牛魔 (已結業)

哈哈！唔知你地會唔會有班friend，出親黎食野！實食到一半就斷片唔記得食咗咩～雖然尾果段唔記得係可惜嘀，但人生有個真正朋友的確好極～飲勝！今次我朋友話係捧朋友場，黎呢間日韓式燒牛肉食，冇所謂啦～最緊要有得飲啫！朋友發板，主要都係叫嘀燒牛肉拼盤，泡菜煎餅，韓式炒粉絲咁啦！但我海膽控黎㗎嘛！一見到生牛肉包海膽我就一定嗌！我地唔求食飽，但求食精！人開始大啦！我已經唔會再將唔好嘥野掛嘴邊，我發覺每樣野都有quota，適當嘅揀飲擇食，對自己百利而無一害，況且我仲要留肚飲酒！食燒肉送酒真係一流！又大把配菜任refill，話時話，佢嘀泡菜幾好食

今曰朋友去帶我去食好野，去左尖沙咀牛魔食燒肉，餐廳坐位舒適餐廳上肉類種類又多。一坐低遞上三碟小菜有芽菜，青瓜，中華沙律仲可以無限refill 真是幾工，中華沙律都食左幾碟。用嚟塗來爐。醬油牛肋骨肉醃到好入味又甜甜地肉質嫰滑，灘開每一條又好大條，牛味又香濃，仲要有服務員幫我地燒幫我地剪開一塊塊，完全唔使我地自己動手燒櫻花粟米餃子煎到好香口，配上洋蔥汁更加美味可口。醬油雞醃到好入味，燒完又好嫩食落又甜甜地和牛牛肩薄切配蘋果條，和牛牛味濃郁，包住蘋果吃味道更加正，肉質超嫩又好入味。雞肉石鍋飯，熱辣辣將雞蛋混合其牠一起撈，味道更加香，雞肉又嫩滑飯粒又軟熟。最後以甜品做結尾。

去尖沙咀吃有質素的燒肉，是位於棉登徑的牛魔。疫情肆虐下，餐廳做足安全措施，為每位進入餐廳的食客測量體溫，以及在當眼位置擺放消毒潔手液。晚市時段，餐廳提供四款套餐。也有各式燒肉，分得非常細緻，不單止有各款部位牛肉，還會分來自澳洲、美國及日本。除了牛肉，亦有豬肉、雞肉、羊肉、海鮮和蔬菜。燒肉以外，還有頭盤、沙律、飯麵、湯及甜品。飲品分酒精類和非酒精類。點好食物之後，侍應先送上前菜，共有三款，都是爽口的選擇。然後侍應拿來一小塊肉，這是肥膏，用來取代煮食油，在爐上的鐵網刷刷刷，可讓肉類煮起來更加香。侍應在上菜後，隨即過來協助烹煮。如果食客喜歡的話，也可以自行燒肉。但懶鬼如我，還是讓侍應協助好了。燒烤過程油煙非常非常少，不會吃完之後一身油煙味離場。這是全天然豚肉五花腩薄切跟生菜。豚肉五花腩上已有鹽和黑椒作簡單調味。伴隨著生菜和辣醬，可以用生菜包著五花腩進食，再按個人口味加入辣醬。辣醬不算太過辣，即使我算是怕辣，但也吃了一些。用生菜包著吃，減少了油膩感，非常爽口。五花腩單吃也很好，更能吃到五花腩香脆的外邊，配搭白飯送飯一流。肥肉和瘦肉層次好分明，油香吸引，可以用海鹽或者醬油或者wasabi調味，令

Since it has been awhile we have grilled meat, I suggested to my wife to have it for dinner tonight. Yakiniku More was located at Minden Avenue, opposite K11 Tsim Sha Tsui.They specialized in yakiniku meat, mainly beef, pork, seafood, chicken, lamb and vegetarian. Beside that, they served appetizers, rice & noodles, salad, soup, desserts and drinks. They served side dishes such as bean sprouts, sliced cucumbers and shredded salad. They were juicy and fresh, very appetizing. Grape soda - It was g

之前吃過幾次了，覺得中午吃燒肉是最划算的。環境如一，令人舒適。午市二人套餐 $320，用上來自美國、澳洲和牛，質素有番咁上下。雜菜沙律菜很新鮮，仲有青瓜、粟米，配芝麻沙律醬。古法漬泡菜及前菜有海帶、醃青瓜、麻油芽菜，口味清新，很開胃。自家制海帶湯有很多白蘿蔔，營養豐富。乳酸梳打特飲 (+$15)先搞勻再飲，入面仲有蒟蒻，吃一口燒肉，再喝一口冰凍的飲料，很爽！燒肉很香，牛肋肉油脂分佈均勻，質感嫩嫩的，醬汁入味，帶點甜，配白飯是最好吃的！和牛牛五花口感很好，肉汁香濃，更富有彈性。可以加wasabi食，不只是醬油味道，蠻特別的。美國Prime牛肋骨帶果甜味，原來用了韓式雪梨汁，十分美味。生薑蜂蜜茶 (+$10)養生的良品，薑味強烈，蜂蜜甜美，我喜歡。

雖然市面不境氣，但係開工第一日係要去食好D嘅所以去尖沙咀牛魔嘆個燒肉lunch午市二人套餐夠晒大份佢地混合左日韓食法，而且食材加入果香醃製，令肉質食上嚟更鮮嫩軟稔食嘅時候只需用少許鹽簡單調味，已經夠晒味我同朋友忙緊傾計嘅時候，職員會主動幫忙處理未完成嘅食物，等我可以一路食一路慢慢傾食燒肉最怕就係食到成身味，喺牛魔就唔怕啦，因為佢用左無煙地下抽氣燒烤爐，食既時候都唔覺煙霧離漫，都無食到成陣味添

近排疫情似乎受控，所以我都多左出街搵食，今日就黎左尖沙咀食牛魔，呢度供應嘅午市套餐定價$85-125，雖然好似貴左少少，但以尖沙咀黎講，呢個環境再加上好嘅服務都算合理。午餐選擇就有慢煮牛肋骨、燒醬汁牛肉、鹽燒鯖魚、親子雞肉丼、石鍋飯等。慢煮牛肋骨套餐包括左有牛骨湯、白飯、三小碟、沙律同埋主菜，因為烹煮需時，所以落單後店員會先送上牛骨湯、三小碟以及沙律比我地食住先。牛骨湯味道濃郁，沙律菜新鮮，搭配胡麻醬一齊食非常開胃。三小碟有中華沙律、芽菜同埋小青瓜。燒醬汁牛肉套餐用鐵板上，上枱嘅時候仲聞到好香嘅醬汁味，牛肉煎得啱啱好，肉質非常嫩滑，牛味香濃，送飯一流！而洋蔥亦由於吸收左醬汁嘅味道，亦都非常惹味。同樣燒醬汁牛肉套餐亦都有牛骨湯、三小碟、沙律。

自從肺炎一疫，尖沙咀街道都變得冷冷清清，好在棉登徑赫德道呢帶嘅餐廳仍然營業。早就聽朋友講過牛魔嘅牛肉出色，一直以為做晚市燒肉，原來亦有午市套餐供應。定食價錢同日本差唔多，$85-125，跟餐轉特飲都只需另加$15，相當貼地。落單後店員隨即端上餐湯沙律，沙律菜包含粟米、生菜、青瓜，新鮮多汁，無草腥味。定食非常豐富，單計前菜已有三款，經油醋醃過酸甜爽脆，清新開胃。果然主打牛肉連副產品亦與眾不同，牛骨湯充滿肉香，加入蔥花胡椒，清香撲鼻之餘又帶點辛辣。說時遲那時快，未食完沙律主菜已熱辣辣上枱。牛肋骨滿滿一兜，見到骨肉分離嘅狀態都知花咗唔少時間煮骨大肉多，同時帶些許脂肪，入口更稔滑柔軟；醬汁鹹甜參半，惹味好拌飯，墊底嘅白蘿蔔切成磚狀，充分吸收湯汁，每口爽嫩都帶著甜香。好耐無見過樽裝汽水，餐廳貼心地咁入檸檬，不起眼嘅酸味卻中和咗汽水嘅甜膩。朋友點嘅海鮮麵同樣豐富，面頭鋪上滿滿海鮮。白湯加入黑胡椒提味，令湯底更清香開胃。透過開放式廚房仲見到師傅手拉烏冬嘅過程，難怪每條粗幼均一、口感綿滑

餐廳風格比較時尚得黎又帶有少少古典美。而且以往食完韓燒一定會好大陣油煙味，但係牛魔食完燒肉一d油煙味都無，抽風系統有十分滿分午市二人套餐 $320(美味指數: 😋😋😋😋😋)牛魔古法漬泡菜及前菜芽菜，青瓜同中華沙律牛魔雜菜沙律雜菜沙律有沙律菜，青瓜同粟米，全部都好新鮮，仲配搭埋日式麻醬，好滋味自家制精選餐湯蘿蔔清湯，非常清甜美國Prime牛肋骨牛肋骨長長一條甘燒，店員會幫手剪開，牛肋骨肥瘦均勻，而且醃得入味，入口嫩滑，仲有淡淡肉香，肉汁同油脂香味會係口腔維持一段時間黑椒五花牛肋骨五花牛肋骨好腍食，帶有脂肪，肉味較濃，同Prime牛肋骨係兩種唔同既風格同味道和牛牛五花牛五花色澤鮮紅厚度適中，食落口感肉質細膩鮮嫩多汁，唔需要沾任何醬料(左) 鳳梨梳打特飲 $48(右) 金桔梳打特飲 $48特飲除左有果肉之外，仲加左椰果，酸酸甜甜，配埋梳打水夠晒氣夠晒fresh😋整體食物質素：4.5 / 5💰性價比：4 / 5👍推薦指數：4.5 / 5

情人節夜晚，見裝修唔錯就入去食，點知。。。。。日本和牛肉冇味，單嗌仲等得耐過叫餐，人哋枱枱到晒我嗰個都未到諗住燒耐d，會香d，點知都係一樣！好似一舊濕咗水嘅紙巾擺入口。。。杯菠蘿梳打就唔錯前菜會見到你食晒就會重新裝比你，唯一值得讚嘅就係服務員都幾熱心

同老公一樣咁鍾意食牛，真係走唔出牛嘅魔爪，嚟到呢間牛魔，餐廳名真係超級貼切，真係牛魔鬼嚟㗎，講返嘢食先，我哋一到達之後就坐咗吧枱，因為店員同我地講坐吧枱就會有佢哋操刀去幫你燒牛肉，如果坐二人卡座嗰啲就有自己去燒，咁始終工作人員燒一定會覺專業，所以我哋揀咗坐吧枱，坐低之後睇完晒Menu，我哋就決定叫一分前菜，一份牛，一份豬，一啲小吃，一個主食。店員為我地送上頭盤小吃，有泡菜，拍青瓜，九芽菜，呢啲都係開胃小菜😋前菜就係胡麻豆腐沙律，沙律菜好新鮮好Fresh，再配上胡麻汁，好開胃💪🏻💪🏻💪🏻之後就係五花腩肉，店員首先會擺喺你面前俾你確認一下，講到好口肉，已經流晒口水啦🤤🤤🤤店員為我地燒既五花腩，好吸引呀。然後就係我最鍾意食嘅牛小排啦😍😍😍😍齋睇已經好想一啖咬落去，配有少少奄料令佢更加惹味😋仲有一舊雞髀菇，超愛吃。好想快d食呀🤤🤤🤤至於小食我哋就叫咗櫻花蝦餃子，每一啖都好香蝦味，餃子亦都大大嚿，啖啖肉，裏面都好juicy多汁👍🏻最後嘅煮食就係韓國石頭鍋飯，味道不過不失，感覺都係韓國餐廳食嘅會好味啲，但都已經不錯。

上次食完牛魔之後一直都念念不忘。於是我同女朋友就襯假日去再食。牛魔開12點，但未夠鐘已經有三、五位顧客喺出面排隊等緊喇。原來打算好似上次嚟食咁點燒肉，入座睇到餐牌，原來午市有lunch set，價錢都好抵，所以轉咗目標，點咗兩個lunch set。安格斯特選牛肉眼丼飯餐 - 牛魔將安格斯肉眼扒燒好後切片，再鋪上飯上面。肉眼片邊脆肉嫩，牛味香濃，非常之誘人。慢煮牛肋骨餐 - 我平時食牛肋骨飯通常都係喺啲韓式餐廳，喺日式燒肉店食都係第一次。牛魔嘅慢煮牛肋骨絕對唔會比韓式餐廳差。汁醬配埋白飯嚟食，令你食慾大增。依兩個套餐都配上特選餐湯，沙律同三款前菜。真係無得彈。

人生就係每日吃、吃、吃..........😂返工丶假期、放假都是食、食、食........😂😂抵食午市套餐多款午餐安格斯牛肉眼套餐——-配料有芝麻醬沙津，紫菜湯、三款小食青瓜，芝麻油味大豆芽、有咬口好味道，芝麻海草爽口好食.........牛肉眼——烤得時間剛剛好，肉質鮮嫩夠腍。午餐溫泉蛋🥚豚肉丼——配料有芝麻醬沙津，紫菜湯、三款小食青瓜，大豆芽、芝麻海草......溫泉蛋加入飯內吃，日本米，好味道⋯⋯豚肉滑溜，肉鮮甜，食材用料講究，價錢抵食😋巨鋒提子🍇梳打——-提子🍇➕椰纖果😋菠蘿🍍梳打特飲——菠蘿🍍➕椰纖果😋地方大、座位舒適、食物食材味道靚又好味，服務招呼有禮貌，😋

上次黎過這間牛魔食lunch，即使不是叫燒肉食，午餐都足以令我一試難忘，前菜、沙律和餐湯都很高質素😚所以今次再和朋友來試試☺️——————————🔹安格斯特選牛肉眼丼飯餐 $125這次同樣叫了兩個午餐，安格斯特選牛肉眼丼飯賣相很吸引，飯上有很多安格斯牛肉片和紫菜！今次牛肉比上次煮得靚少少，外層不會太燶太乾，食落好有肉味，還帶點肉汁，再混合飯內甜甜的燒汁，正😋😋🔸烤醬汁牛肉餐 $110相反這個有點失望，本身都鍾意食洋蔥，但今次煮得有點過火，洋蔥食起來會有燶味，可能鐵板太熱和醬汁太多所致😅不過牛肉的質素仍然不錯，軟腍多汁😋🔹柚子蜂蜜茶 $38/ 乳酸梳打特飲 $48這幾天天氣都有點冷，我就叫了熱飲☕️ 柚子蜂蜜茶飲完好補，裏面有不少柚子肉，飲起來很香柚子味和甜甜的蜂蜜，真材實料😚朋友叫了乳酸梳打特飲，只有乳酸和淡淡的檸檬味，整體有點淡😂

今日想食牛肉飯，吉野家自然不在考慮之列，喺尖沙咀諗牛，自然諗起牛魔。一入去，有店員幫手量體溫，呢簡單一步，的確係喺今時今日無能既政府管自下，各階層稍能做到既一點。言歸正傳，黎到先發現牛魔午市有丼餐，不過今日都係想食個自己燒既牛肉lunch。前菜細心好味，尤其鐘意個泡菜同埋沙律。叫左杯柚子梳打，雖然走飲管冇咁易吸啲粒粒，但用羹潷出黎都ok丫，可以唔使sai一支飲管。柚子梳打幾清新開胃，食到飽飽地又幾消滯，同燒牛肉幾夾。最驚喜係估唔到午市都黎咁多牛肉，真係要密密食先食得切。上次晚市黎食，有度員代勞幫手燒，今次可能因為疫情，冇左呢個服務，果然，有啲事「還是留給專業的來吧」。自己燒得冇咁好味 LOL牛肉既肉味同油脂分佈好好，雖然係經自己非專業既手燒，但都好香好滑，油香味充滿左口腔。 最好既係，呢度連「配菜」粒菇都好多汁好味。 喺牛魔食既另一個好處係，食完都唔會成身燒肉味，食飽又番去開工lu。希望大家身體健康吧！