牛惣居酎屋

营业中

休息中

上星期特別搵咗一間專食牛唔同部位既居酒屋果然冇失望 環境好有日本居酒屋既氣氛平日既晚上都fully booked Joanne’s picks 💕牛沙瓜 $40 ⭐️⭐️⭐️⭐️.5出面串燒店好少可會有既部位就係牛既第四個胃冇諗過口感咁爽脆 好特別鯡魚 $298 ⭐️⭐️⭐️⭐️原條燒鯡魚 魚肉非常之嫩滑而且佢啲骨好幼細 我唔算好識食魚都唔怕多骨日本銀杏 $32 ⭐️⭐️⭐️⭐️平日我地食開既銀杏都會有少少苦味但依一個完全唔苦 帶少少甘甜燒銀杏都係第一次嘗試日本生蠔 $196/2隻 ⭐️⭐️⭐️⭐️.5橫格肌set $148 ⭐️⭐️⭐️⭐️牛舌 $68 ⭐️⭐️⭐️⭐️牛小腸 $43 ⭐️⭐️⭐️⭐️牛心 $32 ⭐️⭐️⭐️⭐️萵筍牛肉卷 $38 ⭐️⭐️⭐️⭐️雞翼 $40 ⭐️⭐️⭐️⭐️牛惣居酎屋 (銅鑼灣)📍銅鑼灣登龍街28號永光中心22樓#hkfoodstagram #discoverhongkong #diningout #tastytasty #hkfoodie #japanese #いざかや #串焼き #Kushiyaki #銅鑼灣美食

餐廳唔算大 ，晚餐坐滿晒人店員安排咗我坐吧枱位嗰度對住廚房煮嘢食個爐，所以真係好熱🥹🥹講返食物先呢間餐廳主要係食牛嘅串燒特別係牛嘅內臟多本人其實唔係好食內臟但因為係朋友請我去食嘅但係都有試吓，都幾好食個喎原來佢啲串燒唔會話太鹹，我最推介係牛舌同埋個萵筍、生蠔都唔差嘅，食串燒都食到好飽。如果唔係嘅話好想試埋個飯團，見佢燒得好靚鍾意食牛嘅朋友推介你去試吓😊😊😊😊但係唔算話抵食兩個人食咗$1500左右。

行來行去唔知吃乜好，見永光中心有人派傳單一於上去試試。午巿都有成20款套餐，有飯有麵有壽司有鍋物，好多選擇。我就叫左個日式照燒雞扒配煮雜菜飯。套餐包左一個沙律，沙律菜都好新鮮，醬汁調味酸酸甜甜，好清新開胃。個餐連埋前菜麻醬豆腐同麵豉湯一齊上，麻醬豆腐好滑，亦有豆味。主菜照燒雞扒煮得金黃色，一上枱熱辣辣香噴噴，雞肉白淨嫩滑無雪味，雞皮燒得薄薄脆脆，沒有肥膏，份量亦十足。雜菜炒得不會過老，切成細塊一口一啖，非常精緻，配埋日本米飯夠晒香軟，最後飲埋個麵豉湯真係超級滿足。

Beef skewers~We went for a friend’s birthday and their server genuinely surprised us all when he presented our friend with the cake we got. Great service and ambience and here are a few of my favourites: 🍢Beef heart 牛心HKD 32🍢Beef ribs 牛肋條HKD 38🍢Angus beef tenderloin 安格斯牛柳HKD 52 🍢Beef cheek 牛面HKD 45🍠Grilled Japanese yam w/ cod roe & corned beef 鹹牛肉明太子山芋燒 HKD 88

地點喺銅鑼灣好方便好就腳而且好近地鐵站第一次食呢一間店而且平時都好少去居酒屋因為居酒屋好貴不過今晚係老闆請嘅所以我哋都唔使睇價錢盡情食我哋一行三人總共飲咗六杯自家製嘅走然後叫咗唔記得咗幾多串燒呢度嘅串燒乳牛為主牛串燒有超級無敵多嘅部位每一樣都好特別好特別好好味而且佢燒得剛剛好很多都是外脆內軟而且亦都調味得非常之好可能唔飲酒既人會覺得佢偏鹹但係其實送酒一流我哋買咗好多傳銷傳銷嘅部位好特別以前都係從來未食過嘅影完相之後都唔記得個名不過可以講真係好好味夜晚食得好開心最緊要係唔使錢老闆請不過比我哋想像中又真係唔算好貴三個人食咗1800百幾蚊不過大家去嘅時候要有心理準備每一款串燒呢都一定要同一款order 兩串㗎如果人少去食可能就是唔到咁多款式囉

係香港黎講有得食牛內臟串燒既餐廳真係好少，據聞呢間居酒屋有好多唔同種類既牛內臟串燒就一直都好想黎試下，除左牛內臟串燒之外，佢最主打就係佢既燒酎，如果鍾意飲既話一路食串燒一路飲燒酎真係好chill～不過食完之後我地都覺得佢既其他食物其實出色過d牛內臟串燒lol⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫精選牛三點 - 牛小排他他 火灸韓式生牛肉 牛肝醬配酒盜芝士 ($168) | 7/10我地覺得呢個正常，三樣都唔差但無一樣我地覺得真係超級好食，勝在咩都有d可以試幾款前菜咁啦火灸生牛肉溫泉蛋飯 配小食及麵豉湯 ($79) | 9/10佢既Lunch Set好抵食，大部分都係below $100，而且呢個飯真係好好食！！生牛肉被火灸到半熟，燒到面頭有焦香味，加上調味鹹香，撈埋溫泉蛋同白飯無論口感同味道都好好，呢個真係有驚艷到油甘魚鮫 ($188) | 7.5/10份量都唔錯有兩大舊，肉質都算嫩滑，醬汁撈埋蘿蔔茸酸酸甜甜咁，我地覺得中上～**去到先知串燒每款需要order兩串或以上，所以我地試少左好多款橫隔肌Set - 蒜香/黑燒/蜜糖芥辣/Wasabi ($138) | 7.

前幾天翻開相簿看到沖繩的舊相，馬上想來杯燒酎！馬上去居酒屋吃串燒!!非常喜歡吃牛肉，也喜歡日式料理🇯🇵但沒試過專門以牛作主打的居酒屋！今天來到這一間居酒屋，還有少見刁鑽的牛內臟。✅橫隔肌Set $138 (正!)橫隔肌一set共4串味道分別是: 蜜糖芥辣、黑燒、蒜香、Wasabi個人最喜歡<蒜香>的味道最特別的是黑燒(黑芝麻)最刺激的是Wasabi蜜糖芥末也不錯！✅刺身盛盒 (三品) $198三文魚、帶子、赤蝦刺身，新鮮厚身、鮮甜。點一盤作開胃，非常幸福。✅牛骨髓 $40 ✅牛草肚 $36從來未嚐過「牛骨髓」！原來有豐富的蛋白質和鈣質第一次試試串燒的口感，表面香口、內裡黏口，再鋪滿碎蔥，非常特別，送酒很讚。✅萵筍牛肉卷 $36 (大愛😆)萵筍完美地平衡了牛肉的油脂蔬菜配肉類一定是健康的搭配。✅山葵醬燒廣島蠔 $48好耐冇食燒蠔了🤤除了山葵醬還混了點Mayo，綿綿滑滑，好吃。✅雞翼 $34 ✅雞軟骨 $28雞翼皮烤得焦脆，雞軟骨正常發揮。✅荷蘭大啡菇 $38吃了一大堆肉後有點膩，這個無敵大啡菇仍然有驚喜。菇味非常濃郁，香烤再能帶出菇菌香氣。✅鹹牛肉燒飯團 $38普通烤飯糰

我冇入座，但我唔會再黎！響OpenRice訂左二人晚上八點，當晚我地早左15分鐘到達，響大堂等笠聽到同笠4位女仔剛打電話到同一餐廳，詢問有冇walk-in檯。到達餐廳時我向店員報上姓名同電話，佢話叫我等一陣，因為上一輪檯客人未離開。當時餐廳係有其他空嘅二人檯的，但係我心諗可能佢地已經安排好每個booking的座位，加上唔餓，唔介意等一陣。隨後同笠四位客人同店員講剛打黎問有冇檯，店員竟然即時俾佢地入座！我有啲唔開心，但心諗可能四人座同二人座唔同，所以算數。但隔一陣有另外兩位OpenRice booking, 同我一樣兩位。我唔知佢地係咪book左7:45，但我見店員俾佢地即時入座，所以就問下店員點解俾其他比我遲到達嘅人入座先，佢諗左陣話佢地全部都有預約，叫我等多陣。（我都有預約架喎⋯⋯）最後我同佢講我唔等啦。我想講，就算食物環境滿分，我都唔會再黎，因為入座流程同埋員工對應不善，令人十分失望。

政府終於放寛夜晚堂食限制，當然要約個舊朋友去食好野，傾下計。朋友帶我黎咗一間叫牛惣居酎屋既日式串燒店到食。一坐低當然要叫杯酒飲下，我揀咗杯Pinapple Liquo Peach Liquor 跟住就有前菜:生野菜沙律, 好fresh，好開胃日本生蠔，好鮮甜，好有海水味牛尾西京燒，第一次食燒牛尾，完來係咁好食，肉質好淋，正! 牛大腸牛沙瓜，原來係牛既第四個胃，又叫爽肚，食落好爽口。鵝肝釀雞翼，好特別既組合，但係好好食，雞翼燒得夠脆蘆筍豚肉卷燒鱸魚，好大條，燒完肉質仲係鮮甜，同埋唔會好乾身月見免冶雞肉棒，真埋流心蛋一齊食，真係一流燒橫格肌SET ，有四種好味，每一種都令人難忘牛心 最後當然唔少得燒飯團，我地叫咗個三文魚同梅，每個都燒得好香

本來滿心期待嘅生日飯誰知道係一次唔好經驗冇下次囉～串燒味道普通，但服務態度好差尤其係當晚唯一一個女侍應諗住慢慢食，先叫咗4樣串燒點知要成一個鐘先黎齊啲野…仲要係催單情況下😅呢一個鐘至少聽到三檯同侍應催order…估唔到我最後都要催埋一份🥲坐隔離檯一位女士，催話爭碗烏冬同燒芝士女侍應去check 單，之後話烏冬漏咗單芝士燒緊（重點係：一句對唔住或唔好意思都冇）女士：我真係好想食烏冬，但7點要交檯，咁係咪趕唔切？女侍應：係呀！女士：咁唔要烏冬燒芝士上檯，女侍應同女士講：你7點要交檯，你快啲食！女士好配合話好！我就聽到著火！家陣係你地漏單遲出餐，仲要一啲禮貌都冇叫個客人食快啲？搞笑嘅係最後到差唔多7點45分，最少三張二人檯係吉嘅！包括想食烏冬而被漏單嗰位女士張檯！女侍應啲服務態度唔該train 吓先同flexible 啲！仲有其他吉檯兼冇客排隊walk in 或booking 啲人未黎，係咪應該最基本嘅禮貌同客人溝通呢？！本身覺得D串燒普通，見到咁嘅服務態度即時唔加單，催埋最後樣嘢埋單走人！雞皮蝦卷：雞皮唔香脆，蝦身好乾，兩姐之間夾住塊紫蘇葉，整體唔融合！三樣嘢各自各精彩😂失望！牛舌：4樣燒

🤭Went for dinner for some nice skewers and beer on a happy friday. Ordered quite a lot (tomato salad, grilled fish, eggplant, wings, ox tongue, beef tripes, sweet corn, grilled rice dumping) also edamame, rice (salmon) ochazuke. 🍻The place has a chill vibe with dim light and was very busy so recommend to book in advance.👍🏻The tomato salad was nice but not as sweet as we had before. Still refreshing as a cold dish. Most of the skewers are well seasoned and them nailed them. Wings are crisp on the

終於可以夜晚堂食，迫不及待約個friend去好耐冇食過既牛串燒食返餐！貪佢既食物既好食又有創意！日本生蠔一開始黎嘅日本生蠔非常大隻，好似手掌咁大！好爽口又鮮甜！牛尾西涼燒呢個第一次食，好有驚喜！燒出嚟d肉好淋，又有牛尾既濃郁，推介！牛沙瓜牛沙瓜姐係牛肚。原來燒完都好爽口，又唔會靭，好食過豬肚🤣牛大腸牛大腸我好鐘意食所以encore! 食到牛既香味，又有豬大腸既口感，推介！牛心牛心肉比較厚，朋友好鍾意佢啖啖肉。我自己就一般.橫格肌4吃呢個係必食！佢有4種口味（蜜糖芥末，黑芝麻，wasabi同蒜香）每一種都好特別，加上橫格肌既口感，你會想再encore免治雞肉棒又係個人鐘意既選擇。鐘意食流心蛋既你一定會愛上佢既蛋黃加醬汁！配合爽口既免治雞肉，絕！必食！燒鱸魚佢既鱸魚都燒得好香口，唔會乾身。鐘意食魚既朋友可以試下。蘆筍豚肉卷蘆筍新鮮加上香口既豚肉卷好夾好味！熊鵝肝燒雞翼呢個第一次食，好有驚喜。雞翼香脆，鵝肝香濃，推介！燒飯團我好鐘意食燒飯團，飯焦香口，餡料又好味！今次再食都冇失望！

今日試下銅鑼灣永光中心22樓「牛惣居酎屋」午市定食好吸引🍚西班牙黑豚肉生姜燒野茶定食💰7️⃣2️⃣餐湯係麵豉湯 前菜有胡芝麻醬豆腐主菜有好大碟豚肉 味道好好食😋覺得好抵食呀店內環境佈置都好靚，好舒服😌回頭率90分👍🏻

✨橫格肌set有四款口味 分別係蜜糖芥辣 wasabi 蒜香 黑燒橫格肌 肉質結實 有啲咬口每一串都燒得唔夠乾身 好濕 碟底都係水蜜糖芥辣 有芥辣香 帶微甜 wasabi 帶少少嗆 有啲蔥香蒜香 好多細蔥喺面 蒜香淡淡的黑燒 個醬偏稠身 帶少少芝麻香整體四款味道都好普通✨月見免治牛肉棒牛肉棒 口感好鬆散 冇肉香零調味 連月見蛋汁都係冇乜味完全唔知自己食緊乜 都幾難食下✨牛舌 牛舌 幾厚切 口感爽口彈牙 唔錯佢已經係全餐飯最好食嘅一款✨牛小腸牛小腸 中間有啲油脂 味道帶少少甘香 冇怪味✨牛筋牛筋因為燒嘅關係 比較乾身口感彈牙 帶啲偏硬嘅膠質感味道唔夠入味 偏淡 普普通通 ✨牛沙瓜牛沙瓜 比較乾身 口感腍 帶黏口本身唔算入味 但醬汁味濃 所以還好個人覺得應該用炆煮方式會好食啲✨金錢肚金錢肚 調味偏淡 口感爽彈 當中有一兩件有啲韌以上三款個人覺得唔太適合做串燒比較適合用炆煮方式處理會比較好✨萵筍牛肉卷牛肉薄身 肉質略乾萵筍爽脆 普通✨牛舌根又乾又硬 韌到咬唔到 差✨牛骨髓牛骨髓 零調味 外層微脆 有少少爆漿感 口感又帶少少韌但食落感覺係冇調味 帶微腥味嘅一堆漿本身呢樣野個人都麻麻地 加上冇乜

識飲一定係飲自家製嘅酒，位於銅鑼灣嘅「牛惣居酎屋」有自家製嘅水果梅酒，試咗菠蘿🍍梅酒，淡淡的菠蘿香味，香甜又醒胃！午市定食套餐每款都包前菜和麵豉湯，今次試咗「香蔥吞拿魚丼」厚厚的吞拿魚茸配上生鵪鶉蛋和香蔥，和壽司飯一起吃油脂剛好！另外火焰壽司定食(8貫)還配上烏冬湯麵，一次過滿足晒想食冷熱盤嘅感受！最後來個有四款不同調味嘅「牛橫膈膜燒」小食，日本香蔥、新鮮生葵、鹽燒和芝麻醬，本人最愛都係鋪上滿滿香蔥的，更能帶出牛牛嘅香味🐮