影片
更多
2021-12-08
93 浏览
餐廳位於銅鑼灣廣場二期隔離嘅 The L. Square，The L. Square 係一幢銀座式嘅商廈，食肆小店林立，牡蠣小屋喺十樓，裝潢以淺木色為主調，一入門口左手邊係一列吧枱，可以欣賞到師傅嘅功架，右手邊有啲 Tatami，充滿日本小店嘅感覺。三陸牡蠣黑啤，酒體呈黑色，入口可以飲到微微嘅草本、果香同 Dark chocolate 嘅香氣，尾韻則有烤麥芽同埋牡蠣嘅鮮味，啤酒用咗三陸廣田灣產嘅牡蠣連同牡蠣殼一齊釀造而成，牡蠣殼係相當好嘅發酵素材，而牡蠣肉就給予黑啤酒更多嘅深度同鮮味，口感豐富卻清爽回甘，係一款非常有特色嘅風味啤酒。明太子芝士玉子燒，玉子燒口感滑嫩，帶有微微嘅蛋香，本身微甜，但係喺明太子嘅內餡助攻之下，吊起咗個鹹味，加上芝士嘅香氣，非常出色。免治雞肉串燒，免治雞肉內含少許軟骨，口感層次豐富，味道係經典嘅日式燒汁，配以日本蛋黃嘅濃香，味道很好。kagura 彩虹魚生飯，魚生飯嘅魚生係裝咗喺一個玻璃樽入面，賣相非常特別，食之前將魚生倒出嚟舖喺飯面，刺身種類豐富，海膽新鮮甘甜，最得意嘅係有啲磨成蓉嘅淮山喺裏面，口感非常特別。燒牡蠣飯團，廚師將燒飯團嘅火侯掌握得啱啱好，外層脆卜
餐廳位於銅鑼灣廣場二期隔離嘅 The L. Square，The L. Square 係一幢銀座式嘅商廈，食肆小店林立，牡蠣小屋喺十樓，裝潢以淺木色為主調，一入門口左手邊係一列吧枱，可以欣賞到師傅嘅功架，右手邊有啲 Tatami，充滿日本小店嘅感覺。
三陸牡蠣黑啤，酒體呈黑色，入口可以飲到微微嘅草本、果香同 Dark chocolate 嘅香氣，尾韻則有烤麥芽同埋牡蠣嘅鮮味，啤酒用咗三陸廣田灣產嘅牡蠣連同牡蠣殼一齊釀造而成，牡蠣殼係相當好嘅發酵素材，而牡蠣肉就給予黑啤酒更多嘅深度同鮮味，口感豐富卻清爽回甘，係一款非常有特色嘅風味啤酒。
明太子芝士玉子燒，玉子燒口感滑嫩，帶有微微嘅蛋香，本身微甜，但係喺明太子嘅內餡助攻之下，吊起咗個鹹味，加上芝士嘅香氣，非常出色。
免治雞肉串燒，免治雞肉內含少許軟骨，口感層次豐富，味道係經典嘅日式燒汁，配以日本蛋黃嘅濃香，味道很好。
kagura 彩虹魚生飯，魚生飯嘅魚生係裝咗喺一個玻璃樽入面，賣相非常特別，食之前將魚生倒出嚟舖喺飯面，刺身種類豐富，海膽新鮮甘甜，最得意嘅係有啲磨成蓉嘅淮山喺裏面，口感非常特別。
燒牡蠣飯團，廚師將燒飯團嘅火侯掌握得啱啱好，外層脆卜卜，燒到有少少好似飯焦咁嘅口感，但係內裏嘅蠔肉依然保持住水潤 Juicy，沒有過熟老柴嘅情況，值得一讚。
日本生蠔涮涮鍋，嗰六隻涮涮鍋嘅生蠔隻隻都有手板咁大，店員細心提醒水滾之後放啲蠔肉落去煮 30秒就可以夾上嚟食，30秒個效果果然非常好，五成嘅熟度，既又有生蠔嘅鮮味，亦帶熟蠔嘅蠔香，野菜、蘿蔔、金菇以及京蔥索盡蠔肉嘅鮮味，更為吸引。
张贴
