牛站(駅)麻辣火鍋放題

营业中

休息中

傍晚去加連威老道行街，行一陣又到晚飯時間，差不多去到彌敦道，以前明明有間日式放題，原來已經變咗一間火鍋放題，一於入去試吓，好彩早一步，坐到最後一張枱！職員都好有禮貌同耐性，服務態度都好，唔錯！3大1小點咗精選牛奪餐，成人人每位248，小童148，價錢算唔貴，款式都好多！竟然有任食小龍蝦，啱哂太座，佢超鍾意嗒！鹽酥雞夠香脆，小朋友最鍾意！湯底叫咗駌鴦窩，麻辣同竹絲雞！美國肩胛肉，淥一淥食落口都幾有牛味，呢個價錢食呢隻款都可以喇！第一次食所以樣樣都點小小試吓，材料都幾新鮮，麻辣湯我必點午餐肉，吸哂麻辣味，水魷魚夠哂爽，豬大腸，鴨血，燕餃........，每樣試吓感覺真係好正，放題先做到！魚肚要淥耐D先好食，吸哂竹絲雞湯，超正！花膠雖然唔係貴嘢，但絕對值得再點！牛脷托、豬梅片都好食，唯獨羊肉片較羶，但鍾意食羊羶嘅朋友就啱哂喇！清酒、梅酒任飲，其他平時放題都有嘅飲品都有，仲有醇滑嘉士伯，雪糕都幾軟滑，加埋糖碎個仔食得好開心！總結係性價比高嘅一間火鍋放題，值得再去！

開業大約一年，位於尖沙咀既台式火鍋店（近來觀塘開分店都剛剛開業喇）唔少食材由台灣直送架。整體以木色為主調，環境乾淨舒適。我哋揀左最平嘅餐 - $248/ 120分鐘任飲任食。呢個餐所包既肉類同海鮮唔算多，不過質素的確唔錯。湯底花膠竹絲雞鍋絕不欺場。兩大隻竹絲雞，加上紅棗、杞子、粟米、花膠，好清甜。任食肉類主要有牛肩胛、牛脷托、羊肉片、豬梅肉片、花雕醉雞。除咗火鍋配料，小食都好味😋有帶子裙邊、麻辣小龍蝦、醉豬手、泡椒魚皮、水牛芝士條⋯甜品仲有糍粑同三色芋圓添！汽水同茶唔夠喉既話，仲有啤酒、清酒，同埋我最💛嘅梅酒任飲。

最近成日都食雞煲，好耐都冇打過邊爐，咁啱尖沙咀好似開咗間新嘅麻辣火鍋🍲我哋叫咗個極上牛肉套餐，有日本和牛放題，好似真係幾抵食，一嚟到肉嘅油花分布真係靚到嚇死人🤩🤩點知更令我驚訝嘅係之後加單嚟嘅肉都係一樣咁高質👍🏼👍🏼呢樣嘢好多火鍋店都做唔到，呢度冇漏單，又無特登拖你時間，用餐體驗非常良好！配料方面，選擇都幾多，而且用料比較精緻，例如蟹柳都係珍寶級數！帶子青口都係大大份，而且好新鮮！嘢飲方面，更加係令人喜岀望外，居然有珍珠奶茶🧋另外仲有啲冷泡茶，都係唔錯嘅選擇。熟食方面，最鍾意佢個肉燥，係同出邊阿元來了嗰啲肉燥飯一樣，都係有油膏喺度，食落口感好滿足！仲有一樣有趣嘅嘢，喺呢度居然有麻辣小龍蝦食🤣不過我唔敢試，鍾意食嘅朋友可能會好開心哈哈

終於又到Happy Friday 啦😬又捱過左5日啦，放假啦☺️又係時候放肆一下食返餐好😂又咁岩呢排涼涼地，又到打邊爐嘅時候啦😝所以小編就揀左位於尖沙咀嘅「牛站（駅）麻辣火鍋放題」食得豐富啲😬美國精選牛 $248/位如果19:30前離座會再抵食啲😊套餐包括有美國牛肩胛片、巴西牛脷托、美國豬梅肉片、澳洲羊肉片 同埋 花雕酒雞翼等等……實在太多嘢食，不能盡錄😂除左嘢食，嘢飲亦都係任飲有清酒🍶、梅酒、啤酒、冷泡茶 同 汽水，仲有珍珠奶茶添呀😊岩哂一眾大胃王嘅朋友😬仲有甜品🍮前菜 同 特色小食！嘢食 嘢飲 前菜 甜品加埋都超過100款任君選擇☺️性價比真係相當高😋P.S 餐廳最近仲新增左三色芋圓，醉豬手，泡椒魚皮，水牛芝士條等多款小食 同 甜品 😋而且餐廳係一間台式火鍋店，所以唔少食材係由台灣直送過黎架🤤

今年嘅夏天真係特別長。趁呢兩日天氣終於涼返啲，梗係要去打邊爐啦可能呢排工作好悶，特別想食辣嘢刺激下，所以我就決定黎主打麻辣火鍋、呢間位於尖沙嘴黃金地段嘅「牛駅麻辣火鍋放題」食！一入到餐廳，第一個感覺係呢度裝修好新淨，光線充足，而且抽風系統夠勁，所以唔會好大陣味，環境可以話係幾舒服。餐廳將熟食、飲品同埋火鍋料都可以喺外面任攞，organize得幾井井有條：熟食選擇雖然唔係好多，但居然有麻辣小龍蝦🦞小龍蝦辣度十足，食起上來好惹味呢度嘅丸類、火鍋配料選擇好多，而且賣相都好吸引。同時，我地亦可以用qr code落order，例如肉類、海鮮等值得一讚係佢地個麻辣湯底好明顯唔係用啲化學嘢去溝出來，而係真係用左好多香料去熬，所以味道嘅層次好足。如果唔食得辣嘅朋友都可以一齊打邊爐，因為你可以選擇鴛鴦鍋。除左食材好新鮮同埋選擇多之外，另一個亮點餐廳嘅飲品都好高質。打邊爐飲啤酒是常識吧，但飲日本asahi就更加正啦總結：牛駅麻辣火鍋放題係一間環境企理，地點方便，食材和飲品選擇多而且高質嘅火鍋放題店。回頭率很高

*此餐廳收取加一服務費。20:00入座美國精選牛牛站(駅）120分鐘放題大滿足（兩人$496），美國牛肩胛片肉質嫩滑，牛味濃厚。鴛鴦鍋（單點$48），小辣牛駅秘製麻辣鍋，顏色偏黑，麻辣程度3分，帶有藥材味道；清甜椰子雞鍋，內有白蘿蔔、紅棗、杞子。鮮甜海蝦（跟餐$0），肉質彈牙，食落好新鮮。鮮甜沙白（跟餐$0），肉質飽滿，味道鹹鮮。魚肚（跟餐$0），口感嫩滑。牛白栢葉（跟餐$0），口感爽口，食落容易入味。日本蟹柳（跟餐$0），珍寶蟹柳，食落帶有鮮味。爆漿糍粑（跟餐$0），口感外香脆內煙韌，內有流心黑糖糖漿，整體甜度適中。

今次介紹嘅《牛駅麻辣火鍋放題》位於尖沙咀愛賓商業大樓，主打三款放題套餐，我就揀左$248嘅美國精選午套餐。首先就揀湯底先，我就叫左鴛鴦鍋（牛駅秘製麻辣鍋+藥膳牛骨湯。之後就到左揀火鍋料嘅時間，超過20種肉類同埋海鮮可以揀。我自己就最鍾意食牛肉，美國牛肩胛肉都無限encore！比較有特色係有得無限添加小龍蝦，同埋海鮮都好新鮮帶子！尤其是喺沙白！蔬菜類、飲品同埋甜品就係出面自助，飲品就一定要數佢地嘅珍珠奶茶同埋自家製冷泡茶，好少地方會提供珍珠奶茶，另外自家製茶飲種類都好多，有白桃烏龍另外出面仲有清酒同埋梅酒。至於甜品方面，有幾款雪條同埋自家製軟雪糕。✨人均300左右如果唔想錯過其他好介紹，記得follow我呀😘多謝大家！！！

今日放假，約咗朋友去打邊爐，揀左食牛駅，佢嘅鍋底超正，麻辣夠晒味，成條脷都有啲麻嘅感覺，但係同時又想試吓清甜嘅椰子雞鍋底，所以一個鴛鴦鍋就可以一次過滿足晒兩個願望～椰子雞湯嘅清甜迫晒啲食物嘅鮮味出嚟，用嚟食海鮮例如沙白同牛肩胛肉真係超正～啲沙白又甜又肥美，其他海鮮都好高質，海蝦大大隻咬落有實肉又彈牙😋其他食物選擇都好多，脆鯇又滑又香魚味，有羊有豬梅肉，有水魷蟹柳應有盡有，就算小編個朋友唔鍾意食牛都仲有好多其他選擇～場內環境寬敞，120分鐘好好坐又有良好通風，唔會有煙霧彌漫嘅感覺。如果想同朋友飲杯酒，呢度仲有清酒任飲，飲佢10支8支真係回本冇難度🤩而且地點方便位處旺角，全港嘅中心點，無論約住邊嘅朋友都冇問題啦😁

最近女朋友又再為我找來一間好食店，除了對我這牛魔王投其所好外，還有熱食小龍蝦任吃！實在是很難令人不愛！店舖裝修簡約，空間感十足，而且上菜速度很快速，值得一讚！除了小龍蝦，店內還有多款熱食、火鍋佐料、飲品、甚至連清酒、梅酒都能自取予求。餐廳總共提供九款湯底，選擇很多，因為天氣寒冷關係，對胡椒豬肚湯鍋很感興趣！禦寒胡椒豬肚湯鍋 -湯鍋香氣四溢，嗅著已令人食指大動！湯水濃郁的肉香再帶上胡椒的辛辣，寒氣一掃而空！美國SRF牛肩胛片 -油脂較多但均勻，即使不沾任何醬汁亦十分惹味，入口即溶更令人一試難忘！巴西牛脷托 -很濃郁的牛鮮味，而且肉質鮮嫰爽口帶嚼勁。手打墨魚滑 -墨魚很鮮甜，而且入口更咬到粒粒的墨魚肉！油炸鬼 -浸了湯後，油炸鬼變得軟身，而且更是吸取了湯鍋的精華，一吃回味無窮！麻辣小龍蝦 -說來慚愧，今晚我的主角其實是它們！麻辣小龍蝦個頭不小，而且肉厚味濃，麻辣不算太辣但惹味，而且飲品櫃竟有珍珠奶茶供應，像是專為不太能吃辣的顧客而設，邊吃邊解辣，十分貼心！

一家大細行完尖沙咀 最好嘅節目梗係食放題啦，但係又好想打邊爐🤣🤣咁岩經過見到一間啱晒我，仲要有得食麻辣，啱晒我呢個辣妹，仲可以叫鴛鴦鍋咁連我個仔都食得啦，門口等位唔算耐一陣間就有地方仲要好大👍🏻眼見啲食物種類都多，第一眼我就見到小龍蝦😋😋，好耐冇食喇😍😍味道都唔錯，仲要清酒🍶梅酒🍸啤酒🍻汽水，冷泡茶任飲，仲有好耐冇食嘅糍粑都有，我見自助位置蔬菜丸類配料都好多，連粉面類居然有🤴🏻王子麵阿仔最鍾意😝，當然美國牛肩胛，豬梅肉，羊肉片呢啲都唔少得啦，就算冷盤類都有好多選擇我都食咗唔少味道真係唔錯👍🏻👍🏻打邊爐最重要配料要新鮮，呢一間都算做得唔錯，120分鐘放題真係食到捧住個肚走啊

天氣越來越冷，今晚的溫度跌到14度，又是時間出動吃火鍋吧。SRF美國特級肩胛肉眼片，120分鐘任飲任食，每位$288。肉類包括：SRF美国特級肩胛肉眼片、日本帆立貝、美国牛肩胛片、紐西蘭青口、巴西牛脷托、白鱔片、美國豬梅肉片、手打蝦滑、澳洲羊肉片、手打墨魚滑、花睢酒雞翼、秘製滷金錢肚、西班牙五花片、秘製鹵牛筋。美国特級肩胛肉眼片和美国牛肩胛片的牛肉味道最為吸引。麻辣湯底拼烏雞湯，麻辣湯底開始時味道不算太辣，不過越滾越耐，辣度就會隨時間增加，建議加多些湯在火鍋內。烏雞湯底材料十足，味道鮮甜。蔬菜有10多款，肉丸類都有10款以上，都是在自取區內。飲品除了汽水、果汁、還有自家製花茶。甜品有些是自家製的，亦有豆腐花，其中自家製的甜品，甜度適中，非常值得推薦。原來這裏的材料都是由台灣直送，其中以三色芋圓的味道最為吸引。小食推薦泡椒魚皮，魚皮爽口彈牙，酸中帶辣。非常惹味。清酒和梅酒，都是任飲的。甜品還有雪條，最吸引還是榴槤雪條。

天氣轉冷，又係時候儲定d肥肉好過冬今日黎聽朋友講左好耐話好好食既牛駅打邊爐一坐低就叫左個藥膳醉雞鍋侍應一擺低就聞到好香藥材味然後就會根據你選咩餐，俾個qr code你，我地就揀左中價位個個等食物黎期間，出去針豉油勁想好似大陸d自助餐片咁，成兜芫茜捧走蔬菜類既都可以出黎自己夾基本上咩都有齊曬，睇落仲好新鮮呢d又係引你係打邊爐之前就填飽自己個肚既邪惡物梅酒清酒任斟添最後我夾左兩隻小龍蝦返位，想話融入下祖國點知咩肉都食唔到，欣賞不了，融入失敗係紅糖糍粑！整得好好食，上台仲熱架豬手都有，傻左咩，即食極上牛小排，食得出唔係佳寶貨先，入口幾好咬，牛味都足，重點係之後黎既牛，唔會愈黎愈cheap水準都保持到！但我食得最多係羊肉，好so，要叫！隻蠔淥完之後無消失到，有料味道都唔差，鮮甜肥美帶子都幾好，係要俾d牙力魚片真係有驚喜，好鮮甜，要叫如果問我和牛同極上牛小排有咩分別老實說我唔記得左打邊爐呢回事，放得入鍋大家都是一體的但係都要點，因為印象中無難食呢個感覺甜品櫃係每次任食前雄心壯志以為自己試得勻但最後試到一樣都偷笑既存在幾飽都要唧杯雪糕啦想講呢到既侍應都好有活力，唔會死死氣咁呢樣幾深刻，幾好同埋打邊

🤍牛駅麻辣火鍋放題🖤尖沙咀加連威老道2-6號愛賓商業大廈1樓102號舖📍之前試過一次都覺得幾好食，最近天氣凍凍地打邊爐岩哂今次揀左SRF美國極黑肩胛肉餐($268)🤭湯底就揀左滋補豬筒骨湯+秘製麻辣湯(少辣)，滋補豬筒骨湯幾鮮味，唔係死鹹落味精既，仲有原舊豬骨擺入去一齊煲個秘製麻辣湯就好多紅油，食完個口會慢慢發麻~🔥個餐任食美國極黑和牛同肩胛肉，兩款肉質都好軟稔，D油脂分佈又適中，唔會太肥，前前後後都叫左十幾碟！🔥小食叫左水牛芝士條、泡椒魚皮、炸雞軟骨，其中大推泡椒魚皮，好爽口，但唔會太辣，好快就食哂一碗😝🔥最後糖水叫左三色芋圓、抹茶雪糕同埋中式糖水(圓肉杞子雪耳糖水)，好少打邊爐有中式糖水食，仲要好足料！食完辣野滋補哂一流💕

近排天氣真係涼左好多，最啱就係打邊爐。今次揀左嚟尖沙咀呢間「牛駅」，餐廳主打台式火鍋，午市放題價錢非常大眾化，而且當中有唔少食材都係由台灣直送，所以感覺特別地道。點左個每位 $178 嘅「美國特級肉眼套餐」，客人可於 120 分鐘內任食多款肉類，另外仲有大量火鍋配料、小食、甜品及飲品等，全部都可以任飲任食。先選湯底，揀左個花膠竹絲雞鍋，湯頭味道非常濃郁，而且真材實料，除左有半隻竹絲雞外，鍋內還有豬骨、粟米和花膠，美顏兼潤膚，飲完成身暖笠笠。肉類方面，首推當然係美國特級肩胛肉眼啦，不但肉色有光澤，而且肉質嫩滑細緻，食落牛味好香濃。牛脷托水準亦唔錯，外形肥厚豐腴，入口滿載肉香。另外碟豬梅肉片亦令人吃起十分滿意，食落肉質柔軟有彈性，味道濃郁又唔韌，絕對值得一試。至於其他火鍋配料同小食就全部都放晒喺自助區，除左蔬菜、丸子同菇類外，仲有麻辣豬脷、酒醉雞尖、泡菜蘿蔔、帶子裙邊等，全部都可以任食，絕對可以過足口癮。飲品方面，陣容亦非常鼎盛，有 6 個大雪櫃，入面放滿了汽水同餐廳自家製嘅冷泡茶，另外仲有咖啡、果汁、清酒、梅酒及啤酒等，全部都可以任飲，真係超值。最後記得要食埋甜品先走，有雪耳糖水、軟雪糕

今日來到尖沙咀，由朋友揀了食愛賓商業大廈的一間台式火鍋店:牛駅麻辣火鍋。餐廳卡位寬敞舒適，裝修雅致。餐廳套餐有3款選擇，我們要了中間價的，SRF 美國極黑肩胛肉眼 套餐$288/位。鴛鴦鍋滋補豬筒骨鍋拼美顏花膠竹絲雞鍋，兩個湯都有滋補藥材尤其喜愛美顏花膠竹絲雞鍋， 各人也都飲了一大碗，才開始食火鍋。自助區有非常較少餐廳放題任食的麻辣小龍蝦，及有台灣的特色小食鹽酥雞，除此還有特色的熟食及小食、甜品等，有台灣肉燥、酒醉雞尖、麻辣豬脷、帶子裙邊……火鍋肉類都上網點，有牛肉 、豚肉、雞肉、海鮮……等等。套餐主角的 SRF 美國極黑肩胛肉眼、美國牛肩胛片、巴西牛脷托……等多款牛肉，當然以SRF 美國極黑肩胛肉眼肥瘦適中，最有牛味。澳洲羊肉片，切得相當薄，帶有油花 相當不錯。海鮮類也有多款，試了鮮甜海蝦 、鮮甜沙白、白鱔片、紐西蘭青口，還有美顏花膠……當中鮮甜海蝦、鮮甜沙白、白鱔片新鮮爽口。紐西蘭青口有少少煙軔，也是較鮮甜。美顏花膠不是很大件，但相當厚，喜愛的可以再點，也是最愛之一。當中也試了台式魚皮餃、台北燕餃子、手包蝦肉雲吞……味道及質量都不錯。還有午餐肉、脆魚皮、魚肚、牛白柏葉、鮮雞仔、台北