| 餐厅: | 牛角日本燒肉專門店 (海運大廈) |
|---|---|
| 资讯: |
为推动全港减盐减糖新饮食文化及新生活态度，环境及生态局、降低食物中盐和糖委员会及食物环境衞生署食物安全中心推出了「少盐少糖食店计划」，参与食肆会提供少盐少糖选项予顾客，部份更会提供特定减盐减糖菜式。参与减盐减糖食肆会获发计划标志，以供张贴於店舖内，供顾客识别。详情可在此浏览：https://www.eeb.gov.hk/food/cn/committees/crss/restaurants.html
王樣！胸腹肉($69)
上級牛肋肉($59)
特上和牛牛肋肉($99)
牛角飯($19)
王漾豆腐($39)
一坐低二話不說就即刻點野食！
當初都幾怕 d 肉唔靚，幸好水準冇走樣，無論燒汁定鹽醬都好味，味噌就唔係全部肉都可以揀
點了牛角沙律為前菜
開胃的味道, 充足的份量, 令人滿意
還有石頭飯, 不過不失, 配以清湯, 大家很也滿意
最後來個綠茶雪糕銅鑼燒
職員特意換了新的網, 好讓找們燒這個甜品, 各面二十秒, 效果良好, 外脆內凍, 非常新奇, 味道十分配合!
牛的其他部份都有order，牛肋肉(塩及燒汁)平平地肉質須然無『牛肋肉』咁入口即溶，但計味道燒汁入味D。牛肩太硬，牛柏葉都一般，不過好過牛肩，起碼有嚼口。牛舌好好味，雖然得5塊，好入味，唔點汁都OK。我地都order 咗幾次。其他如牛腸，豬頸肉（味噌）＄３９－呢個正！很入味，入口又鬆化，一定咬得開！香草芝士雞肉＄４９，將芝士連錫紙盤放在燒爐上燒至溶。，再用作雞肉點汁用，雞肉很嫩。蔥拉麵只可說是一般，無乜特別好味或唔好食。另外，另一推介是『牛角飯』，有紫菜係飯面再加燒汁的珍珠飯，D 飯蔒到剛剛好，餐廳介紹是紫菜包飯夾肉來吃，但齋吃這個也很不錯！不知為何吃了一口會想吃多口，燒汁撈飯真是好好味！
最後大家一定要試試人氣NO.1 的雪糕『牛角雪糕』，有少少焦糖係雲呢拿雪糕面，為整頓食加入完美的結局。
埋單400蚊左右，係尖沙咀有海景睇，又係情人節，我覺得好抵!! 最緊要係食物方面，全部我都好滿意呢!
柏葉刺身: 牛柏葉食得多, 但未試過生食，食落口感唔錯，靈魂係個醬汁，好惹味，不過D汁多D會更好
辣海鮮豆腐湯: 滾住出黎，好多海鮮，視覺效果非常好，味道方面，個湯不太辣，略為咸左少少，而豆腐好滑，整體都唔錯!
野菜盛合: 有粟米同埋唔同既mushroom，睇得出係新鮮蔬菜，邊燒邊「茶」跟埋既醬汁，估唔到蔬菜都可以咁好食!
和牛牛肋肉: $99蚊的日本和牛，已經係menu入面最貴既食物，真係幾抵食，我跟住menu所講既方法燒，先燒一面20幾秒，反轉另一面燒多幾秒就食得啦!! 唔駛加任何醬汁都好好味!!! 好有牛味!! 滿口都係牛油!!! 連埋牛角飯一齊食，可能係全世界最好食既牛丼!
豬頸肉: 個人認為豬頸肉係豬最好食既部位，油脂均衡，輕輕一口咬落去，香味四溢，感覺好軟熟，想食好味既豬都唔一定要食黑豚肉呢!
王樣腹胸肉: menu講到話有燒牛扒既感覺，我自問對燒牛扒係有一手的，我先燒香一面，再用差不多一半時間再燒另一面，跟住用剪開四片，再燒呈紅色的部分，動作要快，唔可以過熟，否則老左就鞋口變得唔好食!! 上碟後，馬上放上一小件牛油，用牛肉餘溫將牛油溶化，我估應該係咁樣食，因為冇可能放係個爐度燒。一口一片，肉質雖然冇和牛咁滑，但都幾淋幾入味!! 我燒第二塊失左手，我想試吓燒耐d，點知就冇第一舊咁好食，有少少鞋，我終於知道點解之前的食評有讚有彈，因為烤肉真係一門學問呢!!!
本來想食埋甜品，不過趕時間去第二個地方，冇辦法，唯有下次再試!
放了工匆匆到LCX，六點多還未滿座，「坐下來，豁出去」，點啊點，樣樣都好味～
B先生好鐘重牛舌，有口感，燒多一兩塊先掌握到火候。
好味啊～～～口感和油花香味結合得恰到好處，牛味濃郁，食完上天堂！今晚最讚的！
其實是雜菜拼盤，蘆筍，雞肶菇同冬菇都好新鮮，重新喚起我對燒雜菜的熱情！
今餐又一高潮，調味棒得沒話說，牛味和摻在蔥味裡，B先生的最愛（當然小妹的烹調應該替它加了分XD)
牛柏葉
雪糕配上黑糖漿與黃豆粉，好吃加倍，比花士令更美妙的滋潤！
徘徊在熱熔和凍硬之間的掙扎。好像燒熱了外皮，裡面的雪糕像冰一樣，我還是欣賞牛角雪糕的多。
門外等位約十多分鐘就可以安排入座，相比九龍灣店係絕對不可能發生的事。在排隊期間，上網睇返其他食友有咩推介，坐低二話不說即落柯打，可惜無銅鑼燒，烤泡芙都無，兩個Signature甜品都無之下，決定要即場改攻略，補叫一個牛角冷麵，點知又無，仲要係柯打後事隔一段時間先至話無，心情再三受打擊，令我未食先要扣分，加上侍應反應有點遲緩，未熟悉餐廳運作流程，呢幾方面似乎要好好注意一下...
先送上來嘅係王樣豆腐($39)，餐牌上呢個冷豆腐由12種唔同嘅醬汁組成，上面再加一隻生雞蛋，賣相算吸引，除左試到辣味噌之外，完全試唔到係咩味，不過微辣滑溜嘅冷豆腐，加上蛋漿的確係不敗的滋味！
第一份來嘅定食就係牛肋肉配燒肉汁($59)，我地以餐牌上提供嘅燒法作參考，每邊只燒一次就放入口。肉身唔係厚切，雪花紋亦唔算均勻，但食落牛味甚濃，亦無乾靱感覺，味道唔錯。牛肉本身在午市定食應該唔會提供最好嘅級數，幸好有出色嘅燒肉汁彌補，應記一功。將燒好嘅牛肋肉，放上白飯面一齊夾黎食，令人相當滿足，箇中滋味難用筆墨形容，大家下次記住試下。
另一份定食係牛舌配腹胸肉配鹽醬($79)，牛舌較薄身，今次跟足指示，略燒一陣就食得，不過咬落稍嫌有點韌，感覺一般。腹胸肉相對較好，味道豐腴，有油脂甘香，質素有一定水準。
特上和牛牛肋肉定食係餐牌上最貴嘅一個，盛惠$99，價錢及配套跟伊呂波，盛八等午餐較相似。特上兩字果然代表另一個層次級數，呢份牛肋肉雪花紋比起之前果份靚得多，油花亦充足，烤香之後曬上少少「魔法之鹽」，味道提升不少，好味！
餐牌上有個柏葉刺身($39)，小弟孤陋寡聞，未在香港試過，決定來一客。柏葉用上打邊爐常見嘅黑柏葉，本身味道較寡，但配上醬汁後食味十足，柏葉爽口有嚼勁，跟青瓜絲一齊食最為合適。
食過幾份肉後，意猶未盡，再追加叫一份「王樣!腹胸肉」配蒜茸味噌($69)，厚厚兩份腹胸肉，尤如西冷牛肉一般，烤熟後要自行再用鉸剪剪開。無指引下憑經驗去烤，算係燒得理想，食落肉味雖濃厚，但整體只算不過不失，王樣兩字只係嘩眾取寵嘅技倆而已。
餐牌想叫的，或者係有供應的都已試完，大家仍覺空虛，決定埋單走人食甜品。埋單起行後發現漏左餐飲未叫，決定折返飲埋杯野，侍應們仍然懵然不知，我地係唔係有餐茶之際，再發現原來前菜無黎到，最後呢幾份唔太好味嘅「前菜」變做「後菜」，實在混乿不堪，令人失望。
牛角以呢個價錢黎講，食物質素算係非常唔錯，如果唔駛排隊的話絕對值得一試。不過服務方面，縱使侍應們有禮有笑容，但效率及反應完全差得很，而且我翻查其他食評，服務水準亦同樣受到質疑，所以今次經驗並非個別事件，店方要好好留意一下了。
到達時為 18:15, 已經開始排隊, 攞籌. 等到 20:15 終於有位!
燒烤方法, 不過冇跟佢
Ordered:
辣油豆腐 (3分) 不值一試 
上級牛肋肉(鹽醬) (6.5 分)
牛角飯 (8.5 分) ## 推介
也許這間分店因為是新開張的關係，昨天雖然是週末，午飯時間偌大的店舖似乎也不是太多食客。既然如此，那時候便決定今天到來吃過午飯，試試這間人氮食肆的出品是否真的好吃，以免過了這段人流不多的「蜜月期」後，遲陣子當這分店已開張的消息廣為大眾所知之後，這位於尖沙咀遊客購物區內的店子的人龍便會比九龍灣店更長得多，那時候要舒舒服服地到來吃一頓舒適的午餐或晚餐，便十分之難了。
此外，店子牆上的裝飾和佈置也見雅致而有特色，特別是牆上的一幅得意的立體畫，繪有一隻牛的用來燒肉的部位，猶如一幅解剖圖一樣，煞是有趣。
與其他的日式燒肉店一樣，這裡的調味醬料也有多款，除了日本醬油和甜醬外，還有一款自稱是「魔法之鹽」的粒狀蒜鹽，據店家所言具有獨特的增加燒肉味道的功效，也頗有趣呢！
因為在到來這前已從其他食家的食評中熟知這裡哪些食物較為好吃，哪些則比較一般，所以都不用多看這兒印刷精美的餐牌，便已點了多款店中的有名食品，準備大快朵頤。
對我這個酷愛吃牛舌的老饕來說，牛舌是必吃的。但因為自己從食評中知道這裡的厚燒牛舌不太好，所以改要了平日較少點的「薄切牛舌」。這切成圓形的鹽醬牛舌一客只得五件，分量不算得多。不知是否自己掌握燒烤的技術未到家，所以燒後的牛舌稍嫌有點韌，幸好在蘸上檸檬汁和各款醬料後，還算好味，可補這方面的不足。
在幾款不同部位的牛肉中，這次我選了「燒肉汁上級牛肋肉」。這牛肋肉的賣相不錯，看來頗有脂膏，真箇吃進口中後，味道也還不錯。
相比起牛肋肉和牛舌，個人更加喜歡的是「味噌豬頸肉」和「味噌豬大腸」。兩者的味噌汁都醃得非常入味，豬頸肉嫩滑好吃，豬大腸煙韌而有嚼勁，同樣非常好味。
看似無甚特別的「香蔥溫泉玉子飯」，把面上的溫泉玉子攪碎泮勻香蔥、紫菜和裡面的飯後，加上已燒好的牛肋肉同吃，味道即時得到提升。每一口的飯裡都有蔥香、蛋香和肉香，口感也見豐富，有紫菜的脆、玉子的滑、米飯的糯和牛肋肉的軟，味道都頗不錯！
最後的「雲呢拿牛角雪糕」也不愧是這裡的名品之一，加進了黃豆粉和黑蜜糖的雲呢拿雪糕甜蜜度十足，而且口感特別，佳！
也許這裡的食物水準不算得是頂兒尖兒的好味，不過整體而言，所有食物都能令自己吃得甚為滿意了。
影片