牛魔 (已結業)

天氣凍凍地， 乍暖還寒。 當然要食返暖身又強體魄嘅野食。 今次就去咗尖沙咀k11後面的棉登徑的牛魔。餐廳環境寬敞，樓底高，坐得舒適。而且每個座位也有燒肉和抽氣裝置， 嚟食燒肉嘅話都唔會怕有一身烏煙瘴氣。 我哋今次嚟食午餐叫咗一個牛魔石窩飯，與及 烤醬汁牛肉飯。 每一個lunch set都附有沙律、前菜三小碟與及 牛骨海帶 湯。  粟米生菜沙律新鮮夾脆。  三小碟分別是泡菜、中華沙律及麻油青瓜， 泡菜酸而 微辣， 中華沙律爽口 清新， 麻油青瓜鹹香好食。 最不得不提的是牛骨湯， 有滿滿的牛骨味。 牛摩石鍋飯材料豐富， 有翠玉瓜蘿蔔菇菌 與及燒得香口的牛肉， 流心的蛋黃 蛋味濃沃郁。 鹹香的牛肉配上熱辣辣的石鍋，暖身飽足。 另一度午餐叫了烤醬汁牛肉，  牛肉以鐵板送上， 牛肉味濃郁之餘， 軟嫩好吃。 加埋烤得熟透的洋蔥， 撈飯簡直一流。 飲品則叫了 生薑蜂蜜茶和柑桔梳打特飲。 生薑 蜂蜜茶 暖身驅寒， 柑桔梳打特飲 酸甜開胃， 而且還有粒粒微甜的椰果。

食過幾間唔同嘅燒牛肉，仍然對牛魔念念不忘，今日又同朋友嚟幫襯。美國牛肋骨（$198/2條）係每次都會叫的，非常juicy好好味的！另外叫咗個日本特級帆立貝（$118/4粒），燒到縮小一點就可以食，一咬即開，多汁可口。今次仲試左個A4和牛牛肩肉薄切配蘋果絲，（$195/90g), 呢張「被」可以分到四份。食既時候把蘋果絲卷住，好似金菇肥牛卷咁樣，咬一口淡淡滲出清新蘋果香味，與牛肉的油香混和著，爽脆的蘋果絲增加口感層次之餘，亦減少肉既油膩感，值得一試！想飽肚啲仲叫咗個韓式炒粉絲（$65 ），有紅蘿蔔絲、韭菜、蛋絲和牛肉絲，味道不錯。石鍋拌飯（ $110 ），有燒鵝、蘿蔔絲、菇、芽菜、紫菜絲、翠玉瓜，仲有一隻蛋，可以加豆瓣醬一起吃，熱辣辣好味。

已經有一段時間沒有吃過燒肉了，現今多數流行的都是火鍋放題或是日式放題，開到「成行成市」，燒肉放題也不是沒有的，但數量大概不多，所以沒有那麼多人會對燒肉有興趣吧，因為價錢會較昂貴。去到大概6點半，餐廳有一點人流，但不至於要等位，一進去便看到一隻霸氣的牛。餐廳的名字叫「牛魔」，食物就當然以牛肉為主，有來自日本、澳洲、美國的牛肉，日本的牛肉是最昂貴的，然後才到美國和澳洲。另外亦設有豬、牛、雞和前菜等食物，讓客人除了吃牛肉，亦有其他選擇。在吃牛肉之前，先點了一份泡菜煎餅，泡菜煎餅是韓國人很喜歡的食物。我本身並不是那麼喜歡泡菜，但泡菜配在煎餅上我又覺得算搭配，泡菜微微的酸辣味，配以煎餅，真的十分好吃，煎餅又軟軟的，感覺更容易咬碎。來到這裡當然要試一份日本牛肉，點了一份A4牛魔野原燒，條紋也算整齊的啦，只是脂肪部分較多。牛肉味香濃，但不至於是入口即溶。弄熟後，店員會細心的為我們切成一片片的樣子，使得客人更加容易進食牛肉。除了日本的牛肉，美國的牛肉想必也很好吃，點了份美國牛肋骨試試。牛肋骨的大小很大件，不過是牛肋骨，質感就當然較硬，也可以說是有口感啦。試完兩份牛肉，是時候試試雞肉，想不到雞肉比我想像

平時日本牛韓牛都爭論緊邊個好食啲，日本牛就牛脂味濃，韓牛就牛味濃，我今日就黎到「牛魔」 食下牛🐮小食 小食配菜可以無限追加，等上菜或者等肉熟既時候可以咬下，亦都可以配搭住d燒肉黎食或者覺得膩既時候食番兩啖。牛脂用牛脂肪搽個燒網，d牛脂牛油出黎，香味十分吸引，令人食慾大增。 美國Prime 牛肋骨d肉本身已經調好左味，係啱啱好，唔會過鹹，牛味亦都好濃，特別係越靠近骨既位置。A4和牛牛肩肉薄切配蘋果條蘋果肥牛卷，第一次試呢種食法，估唔到包住蘋果又幾清新。做法係先燒熟牛，然後放入蘋果絲用牛肉包住，包完就可以移離燒網。泡菜煎餅泡菜薄餅，食左陣肉覺得膩膩地，可以食下呢個中和下，薄餅煙煙韌韌，新鮮整好熱辣辣係最好味既時候。Hoegaarden食肉點可以無酒架！ 整體黎講，牛魔呢間係可以再食，真係好好味！服務又好，店員會主動幫手問要唔要幫手，服務態度真係好好！

尖沙咀有好多專系食日本燒肉嘅日本餐廳，今次小編同女朋友經朋友介紹，嚟到呢一間位於尖沙咀棉登徑嘅日本燒肉餐廳食晚飯。今次小編同女朋友order左A5和牛、雞胸肉、牛肋條、泡菜煎餅，同埋石頭鍋飯，和牛唔使多講，睇相就已經知道好正，牛肋條亦都好入味，泡菜煎餅同埋石頭鍋飯亦都烹調得相當唔錯，侍應仲介紹我哋飲鳳梨乳酸，食物同飲品亦都相當唔錯，值得一讚嘅係呢一間日本餐廳嘅侍應服務得相當出色，大家不妨試一試啦。

朋友帶我去牛魔度食晚餐好出名的燒肉店🐮🐮🐮經常見到唔同係度朋友打卡一試過真係覺得非常好食，一試難忘😍最推介醬汁牛肋骨薄切牛肩肉配蘋果絲。牛肋骨條味甜甜地，肉質勁嫩滑即使你燒過龍，一樣咁好食👍🏻👍🏻👍🏻十分推介，嫌一份唔夠喉😂薄切牛肩肉就真係燒一燒就可以食啦配上蘋果，味道清新口味創新，下次食牛都可以配下蘋果店員服務殷勤，有禮貌環境乾淨冇油煙味，一定要試下👍🏻下次再黎試唔同既牛肉🤤

期待已久嘅牛魔晚餐🐮見過好多人嚟呢度食燒肉，亦都好推介今晚終於到我嚟試吓啦😍😍😍一入去就覺得環境好好，燒肉店竟然冇油煙味，乾淨企理！着住返工衫嚟食都唔怕整污糟👍🏻我哋試咗兩款牛肉，一款厚啲嘅牛肋骨調味少少甜，肉質嫩滑就算燒耐左一樣咁滑！太好味喇💕💕💕調味盤有岩鹽、燒肉汁同Wasabi原來燒肉襯Wasabi又係另一種風味又幾好食！另一款係薄身嘅牛肉好快熟要好小心咁燒配上蘋果絲，味道非常清新就算牛肉有部份脂肪夾埋一齊食，都唔覺得油膩有驚喜❤️

好食嘅燒肉好難搵，之前都食過唔少燒肉放題但係質素都好一般，今次上網搵咗一間位於尖沙咀嘅牛魔！餐廳裝修好漂亮，而且座位好闊落，空間感夠。不過因為唔係好肚餓，我哋散叫咗啲嘢食。豆腐沙律拌芝麻醬前菜黎食好開胃，女朋友非常喜歡這道菜，豆腐沙律好清新。主角嘅牛肉同豚肉，夠入味，而且佢哋個燒烤爐好乾淨。牛肉軟腍而且夠油花。餐廳除咗日式燒肉外，仲有唔少韓式料理。我哋仲叫咗泡菜煎餅同埋石窩拌飯。店員會幫我地撈埋啲韓式辣醬，撈好晒之後先再俾我哋自己筆來食。辣辣地夠惹味♥️

今朝遲到唔夠時間食早餐，同事就話帶我去食得飽啲。 山長水遠走咗去食牛魔，入到去環境唔錯，又夠寬敞，我哋一行八個人仲有房畀我哋坐。我點咗個 慢煮牛肋骨餐，點完之後佢好快就送上前菜，有青瓜～芽菜～泡菜～沙律同埋麵豉湯。食完等咗十分鐘左右，個主菜終於到喇！果然不愧為牛魔！佢嘅牛肋骨煮到好淋好香，仲好大碗添，配有珍珠飯，特製醬汁讓人十分開胃，食到最後已經有好飽嘅感覺，但係都為免浪費，將所有牛肋骨痛吞曬落肚好想下次去試埋佢唔同種類嘅 set lunch添！

襯過年前都分別約左幾位朋友見面，有D食lunch，有D食晚飯，我到目前為止都仲係用緊OP搵食，網上揀左呢間餐廳，望過餐牌覺得幾抵食先過選擇。牛魔嘅位置喺棉登徑，一條街都係食肆，好方便搵。我地lunch time過到來，因為旁邊有間茶記，令呢頭都幾旺同幾多遊客，我諗都有帶動埋牛魔嘅生意。anyway，入座之後，我地都好快點餐，因為仲想去第二場食甜品。朋友太耐冇番來香港，好多野想試。呢度都幾大，夠闊落，除左卡位，仲有唔少二人台。如果點燒肉嘅話，店員先會上烤網。我地一早睇中食邊款lunch，8款中揀左安格斯牛肉眼丼飯同烤醬汁牛肉飯，其餘仲有親子雞肉丼、牛肋骨丼、豚肉丼、石鍋飯等等，價錢係85蚊至百零蚊，非常合理，甚至我覺得CP值幾高。午市都可以燒肉。飲品呢度嘅午餐係定食形式，落完單，上主食前，店員就會送上前菜同湯，可以食住等。前菜都幾精緻架，韓式風格，包括有青瓜、芽菜同泡菜，全部都唔辣嘅，大人細路都啱食湯熱辣辣。仲有新鮮沙律。主菜等左一陣就上台。先來一份烤醬汁牛肉飯，配上香軟白飯。醬汁牛肉鐵板上，牛肉有適當厚度，質素一D都唔馬虎，入口有嚼勁，並無筋位，食得輕鬆，伴隨燒汁，送飯一流，最鐘意面頭

Bookmark左呢間牛魔 Yakiniku More🐂好耐喇，最近終於去咗食，佢哋嘅牛肉來自三個國家，包括日本🇯🇵，美國🇺🇸同埋澳洲🇳🇿，我就揀咗日本🇯🇵嘅A4牛魔野原燒，其實即係和牛薄切配月見汁沾蛋🥚，佢哋嘅職員會幫你燒埋👩🏻‍🍳，所以個生熟控制得好好，食落牛肉入口即溶🤤，軟綿綿嘅口感，配埋生蛋汁口感更加嫩滑，好味道啊😋另外仲叫咗來自美國🇺🇸嘅prime醬油牛肋骨，呢個一樣係好好食😋，肉質超淋，一啲都唔鞋又唔韌，而且又冇根 ，調味仲好好添，鍾意食牛肋骨嘅人一定要試呀👍🏻另外仲叫咗鳥肶肉醬油🐔，呢個其實即係醬油雞脾肉，雞脾肉好嫩滑，日本雞係唔同啲🙃除咗肉類之外，佢哋仲有不同種類嘅熟食，我哋就叫左豆腐沙律配芝麻醬🥗，口感清新，係唔錯嘅開胃前菜，另外仲叫咗韓式🇰🇷炒粉絲同埋辣豆腐海鮮湯🥣，嚟個日韓fusion，豆腐湯配料有蝦🦐，蜆肉，豆腐等等，豆腐湯小小辣🌶，都幾惹味架

韓式烤肉喺香港好多地方都有得食, 覺得黎黎去去都好似差唔多❓❓咁你就要試下「牛魔」😈我覺得佢嘅食物, 特別係肉類, 零舍高質!!🙌🏻-我地✌🏻個人叫左1️⃣個前菜3️⃣個肉類1️⃣個炒粉絲1️⃣個湯2️⃣杯飲品~~超飽飽大滿足☺️-🔸豆腐沙律配芝麻醬🔸最鐘意食芝麻醬沙律😋而且佢嘅豆腐特別濃豆味, 令人滿意嘅前菜🥗-🔸A4牛魔野原燒🔸和牛薄切配月見汁沾蛋, 店員熟練咁幫我地快手煎封底面, 好快就食得💁🏻‍♀️油脂比例均勻, 幾乎入口即融🥺 嗰種油香喺口腔撞黎撞去😂-🔸美國Prime醬油牛肋骨🔸依個牛肋骨雖然有返咁上下厚度, 但係佢嘅肉質好林, 又重牛味, 食落比和牛實在啲, 配微甜嘅醬汁成件事好夾💯加上有店員幫我地烤肉, 烤得剛剛好特別好味☺️-🔸醬油雞肶肉🔸食左2款牛, 叫返個雞肶肉🍗同樣係微甜嘅醬汁, 配雞肉又係另一種感覺😙雞肉本身夠嫩滑, 燒完都keep 到juicy 唔會乾爭爭👍🏻-🔸韓式炒粉絲🔸辣豆腐海鮮湯🔸以上2樣經典韓式食物, 當然要叫😋🥢炒粉絲好香口又彈牙😬🍲辣豆腐海鮮湯辣辣地, 好惹味🌶 有蝦有蜆有豆腐十分足料🙌🏻-飲品方面有啤酒亦有非酒精飲品自己食燒肉鐘意配啤酒, 叫左杯🍺Suntroy D

食烤肉點可以少得牛! 一提起牛, 就諗起尖沙咀一間隱世主打烤肉餐廳, 去過好幾次, 質素依然keep得住! 係其中一間值得無限encorn既烤肉人氣餐廳。話明人氣, 當然要預先book檯啦! 今晚同朋友就食晚市第一round, 被安排坐吧檯, 有侍應全程協助燒烤 (如果坐其他檯, 就可以自己親自體驗燒烤樂趣) 入座有免費前菜三款, 仲有得無限添加每次黎我都定必encorn【美國Prime牛肋骨】HK$198醃得非常入味, 牛肋骨灘開, 份量都唔少, 肉質林, 甜甜地, 陣陣牛味係口中散發, 超級推介!!! 【A4牛魔野原燒(和牛薄切配月見汁沾蛋)】HK$130燒至7成熟, 入口嫩滑, 淋上蛋汁, 較杰既蛋汁包住每件牛, 入口口感更滑, 淡淡肉香, 同樣不錯!除左主打牛, 亦有豚肉提供,【豚肉五花腩】HK$110五花腩為薄切, 對比厚切五花腩黎講雖然少左份量感, 但對比下冇咁漏, 兩邊燒至金黃, 伴有生菜包住食, 減少油膩感, 稍嫌近皮位置有D韌, 帶些少咬口感。【石鍋牛肉飯】HK$110石鍋飯熱辣辣上檯, 熱得能生成脆卜卜飯焦, 有好林既牛肉粒、雜菜絲, 層次豐富, 加埋辣醬攪拌食,

今日中午去左尖沙咀棉登徑覓食，發現呢間「牛魔」好受歡迎咁，顧名思義餐廳主打牛肉，提供日韓式的牛肉燒肉星期日嘅中午都設有午市套餐，價錢由$85起，除咗主打牛肉，也有親子雞肉丼或鹽燒鯖魚等等非牛肉類選擇點餐後侍應會先送上色彩豐富的前菜及沙律🥗新鮮爽脆又好味，非常健康牛魔石鍋飯石頭鍋飯可以選擇配雞肉或牛肉，我就揀左雞肉。熱辣辣的石頭鍋將食物keep住溫度～雞肉係雞柳位置，肉質嫩滑，雞味濃厚，配上七彩繽紛的韓式前菜，豐富左石鍋飯嘅味道同口感！石鍋嘅熱力將生雞蛋加熱至半熟，混入飯裡充滿蛋香烤醬汁牛肉餐牛肉片厚薄適中，加上鹹香醬汁一同烤熟，牛肉味好香濃，邪惡又滋味！底下仲有大量洋蔥絲墊底，吸收晒牛肉汁嘅香味同精華，多汁又清甜，用黎撈飯啱哂！特選餐湯係蘿蔔清湯，味道好清甜熱柚子蜜跟餐加$10可以選配熱飲，柚子蜜清甜滋潤熱薑蜜薑蜜甜度適中，滲透著陣陣薑辣香，飲到底部相對比較辣

今日要過尖沙咀美容院做body treatment， 橫掂都去尖沙咀，所以特登約朋友食個靚lunch先。之前試過牛摩既午餐唔錯，價錢唔貴，所以就介紹朋友來。今日嗌咗兩款唔同嘅套餐，大家一齊share，有慢煮牛肋骨與醬燒牛肉，再配熱飲，朋友揀咗柚子蜂蜜茶，我就揀生薑蜂蜜茶，冬天飲啱曬。每個套餐都包一碗海帶牛肉湯，三小碟韓式前菜 ，同一碟沙律，包保飽肚。慢煮牛肋骨炆得好腍，好入味，都幾多嚿，仲有幾塊白蘿蔔，朋友都大讚。我就鍾意用鐵板上嘅醬燒牛肉，甜甜地，牛肉嫩滑，仲有啲洋蔥絲，送飯好好食。