牡蠣不如帰

营业中

休息中

今次慕名而來試呢間米之蓮級既拉麵店，呢間拉麵分店以“蠔”為主題，所以叫牡蠣不如帰。餐廳既裝潢好時尚有格調。同朋友一人叫左set，有沙律、拉麵、小食、野飲，都算抵食。沙律菜勁新鮮，醋汁仲加上黑松露醬，精緻。牡蠣鹽味拉麵真係必食，個湯超濃蠔香味，係用幾十斤鮮蠔慢煮淆成，配埋魚湯豬骨湯，夠哂香濃。拉麵仲加上新鮮製既牡蠣醬同鮮蠔油、花蟹油，仲有好多新鮮蔬菜，火箭菜、紫洋蔥粒、京蔥粒，蕃茜，口感特別豐富，有唔同層次感。另一款拉麵叫左煙燻黑椒豚肉，湯就唔係蠔湯，但一樣香濃，加上黑椒，格外多一點惹味口感。叉燒同豚肉都夠哂嫩，加配多隻溏心蛋，正。自家製牡蠣餃子，第一次食蠔餃子，好驚喜，出色。唐揚博多華味鳥，雞肉肉質嫩，好味。

知道米芝蓮拉麵店，金色不如歸開咗新嘅副線拉麵店，呢一間杜蠣不如歸主打用蠔煲嘅湯做拉麵嘅湯底，湯底真係好鮮，如果你係蠔迷嘅話一定會鍾意，但係唯一失望嘅係，當你一心以為入邊會食到淡淡的蠔肉，其實裏面係冇蠔架⋯⋯⋯如果想要食蠔嘅話，就可以點佢哋嘅蠔餃子或者醬漬蠔，我嗰日就兩樣都點咗，個餃子幾乎食唔到有蠔，蠔味亦都唔算突出，可以掠過；另外個醬漬蠔反而有驚喜，包埋紫菜食，再配埋佢哋嘅醬汁，好好食整體嚟講，成餐飯有啲小失望嘅，食蠔嘅拉麵店，點不知拉麵入邊根本就冇蠔⋯⋯食物水準中上啦，服務都冇咩特別，人均落樓都要$200左右，性價比唔算高，試過一次就好了。

一直都好鍾意食貝類海產，尤其係飲蜆湯同食生蠔🥰位於銅鑼灣百德新街既牡蠣不如帰主打牡蠣，岩晒我口味。佢亦同榮獲米芝蓮一星既金色不如帰係姊妹店，相信水準都有一定保證！👀餐廳尚算闊落，檯與檯之間既距離令人感到舒適，無壓迫感！🦪醬漬牡蠣一口飯賣相唔錯，鬆脆既紫菜包住用蠔湯煮既飯粒同用醬油漬既牡蠣。濕潤既米飯充滿鮮味，廣島蠔經醃製後鮮甜可口，再加上店舖自家製既蠔醬，簡直係味蕾既享受🫶🏻。唯一可以挑剔既地方係紫菜既質感，一拎上手就痴笠笠，同埋要一口鯨吞，分開幾啖食會略顯狼狽！🙈🍜牡蠣鹽味拉麵湯頭以蠔，豬骨同魚熬煮而成，顏色清澈，上檯前會店員會添加自製蠔醬同鮮蠔油，湯底會呈現更多層次。火箭菜，紫洋蔥同其他蔬菜🥬可以減低油膩程度同令湯底帶些少甜味，令人胃口大開！用上幼身彈牙既蕎麥麵，麵粉無鹼水味。低溫叉燒比較遜色，建議可以配原隻牡蠣，更符合餐廳主題。🍜白豚骨拉麵食拉麵又點少得經典豚骨口味呢😌湯底以十幾斤豚骨熬煮，香氣撲人，再加入預先爆香既洋蔥絲，湯頭既保留左豚骨既香味，又有獨特既蔬菜甘甜味，豚骨拉麵同招牌拉麵都有其過人之處！半肥瘦既叉燒腍身，充滿油脂，只得薄薄兩片真係唔夠喉！😛📍牡蠣不如帰 銅鑼灣百德

豬骨甚至乎蝦湯底的拉麵就食得多，今次真心想試下豪拉麵，米🐷連，果然不同！餐廳主打豪，我和朋友當然就係點豪拉麵，雖然拉麵配料無豪，不過湯汁就充滿豪的鮮味，湯先係全碗麵的精髓，配料有三塊薄切的叉燒，係慢煮，雖然真係比出面的簿，不過薄得來係幾好食，慢煮不油膩，有入口即溶的感覺！拉麵沒有附送🥚，所以我們就主動追加了一隻糖心蛋$15，待應好貼心，主動對我們說可以切一半，拱就可以試下其他小食，糖心蛋大細適中，蛋黃係橙紅橙紅相信係日本🥚，味道中上，流心程度適中，唔會水汪汪，係我鐘意的糖心蛋，下次真係可以自己食一隻，價錢$15比起出面$10隻係貴少少，不過係對得起個價錢！小食方面，我們叫了煎餃，豪串及豬腩肉，出面拉麵店的餃子皮通常比較厚，放久了會硬，但係此餃真係不同彼餃，皮薄又不會煎到硬實實，－啖一隻令人食唔停！豪串係包住薑片，酸酸地幾醒胃，至於腩肉都係簿切彈牙，好似人地蒜泥白肉拱的質地！總括而然，物有所值，係－份錢－份貨的大前題下，重質不重量男士食一碗可能未必夠飽，不過餐廳都有井領供應，午市仲有lunch set，包埋飲品都係$128 或者$158真係好想食呀！

牡蠣不如帰係東京米芝蓮拉麵店金色不如帰的姊妹分店。新出了限定的螃蟹湯拉麵，好想試。店內色彩繽紛，主要以紅色為主店面闊落，坐得舒服。牡蠣不如帰以蠔做主題第一次嚟食我嗌咗幾款以蠔為賣點嘅小食同拉麵牡蠣野菜天婦羅非常推薦呢度嘅天婦羅佢層炸衣非常薄脆而且冇油牡蠣又大又多汁粟米天婦羅都好驚喜粟米天婦羅保留到粒粒分明，亦有裏面嘅爽口肉汁。菇燒牡蠣串燒菇配埋紫蘇葉一齊食，幾清新。牡蠣鹽味拉麵湯底用咗好多蠔去熬煮再加了蠔醬，火箭菜同洋蔥粒，味道清新帶有淡淡蠔嘅鮮味，麵條幼身不厚重。煙燻黑椒豚骨拉麵黑椒湯底淡淡濃郁黑椒味豚肉肥瘦適中適合重口味人士

東京米芝蓮一星拉麵店，果然名不虛傳，之前友人去東京無食到亦買唔到杯麵，返香港決意試試，價錢雖然比較貴，但真係值回票價，最正係銅鑼灣店可以Openrice 訂位。🥢螃蟹湯拉麵 $148⭐️⭐️⭐️⭐️⭐️🥢極旨螃蟹套餐 $198⭐️⭐️⭐️⭐️套餐包括一碗拉麵+5隻黃金蟹肉餃子，不過餃子好普通，無乜蟹肉口感同味道，反而拉麵真心正，最正在於蟹肉醬同蟹油，令成碗拉麵充斥着濃濃蟹味，拉麵又彈牙掛湯，真係要飲晒成碗湯先得，溫馨提示，螃蟹湯拉麵係每日限量供應架。🥢溏心蛋 $15x2隻⭐️⭐️⭐️⭐️溏心蛋creamy又入味，食拉麵一定要有。🥢醬漬牡蠣一口飯(2件) $68⭐️⭐️⭐️紫菜又甜又黐笠笠，第一個手感已經好差，幸好蠔夠大隻飯夠飽滿，挽回些少分數。🥢野菜廣島蠔拼 $68⭐️⭐️⭐️⭐️有兩隻蠔、兩片南瓜、一件粟米同一隻辣椒，全部都好好食，炸漿夠薄又炸得香脆。🥢牡蠣野菜天婦羅 $88⭐️⭐️⭐️⭐️原來呢個天婦羅只得一隻蠔，蠔size同其他小食差唔多，所以唔太抵，不過個野菜真係炸得超級好味。🥢菇燒牡蠣串(2串) $62⭐️⭐️⭐️⭐️蠔燒完都仍然大隻，幾香幾惹味入口juicy。🥢白松露油厚燒牛舌丼 $68⭐️⭐️⭐️⭐️估唔到個飯又幾好味，松露油+温泉蛋

以海鮮做湯頭嘅拉麵店好少見，東京店仲要連續五年獲得米芝蓮一星，鐘意食拉麵嘅朋友一定要去試吓🌟極致螃蟹套餐 $1981️⃣螃蟹湯拉麵蟹湯好出色，配以蟹油、蟹肉醬，濃郁得嚟唔會有油膩嘅感覺，兩塊檸檬片令到湯底帶少少清新嘅酸味，恰到好處2️⃣黃金蟹肉餃子餃子餡料係滿滿嘅豬肉同蟹肉，鮮味十足煙熏黑椒豚骨拉麵 $115豚骨湯底好濃郁，煙熏黑椒好惹味，拉麵、配菜同叉燒都吸收晒湯底嘅精華唐楊博多華味鳥 $78炸雞好鬆脆，雞肉嫩滑多汁，食起上嚟又唔會好油膩木村梳打汽水 (蕃茄) $32蕃茄味嘅梳打汽水真係好少見，但係其實都幾好飲，有蕃茄嘅酸甜味白桃焙茶 $35白桃焙茶果香幾濃郁，焙茶嘅味道會係口腔入面慢慢滲透番出嚟，層次豐富

🍜牡蠣鹽味拉麵 $118豬骨湯 蝦湯 雞湯 蟹膏湯底都試過蠔湯底真係第一次!!簡直係令人驚豔嘅鮮!!!如果淨係用蠔 可能比較單調所以呢個湯底仲用咗豬骨🐷同魚🐟熬製!真係好好飲… 重點係飲曬成碗湯都唔覺口乾口渴係真材實料嘅鮮香味美!拉麵食落有小小似陽春麵嘅口感黏黏地嘅感覺 更容易帶湯一齊送入口成碗嘢係欠咗粒溏心蛋就完美!🥟豚肉煎餃 $65我覺得煎得唔夠脆+乾但肉餡好味! 👅白松露油厚燒牛舌丼(小碗) $68 This one must order!!!!!!!!!!!!超超超超超超超香白松露油味一入口就重擊我味蕾加上炙燒嘅香氣 真係omg🍑白桃焙茶(凍) $35唔係假嘅白桃味 甜度剛好仲有淡淡茶香 nice!👍🏻

所有蠔嘅嘢我都鍾意食🦪😛今次就嚟到銅鑼灣fashion walk嘅牡蠣不如帰，主打蠔湯拉麵🍜bookmark咗好耐終於有機會試吓。環境唔似拉麵店，螢光顏色嘅裝修反而有點cyber風格。今次叫咗招牌蠔湯拉麵，喜歡蠔味濃郁如我就覺得同想像中有少少落差😂牡蠣鹽味拉麵蠔味唔突出😅比較似一個純粹嘅鹽味拉麵，即使撈勻面頭嘅蠔醬落湯底，都唔係好食得出有蠔嘅元素。不過勝在調味得宜，啲湯飲完都唔會口渴。而且拉麵有少少腍身，有些微糊嘅感覺🙈叉燒都係正正常常偏薄身🤔自家製牡蠣餃子呢個反而幾好食😋😋加入蠔肉令到餃子🥟一入口就食到香濃蠔味，餃子皮屬於煙韌質感，唔係脆卜卜，沾上酸酸咪咪醬汁都ok😆人均消費：$210推介指數（10分為滿分）：6.5分

位於銅鑼灣的”牡蠣不如帰”，聽個名覺得好熟悉，上網一查就發現原來係黎自東京米芝蓮一星拉麵店”金色不如帰”所開的姐妹分店。因為訂咗枱，所以唔使等位，仲安排咗張靚靚四人枱我哋真開心店內佈置配合燈光效果，令人坐落覺得好舒服部分吧枱座位望向街景。店內有介紹什麼是”牡蠣不如帰”。是日晚餐全家福。1. 極旨螃蟹套餐($198)，有螃蟹湯拉麵同埋黃金蟹肉餃子。見到個拉麵湯底D色已知係正嘢，睇左店內介紹話選用自製清雞湯，加上大量原隻三星蟹蒸焗後秘製蟹湯，再配上鮮紅蟹油，確係出色嘅招牌菜2. 醬漬牡蠣一口飯($68/2件)，飯以蠔湯所煮成，配上爽口青瓜、醬漬廣島蠔，入口充滿蠔嘅鮮味。3. 牡蠣鹽味拉麵($118)，湯底有好香濃蠔味，配上大量蔬菜，湯底入口不油膩，最終飲晒所有湯。4. 木村梳打氣水(巨蜂)($32)、白桃焙茶($35)，兩款飲品配麵食確一流，一定要飲整體來講，餐廳環境佈置舒服、座位舒適。食物方面同樣性價比高，攞到米芝蓮一星確係實至名歸，值得一試再試。

放工唔想食飯咁飽肚，免得飯氣攻心影響欣賞舞台劇。於是嚟試吓依間出名嘅米之蓮餐廳😋主打菜式當然係牡蠣🦪不過依期都推廣緊蟹🦀所以當然要試試佢啦😌#煙燻黑椒豚骨拉麵麵爽彈牙有口感，唔會煮得太淋。配料香口，湯香濃得嚟唔會太鹹。唯一缺點係份量略嫌細碗左D，湯再多番少少就更好👍🏻#黃金蟹肉餃子期間限定菜式套餐，好難唔試😌啖啖蟹肉濃濃蟹味，好食😋#糖睡戈菇燒牡蠣串菇包住蠔嚟串燒，外脆內軟，畢竟日本豪質感比較削，燒一燒挺身少少口感好D ~

一向不是特別喜歡吃拉麵，唯獨湯底特別的拉麵店深得我心，其中銅鑼灣的牡蠣不如帰就是其一，因為它新出螃蟹湯拉麵，很吸引喜歡海鮮我的我試，牡蠣不如帰是東京米芝蓮一星拉麵店金色不如帰的分店，吃到日本的正宗風味。極旨螃蟹套餐$198套餐包括螃蟹湯拉麵和黃金蟹肉餃子，螃蟹湯拉麵湯底選用自制清雞湯，加上大量原只三星蟹蒸焗後秘制蟹湯，再配以新鮮活紅蟹煉製蟹油，橙紅色蟹湯，喝一口充滿鮮味，真是令人欲罷不能，加弓一片鮮檸和少許洋蔥粒蔥絲，添加清新感，叉燒以慢煮製作，非常嫩滑高質，肥瘦適中，拉麵以特選100%北海道產上乘小麥粉去製作，麵條較幼身和爽滑。黃金蟹肉餃子新鮮煎好，餃子皮薄薄，咬下去外脆內嫩，有淡淡蟹鮮香味。牡蠣野菜天婦羅$88最吸引我們的是兩只放在殼上的牡蠣天婦羅，它已曬上一點鹽調味，咬下去充滿蠔香又多汁，旁邊還有粟米、南瓜和青椒，日本品質，清甜可口。牡蠣鹽味拉麵$118湯底顏色較清透，以優質鮮蠔慢煮炮製，還添加了自家鮮制蠔醬和秘制鮮蠔油，喝起來有濃郁的有蠔香及有層次，配上少許蔬菜及慢煮叉燒，兩碗湯底我們都喝光，如果能多點湯就更好，另外，如果能加錢有原只蠔在面內，也更滿足。木村梳打氣水 蕃茄味$3

今日同朋友去銅鑼灣行街，簡簡單單食個拉麵，見評價幾好，難怪平日既晚上都滿座。首先點左個極旨螃蟹套餐，螃蟹湯拉麵同黃金蟹肉餃子。餃子裡面除左蟹肉仲有豚肉，餃子皮薄餡靚，咬落有口感，拉麵湯底由清雞湯同大量原隻三星蟹蒸焗秘製蟹湯，再配以活紅蟹煉製蟹油、慢煮叉燒、火箭菜、檸檬酸奶油同埋蟹肉醬，每樣味道分明有層次，無格格不入既感覺；另外牡蠣鹽味拉麵，雖然無原隻牡蠣，但係吃到蠔味鮮味十足，兩個湯底不一樣風味。拉麵係蕎麥麵質，煮得唔會過淋，整體來說係高質。另外仲叫左個小食，一口芝士豚脆，豚肉配流心芝士，擺盆精美，仲好好食，用左日本直送麵包糠煮炸，炸得好脆又唔會過火，推介！吃了濃味食物再飲清清甜甜有氣梳打最好不過，我和朋友分別點了信州巨峰梳打同完熟白桃梳打，兩款都不錯，有果味之餘不帶藥水味。

呢間拉麵店係一星米芝蓮餐廳嘅姊妹店，以牡蠣做主題，想食好耐適逢佢呢排除咗牡蠣食物，仲用咗螃蟹做主題，就過嚟試吓先螃蟹湯拉麵係期間限定，係由清湯，三星蟹同紅蟹煉製嘅油熬製而成，飲得出佢個湯底完全冇味精，湯底清得來螃蟹味亦濃郁，伴隨着唔同嘅配料配菜同肉，口感豐富，食落麵質厚而且好彈牙嚟到點都要試吓佢個signature牡蠣鹽味拉麵，果然係signature，湯底食落有唔同嘅變化，由最初嘅湯頭有啲蠔油嘅香味，後尾飲到蠔汁同豬骨嘅鮮味，配埋新鮮嘅火箭菜一齊食都幾特別醬漬牡蠣一口飯共有兩件，擺盤精緻，當中嘅牡蠣味道濃郁而且啖啖肉，牡蠣放埋喺飯上面再用紫菜夾住，咁樣一齊食好夾，堅好味😋黃金蟹肉餃子熱辣辣，外脆內軟，餡料係由蟹肉同豚肉混合而成，個人略為覺得蟹味唔夠濃郁整體來講個湯底好真材實料，比較鍾意蠔味湯底唯一係份量唔算多，就算女仔嘅話一碗麵都未必夠飽

.‼️❤️ 記得CLICK我PROFILE關注我呀 ❤️‼️.🍜 M͓̽i͓̽c͓̽h͓̽e͓̽l͓̽i͓̽n͓̽ ͓̽M͓̽a͓̽g͓̽i͓̽c͓̽:͓̽ ͓̽F͓̽r͓̽o͓̽m͓̽ ͓̽R͓̽a͓̽m͓̽e͓̽n͓̽ ͓̽t͓̽o͓̽ ͓̽T͓̽e͓̽m͓̽p͓̽u͓̽r͓̽a͓̽ @ 🌟 牡蠣不如帰《👽食神大媽食蟹拉麵》.⠀💁‍♀️ 圖片展示美食為：⠀極旨螃蟹套餐 HKD 198- 螃蟹湯拉麵 🍜- 黃金蟹肉餃子 🥟牡蠣鹽味拉麵 HKD 118牡蠣野菜天婦羅 HKD 88信州巨峰梳打汽水 HKD 32紫蘇雙檸洛神花茶 HKD 38.👽 大媽翻兜無數次嘅米芝蓮一星日式拉麵店，每一啖湯底都令人回味無窮。最近佢推出左新口味，大媽作為忠粉當然要去食啦 😋.🦀️ 最新出品就係「螃蟹湯拉麵」同「黃金蟹肉餃子」，分開叫貴啲，梗係叫佢個「極旨螃蟹套餐」抵好多啦 😝 店員介紹話「螃蟹湯拉麵」嘅湯底係用自製嘅清雞湯，再加埋大量三星蟹蒸焗後秘製嘅蟹湯，再加新鮮活紅蟹煉製嘅蟹油，所以每一啖湯底都充滿蟹味，超鮮味呀 🤤.🥟 另外「黃金蟹肉餃子」就以1比1嘅黃金配方結合蟹肉同豚肉，所以每一啖都會好鮮味，皮薄餡足料。.🍜 每次嚟都要翻兜無限次嘅就係佢最經典「牡蠣鹽味拉麵」，畢竟係佢最出名嘅三重湯底其他地方真係食唔到，有齊蠔湯、豬骨湯同魚湯，味道超豐富但係又唔覺得膩