牛魔 (已結業)

約朋友最方便梗係尖沙咀啦，棉登徑搵野食就最多選擇，行了幾間決定食牛魔，裡面裝潢高檔帶點浪漫，有一幅很大的壁畫，美女笑容燦爛，似是鐵扇公主看著牛魔王。未夠七點餐廳已經差唔多坐滿人，有吧位可以看著廚師代為燒烤，也可以坐在大廳自行燒烤，餐牌有數款套餐可供選擇，看了看我地最後還是散叫。豆腐沙律配芝麻汁豆腐、椰菜絲與芝麻汁，簡直係絕配，椰菜絲新鮮，食得肉多得清清口腔。美國prime醬油牛肋骨2件預先醃好的牛肋骨，自行燒烤至自己心水生熟度，牛肉夠淋燒耐左都唔會鞋口，最好燒到外面少少焦香，醬油味剛好唔會搶走牛肉味，高水準。泡菜豚肉燒餅韓國泡菜配豚肉香香辣辣，燒餅燒得香口，送酒一流。石鍋拌飯送上枱時沙沙聲香氣四溢，謝謝店員代為將飯與辣椒醬混和，2人份量剛剛好，飯焦香脆辣椒醬與配料惹味。初飲初樂-原味韓國燒酒，配食韓國菜首選。乳酸梳打特飲乳酸梳打加上椰果，口感突出。

呢條街係正K11出面，不嬲都好多野食，上次見到呢間個格局同環境已經好想過黎試，佢呢度主打燒肉，但都有唔少小食同韓式飯麵揀豆腐沙律 - 由於要食燒肉GE關係，食D light d嘅前菜打下底先，加左D花生口感幾唔錯，成個組合好fresh全天然厚切豚肉五花腩 - 好幸福，有師傅幫我地燒，唔會搞到周身油煙味，擺入口充滿油香，腍身得黎又有咬口，配埋生菜同泡菜真係一流和牛牛五花Wagyu outside skirt - 燒得剛剛好，牛味極濃，而且一D筋都無，極推介櫻花蝦粟米餃子 - 從來無試過呢種食法，好有層次感，櫻花蝦令到餃子更加惹味，不錯石鍋拌飯又係有專人幫我地拌埋飯同醬汁，略略有D飯焦，濕潤又香口我要左個柑桔梳打，唔會好甜，有D咸檸7嘅感覺最後仲送左個yogurt俾我地清清D油膩感，服務質素兼備呀真係

每次經過都想想來吃午餐，但又不想獨食，今日湊巧跟先生在一起，於是拉他陪我去吃。Lunch set 有八款其中四款有牛肉，另外可以選海鮮、雞肉、豬肉或者鯖魚，選擇有彈性所以來到不一定要吃牛，那當然牛肉是他們的主打菜。點了各兩個Lunch set ：店員先送上頭盤：有中華沙律、芽菜、韓國泡菜、麻醬沙律菜，還有個海帶湯。Set 1 - 安格斯特選牛肉眼丼飯餐（配特選餐湯）$125 （Prime Angus Ribeye Beef Donburi Set) 牛半熟預先切開一片片，肉汁豐富，中間粉嫩，肉質十分嫩腍，牛肉味濃，還附有醬汁和芥末，蘸上味道更出。有燒汁混合在飯內，所以食落唔會太乾。Set 6 - 烤醬汁牛肉餐（配白飯及特選餐湯）(Grilled Marinated Beef w/ BBQ Sauce Set)份量足，鐵板上熱騰騰的，醃製過的牛肉十分入味，肉質有嚼勁，牛味濃郁，越嚼越出味道，鐵板鋪滿洋蔥，吸牛肉汁醬汁很野味，非常香口又入味。普通飲品另加$10; 特飲另加$15各點了一杯特飲:《乳酸梳打特飲$48》《金橘梳打特飲$48》梳打帶微酸，飲落清新，中和一下膩感；底層仲有滿滿的椰

作為一名健身教練, 牛魔係我近期既新寵近排中意左今日坐Bar枱, 由燒肉到上菜全部由師傅負責, 我地就坐享其成。櫻花蝦粟米餃子不嬲都中意櫻花蝦, 中意佢夠惹味香口, 依個餃子仲要痴滿哂餃子皮既, 咬落比平時既餃子更香更脆, 入面係滿滿既豬肉同粟米餡, 新鮮熱辣, 即刻忍唔住叫番杯生啤gur下❗Suntory配櫻花蝦餃子, 人生一大樂事😎純天然豬腩(厚切)件件堅厚切, 未燒之前望落已覺新鮮有質感, 望住師傅純熟咁操控住舊舊豬腩, 見到佢既油脂必出黎, 都唔知吞左幾多啖口水。師傅燒好上碟連同生菜遞上, 包住生菜食多份清新少份油膩, 最中意皮位非常有口感。M7澳洲和牛牛扒(厚切)M7和牛脂肪比例有一定水準, 師傅控制火喉得宜, 牛扒保持肉嫩多汁, 咬落去可以感到牛脂滲出香味充滿成個口腔! 師傅提議可以點少少粉紅岩鹽, 不過靚牛我都係覺得原汁原味已經足夠豆腐海鮮湯先用石鍋上, 再幫我地分落碗, 入面有多款海鮮, 豆腐同埋金菇等等, 湯頭有鮮味得黎帶微辣, 而且熱辣辣仲要帶微辣既湯係哩個天氣飲落去真係好正❗食到咁上下見好多人排隊, 飲埋啖湯好滿足咁走

個friend升職話請食飯仲要食好d咁話, 佢就揀左牛魔話食過覺得好食, 於是放左工就去左尖沙咀, 7點幾到左唔洗等位, 但坐左入去一陣就開始見到人等位啦, 好彩早左少少黎!坐低之後師傅放低前菜, 我地被安排坐bar枱, 可以全程享受師傅代勞燒肉, 淨係等食就得啦豆腐沙律配芝麻汁要食個清清地既沙律黎迎接主菜, 本身沙律配芝麻汁一定係絕配, 幾中意佢用左豆腐, 令本身平凡既沙律口感同味道都獨特左, 仲有加左松子仁係入面又香又脆櫻花蝦粟米餃子依個餃子一黎個賣相好吸引, 餃子表面鋪滿櫻花蝦, 而哩隻餃子size都幾大隻, 一啖係食唔哂既, 咬落脆卜卜, 多左櫻花蝦既咸香, 中間既肉同粟米熱辣辣, 粟米甜甜地肉又咸咸地, 點埋帶微酸既餃子汁仲好食, 多重既味道全天然豚肉五花腩(厚切)五花腩真係好厚! 未燒既時候肥瘦相間, 師傅燒緊個陣一路睇住佢d肥油必出黎, 滲滿皮肉之間, 睇見都流哂口水師傅燒好仲會擺到靚靚咁上碟, 依個五花腩咬落去肉香濃郁, 明明明燒前見到一層層脂肪, 但食落只覺油唔覺膩, 皮位先係極品! 咬落彈牙有少少黏口, 膠質豐富, 好正呀之後試下用生菜包黎食, 沾少少醬, 非常之夾

📍牛魔 (尖沙咀)尖沙咀棉登徑8號地下5-6號舖-----天氣凍 除左食打邊爐 仲好適合韓燒 呢間餐廳裝修以黑白為主調 牆上有色彩繽紛嘅人像油畫 整體環境舒適 抽風系統唔錯 無咩油煙味 難得放假 B仔同家姐食豪少少 叫左個午市二人set A （$320+服務費）做lunch😄呢個set入面包含前菜 雜菜沙律 白飯 飲品 同三款牛肉🐮非常豐富😁-#美國Prime牛肋骨🐮：份量頗多 兩個人食完全足夠 牛味濃郁 肉質介乎軟同硬中間 入口帶少少嚼勁 但又唔會難咬 😊-#和牛牛五花牛🐮：油花分佈得好靚 相比起美國Prime牛肋骨 肉質相對軟腍 入口未到即化 但亦接近即化 呢個價錢食到呢個質素嘅和牛 性價比頗高 和牛食落好juicy 感覺到豐富油脂嘅同時 又唔會覺得膩 加埋上面嘅芝麻 燒完之後香氣逼人 令人聞到都留口水🥰-#黑椒鹽花牛肋肉🐮：質感同美國Prime牛肋骨相近 係黑胡椒同鹽花嘅加持下 燒完嘅牛肋骨食落味道甚具層次 個人中意佢仲多過Prime牛肋骨😆-#牛魔雜菜沙律🥗：材料簡單 只有雜菜 粟米 同麻醬等等 但係勝在全部都冰凍且夠fresh 正好balance食韓燒嘅heavy感😄----

牛魔一直是我想嚐的烤肉專門店，不過朋友一直未有時間陪我吃，昨天她終於有空跟我一吃這夢幻美味的肉品，說真的牛魔吃過一遍會讓人念念不忘。牛魔走灰色風格，牆壁，桌椅使用灰色為主色，除採用普通的桌椅，亦有空間分隔的卡式座位及日式料理必備的吧枱區，全都坐滿食客。午市套餐有定食可選，亦有烤肉午市二人套餐選擇，我們兩人當然吃烤肉午市二人套餐，我們點了Set A，一次可享用美國Prime牛肋骨，黑椒鹽花牛肋肉及和牛牛五花，滿足牛肉控的我們。點好餐後，店員開著烤爐，並為我們準備烤肉醬料，醬料都是常見的烤肉醬汁和海鹽，較特別的是玫瑰海鹽，和牛牛五花沾點海鹽已很棒。牛魔雜菜沙律，牛魔古法漬泡菜及前菜與自家制特選餐湯陸續上桌，吃烤肉前先吃點開胃前菜，前菜包括豆芽和青瓜，兩者清新無比，至於牛魔古法漬泡菜酸中帶點微辣，增添食慾，又能解膩。牛魔雜菜沙律主要用了生菜和粟米，並淋上沙律醬，生菜口感爽脆，粟米清甜，為一會的烤肉之旅揭開序幕。自家制特選餐湯原來是海帶湯，超適合吃烤肉時喝，下下火氣，滋潤一番。如此高質的肉品當然要交給朋友烤，朋友都是烤肉的高手，我就負責品味烤肉就好了。和牛牛五花切得滿有厚度， 擁有紅紅的肉色與

今日會嚟呢一間牛摩度食lunch , 係屋企人介紹嚟嘅 , 估唔到佢哋會同我去呢一啲咁chill嘅地方度食嘢。 入到去環境格局舒適又新穎, 之前已經訂咗位去到唔使等但係間餐廳都有八成幾九成滿。lunch嘅時段有好多嘢揀有一啲係就咁一個定食類, 有兩個set係二人餐, 錦定食類就冇得燒肉嘅, 二人餐就有得燒, 所以我哋揀咗兩個二人餐四個人食。我地揀左set A同set B餐內每人包一set前菜湯同沙律set A同set B都有一件牛肋骨以上係夾左兩個set既野set A既2款牛都正, 油脂平均set B既雞係兩塊大雞扒加埋碗大飯, 呢個lunch真係正!飲品我地叫晒唔同味既梳打,爽埋單4個人食燒肉, $742, 真係無得輸, 因為連埋服務環境都好好

牛魔位於尖沙咀棉登徑，主打日、韓燒肉，產地來自日本、美國、澳洲等地，提供AF、 M9級別的牛肉。一入餐廳就見到一個女子嘅壁畫坐低冇耐就有五款餐前小食，分別係好清嘅海帶湯、好新鮮嘅粟米生菜芝麻醬沙律、爽口芽菜、韓式泡菜同埋醃制過辣辣地嘅青瓜片慢煮牛肋骨嘅牛肉真係好冧甜，其實都煮到骨肉分離，而且份量都非常多，仲有啲蘿蔔吸收晒牛肉味嘅精華，裝滿晒成個碗醬汁烤牛肉肉質鮮嫩牛肉味較重呢款牛肉比上面嗰款慢煮牛肉較為但口口感會更加豐富下面鋪滿洋蔥

以前成日覺得棉登徑好隔涉,自從多左K11呢個商場之後,就覺得方便左好多~~今次係為左上網見到有間幾吸引既燒肉慕名而來,果然無令我失望,而且回頭指數極高!!一入門口就見到幅好靚既壁畫,自問藝術感唔高,但望落覺得好舒服,為餐廳增添不少美感!店舖座位設計非常舒適，另外佢地採用左開放式廚房同埋近門口位置設有落地玻璃，做到採光效果，令成間鋪頭空間感更大。開放式設計仲可以望到廚師為食客準備食物，見到廚師喺牛肉櫃同bar枱不停來回為客人準備食物，非常有效率。呢間店舖係走日韓fusion風，點菜之後好快侍應就上咗前菜同埋醬料，除咗燒肉醬汁仲有岩鹽可以俾你選擇，前菜款式亦都好多，除咗有醃青瓜，大豆芽、泡菜之外，仲有好新鮮嘅生菜沙律，再加多個蘿蔔清湯，非常豐富，睇下啲青瓜片切得幾薄幾均勻！冇幾耐主角就上枱啦，三款牛肉放喺黑色石板上面，顏色形成強烈對比，睇到都覺得吸引！ 除左燒肉鉗之外，店家仲準備咗一把大較剪，方便食客！先試黑椒鹽花牛肋肉，牛肉有咬口，鮮嫩彈牙！跟住試和牛牛五花，脂肪分佈幾靚！感覺比較軟淋一d，更加好味😋。點知一山還有一山高，原來最好食嘅係呢個美國prime牛肋骨肉，自己剪開想要嘅長度，放上

牛魔 棉登徑原來有間係由一班日本和韓國廚師主理的燒肉店，無論裝修格局都好有日式簡約風格先上頭盤中華沙律、芽菜、麻辣青瓜、麻醬撈新鮮嘅沙律菜，仲有個海帶湯送安格斯特選牛肉眼丼飯餐上台賣相很吸引，黑椒味超濃整碗丼飯超多安格斯牛，肉質係較實，而且牛肉味較重。有燒汁混合在飯內，所以食落唔會太乾油脂分佈均勻。配牛肉上灑上芝麻，炸蒜，紫菜，蔥花，味道更豐富，好食。層次更加豐富。配上啤酒更加吸引！下次會再來食，超高質素享受推介⭐️⭐⭐️⭐⭐

2019年12月1日。晴。尖沙咀。呢日要到尋找尖沙咀初心，嚟棉登徑搵食先就啱嘞～棉登徑食店林立，位處尖沙咀中心地帶之餘又唔會太熱鬧，行落仲覺得有少少歐陸風情添門面幾光猛～午市有套餐，尖沙咀嚟講，價錢都算大眾化喎！另外仲有韓燒二人餐～飲品都幾多選擇㗎～店內嘅位置分布幾有心思，有吧枱、有卡位，窗邊位，中間仲有好多二人枱嗌咗韓燒二人餐～～$320先嚟有沙律同配菜配菜有三款：泡菜、芽菜同埋青瓜最欣賞當然係泡菜～正！沙律就正正常常喇除咗配菜，仲有一碗湯！！飲落似係雪濃湯，牛味香濃～大愛～～～餐廳叫得牛魔，所以肉類都係清一色牛肉～有三款：一、美國Prime牛肋骨—醃好咗嘅～個醃料要讚一讚！令牛肉好甜～好好味～二、黑椒鹽花牛肋肉即係粉紅色嗰款，只用簡單調味，食出牛肉嘅原味，所以牛味會較濃～三、和牛牛五花雖然稱之為牛五花，但唔會太肥油脂分布啱啱好燒完都依然入口嫩滑～鳳梨梳打，$15（跟餐）香甜飲渴，仲有好多椰果～金桔梳打，$15（跟餐）酸酸甜甜，同韓燒最夾！！計埋加一，每人唔使$200尖沙咀，韓燒，仲要星期日，算係非常抵食～

😍😍大滿足燒肉🥩🤤 .好食既燒肉難搵，食得飽既燒肉（並不是任食飽）係世界級既難搵😂😂😂但係今次真係飽到傻🙈當然都好可能因為係我食6:00pm 個轉🤣太早食既關係🙊佢好似仲有轉係8:00/8:30 金魚記憶唔記得😝.上次同大家講好左唔好再做傻仔夜晚去食燒肉，會窮😂😂😂但屋企人想食就點都要做下孝順仔😂✌🏻發現不論2人定4人套餐都係要夾埋啲豬呀、鳥（雞）呀同埋海鮮，都係食番多啲牛好過🙈散叫左兩個併盤：$490併盤：4款最少係A4既日本和牛，又淋又香牛味🤤每款都有4件！$620併盤： 4款澳洲牛+1款美國牛，每款有3件，大部分都加晒醬去醃，相對會較難去試出牛本身既味，推介和牛併盤會抵食多了👍🏻👍🏻👍🏻 .熟食叫左好多人推介既海鮮煎餅同櫻花蝦粟米餃子🥟，極度喜歡櫻花蝦同餃子如我既朋友仔可以一試🥰冇特別偏愛既人，就可以慳番😛因爲都只係餃子冇話超超超超超特別🙈

星期日的中午，朋友約我到棉登徑的「牛魔」開餐，朋友話呢間餐廳坐得舒服又夠 chill，又好食，一於試吓。的確，餐廳裝修夠晒高雅，同一般燒烤餐廳絕對唔同，沒有油煙的感覺。座位闊落，坐得舒服，絕對適合輕輕鬆鬆傾吓計，享受美食。餐廳有多款 set lunch，還有兩款燒烤套餐供選擇，啱晒有選擇困難症的我。😄牛魔古法漬泡菜及前菜前菜包括韓國泡菜、芽菜、酸瓜，酸酸地真係特別開胃醒神！😄 牛魔雜菜沙律沙律選用新鮮蔬菜配搭胡麻醬，真係好fresh好開胃！令人食指大動。😄自家製特選餐湯😄美國 Prime 牛肋骨（一件）牛肉嘅脂肪紋理分佈均勻，肉質鮮嫩，入口即溶，簡單點些少醬油或者已經可以帶出牛嘅鮮味！😄鳥肶肉雞肉都幾滑亂，記得開慢火燒，先至唔會咁易燶。😄全天然豚肉五花腩肥瘦剛剛好，有驚喜，些少脂肪更顯豐富的口感。😄白飯濃郁味道的醬汁燒肉，配上白飯，口感層次分明。😄豪格登啤酒大大杯冰凍啤酒配上燒肉，人生一大享受！😄乳酸梳打特飲今餐幾滿意，朋友果然冇介紹錯。

星期日中午,人不多,跟友人聊聊不錯,我們雖然坐Bar位，但蠻舒適的，因為樓底高，Bar檯都廣闊,遠望還有一幅晝。點了個安格斯牛肉餐,主食未上,先上前菜,沙律新鮮,waiter很有禮貌，對著廚房，很整潔，清潔分很高，主菜看上去很大碗，主要是紫菜的份量影響，其實牛不多，不夠送飯，牛的肉質中規中舉。另點了烤醬汁牛肉餐，牛份量ok，配了些少芝麻增加香味，不過汁就調得不夠惹味了。