牛大人台灣火鍋吃到飽 (鱷魚恤中心)

营业中

休息中

本人第一次係尖沙咀分店試過覺得服務同食物質素都幾好，所以第二次再邀請未食過既朋友去觀塘分店。當時係差唔多兩點既時間，我地一入枱即刻落左湯底，用手機落埋野食，食左半個鐘都冇，同事就遞上帳單，話仲有15分鐘要截單，要求我地埋單。於是我地又要急急腳落單再埋埋張單，先可以繼續食。一夠鐘，即刻有同事過黎話夠鐘，要求我地交枱，但係我地枱面仲有食物未食完，唔想浪費，所以就繼續盡快食完。5分鐘後同事又再催交還枱，而且推埋下欄車企定等收枱，之後我地好無奈，收拾物品離開。我明白做生意係需要爭分奪秒，但係似乎缺乏左人情味。員工係咪應該因應情況而酌情處理催還枱既行為，比客人食埋淨低既食物呢？當時既時段屬於中午時間過後，未知係咪員工只開半個場做生意，有一半場都係吉，狀況冷清。只係坐左4分1既客人，而且門口冇人排隊。貴公司甘着重服務又主打食到飽，但係似乎呢兩點都唔太做到。話就話標榜食90分鐘，但係呢90分鐘係包埋應付餐廳員工。將心比己，希望貴公司可以好好培訓員工，以免影響聲譽。

自從晚市暫停左堂食，好耐冇出街打邊爐，今次就趁六點前去咗牛大人打個靚邊爐！喺駱駝漆嘅呢一間其實都算比較新既分店，裝修嘅風格同其他分店好一致，所有枱櫈、餐具算係好新淨。今次大概4:00去到，出面嘅卡位full曬，所以員工們就帶咗我哋坐入去vip房，疫情前vip房應該可以坐兩枱總共24人，不過今日就坐得8個人。今次揀嘅餐係原價$138既90分鐘吃到飽，六日公眾假期加$10，特別日子加$20另計+1，呢個價錢算好抵！如果唔想食太多嘅朋友仲有60分鐘既定食揀！先講湯底，今次我哋叫咗佢招牌嘅牛骨湯湯底，一上枱已經聞到好香既牛骨湯味，食落口會有少少辣，但係過癮嘅辣。上腹牛五花比較多油脂，但食落牛味唔算太濃，個人比較鍾意佢嘅西班牙豬梅肉片同花雕醉雞件，豬肉唔會太多油脂但咬落好軟好香，醉雞嘅酒味煮完唔會太勁但雞肉好滑，可以食多幾件。出面自助食品區可以攞蔬菜、丸類、麵食等等，熱食方面就會有肉燥、白飯，個人推介可以攞細碗肉燥去搭配蔬菜食，好有台味！丸類既話，台式嘅香菇貢丸同芋頭貢丸真係好好食，次次去都忍唔住要食幾粒！調味醬料方面有超過10款俾你自己搭配，個人強烈推介洋蔥牛肉醬加醋，配肉類食會比較清新嘅感覺

有冇人好似我咁，成日都去食火煱？台灣「牛大人」自助火鍋， 觀塘呢間第一次去，好大間，好多卡位，坐得好舒服（限時120分鐘）特別推介手工啤酒：【流水落花$48 】其入口順滑，香甜之中帶點甘澀，打邊爐飲冰凍啤酒最夾 🍺 我就揀左$298「極上和牛吃到飽」，呢個幾乎我每次來牛大人也係食呢個。每位赠送2粒澳洲極上和牛牛丸😋任食選擇有：澳洲和牛M5牛肩卷（好新鮮、牛味十足）其他有：安格斯特選牛板腱上腹牛5花，西班牙豬五花片（切到好薄，可以食多啲都唔怕飽）花雕酒雞件（好有酒味，幾好）蟹籽墨汁漿及干貝鮮魚漿魚滑（魚滑好彈牙，好新鮮）。湯底有好多選擇，我最鍾意係「台灣鳳梨雞湯」，每次都係揀呢個，個人喜好鍾意食煲咗湯嘅雞，啲肉係滑啲。。。**熟食，丸類就用電話QR code落單。台灣腸、炸鷄及糖不甩都做到台灣街頭小食味道。所有自助形式擺放食品，全部也有蓋冚住。飲品任飲，有特色花茶、台灣apple cider, 燒仙草，芭樂汁。我自己今次另外加錢飲手工啤酒，香港啤酒好清香易入口，配火煱最好。最尾仲會每人送上一碗仙草凍甜品或Movenpick 雪糕，燒仙草好滑好好食。🙇🏼‍♀️唯一美中不足係甜品只限每人一個。

今日特別想食肉,，就諗住去打邊爐做食肉獸一日。任食打邊爐一定諗起牛大人，唔同市中心都有佢既蹤跡，最幾年不停開分店就知有幾出名。牛大人以唔同牛既等級作收費，大致分為精選嫩牛、美國特級安格斯、澳洲極上和牛。今次我地食中間個款(美國特級安格斯)，牛都有分唔少既部分，當中我最仲意美國prime同埋安格斯牛板鍵。兩款都好重牛味, 就算煮耐左都唔會太硬，我地都食左好多碟。牛大人都提供唔少熟食，飲品等… 佢地有好多自家製既茶都十分接歡迎。我試左白挑烏龍，茶底唔會濃到苦澀，仲有淡淡白挑味。雖然當日爆場，但服務員都好好態度而且上菜速度好快。

食兩次都是午餐，入座安排非常順暢，員工勤快，執野都好快，亦非常大力放入餐車中😅，有點嘈，地面有點滑，請改善🙏，坐位寬敞好坐，可惜食得好急，半小時後會放低帳單，再15分鐘話last order及收帳單，一夠鐘就即叫你離坐，食得太急，不適合吹水，嘆食物，火鍋材料放入膠盒中，其實不太方便取，雖然很衛生，多種茶類選擇，因時間太趕，根本飲唔切，所以其實不用咁大枝😅，整體都ok,係急啲，鴨血必食

🐮牛大人🐮係人都知我係火鍋控，一年四季都愛火鍋，牛大人是我不二之選🐮觀塘的牛大人是我覺得好闊落的，我地上到去walk-in,排左半個鐘終於食到了… 今次我地試吓「澳洲極上和牛套餐」，約10款肉類任叫任…🥢牛款方面，有安格斯牛小排、安格斯特選牛板鍵、手切封門柳、澳洲和牛M5牛肩卷等等… 既新鮮又多款！🥢牛媽秘製滷鴨舌：獨家調配嘅台灣滷水來製造鴨舌，鴨舌炆到好林身又入晒味！🥢台灣鳳梨雞鍋：用上等清湯，配上雞肉、湯底有杞子、鳳梨及苦瓜… 既潤喉又香甜。🥢澳洲A5和牛牛丸：入邊很多汁，而且肉質好鮮嫩，我喜歡它彈牙的感覺。其他必吃推介：🍺牛大人手工啤酒「流水落花」淡淡的花香味配埋手工啤，是店舖推介，最愛佢嘅花香🌸另外牛大人本身既代表資作亦都有幸，例如白桃烏龍、菊花茶普洱等等... 隻隻都是自家製作！而海鮮類例如大蝦、蜆，都好鮮甜！

1. 4人細卡位坐6個人,一郁隻手食野就撞到隔離嗰個,唔知平時係咪咁,定我地唔好彩。2. 啲白霧係咁喺個凍櫃入面噴出嚟,遮住曬,根本好難睇到夾緊乜！3. 啲丸個盒有蓋,係就係衛生,但係啲蓋唔識長開,唔hold住佢就自己冚番埋。一隻手開盒一隻手揸碗,邊隻手夾丸呀？！4. 啲牛係就係任叫,但係叫左幾碟,頓住嗰啲就越來越老同嚡（個個friend都覺),想趕客?!其他舖頭嗌得多牛都唔會差到咁!完全唔明點解咁多好評,咁多人排曬隊爭崩頭去依度食!貪同幾隻卡通公仔影相?畀錢買難受！以後唔再去！😡唔信的話,去過你就知!

最近呢幾日好凍呀! ☃️真係最想邊爐!❄️🔥可以更加溫暖，又可以食自己想食的食物呢~所以我真係好鍾意打邊爐!😚😋而今晚邊爐癮又起，又決定去最受7火鍋店之一-牛大人!🤤今晚去了APM店，原來仲有同蠟筆小新crossover😍所以有好多唔同打卡位呀!📸-台式火鍋的特式之處可以有唔同的台式特式小食同湯底🥘今晚決定點了極上和牛吃到飽的套餐🥩湯底方面點了又辣又暖的牛大人秘方麻辣鍋🌶辣度選了小辣! 剛剛好又不會太搶味道!🤤推介俾好辣既朋友!-食物方面當然要食本上和牛之選🥩牛肉方面食了唔同款式，最難忘係美國prime極級肩里肌,🥩澳洲和牛M5牛肩卷同安格斯牛小排🥩好好食的和牛，絕對有入口即溶💡好好食! 我最愛係肉的厚度，唔會太厚，剛剛好的厚薄，即使係女仔都好岩食!💯-除左肉類外，伴隨湯底會有澳洲和牛牛丸彈牙又紮實，大推!💯而食台灣火鍋，當然要試來自台灣的食物，大推章魚珍珠漿、澎湖花枝漿呢兩款魚滑✅彈牙好食，而且入面的材料絕對真材實料!😙-另外，牛媽秘製滷大腸、魚香皮蛋豆腐、台灣鱸魚片、私房鴨血（辣) 呢4款都係台式的特色之選!🤩💡一樣好惹味同好食，真的像去了台灣旅行一樣呢，試到好多特色小食!🥢-蔬菜方面

尋晚天氣咁凍當然就緊係邊爐控出動嘅時候啦😂我哋係度諗邊間火鍋店質素高得黎又可以任食呢😝最後我哋一致認為係台灣嘅過江龍「牛大人」！我地最終決定叫左$298 澳洲極上和牛吃到飽🤤湯底方面就叫左個台灣鳳梨雞鍋😋黎到牛大人當然就好似同牛有仇咁，主力地係咁食牛啦😋佢地啲牛真係非常出色！尤其係「手切封門柳」真係點都要試一試！P.S. 牛大人x蠟筆小新，適逢《蠟筆小新》30週年，牛大人由即日起至明年2月期間，各分店打造蠟筆小新主題裝飾，以及推出一系列精美產品，我哋最後加$98換左小新碗筷餐具套裝！一套包含兩個陶瓷碗及兩雙筷子，配搭蠟筆小新造型的碗一起用餐😋

天氣凍咗 又係打邊爐嘅時候🤤 見觀塘牛大人最近做緊蠟筆小新x 牛大人 令我更加想去食😚 我個日揀咗個養生湯底 藥膳牛蒡湯 牛蒡湯足料 有好多牛蒡片同藥材 幾重牛蒡味👍🏻 仲有好多芫荽添😝澳洲極上和牛餐 $298澳洲和牛M5牛肩卷和牛牛肩卷一定叫 值得不停encore🐮 牛肉嘅分布均勻，牛味重又香濃，特別係牛脂味👍🏻澳洲M9和牛牛丸和牛牛丸跟餐 每人只限2粒🤤 和牛味濃郁 比起平時嘅牛丸牛味真係重好多😍而且佢內裏都有好多肉汁 juicy又重味🤪鴨血呢排來貨緊張 記住早啲嗌😚佢本身自己有調製過 帶花椒味🌶 輕輕淥一淥就ok 質感唔會 一夾就散👍🏻梅甘酥脆薯叫咗2碟 一嚟佢幾好食又唔算太大碟😋 每碟大約有五、六件 細細粒 脆薯表面沾滿梅甘粉 食落酸酸甜甜 可以開胃啲😃土林鹽酥雞同脆薯一樣唔會太大份 小小哋可以食多啲其他嘢😊 鹽酥雞夠熱 炸皮仲脆 仲有啲香辣味 夠惑味台中仙草凍我次次都必叫嘅甜品 一嚟好味又可以降降火咁🤓 仙草凍質感企身 唔會好散或無味😝 另外配紅豆、椰果、珍珠同花奶 夠晒味 加埋仙草又唔會太甜🥰流水落花 $48另外加嘅啤酒🍺 一杯有成425ml 好大杯😝 佢飲落甜甜哋 有啲果

۞•牛大人•۞今日介紹係牛大人🧟‍♀️應該香港冇人唔識佢掛😅📯澳洲極上和牛$298叫呢個餐種類當然比較多啲🥰湯底今日亦都唔食麻辣了👸🏻冬天梗係養生啲🙈我哋叫咗鳳梨雞鍋，湯底清甜滋潤，仲好足料添～我哋可以揀嘅有👇🏻ꕥ牛五花ꕥ牛小排ꕥ封門柳ꕥ牛肉粒ꕥꕥM5牛肩卷ꕥ美國牛肉ꕥ羊肉卷ꕥꕥ各種手打漿ꕥ牛筋ꕥ牛肚ꕥ鴨舌ꕥ另外出邊都有其他小食，蔬菜，麵類，飲品可以拎🤣不過我想講拎嘢食個位置煙霧離漫🤩 十分搞鬼😂呢個價錢，咁多嘢食款類可以簡，的確係好好👍🏻唔錯嘅選擇💖不過如果要求高，肉類質素仍然有進步空間😘可能由於咁樣服務員都比較忙啲～同埋我哋坐嘅位置都比較偏遠少少🤏🏿需要叫服務員同埋收拾碗碟都比較自動化不過店務員咁忙之下～態度Keep到好好👍🏻◡̈⃝◡̈⃝◡̈⃝◡̈⃝◡̈⃝◡̈⃝◡̈⃝◡̈⃝◡̈⃝◡̈⃝◡̈⃝😋味道：8/10🍽環境：9/10🎖推薦：8.5/10💰抵食：9/10🍄總括：💖💖💖💖🤍◡̈⃝◡̈⃝◡̈⃝◡̈⃝◡̈⃝◡̈⃝◡̈⃝◡̈⃝◡̈⃝◡̈⃝◡̈⃝

今日一行4人5:30去拎8:30後既飛，大約8:35入座，入座前門口姐姐有講：係側爐呀！個下我完全冇為意個側爐既意思，去到坐低揀湯底，4人枱有兩個爐位唸住揀兩個湯底既時候，侍應哥哥話只可揀一個湯底，如果要加多個鍋要加$16x,個下呆左，咁即係只可揀放左定放右，咁另外個兩個點食，個爐位唔係中間😑咁我話點樣都有兩個食唔到喎！但點解任食湯底你免費既，我有4個人，你要另加收我錢，我依家唔係兩個人要兩個湯底，同埋係你個爐唔係中間，我地有兩個根本打唔到，我先會要求要多個，最後我話咁你當我地兩個兩又得唔得？佢地要求我地出番去從新排兩位😑個時8:35，我地要等9:30後既位！最終我地係好嬲地冇食走左，最燥係個經理用一d看似有禮貌既串咀行為，明明湯底係免費，咁都要人加百幾蚊，有d屈錢感覺😑如大家去食，聽到側爐唔好入座😑我就係入左先發現有問題，而比個經理不停話同我講左我都入，我同佢講冇唸過個爐係側晒係左邊或右邊囉！你地有冇唸過另外兩個點食呀！

踏入12月，天氣開始涼涼地就最適合打邊爐！早排約埋朋友一齊去牛大人打邊爐，都幾好食！#澳洲極上和牛套餐 HK$298+10%特別揀了牛大人最高級嘅套餐，120分鐘可以狂食和牛狂飲花茶！湯底：#酸菜白肉鍋酸菜白肉鍋的靈魂就是酸白菜，湯底真材實料、健康美味但又不會過酸，充滿台式風味！花茶：#洛神花茶、#白桃烏龍、#菊花普洱每次我去牛大人都淨係會飲佢嘅自家制嘅枝裝茶類飲品，因為出面冇得買，真係要飲多幾支先夠數！#台式特色小食：#台式鹽酥雞、#台灣腸、#甜不辣、#滷肉飯 etc.其實每次我嚟牛大人就係最鐘意食佢嘅台式小食，因為好少地方可以任食台式小食，同埋新鮮炸起真係好好食！#澳洲M5和牛肩、#安格斯牛小扒、#澳州和牛牛丸：整體肉質鮮嫩爽口，牛味濃郁之餘而且肉質嫩滑，完全唔韌！另外，一上座每枱都會送澳州和牛牛丸，牛丸牛味濃郁多汁，十分好吃！

牛大人位於鱷魚恤中心5樓，由地鐵站步行只係5分鐘左右，非常方便。牛大人食材一向都保持高水準，所以我地每次去到都見到好多人排隊，最好就book 定位。除左牛肉、豬肉、海鮮、小食係QR落單，自助吧都有多款火鍋配料選擇。湯底有8款，我地都係依然鍾情阿嬤養生濃湯鍋，湯底足料，又鮮甜，而且湯底亦加了薑片，食完暖笠笠。澳洲和牛M5牛肩卷，牛魔王既我地，每次都會必點，牛味濃郁，又有肉汁，滾一滾就食得。必食小食士林鹽酥雞、真豬小香腸、油條，做餐前小食，非常適合。飲品方面，除左罐裝，紙包飲品，仲有佢地既自家茶，有3款口味，洛神花茶、桂花烏龍、白桃烏龍，3款都各有特色，最緊要無糖，飲幾多都唔怕啦最後食完甜品，真係飽到上心口

真心食上癮既台式邊邊，每次食完都好滿足！今次好豪氣咁食極上和牛吃到飽，好唔客氣咁喪嗌和牛，好抵食😂❤️紅燒牛骨鍋 第一次試呢款湯底，牛骨味好香好濃，有微微既辛辣香，d 菜吸左個湯汁超好味，一試愛上！🧡牛牛 識嗌一定喪M5和牛同封門柳!! 和牛牛肉質細嫩油脂香得黎又唔太肥，封門柳好濃牛肉味～每人送2粒和牛牛丸，好彈牙，入面仲有肉汁好juicy💛海蝦x花膠 海蝦好新鮮，蝦肉食落非常鮮甜～花膠大大件，索晒d 湯味好正rrr💚小食3寶 外脆內嫩士林鹽酥雞x食完又食足足叫左3碟既梅甘酥脆薯x好香好肥仔好好味既真豬小香腸，次次都必嗌💙冷泡茶 好清香既桂花烏龍+酸酸甜甜既洛神花花+白桃味好香既香桃烏龍+清熱最強晚菊花普洱 款款都好正，打和～