牡蠣小屋

营业中

休息中

呢間由日本人主理主打食蠔既牡蠣小屋KAGURA，主打來自兵庫，北海道既生蠔，無論係裝修上或者係菜式方面，都充滿日本風情，就連員工溝通都用日文，好似置身係日本咁樣，一解思鄉之愁。和牛卡爾帕喬 $148用上日本和牛切成薄片，鋪係洋蔥上面，味道十分清新。和牛既口感嫩滑，油脂分佈平均，香氣十足。鐵盒燒生蠔 $240/6pcs + 拉克萊特芝士 $43/3pcs6隻大大隻既日本生蠔會放係鐵盒入面燒，鐵盒入面會加入清酒，等生蠔可以吸收清酒既香氣。店員係等差唔多燒完既時候會係你面前開生蠔，一打開個鐵盒既時候清酒香味非常濃，已經忍唔住即刻食。蠔身十分飽滿，都幾大隻，帶有微微既海水味，少少creamy，好好食。另外我地三隻蠔會係上面加埋即燒拉克萊特芝士，芝士香味濃但係又唔會搶左生蠔既鮮味，味道十分之夾。北海道海膽釜飯 $380上枱既時候店員會問需唔需要加紫蘇，之後會係面前加入海膽同三文魚子，再混埋一齊。釜飯係用高湯黎煮，加埋菇同蝦，啖啖都十分鮮味，食到最底仲有少少脆口既飯焦，非常惹味。