更多
2023-05-10
80 浏览
已經二訪呢間打邊爐,佢嘅食材好高質,人均$300都唔使啦咁多款式嘅海鮮同牛肉,真係好抵食!除咗牛肉高質,仲有好多唔同款式嘅海鮮🦐,青口、鮮蝦、大蜆、帆立貝呢啲都好彈牙爽口,夠新鮮鮮甜!餐廳主要用手機落單,出面有自助醬料區、小食區、蔬菜櫃、甜品櫃、雪糕櫃,仲有得任飲清酒、梅酒,執好晒出面嘅食材返位就可以坐喺度慢慢食,算係坐得幾舒服😌~九點去嗰輪係最尾一輪,未夠鐘已經好多客人喺出面排隊等緊,想食一定要訂定位📱!------------------------------🐂◖SRF美國極黑和牛片套餐◗ $278九點入座每位只需要$278,就可以任食美國極黑和牛片,仲有好多新鮮海鮮選擇!湯底可以有10款,清淡到重口味嘅都有。今次揀咗美顏花膠竹絲雞鍋,湯底清清地,有一大塊竹絲雞、紅棗、牛筋同埋唔少花膠片,湯料好足!呢個套餐嘅海鮮每款都值得一試,尤其係帆立貝同埋青口,大大粒又鮮甜,食落好彈牙,夠新鮮!佢套餐任食嘅美國極黑和牛片,牛肉大大片,脂肪分布得幾平均,牛肉味超級濃,肉質偏瘦食多幾舊都唔會覺得膩,絕對係回本首選👍🏻!最主要都係手機落單,出面都有一個自助小食區,有多款前菜,有糖水、滷肉飯,仲麻辣
九點去嗰輪係最尾一輪,未夠鐘已經好多客人喺出面排隊等緊,想食一定要訂定位📱!
------------------------------
🐂◖SRF美國極黑和牛片套餐◗ $278
九點入座每位只需要$278,就可以任食美國極黑和牛片,仲有好多新鮮海鮮選擇!湯底可以有10款,清淡到重口味嘅都有。今次揀咗美顏花膠竹絲雞鍋,湯底清清地,有一大塊竹絲雞、紅棗、牛筋同埋唔少花膠片,湯料好足!
呢個套餐嘅海鮮每款都值得一試,尤其係帆立貝同埋青口,大大粒又鮮甜,食落好彈牙,夠新鮮!佢套餐任食嘅美國極黑和牛片,牛肉大大片,脂肪分布得幾平均,牛肉味超級濃,肉質偏瘦食多幾舊都唔會覺得膩,絕對係回本首選👍🏻!
最主要都係手機落單,出面都有一個自助小食區,有多款前菜,有糖水、滷肉飯,仲麻辣小龍蝦,啱晒用嚟送酒食~🍶
🥠/小食
小食選擇幾多,有爆漿黑糖糍粑、鹽酥雞、水牛芝士條、泡椒魚皮、台式一口腸同埋醉雞卷。糍粑同埋水牛芝士條炸得卜卜脆好煙韌,糍粑黑糖流心爆漿,泡椒魚皮爽口有啲麻,值得一試!
🥩/肉類
有SRF美國極黑和牛片、美國牛肩胛片、巴西牛脷托、澳洲羊肉片🐑、西班牙豬五花片、美國豬梅片🐖同雞肉片🐓。個人覺得佢個極黑和牛同牛脷托值得不斷encore,牛味濃郁口感又唔錯!鍾意食羊肉嘅都可以試吓佢嘅羊肉片,味道偏蘇,接受到嘅會覺得幾香有羊味;佢嘅牛脷托超正大推,脂肪分布均勻,牛味超級濃有牛油香,細細片又脆口,呢個size一口過唔會覺得韌!
🐟/海鮮類
個人覺得呢度嘅海鮮選擇多質素都幾好,係另一個回本位!有帆立貝、海蝦、沙白、白鱔片、水魷魚同埋蟹棒嗰啲。佢仲有啲平時少見嘅海鮮,有魚肚、墨魚仔、沙鯭魚同象拔蚌片,都幾新鮮鮮甜,質素幾好!
🥓/火鍋配料
有花膠、牛柏葉、腸灌蛋、鵪鶉蛋、墨魚滑、滷牛筋、豬雪花肉片、豬血糕、雞子、豬大腸、豬肚、雞肉、鴨血同埋雞蛋,真係花多眼亂,今次都冇乜點試,留肚食海鮮同牛!
🍮/甜品
甜品出去自己拎,有奶凍、布朗尼、Tiramisu、豆腐花同抹茶軟雪糕。雪糕櫃裏面有好多高質雪條,有任拎嘅蜜瓜同朱古力味嘅Häagen-Dazs,另外仲有啲朱古力脆皮雪條同雪糕三文治嗰啲!
🌟Encore指數:9/10
张贴