牧羊少年咖啡館 (香港單車館)

营业中

休息中

早早之前經過將軍澳單車館，好奇入去睇一睇。入面好大好靚，周圍又多休憩用地，草綠如茵，環境非常舒適。行到盡頭有間cafe，牧羊少年咖啡館原來有分店位於將軍澳，餐廳好大，望住大大個草園，感覺好休閒。我黎到就食個lunch，輕鬆一下！我先叫左一杯泡沫咖啡，入口奶泡輕盈，咖啡幼滑味道唔會好酸，味濃香滑，的確出色。之後我叫左一個smoled salmon caser salad，煙三文魚有三大件，卷成玫瑰花形狀，賣相好吸引，羅馬生菜爽甜爽脆，非常翠綠！加上煙肉和麵包粒，感覺唔會單調！醬汁酸甜唔會膩，好正呀！望住咁靚環境食飯，心情都好啲呀！