牧羊少年咖啡館 (香港單車館)

营业中

休息中

哩間Cafe系我同女朋友嘅「老地方」，唔係指我地系度識，係因為哩度有好重要嘅回憶，不過今次第一次寫篇食評，唔講故仔😂位於將軍澳單車體育館嘅Cafe，除左空間都頗大，入面真系有單車🚲架！我地絕對唔系因為做完運動過嚟食，而系哩度環境好舒適，枱同枱之間夠空間，可以兩個人好好咁傾計。今次係平日夜晚嚟，唔需要等就有位，就算星期六日都好快入座。坐低睇完Menu需要出去counter order。我哋好少order二人套餐，因為我哋都幾細食，套餐有一個前菜，兩個主食，兩件cake同兩杯嘢飲。所以我哋叫咗一個飯、一個意粉，女朋友話想食芝士薯條，就叫多咗個小食，叫咗一杯野飲。漢堡系幾dry下🤦🏻‍♂️好在有啲sauce蕃茄汁甜甜酸酸幾好，份量都幾多。芝士薯條熱辣辣🤤芝士醫溶系面幾正，但要襯佢夠溶快啲食，不過系幼薯條，我女朋友扣左佢分🙊鍾意Peach味嘅我哋淨係叫左哩杯奶酪😋走唔甩餐廳系自助式斟水，會比個牌你等人上餐，哩個時候男朋友要「醒水」去斟杯水翻黎，然後同女朋友selfie下先🙊另外有個App可以儲coin換coupon for 送小食/其他優惠，消費每$50就有一個coin，但coins有期限使用，

難得的假期 想和朋友一起在將軍澳地區 簡簡單單的聊天 又不想光顧大型連鎖的咖啡店 牧羊少年咖啡館是最好的選擇雖然排了一陣子的隊（大約15分鐘）但絕對的值得咖啡店採用了落地大玻璃陽光可以直接透進咖啡廳旁邊更有單車館內的景色讓人感覺放鬆最值得一提的是 我們坐在咖啡廳一整個下午 都沒有店員趕走實是難能可貴個人認為飲品方面比食物出色Green Tea Latte 的拉花很有心思抹茶味濃如果係抹茶控 應該會好喜歡而士多啤梨朱古力亦很有驚喜濃濃的朱古力有淡淡的士多啤梨味感覺不會偏甜食物方面我們點了一個素食的All Day Breakfast和千島醬PizzaAll day breakfast都okay而pizza的餅底略嫌太硬，而餡料有小小咸，可能係千島醬都落重手左在這個舒適的環境下我們就這樣不自覺地渡過了一個悠閒的下午

今日星期日下午去買1杯外賣飲品，但等左好耐好耐，足足等左25分鐘都未有。居然遲我10分鐘落單、叫2杯外賣飲品的客人都已經取了飲品。我已找侍應跟單2次，但仍未有。對呢間餐廳的服務和管理非常失望！當初見餐廳內差唔多坐滿客人，門外又有其他等外賣，所以都有心理準備要等一陣。但過了15分鐘仲未有，就入去問下，侍應話未有。過多一陣再入去，見有人等緊2杯外賣飲品，剛出左1杯，侍應跟單後出埋另1杯比人哋。我見人地張單遲我10分鐘，即時找侍應再跟單，但仍等..好耐...

今日放假，帶肥吉去放電！單車館外既公園，草皮，好適合小朋友跑跑跳跳，盡情放電！都好適合大朋友，紮個營，野個餐，有個悠閒假期。🤗咁大片''綠''地,市區少見～原本已經打算去商場搵食之際，水池旁邊發現牧羊少年，睇過餐牌，有各款西餐，價錢中上，就決定入去一試。😏嘩，上菜啦！扒餐，叫七成熟，黎到五至六成左右，唔錯唔錯，預返鐵板既熱力，唔怕過熟！👍🏻👍🏻👍🏻明太子大蝦意粉，略嫌少左啲汁，偏乾，口味微辣，要讚既係五大隻蝦 ！👍🏻👍🏻👍🏻青醬蘋果蘆筍意粉，味道特別，配蘆筍幾清新，唔知係咪用植物油，如果係就岩哂素食者！三個主菜，兩杯飲品，埋單＄360～

今天同男友到了牧羊少年咖啡館食下午茶，其實之前都黎過食幾次，但係食下午茶都係第一次。這裡環境很好，在單車館內，對出可看到青青草地。見到很多父母帶著小孩來玩耍。餐牌我們點了一個明太子大蝦意粉，意粉感覺較乾身，味道不算特出。另外點了一個餃子烏冬，這個味道不錯，份量也適中。這裡大部分都是自助的，自助到收銀處下單，下單後店員會給你一個牌子，按號送餐。水、餐具等等都是自取的。兩個人食了173，沒有加一服務費用，今時今日算是難得了。

我諗大家都會係食過牧羊少年嘅其他分店，唔知大家有無留意到，原來牧羊少年餐廳每一日分店嘅主題都唔同，另外餐單野食都唔一樣。聽聞好似係大家每間餐廳個老闆都唔同，好似平時嗰啲加盟店咁。將軍澳呢一間餐廳都有好多值得叫嘅野食，例如黑椒蜜糖牛柳粒，英式窩夫配雪糕，京都春日，比利時之戀呢啲都好好食。

呢間牧羊少年咖啡館位於將軍澳，隔離係單車館同運動場，果日做完運動過黎食嘢，餐廳都幾大，坐得好舒服，同埋裝修設計都好靚，女朋友話呢度好浪漫😂Menu好多野揀，而且價錢合理呢個秋葵胡麻餃子好有新鮮感，因為係出面未食過😂餃子d餡好新鮮，估唔到芝麻醬咁配都好食黑椒蜜糖牛柳粒真係冇得彈，首先牛柳粒唔係細細粒，份量都好多，牛柳一d都唔老，唔係全熟架，入口好嫩，呢個真係值得試明太子鮮蝦意大利粉，唔會乾真真，亦唔膩，味道唔錯！蜜糖雞翼都係必食，外脆內嫩整體都好滿意！會再黎

跟女朋友們一起在環境靚靚的餐廳用餐，心情特別好！不止餐廳佈置、擺盤靚，連餐廳周圍的環境也很美。食物和飲品menu也很用心，價位適中。我今天點的特飲荔枝蜜瓜綠茶很特別也好味😋本身個人喜歡微甜，若少甜一點就完美。唯明太子蝦意粉比較失色，溫度不夠熱加上明太子太小沒有口感。還是想要再來跟朋友們聊天拍照的好地方👍💖

年初四同屋企人去食個Brunch-英式全日早餐($78)之前已經食過，非常鍾意佢哋個Allday breakfast，價錢合理得來嘢又大大份味道又唔錯。有香腸、有火腿、有漢堡扒、有炒蛋、有煙三文魚、有牛角包⋯⋯中規中矩！-鮮忌廉黑松露野菌意粉($82)味道好食， 好香黑松露味！但個人覺得太細份， 好似兩啖就食完～-新加坡咖喱豬扒飯($64)唔辣嘅咖喱豬扒，有少少似日式個種。豬扒好淋，抵讚！但係成碟碟頭飯咁，呢個價錢我就覺得唔太抵喇～-意式茄蓉雞扒飯($64)味道正常不過不失！不過真心唔會以啲個價錢去食碟頭飯～都係茶記抵啲😂👍🏼-星期一至五就包普通野飲，特飲半價（我地叫左摩卡、凍香蕉朱古力係要加錢嘅）

呢度環境好幽靜，大聲啲講嘢都驚嘈親人🙈1.凍cappuccino（$34）呢度嘅咖啡都幾好飲，有唔少綿密的奶沫，牛奶比例少d，所以咖啡味出d，唔錯。2.田園炒蔬菜配烤胡麻醬（$58）佢嘅自家製醬汁幾正，唔會太鹹或者過甜，撈落d蔬菜食好滋味。佢居然有蓮藕同埋秋葵啊，超健康！都好鮮甜美味，但係個份量就比較少啦，賣$58有啲貴。3.鮮忌廉黑松露野菌意大利粉（$64）正正常常嘅一個意大利粉，醬汁唔係幾夠，但整體個意粉都唔錯，菇類份量多，黑松露嘅味道係有嘅。

五月份去食過一次將軍澳既牧羊少年，意粉同咖啡都好味，環境都好。今日黎到將軍澳，特登去番牧羊少年坐下，嘆番杯咖啡。環境依然係舒服既，好大間，空間感好好一人叫左杯咖啡熱cappucino，以為喺cafe飲咖啡，拉花一定靚。上次都係飲cappucino，個拉花好靚。但今次就好失望，拉花好唔掂，咖啡都一般。明顯水準比以前差左好多另一杯叫凍cappucino 飲落似咖啡milk shake好過係泡沫咖啡感覺好求其唔會再去，三十幾蚊咖啡係唔值既

是日家母正日生日，雖然早前一家人早已舉行火鍋慶生宴，但作為孝順女，既然正日冇約人都要再同娘親食返餐好嘅想搵間坐得舒服啲嘅餐廳，咁啱最近又申請咗張儲asiamiles 嘅信用卡，所以就揀咗牧羊少年喇。想儲asiamiles 的好選擇👍🏻餐廳樓底高，座位闊落，微黃燈光配合有心思的梳化、餐桌和藝術品擺設，情調滿溢。意粉煮到我最愛的Al dente 口感👍🏻pizza 中規中矩，略嫌醬太多芝士蛋糕用印花換，正好當作生日蛋糕😆

一直都係牧羊人少年咖啡館既忠粉，知道佢地喺將軍澳果到開左分店。莫名去試下。成日去開荃灣果間，一黎同將軍澳哩間真係好大對比。店內地方好寬敞，樓底好高。枱同枱之間好闊落，坐得舒服之餘傾起計上黎保持一定既私隱度。一邊超大落地玻璃窗，望住個大草地。夜晚未必睇到咩景，但日抖黎一定好舒服。內部裝修都用返單車館哩個主題，牆身有單車做裝飾，一如既往有書櫃，另外仲有一邊牆掛住左啲油畫，油畫隔離既電視播放住果個藝術家既訪問。比起其他分店，哩間更文藝，更清幽自在。餐廳係半自助式，落單同水都要出到Bar枱果邊。落單後拎住個號碼牌返位，野食就會由店員送上。晚餐有兩個套餐：「雙雙對對」同「大食四方」即係二人餐同四人餐。我地兩個人就叫左個二人餐，小食係9款㨂1款，我地叫左：黑椒蜜糖牛柳粒份量都唔少，粒粒都有蜜糖味。口感岩岩好，唔會太熟，仲可以保留到啲肉汁。大細適中，一啖一粒都仲可以保留到儀態。如果唔夠可以另外叫小食，隔離枱叫左沙律，個樣都好吸引。主食係7款㨂2款，我地叫左：鮮忌廉黑松露野菌意粉 同 意式茄蓉雞扒配香米飯鮮忌廉黑松露野菌意粉：賣相一般，好似好素好淡味。但食落好creamy，忌廉同野菌味都好香，唔會膩。

將軍澳單車館 除咗牛下女車神出名之外隔離嘅單車公園同樣係假日之選每逢週末 就有一家大細嚟公園野餐 好不熱鬧難得入到嚟將軍澳 一定要參觀下呢個世界級嘅單車館喺單車館入面有一間叫做《牧羊少年咖啡館》嘅cafe呢間cafe嘅裝修非常休閒 寫意樓底超高 空間感十足今日夜晚嚟食晚飯 人少少靜靜咁傾下偈 睇下書 嘆下咖啡 優哉悠哉想舒舒服服咁過一個夜晚就梗係唔少得美味嘅食物小食《 芝士薯條》係熱辣辣 脆卜卜嘅薯條上面淋上咗熱溶芝士芝味突出 帶有咸香熱辣辣食勁正前菜《煙三文魚凱撒沙律》煙三文魚份量多羅馬生菜亦爽脆新鮮凱撒沙律醬預先已經和沙律菜伴好令醬汁平均分佈係羅馬生菜上主菜《新加坡咖哩豬扒配香米飯》咖哩味道香濃 帶有椰汁香氣豬扒juicy多汁 絕不鞋口除咗豬扒之外 伴菜蘿蔔亦炆得非常淋身《凍蜜桃綠茶》甜度剛好裏面仲有大大粒嘅蜜桃果肉蜜桃甜美 綠茶又清新至於甜品《朱古力心太軟》就真係相當好食朱古力蛋糕外面鬆脆一切開就見到流心濃郁嘅朱古力配埋雲呢拿雪糕一口冰涼 一口暖心 雙重享受呢間《牧羊少年咖啡館》真係超級值得推介去完戶外大草地再嚟食番個下午茶 嘆番杯咖啡休休閑閑咁過一日做一日偽文青

今晚同朋友出開將軍澳，參觀香港單車館，附近有間餐廳叫牧羊少年咖啡館。餐廳裝修優悠，好自在舒適的感覺，又有少少文化的氣息，外面是水池，夜景好正，好似去咗外國餐廳一樣。店員安排我們坐近窗口位，坐位好舒服，店員提示我們先到收銀購票，態度親切和友善。首先叫咗個雞翼，又熱又新鲜，好脆，口感一流。另外叫咗個野菌黑松露忌廉意粉，意粉份量十足，黑松露味道好濃，好多汁，雜菌又多又美味。是必食推介。另外叫咗個pizza。同樣有水準。薄餅新鮮又有口感，配料十足。至於沙津份量十足，真係好豐富呀。蔬菜又夠新鮮。好回味。煙三文魚好新鮮。另外芝士薯條也是必食之選，芝士又多又香，薯條又夠熱，口感一流。综合各方面，這間食店是值得推介的。