影片
更多
2022-12-08
77 浏览
近排天氣真係涼左好多，最啱就係打邊爐。今次揀左嚟尖沙咀呢間「牛駅」，餐廳主打台式火鍋，午市放題價錢非常大眾化，而且當中有唔少食材都係由台灣直送，所以感覺特別地道。點左個每位 $178 嘅「美國特級肉眼套餐」，客人可於 120 分鐘內任食多款肉類，另外仲有大量火鍋配料、小食、甜品及飲品等，全部都可以任飲任食。先選湯底，揀左個花膠竹絲雞鍋，湯頭味道非常濃郁，而且真材實料，除左有半隻竹絲雞外，鍋內還有豬骨、粟米和花膠，美顏兼潤膚，飲完成身暖笠笠。肉類方面，首推當然係美國特級肩胛肉眼啦，不但肉色有光澤，而且肉質嫩滑細緻，食落牛味好香濃。牛脷托水準亦唔錯，外形肥厚豐腴，入口滿載肉香。另外碟豬梅肉片亦令人吃起十分滿意，食落肉質柔軟有彈性，味道濃郁又唔韌，絕對值得一試。至於其他火鍋配料同小食就全部都放晒喺自助區，除左蔬菜、丸子同菇類外，仲有麻辣豬脷、酒醉雞尖、泡菜蘿蔔、帶子裙邊等，全部都可以任食，絕對可以過足口癮。飲品方面，陣容亦非常鼎盛，有 6 個大雪櫃，入面放滿了汽水同餐廳自家製嘅冷泡茶，另外仲有咖啡、果汁、清酒、梅酒及啤酒等，全部都可以任飲，真係超值。最後記得要食埋甜品先走，有雪耳糖水、軟雪糕
今次揀左嚟尖沙咀呢間「牛駅」，餐廳主打台式火鍋，午市放題價錢非常大眾化，而且當中有唔少食材都係由台灣直送，所以感覺特別地道。
點左個每位 $178 嘅「美國特級肉眼套餐」，客人可於 120 分鐘內任食多款肉類，另外仲有大量火鍋配料、小食、甜品及飲品等，全部都可以任飲任食。
先選湯底，揀左個花膠竹絲雞鍋，湯頭味道非常濃郁，而且真材實料，除左有半隻竹絲雞外，鍋內還有豬骨、粟米和花膠，美顏兼潤膚，飲完成身暖笠笠。
肉類方面，首推當然係美國特級肩胛肉眼啦，不但肉色有光澤，而且肉質嫩滑細緻，食落牛味好香濃。牛脷托水準亦唔錯，外形肥厚豐腴，入口滿載肉香。
另外碟豬梅肉片亦令人吃起十分滿意，食落肉質柔軟有彈性，味道濃郁又唔韌，絕對值得一試。
至於其他火鍋配料同小食就全部都放晒喺自助區，除左蔬菜、丸子同菇類外，仲有麻辣豬脷、酒醉雞尖、泡菜蘿蔔、帶子裙邊等，全部都可以任食，絕對可以過足口癮。
飲品方面，陣容亦非常鼎盛，有 6 個大雪櫃，入面放滿了汽水同餐廳自家製嘅冷泡茶，另外仲有咖啡、果汁、清酒、梅酒及啤酒等，全部都可以任飲，真係超值。
最後記得要食埋甜品先走，有雪耳糖水、軟雪糕、雪條、忌廉泡芙、3.6 牛乳奶、焦糖意式布甸等。軟雪糕有朱古力同抹茶口味，而且仲可以揀兩溝，正。
聽店員講，晚市嘅小食同甜品更加豐富，有麻辣小龍蝦、醉豬手、泡椒魚皮、水牛芝士條、三色芋圓同糍粑等，全部都可以任食，月尾要搵晚再嚟試下。
张贴
