影片
更多
2023-09-27
628 浏览
港女男朋友除咗最鍾意食日本嘢，仲好鍾意食蠔，今晚一次過滿足佢兩個願望，但係佢嚟食全蠔宴。一入門口已經見到佢啲蠔擺晒喺度，全部都係日本新鮮直送，好吸引。佢個地方唔係好大，但係都有唔同嘅位置適合唔同嘅人數。例如有榻榻米，有吧檯，都有普通檯，岩晒唔同需要。上網見到個個都嗌清酒蒸蠔，我哋都叫咗六隻嚟試吓。佢蒸好之後就即場幫你開，見到真係隻隻都勁飽滿，未食都開心。我哋揀咗其中三隻係加芝士，職員會喺你面前大大塊芝士批落嚟俾你，亦都提醒你要食左有芝士吧蠔先，因為如果凍咗嘅話，芝士會變返硬而會影響口感。加咗芝士嘅號係會多咗浸鹹香味，估唔到又幾夾。另外三隻就係原味食，見到隻蠔咁飽滿，脹卜卜，仲好先鮮味添。食完蒸嘅仲唔夠，我哋仲叫咗一份吉烈蠔。佢嘅吉列蠔炸到外面好鬆脆，裏面好Juicy，仍然保持住蠔本身嘅鮮甜味，佢仲跟咗啲沙律俾你解膩添。除咗吉列蠔之外，我哋仲叫咗佢哋嘅吉列黑毛豬豬扒，佢嘅吉列唔算厚粉，厚切嘅豬扒唔會好乾身，而且個份量都好大份，其實都幾膩下架。另外我哋仲試咗佢個北海道海膽釜飯，其實個飯一路都擺咗喺我哋面前煲緊，所以真係原煲生米煮成熟飯。個飯本身會有啲櫻花蝦米同埋一啲菇類，蒸熟晒之後，職員就
一入門口已經見到佢啲蠔擺晒喺度，全部都係日本新鮮直送，好吸引。
佢個地方唔係好大，但係都有唔同嘅位置適合唔同嘅人數。例如有榻榻米，有吧檯，都有普通檯，岩晒唔同需要。
上網見到個個都嗌清酒蒸蠔，我哋都叫咗六隻嚟試吓。佢蒸好之後就即場幫你開，見到真係隻隻都勁飽滿，未食都開心。
我哋揀咗其中三隻係加芝士，職員會喺你面前大大塊芝士批落嚟俾你，亦都提醒你要食左有芝士吧蠔先，因為如果凍咗嘅話，芝士會變返硬而會影響口感。加咗芝士嘅號係會多咗浸鹹香味，估唔到又幾夾。
另外三隻就係原味食，見到隻蠔咁飽滿，脹卜卜，仲好先鮮味添。
食完蒸嘅仲唔夠，我哋仲叫咗一份吉烈蠔。佢嘅吉列蠔炸到外面好鬆脆，裏面好Juicy，仍然保持住蠔本身嘅鮮甜味，佢仲跟咗啲沙律俾你解膩添。
除咗吉列蠔之外，我哋仲叫咗佢哋嘅吉列黑毛豬豬扒，佢嘅吉列唔算厚粉，厚切嘅豬扒唔會好乾身，而且個份量都好大份，其實都幾膩下架。
另外我哋仲試咗佢個北海道海膽釜飯，其實個飯一路都擺咗喺我哋面前煲緊，所以真係原煲生米煮成熟飯。個飯本身會有啲櫻花蝦米同埋一啲菇類，蒸熟晒之後，職員就會幫你將海膽同埋三文魚子放埋上去，再加埋切咗絲嘅紫蘇葉，成個飯真係好靚。
你可以選擇將啲餸撈埋或者係分開食，我哋就選擇左撈埋，每一啖飯都可以食到海膽同埋三文魚籽。
最後壓軸嘅係牡蠣泡菜鍋，泡菜湯底嘅shabu shabu，因為呢一隻蠔係唔能夠生食，所以都要早啲時間先至可以食。
煮熟咗嘅時候，所有菜都林晒，索晒啲泡菜湯，小小辣咁，幾惹味。
以呢度嘅服務同埋食材嚟講，呢個價錢算係咁，兩個人都食咗14隻蠔，再加埋其他嘢食，其實真係好飽。
张贴
