牛大人台灣火鍋吃到飽 (鱷魚恤中心)

营业中

休息中

♥好耐無食火鍋啦個個都食過人氣火鍋放題 牛大人我當然要試下牛大人咁受歡迎仲開左咁多分店👍🏻今次去觀塘分店 場地好大座位闊落 坐得好舒服可以食足120分鐘放題有三個選擇我就食左最貴嘅 ❁「澳洲極上和牛吃到飽」$298@而9款湯底中就叫左有濃郁雞味嘅 ❁台灣鳯梨雞鍋以鳳梨搭配苦瓜熬制的雞湯仲有兩件大大件雞係湯度😋湯底醇厚好滋味❁食物選揀多以手機上網下單點菜有圖片睇好方便我就試哂所有牛肉 🥩 除左每位贈送 澳洲M9和牛牛九2粒任食嘅牛肉有上腹牛五花、安格斯特選牛板腱、安格斯牛小排等我就當然食多啲 澳洲和牛M5牛肩卷 啦啲雪花靚到呢 薄切又易入口食牛都食到飽一飽！❁另外還有 紐西蘭羊卷肉、花雕雞件等❁丸類 我都好推大家留肚食🍡千貝鮮魚漿、花枝漿 同 蟹籽墨汁漿三款都好彈牙入味❁其他火鍋配料可以自己出去夾 🥗 各款蔬菜、豆腐、冬菇、粟米、南瓜等等❁飲品也不少🥤 凍飲比較特別有泡茶有清清地嘅 洛神花茶、白桃烏龍等👍🏻熱飲竟然有 桂圓紅棗茶 ☕️ 啱哂女仔飲 保保身❁點品有 甜甜地加了花生嘅仙草凍🍮 同 Movenpick雪糕🍦😋今次食火鍋放題可以慢慢食價錢又抵 值得推介可以再約朋友離食過～

今日去左觀塘牛大人打邊爐，其實之前都食過一次，不過當時係食lunch感覺冇咩特別。今次食晚市，就當係重新體驗一下呢一個要經常排長龍嘅台式火鍋係點嘅一個體驗啦。閒日去食，等左一陣位好快就可以入坐，入到去揀左台中蒜頭雞鍋，之後今日係食澳洲極上和牛套餐，難得先食一次，梗係一步到位啦。野食野飲都係出面自己拎，淨係肉類就用QR code自助下單，落左單勁快就送到上黎枱面。果然係和牛，牛肉油脂分布都好平均，唔會係勁肥啲啲肉都冇嘅肥牛，而且解凍程度都唔錯。當中我最中意食就係牛板腱同埋封門柳，因為有口感之餘，肉味非常香濃。豬肉、雞肉同海鮮都好多款式揀，海鮮都好新鮮，食落口唔會好霉同埋有沙，唔錯。至於自助bar拎嘅丸、菜果啲都係大同小異，冇咩太特別。唯一好有驚喜就係滷牛肉，平時食都係滷豬肉，牛大人就好特別用左牛肉，食落口，肉味勁濃，基本上淨係食滷肉配飯都好出色。另外QR code落單仲可以order台式飲品同埋小食，當中台灣腸真係至愛，不過冬瓜茶就偏甜啲。整體黎講，晚市比我嘅感覺真係唔錯，算係少數有特色同吸引嘅火鍋任食，價錢黎講都差唔多，$298，不過野食都對得住個價錢，下次再試下其他湯底先。

我今日去食野有問題想查詢所以就舉手但係我見到你哋着住黃色衫我唔知係咪經理啦就女仔嚟嘅見到我舉手完全唔理我扮睇唔到我想問呢啲咁嘅服務態度係咩事我完全唔滿意食物品質又唔係太好食完之後肚痛早知就去食牛陣唔單止我一個就連我啲朋友食過都係咁我懷疑啲好評都係買返嚟我唔知係咪淨係呢一間分店la但係我食其他都冇試過咁樣西口西面我食緊嗰陣仲要聽到佢哋嫌啲客麻煩話佢哋唔識落單咁人肯定有啲嘢係唔識我唔明點解要咁樣係我食過最唔開心嘅一餐

今日趁天氣凍凍地去咗觀塘嘅牛大人打邊爐🍲由於我哋都係鍾意食重口味嘅緣故，所以揀咗較濃味嘅牛大人紅燒牛骨鍋湯底。因為大家都鍾意食肉，所以就揀咗最貴嘅澳洲極上和牛任食餐！除咗鍾意食M5牛肩肉之外，呢個套餐仲會包每人兩粒和牛牛丸，真係好香牛味同好Juicy！如果要追加要$58得三粒，所以唔係好捨得追加，另外打邊爐當然唔少得要啤啤佢，我哋就叫咗香港本地釀製嘅手工啤酒：流水落花！呢款啤酒比較容易入口，而且有淡淡的花香，對於唔係太飲得酒或者係女士們都係一個好嘅選擇！除咗要狂點牛之外，當然仲唔少得要叫海鮮啦！最後甜品我哋揀咗期間限定嘅Häagen-Dazs哈密瓜口味雪糕同埋仙草凍！

牛大人台灣火鍋吃到飽 (鱷魚恤中心) (觀塘)講到任食火鍋，一定會諗起牛大人。一排冇食原來已經有六間分店，旺角、尖沙咀、銅鑼灣、觀塘、荃灣同沙田都有分店。呢度有三個套餐，而且每個套餐都有唔同時段嘅收費。今日試呢款係澳洲極上和牛套餐，收費係💲$258/$278/$298。最抵食係7:30前離座，嗰陣係最多人！。🌟湯底湯底嘅選擇都幾多，總共有10款湯底。如果想試多幾款，可以揀鴛鴦鍋，但需要另外加錢，我哋今日試咗牛夫人秘方麻辣鍋小辣，都幾辣但又好香，有唔少辣椒碎同香料，攞嚟淥牛肉食就最啱。。🌟火鍋配料外面有自助區可以自己出去拎，然後有部份食物需scan QR code落單。大部份嘅蔬菜同丸類都可以出邊攞到。有啲水餃、海鮮漿、鴨血同鴨舌都要落單。鴨血一定要試吓，實得來好滑，我哋都食咗好多舊。仲有台灣小食可以嗌添。。🌟牛肉呢個套餐先有嘅手切封門柳同安格斯牛小排，亦都有其他牛豬羊既。最好食都係牛小排，肉質比較軟，油脂都較多。。🌟飲品外面有個飲品雪櫃，亦都可以order幾款台式飲品。有牛大人招牌冷泡茶，洛神花茶酸酸甜甜，白桃烏龍清淡解油膩。。📍觀塘開源道79號鱷魚恤中心5樓

最近又凍返，最岩就係打邊爐啦，朋友話好想食牛大人，咁就encore牛大人啦，原來牛大人同蠟筆小新聯乘😍四周圍都有蠟筆小新，仲有不同既打卡位，仲加以加購限量精品添今次一行四行，4人卡位坐得十分舒適，我地揀左澳洲極上和牛仼食，因為好想食佢送既澳洲M9和牛牛丸，上次食完念念不忘😆我地鍾意重口味，湯底選擇咗牛大人紅燒牛骨鍋湯底最愛來自台灣嘅蘋果西打，因為香港買到都好貴，所以係呢到飲絕對超值呀！！我地仲叫左流水落花手工啤酒，有淡淡花香，好易入口值得一試🍻澳洲和牛M5牛肩卷真係幾高質，最正係可以無限任食，叫左期間限定既章魚珍珠漿同澎湖花枝漿，兩款都好出色夠彈牙，仲食到粒粒章魚添，另外必食既係台式米血糕同甜不辣，完全覺得自己去在台灣呀😂今次覺得可惜既係無左王子麵，選左新竹米粉，千祈唔好睇少呢個米粉，煮完出嚟變左3碗，食極食唔完呀🤣甜品揀咗Häagen-Dazs哈密瓜味雪糕，入面仲有粒粒果肉，畫上完美嘅句號

牛大人都唔係第一次食，因為覺得質素真係OK所以keep住同朋友食。台灣鳳梨雞鍋一貫咁好食，裏面大大隻雞，令到成件事好鮮甜。極上和牛吃到飽呢個餐令我最滿意嘅就係佢裏面有包含和牛牛丸，香濃好味到暈。當然叫啲最高級嘅牛，手切封門柳肉味濃郁、澳洲和牛M5牛肩卷牛香十足、安格斯牛小排脂肪比例平均，脂肪稍為重些，啱晒女仔食！（免費）紫芋霜奶x4 要Like FB先有，非常特別第一次見，芋頭味好香仲有一粒粒很有咬口。新鮮沙白，鮮甜海蝦呢啲海鮮夠新鮮；台式美食不能錯過彈牙鹹香私房鴨血（辣）、水蓮爽口又入味、澎湖花枝漿，台灣海鮮漿呢啲口感彈牙夠足料。美人花膠、牛媽秘製滷大腸等都相當不錯。鍾意食水餃就會叫埋高麗菜水餃、台式蛋餃、台式蝦餃，個皮唔薄有台灣風味，裏面嘅配料亦好好食好突出。鬼馬老油條、即炸午餐肉、爽脆炸魚皮、士林鹽酥雞（辣）、魚香皮蛋豆腐呢啲基本上可以即叫即食，我特別鍾意食皮蛋豆腐因為好香，仲有鹽酥雞熱辣辣。另外出面仲有好多唔同嘅飲品、配料任君選擇，我哋都拎咗好多王子麵、烏冬呢啲澱粉質嘢，食完就夠晒飽肚。甜品方面今次有哈根達師嘅特別口味：士多啤梨×朱古力，非常特別，正！其他自取位置

呢間牛大人係Apm鱷魚恤5樓，如果無網上訂位，基本上都無乜可能即時拎飛就有得入去食。牛大人有3款既肉類任食選擇，最貴既有澳洲和牛食，但我今次就無叫到最貴個set，叫左中間價位既牛都好好食。佢任拎既菜同飲品都好多種類，而且菜同丸好擺得好乾淨，望落好整齊。菜同丸都好食，唔會爛晒同埋三尖八角。晚市一個人連加一300$ 都唔洗，仲有2個鐘可以食，唔洗排隊既話絕對係抵食又好味

今次接觀塘朋友收工，加上天氣開始冰，當然要食至愛火鍋，今次試試觀塘分店阿嬤養生濃湯鍋湯頭清甜，配上黨蔘、桃膠、杞子、紹菜、蔥段，補而不躁極上和牛吃到飽 每次必點這款，和牛油花分布靚，牛肉味濃，嫩滑彈牙，輕煮10秒即成牛小排薄身牛小排，油脂分布多一點，肉味不錯，入口嫩滑和牛牛丸肉味濃郁，油份比一般重，啖啖油脂香台灣熟食我至愛 牛媽秘製滷鴨舌，原條鴨舌好少有，夠入味，魚香皮蛋豆腐非常嫩滑，皮蛋爽口安格斯一口牛肉粒牛肉味濃，肉質彈牙鮮甜海蝦 大隻又爽口新鮮沙白 肉質鮮甜肥美結賬前贈送台中.仙草凍或雪糕，仙草凍有花生、椰果、紅豆、仙草、椰汁，口感豐富

觀塘終於有牛大人，地點近地鐵站，今日決定與同事吃到飽晚市可食2小時，至愛和牛，點了 極上和牛吃到飽，可以瘋狂食牛啦，澳洲和牛M5 牛肩肉，脂肪比例平均，肉質細嫩冬天要補，揀左阿嬤養生濃湯鍋，個湯甜甜地幾飲，飲完再開動安格斯特選牛板腱 脂肪比例較少，肉質彈牙美國PRIME 極級肩里肌 肉質細肌，油脂極少，細嫩手切封門柳 新鮮有肉味，淋身又無根章魚珍珠漿 漿內有章魚粒，雙重口感，鮮味即炸午餐肉 即食或放湯煮都好食士林鹹酥雞 外脆內軟；豐原排骨酥 鬆軟；梅甘酥脆薯 香脆香甜；真豬小香腸 煙韌私房鴨血 嫩滑韮菜水餃 、台式蝦餃、福建燕餃 足料金桔椰果 酸甜消滯，清涼解渴

一班人最岩就係去打邊爐，今日我地去觀塘分店牛大人，上到去，門口依然超級多人，好彩我地一早book 定位，17:00就可以入座啦。湯底我地點了阿嬤養生鍋，湯料好足料，有大量娃娃菜、菇、蟲草花、花旗蔘、紅棗、紀子，用上大骨原湯做基底，湯底好鮮味。個人最鍾意澳洲M5和牛牛肩卷，脂肪平均又夠肉汁，牛味濃郁，另外澳洲M9和牛牛丸，一咬落去爆汁，又彈牙，每人2粒堅唔夠喉。除了肉類，另外台灣地道小食、火鍋配料、海鮮類、手打墨魚漿都一樣高質。最後亦會贈送甜品，每次食完都好飽好滿足呢！

又Encore 牛大人🚀之前去過荃灣嘅牛大人，覺得不錯，想再encore，所以今次就同朋友嚟觀塘呢間。整體來講，我覺得觀塘呢間裝修比較精緻同埋整齊，座位亦都比較舒適，所以都幾鍾意觀塘呢間牛大人。我今次叫嘅湯底係台灣鳳梨雞鍋配極上和牛set。先講吓湯底，雖然鳳梨味不重，但食得出個湯底係好足料同埋味道好鮮甜，本身已經係用一大隻雞髀去熬湯而成，加上湯底配料例如苦瓜鳳梨肉等，令到個湯底本身清甜又不上火，好啱我呢啲想打邊爐但係又唔係太重口味嘅人食！至於牛方面就不用多說，極上和牛set 一定係咁多set入邊最好食，整體肉質最鮮嫩爽口！個人偏好係澳洲和牛肩卷同安格斯牛小扒，牛尾濃郁之餘而且肉質嫩滑，完全唔韌！至於漿類方面，整體來講都幾出色，澎湖花枝將同台灣海鮮醬都係佢哋嘅特色食物。食得出佢哋既漿類都非常足料，而且注重食材鮮味，口感紮實爽口，調味唔會太濃，唔似一般打邊爐嘅味精丸！海鮮方面自己唔敢食太多，因為驚自己會皮膚敏感，所以都係偷食咗啲沙白同埋海蝦。值得一讚嘅係沙白非常之新鮮好食，完全冇沙，而且肉質彈牙，忍唔住自己食咗成碟。海蝦就正常發揮，配埋自己調味嘅醬料就更加惹味！小食方面大推鴨血、鹽酥雞同花

餐廳整體環境 食品都係幾好 始終分店形式間間拎既貨 設計裝修唔會差好遠 但服務既員工態度十分差 唔知係睇店既經理問題 無咁上心定咩原因 🤷🏻‍♂️同其他分店有比下去既感覺近月連續食左兩次 第一次食晚餐 已經見到少量服務問題 掃QR code 點餐，咁岩我地後面果台係老人家 唔識用 QR code 點餐，每次幫手點餐既同事都要極度唔耐煩，其中點完餐既單落錯左我地台既號碼，我地好心提醒想送番岩既台，最後要人地追左30分鐘先上番，重要其中有兩樣野 同人地講已經賣曬。第二次食午餐 一人用60分鐘 14:03:30入去，因為未揀到湯底 坐底左應該2分鐘內先叫到湯底，14:34 正常處理有同事拎張單埋來講準備 last order 睇下重有無野要叫，咁我就話想追加一樣野，大約4分鐘後就有位男同事行埋來問係咪要加野，要比錢，係就幫你落單，當下服務態度感覺已經唔係好好，都算啦我當你好多人唔知會落錯單，問多次確認下，但真心咁既態度🤨14:47 都係同一位男同事行埋來，話重有10分鐘就夠鐘啦，講完佢好快咁行開左，我望下果鐘點計我都計唔到點樣重有10分鐘就夠鐘🤷🏻‍♂️ 15:02 果位男同事再行埋來 同我講你

多謝好朋友嘅悉心安排，呢日我地終於可以嚟到「牛大人」潮聖🥳 因為餐廳實在太受歡迎，用餐時間就只有兩個鐘頭，對於一向唔鍾意「雜錦鍋」式 #打邊爐 嘅我，都只好就範😅 大家除咗可以喺餐廳系統上面任點喜歡嘅食物、飲品之外（註：不同套餐價錢有不同指定肉類、食物配搭），而 #自助吧 亦有大量 #蔬菜、#肉丸 同 #飲品 比大家選擇。對於一眾 #食肉獸 / #大胃王 確實係一個喜訊🥳呢日我哋揀嘅係「$258套餐」，以 #安格斯牛板腱 做主打，肉味都唔錯，不過油花唔夠，完全無咗 #安格斯牛 應有嗰種油香😅 不過我打邊爐來來去去都只係食 #水餃🥟 #蝦🦐 仲有 #墨魚丸😆 所以如果下次有機會再嚟幫襯，我應該係叫個最平嘅套餐就夠哂滿足🙈不過我覺得餐廳做得幾好嘅係 #服務管理，仲有 #控制上菜嘅時間，而且仲 #永無漏單👍🏻👍🏻 但係唯一要comment嘅就係裝食物嘅器皿實在太多，張枱又細，幾片肉又一個盆、幾粒丸又一小碟😅 真係難為餐廳職員每10-15分鐘就要過嚟幫手清理碗碟一次😅 辛苦哂🙏🏻

食物新鮮乾淨 湯底都ok送嘅牛丸好正 牛肉亦都好食茶類都好好飲但係服務真係好一般每隔一陣就會有員工提醒你仲有幾耐時間食仲有幾多分鐘 幾時last order咁係提到你每一次只要有員工行埋嚟你都知佢想講咩真係搞到你食都食到無晒mood雖然係寫明120分鐘但係明明出面無人等 都一樣超準時趕你走食過其他放題任食都唔會咁樣如果有客等緊 都明白要release枱俾人但都無人等 想食埋少少嘢都唔得成餐飯每隔一陣就有人提你仲有幾耐時間食食餐飯都食得好有壓力