牛惣居酎屋

营业中

休息中

同朋友去居酒屋食下🍡串燒🍣刺身，吹下水真開心。依間位於銅鑼灣嘅居酒屋，好有地道日本風味❤️🍍菠蘿酒、咖啡酒 $ 69 餐廳自家釀，口味獨特，咖啡酒咖啡味同酒味都好突出，菠蘿酒清新。🥗生野菜沙律$28 點味噌醬食，中和串燒既膩。🐟時令活魚 $428今晚嘅時令活魚係金線鯛，有薄切及火炙，十分新鮮❤️🦀 炸駅蟹$88炸蟹仔脆卜卜好得意，連裝飾嘅消化餅碎都食埋。清酒煮蜆 $138清酒湯底暖胃，酒味香濃，飲得一滴不漏 ，蜆肉好新鮮。🐃橫膈肌set $148有四款味道，蒜蔥香 ，wasabi ，蜜糖芥辣， 黑芝麻醬。🖤最鍾意黑芝麻醬夠特別，味道香濃，牛肉嫩滑juicy。仲有牛舌，牛心，牛骨髓， 萵筍牛肉卷，雞翼， 月見免治雞肉棒，全部都燒得好香口😍 有好多特別嘅牛部位🐂🐃❤️鍾意食牛嘅朋友要嚟試下啊💕💗

慶祝我的寶貝生日，喺OpenRice度book咗牛惣居酎屋全單有七五折，今日食個全牛宴🤩🤩🤩🤩🤩店員非常有禮貌，每到菜式都會細心介紹牛的部位和怎樣食法👍👍👍👍👍自家製的菠蘿酒自家製的無花果酒雖然是16至25度的燒酎，但加了牛惣居酎屋自家製的菠蘿同無花果，容易入口，非常清甜，適合配以串燒一齊享用非常稀少的部位，一般居酒屋未必食到，白潺潺，樣子可愛，入口即溶，非常鮮味🤩🤩🤩自家製豆腐 （厚揚）豆腐表皮鬆脆，內層無比嫩滑，超好吃荔枝煙肉卷燒到微脆，荔枝肉能中和煙肉的肥膩，鹹中帶甜。l明太子醬牛骨髓入口非常香滑，再配上明太子醬，味道濃郁而又甘香牛舌牛舌真是令人喜出望外，真係未食過咁好食嘅牛舌，口感鮮甜爽脆，非常彈牙又柔軟，做串燒相當一流😋😋😋萵筍牛肉卷萵筍有防癌抗癌作用，非常健康的食品，清甜爽脆，配以濃味的牛肉非常匹配。橫格肌SET配左四種醬汁蜜糖芥辣、wasabi 、蒜香、 黑燒橫格肌這個部份牛味比較重，配這四種不同的醬汁，野味芳香，增加豐富的層次感😋😋

某一日係永光中心樓下接到呢間餐廳傳單，見個menu好似好吸引咁就去試下🐮火炙生牛肉溫泉蛋飯($79+10%)呢個午市定食除左主食外，仲隨餐附有沙律、前菜同埋味增湯。當日既前菜係芝麻醬冷豆腐，而湯入面就有好多海帶。值得一提沙律都整得幾有誠意，有多種沙律菜仲有蟹柳添👍🏻至於主食既火炙生牛肉溫泉蛋飯，雖然一嚟到個蛋黃已經破開左，不過都冇影響味道，牛肉食落好香好濃牛肉味，而且仲非常非常厚，食到最後一啖都仲有，不過胡椒都落得幾多，所以啲牛肉係帶有少少辣味，配埋啲生蛋黃真係好送飯🤤呢度既食物味道唔錯，而且service好好，每個staff都好有禮貌。美中不足係定食份量偏細，唔單止我點既呢個定食，仲有同行2位友人所點既其他定食都相當細份，希望個份量可以多返啲就perfect啦👌🏻

銅鑼灣高質居酒屋🏮 串燒火候掌握得好好，唔需要點任何調味料同七味粉，已經好好食，因為食物夠新鮮👍🏼👏🏻 串燒迷唔好錯過呀😋生野菜沙律🥗生野菜爽口甜美，估唔到連呢樣嘢都咁好食。日本北海道仙鳳趾生蠔生蠔肥美大隻，味道鮮甜，高質👍🏻清酒煮蜆清酒煮蜆，基本上必點，湯底唔會太鹹，蜆肉鮮甜美味。牛心超好食呀，好香牛肉味，肉質鮮嫩多汁。牛小腸呢個要趁熱食，本身少食內臟，但呢一個好好味呀，好有咬口，送酒一流。横格肌 SET 😻😻😻鍾意食牛嘅你，一定唔可以錯過，一次過滿足你所有願望，Wasabi橫格肌、蜜糖芥辣橫格肌、黑燒橫格肌、蒜香橫格肌👏🏻👏🏻👏🏻 超正，全部牛肉肉質鮮嫩多汁，味道有驚喜，超刺激我嘅味蕾。萵筍牛肉卷有驚喜嘅串燒，萵筍平衡咗牛肉嘅油脂，口感清新！蘆筍豚肉卷要讚嘅係，呢度嘅豬肉都唔錯，豬肉切到好薄，配搭蘆筍，yummy !雞軟骨口感爽口彈牙，不過一啲油膩感都冇。雞腎一樣爽口，但就一啲都唔靭。仲有日本番薯、芝士意大利翠玉瓜，食返啲蔬菜類，正呀，番薯好甜，芝士creamy翠玉瓜多汁。咁開心，要飲少少酒助興，我哋就叫咗梅酒同無花果酒，今日好滿足呀！

今日同閨蜜喺銅鑼灣覓食，經過登龍街見到有位姨姨落力宣傳呢間居酒屋，反正未諗到食乜，就抱着姑且一試嘅心態，無心插柳竟然有驚喜🌈我哋都係串燒狂熱愛好者，雖然餐牌選擇甚多，但我倆主打串燒。所有串燒嘅火候掌握得好好，上菜快！啱晒心急嘅我😋前菜配赤麵豉醬 日本北海道仙鳳趾生蠔🥢仙鳳趾真蠔有新鮮感，非常飽滿鮮甜，礦物味適中。高質之選👍🏻清酒煮蜆🥢昆布清酒湯底加小片檸檬，有畫龍點睛之效横格肌 SET 🥢牛肉狂熱者，有圖有真相牛小腸🥢本身少食內臟，朋友喜歡，但係佢燒得好香口牛心🥢之前未食過，原來可以咁好食萵筍牛肉卷🥢除咗生蠔，這是我今晚覺得好有驚喜嘅串燒，萵筍平衡了牛肉的油脂，兩者混和一起嘅口感非常清新❤️仲有蘆筍豚肉卷、雞軟骨、雞腎、日本BB番薯、芝士意大利翠玉瓜，火候掌握極佳，色澤金黃口感軟糯，有水準！食物咁高質，咁開心，當然要同朋友小酌一杯啦，我哋就點咗梅酒同花果酒👏🏻整體不錯，銅鑼灣高質居酒屋，食物有質素，火候掌握極佳，服務態度也不錯。

性價比唔得。串燒quality is ok ge 但價錢真係太貴了….. 五個人差唔多hkd3000埋單大約hkd600 per一位，大家食完都唔飽😅。價錢調低番d會好d。

近幾年食過不少串燒店，論食物質素牛惣居一直都穩佔首位，特別像我們這麼喜歡日式串燒的朋友，絕對不能錯過，這次已是我們今年第三度光顧了✏️位置: 9/10✏️環境: 9/10✏️衛生: 9/10✏️服務: 9/10✏️食物: 9/10餐廳位於銅鑼灣登龍街的永光中心，旁邊就是時代廣場，地點方便。日式居酒屋的裝修，有格調及適合傾談。侍應會主動放醬料、加茶及收拾，亦會介紹食材，相當貼心🌟生野菜沙律 $28前菜沙律特色是濃厚的自家製麵豉醬，生切的紅蘿蔔、沙葛、青瓜及椰菜沾上醬料後提鮮不少，十分惹味🌟北海道仙鳳趾生蠔 $128/隻這款來自北海道的時令生蠔，肉質肥美飽滿，嫩滑鮮甜，加入蘿蔔蓉、香蔥及檸檬汁更添鮮味🌟蝦夷蔥牛肉卷 $38/串鮮嫩的和牛牛肉包住一叢蝦夷蔥，非常爽口，香集十足，亦不覺油膩🌟雞翼 $40/串燒雞翼我鍾意食！更何況燒至外脆內嫩的開邊雞翼呢！師傅燒出來油香滿溢，鮮嫩多汁，很快會吃清光🌟牛沙瓜 $40/串喜歡食牛雜的朋友肯定會喜愛牛沙瓜，部位比較罕有，燒出來牛味香濃，煙煙韌韌，重口味人士必點🌟荔枝煙肉卷 $34/串用煙肉包住荔枝肉去燒，煙肉油香味鹹，配搭清新鮮甜的荔枝，正好中和了油膩感，同時增

話說小妹一直不好食串燒，直至遇上牛內臟串燒主題店牛惣居，店內除有不同好送飯既牛料理外，亦有廿幾款即叫即燒既牛內臟，師傅手藝到家，燒得香口而肉汁豐盈，令人食指大動呀！店內日式居酒屋格局，燈光柔和，最啱收工後過黎鬆一鬆！食熱辣辣嘅串燒，又點少得飲返杯？由大米，麥等原材料釀製既日本燒酎，口感清爽，酒精濃度較清酒為高，邊飲酒邊食串燒，好爽～！🌸生野菜沙律幾款蔬菜都很爽口，分別有沙葛，紅蘿蔔，青瓜 ，椰菜，簡單沾自家製麵豉醬食，已很清爽！🌸北海道仙鳳趾生蠔 $128除左牛料理外，牛惣居每日都會有唔同既時令海鮮，刺身，今次我哋遇上既北海道仙鳳趾生蠔海水味，蠔味同樣濃郁，入口好似奶油咁香滑！🌸蝦夷蔥牛肉卷 $38薄牛肉包住新鮮既細香蔥，燒得好香，爽口爆汁！🌸雞翼 $40雞翼外皮燒得酥脆，內層雞肉嫩滑，香而不膩！🌸牛沙瓜 $40牛沙瓜係牛既第4個胃，小妹最愛既牛內臟之一，口感香而多汁，非常爽脆！🌸和牛腸炒沖繩苦瓜 $128再來一碟牛惣居小炒，沖繩苦瓜完全唔苦，和牛腸肥瘦均勻，爆得好香，沖繩苦瓜吸收牛脂後，份外香甜可口，送酒食一流！🌸茄子田樂燒 $108 燒好既茄子質感香滑，🍆面層塗滿雞肉混醬，口感鹹鹹

有消費卷後，當然要支持一下本地食店，今次到了一間特色串燒專門店，想到和想不到的部位都能吃到，值得一試！地點喺銅鑼灣永光中心，地鐵站行過去都係幾分鐘就到，非常方便！一入門口已經聞到好香串燒味，好似去到日本咁😍日式料理少不了刺身及串燒。刺身四點有帆立貝、三文魚、赤蝦及油甘魚。帆立貝入口清甜; 赤蝦蝦肉爽口，油甘魚甘甜,豐富魚味。這裏串燒,種類繁多清酒煮蜆，蜆肉粒粒飽滿，湯底非常清甜。安格斯牛柳串, 厚切牛柳粒,肉嫩鬆化, 外皮蕉脆，齒頰留香。牛大腸, 腸燒至脆香,腸心帶點肥邊,有外脆內軟的效果，男仕最愛，非常邪惡！牛心以鹽燒烹調，牛味極濃，口感有別於其他內臟，非常爽口。食串燒梗係要配返一杯冰凍嘅日本生啤。日本雞翼，燒好後更是外脆內嫩。脆卜卜嘅飯團 細火慢烤，每邊都燒至微焦😌滿滿嘅焦香配上香脆嘅口感，飽肚又特別！這裏大部份川燒都可以做到外脆內嫩效果，平均消費都係幾百蚊，非常值得！

今日又去咗銅鑼灣上樓嘅居酒屋食飯，餐廳氣氛幾熱鬧，開放式廚房，見到師父喺度處理食物。先來日本獨眼龍生蠔，肥美鮮味，海水味不太重，尚算爽口。萵筍牛肉卷萵筍爽脆搭配牛肉完美地平衡了牛肉的油脂。清酒煮蜆清酒經過煮熱後味道更加香濃，放入新鮮的蜆實在是絕配。燒雞翼雞翼燒得乾身皮脆及肉嫩，日式串燒雞翼永遠冇得頂。牛柏葉 第一次食串燒版本，調味偏淡，口感爽彈。牛肝口感柔嫩，越是新鮮咬起來的脆度越不同。橫隔肌有四款口味 分別係芝麻，蜜糖，日式芥及辣蔥。橫格肌肉質結實及有啲咬口 ，個人最喜歡<蔥>的味道。牛舌 幾厚切口感爽口彈牙。牛筋口感彈牙帶啲偏硬嘅膠質感。烤飯糰(咸牛肉 + 明太子 )飯糰燒得好靚，飯糰表面鋪上一層厚厚的鹹牛肉有點茶餐廳的味道，非常出色，重口味！而明太子飯團就略帶鹹味，配上香脆嘅飯焦，作為結尾就啱啱飽肚！

今次同事帶我嚟咗一間食得非常刁鑽嘅串燒居酒屋，牛惣居酎屋。可一次過試多個不同牛部位的串燒，罕見的如牛骨髓、牛沙瓜 、牛心管等都有，味道非常特別的。地點方便，銅鑼灣站行過去都係幾分鐘就到！先來一份四色刺身，厚切刺身，口感十足，三文魚油甘魚肥美，帆立貝鮮甜。食串燒點少得一杯冰凍嘅生啤🍻🍺必食厚燒牛舌，成寸厚的牛舌，肉嫩多汁，牛味香濃，呢串牛舌真係回味左成10分鐘🤣白鱔肉肉質飽滿，鱔皮燒至焦香，但肉質亦保持嫰滑，惹味鱔香，十分滋味。牛沙瓜原來是牛肚，口感煙韌又爽脆。牛腸肥美，滿口牛油香，令人食指大動。牛心 咬落juicy，口感有啲似豬潤！燒安格斯牛肉，師傅只作簡單調味，外皮燒到少少知焦香，鎖住肉汁，原汁原味非常惹味！燒飯團配上咸牛肉餡料，外層飯焦香脆，香口惹味。呢個係以串燒為主，全部都係即叫即燒，餐廳抽風系統非常好，唔會煙霧離漫，非常抵讚，店員服務亦非常好，主動加茶和收碟，平均消費$500實在難得！

荔枝美酒配以日式串燒,可謂絕配。今天,友人生日,得知友人最喜歡吃日式料理,就訂了這家居酒屋。店環境氣氛不錯,寫意舒適。一杯清新荔枝酒,散發淡淡的荔枝香,清甜易入口,配搭濃味的串燒,可謂是一絕。一份和牛脂炒枝豆作小食,和牛脂炒,使青綠色的枝豆帶有牛肉的味道,更富有油份,炒的時後更有鑊氣。無法抗拒的刺身誘惑,厚切大大粒的鮮甜帆立貝,手指般長的新鮮爽口赤蝦,軟綿綿的三文魚及鮮甜肥美的油甘魚組合而成的四點刺身,令人垂涎三沢。二隻肥美的日本生蠔,含豐富的大海味道,入口十分綿滑,配以香蔥能淡化生蠔的腥味。一客自家制豆腐,炸至外皮金黃色,輕咬一口,豆腐心白滑,軟綿綿的,簡直外脆內軟。沾以香蔥/木魚/蒜苿,使豆腐的味道更為多元化。日本大蔥,大蔥爽口,燒完後蔥味不太濃,帶點煙燻的感覺。而雞皮蝦卷,雞脆燒至香脆,緊緊地包裏著原隻蝦,啖啖蝦肉,爽口,富有蝦味。好多人吃雞的時候都去皮,但燒雞皮最好吃,燒的脆卜卜的口感,吃下去帶些少油份。燒牛心,牛心燒至甘香,有嚼口煙煙韌韌。看見菜單有一份叫月見免治牛肉棒,名字得意,原來是免治肉棒伴以新鮮的日本糖心蛋黃,使肉棒的口感更為綿滑。

我食嘢比較重口味，內臟就最啱我，所以間唔中都會幫襯銅鑼灣牛惣居酎屋，貪佢牛內臟選擇多但首先都食過野菜沙律同日本生蠔開下胃先。呢期日本生蠔都係呢隻獨眼龍，裙邊夠爽夠甜，蠔味濃郁，新鮮好食萵筍牛肉卷，牛肉薄切捲住爽甜嘅萵筍，口感唔錯清酒煮蜆，個湯好熱，清甜好飲，蜆肉大大粒好新鮮燒牛柏葉，好少用燒嘅方法食牛柏葉，首先將牛柏葉煮淋，然後再混和麵豉醬一齊燒，夠濃味燒牛筋煮得仲淋過牛柏葉，味道就唔算濃但就多咗一份炭嘅焦香燒牛肝，有豬肝嘅口感但內臟味再濃一啲到我最鍾意嘅牛脷，燒得非常好，外面焦脆香口，裏面濕潤 Juicy，好高分另外每次都必叫嘅橫格肌set，有四串肉，分別用咗唔同嘅調味：黑芝麻，蜜糖芥末，Wasabi同蔥蒜。首先個橫格肌燒到生熟適中，肉味濃，而我最鍾意嘅就係Wasabi，只有少少辛辣但完全唔攻鼻最後忍唔住都要叫雞中翼，因為日式燒雞翼個方法會特別燒到雞皮香脆，呢間都做到呢個水準之後再叫咗兩個燒飯團，分別係明太子同鹹牛肉味，食完啱啱好飽哂肚又滿足😋😘

朋友失戀,想找人安慰,於是相約下班前來銅鑼灣這家日式料理居酒屋傾訴。店環境幽暗舒適,裝修設計有日本食店的風格。見到有店員用黏土製造的工藝品,別具特色。一客生野菜沙律作為前菜,椰菜沙葛,清甜爽口,配以自家調制的豆瓣醬汁,十分醒胃。居酒屋,當然少不了酒。Coffee liquor咖啡酒,香濃的咖啡味帶點淡淡的酒香,很潤滑。日式料理刺身及串燒少不了。刺身四點有帆立貝、三文魚、赤蝦及油甘魚。帆立貝潔白軟滑,入口鮮甜;赤蝦則晶瑩剔透,蝦肉爽口;油甘魚甘甜,豐富魚味;日本生蠔,生蠔綿滑,富有海水味,蠔上面配以香蔥,使味道更有層次感。串燒,種類繁多,牛沙瓜,燒的時後配以甜甜的燒汁,煙韌爽口彈牙,十分惹味。安格斯牛柳串,厚切牛柳粒,肉嫩鬆化,富有牛肉汁,齒頰留香。牛小腸,腸燒至脆香,小腸心帶點肥邊,做到外脆內軟的效果。牛筋,牛筋加點蔥花,燒完後十分有嚼口。飯團,燒至金黃香脆,較乾身,淡淡的飯團味道配以紫脆,色調及味道不會太寡;另外咸牛肉飯團上有一小塊咸免治牛肉,免治牛肉多汁軟軟的,與乾身的飯團配搭得宜。最後來一份橫格肌,橫格肌肉,口感彈牙,肉質鮮嫩多汁,配以不同味道的醬汁,有蜜糖芥苿,黑燒汁,蒜香及W