牡蠣不如帰

营业中

休息中

之前試過金色不如帰覺得幾好食,今次試下呢間牡蠣不如帰睇下質素係咪一樣先🙈《黑松露涼拌海蜇 $68》呢個涼拌海蜇好爽口,黑松露味好香,不過醬汁較咸,食到落底覺得有啲重口味🫢《黃金牡蠣煎餃 $75》呢個牡蠣煎餃個牡蠣本身有調味,都係偏咸🫢《牡蠣鹽味拉麵 $118》呢個牡蠣拉麵反而唔錯,蠔味幾香,相對比較清,拉麵既質地幾彈牙,煮得啱啱好👍🏻《極旨螃蟹套餐 $198》呢個係期間限定既套餐,螃蟹湯拉麵每日限量50碗架喳🙈《螃蟹湯拉麵 $148》呢個拉麵既蟹湯好濃郁,蟹味好岀,值得一試👍🏻《黃金蟹肉餃子 $88》蟹肉餃子個蟹味好岀,好食過牡蠣煎餃😂《醬漬牡蠣一口飯(2件) $68》呢個醬漬牡蠣一口食就幾好食,呢個反而唔覺得咸,可能有舊飯中和左,推薦👍🏻《菇燒牡蠣串 $68》呢個牡蠣串個調味都係比較重,醬汁較濃😂整體牡蠣既調味比較重,食完覺得好咸好口乾🥹拉麵既質素係唔錯既,但主打牡蠣🦪既話主角反而做得麻麻,比想像中失色🥲不過店員服務態度唔錯,好有禮貌👍🏻牡蠣不如帰銅鑼灣百德新街57號Fashion Walk地下A號舖[⭐️5分為滿分]味道⭐️⭐️⭐️環境⭐️⭐️⭐️⭐️服務⭐️⭐️⭐️⭐️⭐️價錢⭐️⭐️⭐️推薦⭐️⭐️⭐️

作為蟹既fans，得知呢間拉麵店出左限定蟹既新品，梗係即刻黎食啦🤤🤤 🦀螃蟹湯拉麵 + 🦀🥟黃金蟹肉餃子：套餐價$198 以上兩樣如果分開叫，分別係$148＆$88。如叫套餐，價錢平幾十蚊，梗係叫哂兩樣扺食啲🤭 🦀螃蟹湯拉麵：原來係蒸焗左大量三星蟹整成蟹湯，同時又加入紅蟹既蟹油，唔怪得拉麵一上枱已經聞到一陣濃厚既蟹湯味啦🤩🤩 食食下仲發現仲有啲蟹肉醬，食到有一絲絲既蟹肉，蒸拉麵既軟硬度適中，唔會太淋，呢碗麵有多重層次，絕對值回票價同埋會Encore👍🏻👍🏻👍🏻 🦀🥟黃金蟹肉餃子：一碟有5隻，但由於忍唔住，所以食左2隻先記得影相😂，入面有1:1既蟹肉＆豚肉，餃子亦煎得好香脆，誠意十足。👍🏻👍🏻 🍜牡蠣鹽味拉麵$118：食拉麵湯底好重要，呢款有三重湯底，蠔+豬骨+魚，一食落口第一啖感覺到蠔味，隨之而來有豬骨同魚湯既鮮甜味，有多重層次。低温叉燒唔會太肥或煮得過老，又係一碗令人有驚喜既拉麵。 🍤牡蠣野菜天婦羅$88：全部都好有驚喜，2隻蠔都好新鮮，仲食到有啲新鮮既海水味，連平時唔食蠔既我都讚👍🏻，另一驚喜位係秋葵，秋葵入面竟然釀左啲明太子，味道出奇地夾，亦係第一次見。仲有另一炸物係粟米，天婦羅

哩間拉麵舖和平時喺香港食既好唔同，佢哋主打海鮮湯底拉麵，以蠔姐係牡蠣做主打，近排仲有蟹拉麵，今次可以一次過食兩款唔同嘅口味。鹽味牡蠣拉麵呢個拉麵最緊要將上面自家蠔醬和湯攪勻，湯底味道先會突出，湯底很鮮，蠔味非常濃。麵是幼幼的，煙靭帶咬勁，唔錯。螃蟹湯拉麵呢個餐牌有說明，係雞湯做底，再配以三星蟹去焗出嚟嘅湯。最特別係湯上面的蟹油，和麵湯一齊食，很香。湯入邊會有塊檸檬，作用是中和湯的油膩感，我就建議唔好好似凍檸茶咁篤吓個檸檬，唔係會酸得滯，影響食味。牡蠣野菜天婦羅這裏的小食非常出色，牡蠣天婦羅和蟹肉餃子是必食。天婦羅炸得非常之好，漿粉很薄。蠔新鮮嫩多汁，旁邊的蔬菜天婦羅也很美味。黃金蟹肉餃子蟹肉餃子非常有蟹嘅味道，如果不是餡料質地有豬肉，差點認為全隻餃子餡都是用蟹肉做的。另外來自日本既巨峰梳打汽水和白桃焙茶都是必叫飲品，唔會好甜，好好飲!

第二次去幫襯，因為喺附近剪頭髮。之前時常幫襯尖沙咀店。第一次去銅鑼灣呢間都OK嘅正常服務囉。今次再去，男服務員態度就認真麻麻。講咗食物先啦 - 叫咗螃蟹拉麵同埋豬骨湯拉麵例牌相當好味，餃子就麻麻哋豬肉好騷。佢有杯飲品 - 凍白桃味焙茶呢個就兩次都有飲都幾好飲值得推介。講返服務，第一次係正常不過都唔覺係米芝蓮服務。6月19號呢次去就直頭要摘星。男服務員亦都係其中唯一一位，冇態度冇服務冇笑容。其實真係唔係好明做服務性行業為何冇服務嘅態度？冇聽劉德華講嘢嗎?

上次行過，已經好想試，今日有機會去銅鑼灣，所以一定要嚟食！😋🥰之前食過尖沙咀金色不如帰，我估呢間可能係同一個集團……啩😅😅因為時間尚早，店內沒有太多人。六點前有兩款套餐可以點，因為真的很愛吃拉麵🍜所以就叫咗拉麵套餐。我要了牡蠣湯底，朋友要了黑胡椒湯底，包了兩個小吃同沙律。沙律很特別，不只是青菜，那些黃椒是用醋醃製過的，酸酸甜甜，十分清新！飲品要了紅菜頭薑茶，也很清潤，很好喝。這個麵真的可以連湯底一齊飲晒！🥰🥰

位於銅鑼灣的「牡蠣不如帰」，原來是米芝蓮一星「金色不如帰」的姊妹店。店內裝修充滿和風，我被那幅大頭少女牆身吸引着！原來下午六點前還可以叫午餐吃，午餐包前菜、拉麵、小食、飲品或甜品。價錢是$158加一，相比單點拉麵，當然抵食好多！我和朋友各自點了牡蠣鹽味拉麵及煙燻黑椒豚骨拉麵。牡蠣鹽味湯底，原來是招牌拉麵，湯頭鮮甜，配上叉燒兩片及火箭菜，麵質相當有彈性。至於煙燻黑椒豚骨，黑椒味濃，拉麵爽口彈牙！小食也很可口，餃子充滿着牡蠣味，值得一試。我之前買了恆隆商場的現金券，在這裏可以用兩張$50的現金券，今餐我只需補$74。

自己好鍾意食生蠔但係香港真係好少食🫠特別而加天口熱又怕變壞今日出開銅鑼灣百德新街行街買衫走走下肚餓見到呢間拉麵店見冇匯等就直接走入左去了🤭餐廳裝修都幾少女好粉紅又好夢幻咁完全唔似一間拉麵店知道品牌主力做蠔拉麵毫無懸念我都要叫番碗試試先啦🤭湯麵味道有點就一般湯頭相對比較淡口可能自己較喜歡濃味湯底多少少返而個小食出乎意料之外ok ✨呢道菇燒牡蠣串蠔味幾出幾惹味嘅又有燒汁係上面可能碗麵淡口食個濃味啲嘅串燒份外衝擊😌總括嚟講係一間連鎖品牌嘅拉麵店食物品質OK但唔會話好驚艷個人覺得裝修反而可以改進一下😅因為整體個感覺有啲奇怪成間餐廳好粉紅少女但又食物個主題又走日本麵食感覺好唔日本又帶啲港式😂不過可能啱啲鍾意打卡嘅女仔嘅

📍 牡蠣不如帰 Ramen House Hototogisu🌍銅鑼灣百德新街57號Fashion Walk地下A號舖Shop A, G/F, Fashion Walk, 57 Paterson Street, Causeway Bay📝整體評分：８／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝ 極旨螃蟹套餐＄１９８ ⤫螃蟹拉麵 ⤫ 期間限定，比招牌米芝蓬牡蠣拉麵仲要好食！！！秘製蟹湯加上雞湯，濃郁厚實，煉製蟹油點綴，鮮美清甜。⤫ 黃金蟹肉餃子 ⤫ 蟹肉滿滿多左份鮮甜少左份油膩～呢到餃子皮比平時食到嘅較煙韌同薄。⤫ 牡蠣鹽味拉麵 ⤫ ＄１１８呢碗拉麵好多花臣，第一啖味道好熟悉，好似意粉味，原來係意大利蕃茜，中日合壁；亞重湯底，蠔、豬骨同魚，柔柔嘅貝殼類嘅鮮味；自家製蠔醬蠔油昇華哂成碗麵~⤫ 牡蠣野菜天婦羅 ⤫ ＄８８細節位做得好，平時食到炸蠔都油笠笠，但呢到一咬落去係無呢重感覺，卻散發蠔陣陣海水味。⤫ 白桃焙茶＄３５ ⤫ 木村梳打白桃氣水 ＄３２⤫

係銅鑼灣 兩三點呢啲時間又肚餓 食搵左呢間牡蠣不如掃可能係平日既兩三點 成個場無乜人 一行入去仲以為係落場時間 即刻點佢而家推介既螃蟹湯拉麵 加埋個牡蠣餃子一黎到 飲㗳湯 好鮮甜 繼續食落去 溝埋啲cream 食 預計唔到加埋咁特別 食食下我先留意到原來入面有檸檬 難怪會有陣清新既味 食落無咁漏 不過佢就唔會好似其他拉麵店咁會問啲麵既軟硬度我略嫌有啲淋得滯 爽口會好食啲不過都算係對得住個價錢既跟住食埋個餃子一咬落去好勁既蠔味 好鮮味既 不過我就唔算好鐘意呢個味道啦

牡蠣鹽味拉麵套餐*Time : Jun 2023, Lunch*Price : $174-HKD *Place : 牡蠣不如帰*Review : 感覺比較遠所以一直沒試，今次去睇黃鴨順便就過來攻略。- 牡蠣鹽味拉麵：湯是鹽味清湯，就是函館吃到的那種，味道清啖帶點咸，但這裡加了用蠔制成味道極濃的醬，提升湯的層次感，先咸，再到蠔的咸鮮味，至於麵條，聲稱用北海道麵粉制成，吃起來的確比平常吃到的更口感綿密，也有一點像吃麥包的味道- 牡蠣餃子 ：就是加入蠔及豬肉製成的餃子，口感上多了吃蠔的creamy感覺整體是不錯的，湯的味道很特別，絕對可以飲清光，不過整體份量有點小

天氣咁熱，冇理由打邊爐或者食燒肉，朋友提議去銅鑼灣食拉麵，話味道唔錯，一於去試吓😋餐廳裝修優雅，座位寬闊，店員有禮貌☺️招牌牡蠣鹽味拉麵～枱頭有餐牌介紹食法，湯頭唔同位置，配合京蔥、蠔醬，會有唔同嘅味道。加埋其他配料一齊食，味道更加多元化😇新推出螃蟹湯拉麵～蟹肉醬、鮮蟹油、慢煮叉燒、麵質幼細彈牙、加埋特濃蟹湯，整碗麵好食到不得了，連一滴湯都冇剩😅黃金蟹肉餃子～第一次食，超正👍炸雞件～外脆內裏Juicy，水準之作👏最後加埋巨峰梳打汽水，蘋果配茶，呢一餐好完美😊

同事想去呢間餐廳食牡蠣好耐，前排終於約左去！最近仲有蟹拉麵套餐，$198就有蟹拉麵同蟹餃子，超吸引！🦀️極旨螃蟹套餐 $198 （包螃蟹湯拉麵、黃金蟹肉餃子）-螃蟹湯拉麵：湯底超香濃蟹味，特別係紅蟹煉製蟹油好香口，啖啖拉麵都充滿蟹鮮香味。拉麵texture都唔錯-黃金蟹肉餃子：係1:1 比例嘅豬肉同蟹肉，食落去有蟹王味道，幾特別。🦪牡蠣野菜天婦羅 $88-個人覺得呢個係必食之選，特別係個牡蠣野天婦羅，放在蠔殼上賣相好特別，薄薄香脆天婦羅皮内大大隻蠔肉，juicy鮮甜。另外野菜天婦羅都好清甜。🍜豚骨辛拉麵$115-鍾意食辣嘅話必點！辣肉醬係粒粒肉碎撈上豆，好辣香惹味，刺激味蕾！ 飲品都用心，特別推介洛神花茶（熱）$38， 好濃好fruity果香。另外仲有木村梳打氣水（巨峰） $32，配拉麵一流！

之前在商場買了e~dining coupon, 見未試過這間拉麵店，便趁此機會試試。店舖面積不大，但簡潔雅致，橙色氛圍令人感覺清新精神。由於當天吃了late lunch, 進店時不太餓，一行二人，每人只點了一碗拉麵:■ 螃蟹湯拉麵 $148 先講湯底，蟹湯鮮甜，無味精，蟹肉醬吊起湯底，令味道昇華至更高層次。慢煮叉燒夠淋身，麵身軟硬適中，無梘水味，一讚。■牡蠣鹽味拉麵 $118 鮮牡蠣的湯底突出，喜歡吃的一定不會失望。雖然是鹽味拉麵，但不會死鹹，味道夠鮮。再光顧指數: ☆☆☆☆下次想试燒同餃子等小食，順帶一提，如能6pm前光顧，有一定食set更抵食呢。包一碗拉麵，小食，飲品，只是大約$148。

我比較喜歡嘅拉麵店絕對有「金色不如帰」份，食過幾次都覺得好高質近期推出新系列「蟹」，啱晒鐘意海鮮嘅去品嘗😋🦀螃蟹湯拉麵🥟$148新出嘅金黃螃蟹湯底，味道極度濃郁，鮮味到直接飲咗幾啖，飲落有啲似龍蝦湯咁濃味，當中有蟹湯、鮮蟹油、蟹肉醬、京蔥、慢煮叉燒、火箭菜，非常豐富嘅材料組合，完全係大推嘅口味，最鐘意反而係火箭菜同湯底、拉麵混合，火箭菜香味好搭配🉐🥟黃金蟹肉餃子💰$88日式餃子入面有黃金1:1蟹肉豚肉比例，味道口感層次豐富，食到蟹肉鮮味🍜牡蠣鹽味拉麵💰$118湯底有牡蠣，微微鹹味，味道鮮甜濃郁，日式叉燒煮得又腍又好食、加埋紫洋蔥火箭菜，整體口感豐富有層次，好鐘意🉐🦪菇燒牡蠣串💰$62用上日本廣島線，包住直菇同新鮮紫蘇葉、風乾火腿，用汁燒方法燒得入味又香口，色香味齊晒，牡蠣都幾多汁，鐘意紫蘇葉嘅朋友絕對會鐘意🉐🍑凍白桃焙茶💰$35呢杯似白桃果汁，茶味唔濃，食完飯夜晚令都唔怕瞓唔着，食完味道豐富濃郁嘅拉麵，飲番啖特別正，必飲🉐🍋熱紫蘇雙檸洛神花茶💰$38有凍飲有熱飲，我就鐘意熱飲，檸檬洛神花微酸，可一解油膩感又舒服🉐

繼貝汁醬油拉麵、牡蠣鹽味拉麵後🦪，呢間東京一星拉麵店近日又推出新品 - 螃蟹湯拉麵🦀，自問係拉麵控嘅阿叔當然要嚟幫襯試吓啦！😘😘😘 🍜螃蟹湯拉麵 ($148)蟹湯以自家製嘅雞湯作底，再加入大量三星蟹🦀秘製而成，配以新鮮活紅蟹製成嘅蟹油，湯底味道既濃郁，又鮮甜，飲到啖啖蟹鮮味之餘🤤，亦唔會太膩，實屬阿叔嘅真心推介，包你一飲就愛上！👍🏽👍🏽👍🏽 配料方面，除兩片肉質結實、口感柔軟嘅慢煮叉燒🐖外，更有京蔥、酸奶油、火箭菜等。阿叔最錐意拉麵、叉燒連京蔥一齊食，口感豐富之餘，味道更會多份清新感！😋😋😋 🥟黃金蟹肉餃子 ($88)一份5隻嘅蟹肉餃子，入邊包住蟹肉🦀同豚肉🐖，只要輕輕咬開，肉汁就會流出，非常Juicy！🤤 ☝🏽不得不提，螃蟹湯拉麵同蟹肉餃子只係期間限定，而且每日只限賣50份🥹，要一嚐呢份蟹嘅鮮味，絕對要趁早呀，口快有，口慢就無架喇！🤭🤭🤭