉比較乾身，味道就唔錯，啲蝦好新鮮好大隻香草醬青蘋果蘆筍意粉，呢個意粉食落感覺好新鮮，清清地，都唔錯意式蕃茄雞肉意粉，呢個就比較鍾意食，可能我自己本身鍾意食蕃茄，所以特別加分最後介紹兩杯嘢飲，一杯係紅梅青檸梳打，酸酸地勁開胃，另一部就係必定要點嘅雙重朱古力沙冰，佢朱古力濃味真係爆燈，鍾意朱古力嘅朋友一定要試

和朋友相約放工去將軍澳單車館的牧羊少年咖啡館吃晚餐。步入餐廳，感覺環境幾乾淨、舒適，樓底很高，空間感強，燈光比較柔和，營造的氣氛一流，很適合情侶或朋友聚餐談心。😍😍😋😋小食方面：我倆叫了黑椒蜜糖牛柳粒🐂。牛柳粒份量剛好，好軟腍，頗大粒，配埋香濃的黑椒汁，伴隨淡淡的蜜糖味，頗不錯👍🏻👍🏻😋😋主食方面：我倆叫了蘑菇汁牛肉漢堡🐂配香米飯及意式蕃茄雞肉🐥意大利粉。牛肉漢堡充滿咬落是啖啖牛味🐂，與蘑菇汁非常配搭。雞肉意粉的雞肉🐣份量十足, 大大塊，蕃茄醬汁味道適中。😋😋甜品方面：我倆分別叫了藍莓芝士餅🍰和紐約芝士餅🍰。兩款芝士餅的柔軟度適中，甜而不膩，芝士味香濃，配合歐美風的彩色碟子，賣相也是不錯。😋😋飲品方面：我倆分別叫了蜜桃奶酪🍹和奶油焦糖茶☕。先到的蜜桃奶酪幾好飲，有清香蜜桃水果味和濃郁的奶酪香味。奶油焦糖茶聞起来真的似很甜膩的感覺，聞得出淡淡的焦糖味，入口卻是清淡的，一點也不膩，非常特別。

好鍾意呢度嘅環境，一個冇分隔嘅大咖啡廳，有個大玻璃，有自然光照入嚟。雖然一半以上嘅枱都有小朋友或者bb，而且冇吸音， 所以有啲嘈。不過個感覺都好relaxing。食物同咖啡都唔錯。上次飲熱 cappuccino 好好，唔酸唔澀，香。今次凍latte就淡咗少少，唔係好夠凍。記得上次有黑松露意粉，但係今次冇咗。嗌咗個明太子蝦意粉，都ok。 d蝦雖然唔係好鮮味，但係都冇雪藏味。呢度仲有甜品同埋waffle，下次試下。

剛剛係單車館做完運動，冇意中俾我發現左間餐廳，正正適合我地呢D做完運動又見肚餓嘅人。整間餐廳裝修都非常有特色，除左好大好舒服之外，每一處都係影相位。我剛好坐正近窗邊卡位，氣氛好到不得了，除左可以一眼欣賞曬整間餐廳個特色裝修外，最另我覺得有feel嘅係窗外面個露天水池景，配合埋餐廳柔和嘅燈光同音樂，真係好舒服、好浪漫💕，叫人好放鬆！食物方面，我地叫左-地中海藜麥沙律，個沙律好好味，顏色非常豐富，可以一次過吸收曬唔同款蔬菜，食完即刻覺得個人健康左😆，而且每款蔬菜都好新鮮，好爽脆。（塊包上碟暖暖的👍🏻，可夾沙律一齊食）另外我地仲叫左款-明太子鮮蝦義大利麵，呢個義大利麵真係要一試，就連唔多喜歡食意粉嘅朋友都話正，因為佢麵幼幼（似天使麵）每一條麵都好有芝士奶香味，不過佢又冇汁架喎，但個麵竟然好入味，仲好香，唔明佢點樣做到🤔！D櫻花蝦夾雜住魚子同義大利麵真係好好味😋，好滿足又另人好放鬆的一餐，正👍🏻！

地理位置好似好偏咁,講都唔知係邊,但實情好近地鐵站, 今日再黎食,因佢好坐之餘,啲野又好味。今次係第二次黎食,本身想食多次個卡邦尼意粉, 黎到嗌野食先發現餐牌轉左, 應該間唔中轉下款等人有新鮮感。餐牌上面既野食真係唔同晒。六點幾到,無人,好舒服我地叫左個二人餐,再加小食牛柳粒,再加左個青蘋果意粉。凱撒三文魚沙律, 正,好足料呀!啲牛柳粒好入味,好正明太子大蝦意粉,呢款意粉比較啖, 但足料。呢個就係個露荀青蘋果意粉, 好特別, 啲味好夾既😎蕃茄雞肉意粉,友人話好正, 好茄又好好肉,我本身麻麻地茄,所以覺得太足料蜜糖雞翼,外炸內嫩呢個係劃上完美句號既cheese cake飲品由於無晒奶酪,所以要左右邊杯野,唔記得叫咩名,酸酸好醒神, 左邊係雙重朱古力,岩晒我會再黎呀,食到咁都係500蚊2個人!

星期五放工，同同事喺將軍澳運動場打完壁球，梗係要下醫肚啦。😋😋😋行過單車館，俾呢間餐廳嘅裝修同情調深深吸引左。餐廳有超大枱，可以坐到10幾人，同樣都有唔少卡位，適合三五知己去食。👫👭👬我哋兩個人因為實在太肚餓，所以叫咗唔少嘢食。頭盤：三文魚凱撒沙律🥗 。比想像中大碟。三文魚唔太鹹，沙律菜都非常新鮮👏👏主菜：明太子鮮蝦意大利粉🍤🍤最鍾意食佢嘅蝦，大大隻好正！😋😋另外，我哋都叫咗，黑松露薯條🍟，超級多黑松露醬，性價比超高！ 甜品：比利時之戀人💑 哈哈，好浪漫嘅名，其實是朱古力窩夫。熱辣辣的窩夫配埋凍冰冰嘅OREO雪糕，唔會太甜，口感一流。😝😝呀！差啲忘記咗杯嘢飲，叫咗杯蘋果綠茶🍏🍎超有誠意之作，因為杯野入面有埋一粒粒一片片既水果！抵讚！🍹🍹好好味，等下次朋友生日，一大班人去，試埋其他食物。😍😍

上星期五約左朋友去將軍澳踩單車，經過單車館見到呢間cafe, 就去左試下Cafe行文青路線，既環境好寧靜舒服，每枱之間有足夠空間，好適合談心我地兩個人叫左個二人套餐，包一個小食，兩個主食，兩件cheese cake 同兩杯飲品，都唔駛$300蚊，好抵食！我叫左個意式番茄雞肉意大利粉，番茄醬唔會太酸，食落好開胃，我本來擔心唔夠飽，但佢份量都幾多。朋友就叫左個味噌湯烏冬，湯底幾唔錯！而我最滿意既就係呢杯杏仁latte，味道好香濃！

今日去左將軍澳陪個朋友踩單車，佢一朝早約我去左單車館，玩左一個朝早，午餐好肚餓。發現單車館入面竟然有間cafe，環境好大好悠閒，播住音樂，望到美美的景觀，寧靜舒適。我叫左一杯mocha，入口幼滑冰凍，咖啡和朱古力味各有各味道，唔會太濃太搶，忌廉輕盈。冰冰的mocha正好為夏日帶來舒暢。主菜叫左明太子大蝦意粉，明太子味道香濃，微微辣味，醬汁份量如果可以再多啲就好啦！大蝦爽甜爽口，加上三文魚籽和櫻花蝦，入口咸香得宜，極為吸引！望住大大靚景食lunch，同朋友坐足兩個鐘！非常正！

早早之前經過將軍澳單車館，好奇入去睇一睇。入面好大好靚，周圍又多休憩用地，草綠如茵，環境非常舒適。行到盡頭有間cafe，牧羊少年咖啡館原來有分店位於將軍澳，餐廳好大，望住大大個草園，感覺好休閒。我黎到就食個lunch，輕鬆一下！我先叫左一杯泡沫咖啡，入口奶泡輕盈，咖啡幼滑味道唔會好酸，味濃香滑，的確出色。之後我叫左一個smoled salmon caser salad，煙三文魚有三大件，卷成玫瑰花形狀，賣相好吸引，羅馬生菜爽甜爽脆，非常翠綠！加上煙肉和麵包粒，感覺唔會單調！醬汁酸甜唔會膩，好正呀！望住咁靚環境食飯，心情都好啲呀！

今日同朋友經過將軍澳，見牧場少年咖啡室開左分店，似乎景觀唔錯，又正好見到有午餐set，於是齊齊入去試下味道。新加坡咖哩豬扒配香米飯，雖然個樣平平無奇，但味道香濃，咖哩有椰香味，豬扒肉汁四溢，非常飽肚。另外，不得不提杯熱烤杏仁latte，未入口已經傳黎陣陣咖啡香氣，伴住午餐食，嘆返口咖啡，醒神！加左個芝士薯條，芝士又厚又重，壓住薯條，令人停唔到口。最後以甜品比利時之戀做終結。朱古力窩夫、糖漿、曲奇雪糕，組成味蕾最滿意可口感覺，甜絲絲。牧羊少年環境舒服，咖啡唔差，相信如果下次唔趕時間，會搵個下午，慢慢享受，慢慢坐。

平時去太子牧羊少年咖啡室食得多，今次試下將軍澳分店，唔知水準有冇好大分別。環境好靚！中午時分，陽光自落地陽照耀落泉，令人覺得好舒服。叫左個午餐set，車打芝士汁鮮蝦意粉，配蘋果蜜桃鮮打綠茶。鮮蝦巨大，上面蓋上一層薄薄車打芝士，意粉亦吸滿芝士汁，啖啖濃郁。鮮打綠茶口感清新，剛剛好可以中和下芝士嘅肥膩。德式香腸拼盤，厚厚一盤，有醬有沙律菜伴碟，最適合肉食獸，大快朵頤。香麻雞翼配胡麻醬，香脆可口，調味適中，入口充滿油香芝麻香氣，好食！最後做個小總結，雖然係牧羊少年分店，但有保持水準，環境同食物都屬中上，坐得舒服，下次可以再戰！

This is my first time to visit Hong Kong Velodrome in Hang Hau since it is opened in late 2013. There are few badminton courts inside the cycling track. I couldn’t think of the cycling track is steeply banked at about 30-40 degrees. I can feel of the speed that cyclists are riding. The Alchemist café is along the side of the water feature of velodrome. The environment must be nice during daytime. 10 oz rib eye steak with fries is juicy and tender. Honey gazed sausage and stir fried veggie can ba

牧羊少年早前係其地店舖試過，這間位於將軍澳單車公司份外寧靜，又有湖景，地方都幾闊落。食物方面，前菜叫了密糖花枝丸和蔬菜拼盤，全部即製，賣相不錯又熱辣辣。主菜有煎牛扒伴薯條，三成熟的牛扒充滿肉汁，又有牛味，份量亦相當大。另外亦叫了人氣的蔬菜意粉，用上多款綠色蔬菜製成意粉汁，相當濃味，意粉口感適中，很快被吃光。飲品方面，多款fruit tea可供客人選擇，這次叫了橙味茶相當醒神，朋友叫了綠茶latte, 平均質素相當高。

坐係落地大玻璃旁嘅梳化，望住出面嘅水池園景，悠閒地嘆番杯咖啡，聽落去好似幾chill咁～但係香港地邊度會有咁樣嘅地方呢？就算有，都唔會平啦但係，偏偏係將軍澳就開左一間咁chill嘅cafe，仲要係平民價錢！依間餐廳位於香港單車館裏面嘅一角，雖然唔係太近地鐵站，但係都屬於walkable distance，入到去單車館都要搵一搵。係正門入一路行到篤就會見到㗎啦。餐廳環境闊落，枱同枱之間都有啲距離，私隱度高，唔會有侷促嘅感覺。今次好好彩，我同屋企人坐到窗邊梳化位，可以望住出面公園景。依間cafe係屬於半自助嘅形式，自己搵位點野食攞水，另個牌就會有食物同飲品送過黎。依度食物選擇幾多，薄餅意粉飯同甜品都有，睇下個menu先～抵讚嘅係假日都有午餐同下午茶，加意式淡咖啡、檸茶、檸水、是日特飲、冰茶、熱花茶只需要加12蚊，其他嘅特飲、特調咖啡就可以半價加配。平日叫午餐或者下午茶餐更加係免費包埋上面本身要加12蚊嘅野飲添！今次我地叫左意大利番茄三文魚意大利粉、新加坡咖喱豬扒配香米飯，同埋車打芝士汁鮮蝦意大利粉。我揀左車打芝士汁鮮蝦意大利粉，所以就主力評下佢啦。車打芝士汁個texture係「杰身」，唔會

Happy Friday, 今晚同老婆專登搵間平時好少去的地方食晚飯，呢個地方就是坑口。而且餐廳地點又十分特別，就是係新開的將軍澳單車運動館𥚃面，感覺很新鮮！找到了餐廳，這個coffee shop很乾淨很新感覺好舒服，坐窗囗位置又可以望見運動場外的景色。我們首先點了前菜，三文魚凱撒沙律，好大盤，菜好新鮮好清新。之後再來個安格斯牛扒加薯條，要七成熟啦，牛扒好厚下，肉質鮮美，配埋燒烤汁十分野味呢。跟著就Order咗個海鮮Pizza，有大大隻鮮🦐係Pizza度，皮係用薄批呢，而且好脆，味道濃郁，我是好喜歡的😋😋😋特濃朱古力沙冰，味道確係一流，正！另外熱飲就係洋甘菊花茶，也是很好👍最後甜品就係朱古力心太軟，係有兩個雪糕球，所以要等十分鐘也是值得😋😋