牛大人台灣火鍋吃到飽 (大鴻輝(荃灣)中心)

营业中

休息中

網上勁多好評所以我想到嚟試吓，但係環境極之擠逼。冇得電話訂位，又唔可以網上攞飛排隊，要嚟到現場先可以排隊，而且排隊位置直至擠迫，呢様應該改善下。估唔到入到去坐低左仲擠迫，好似自修室隔開位置，一行隔開十几個雙人位，隔離講嘢完全聽得清清楚楚。而且張枱放幾碟食物已經無位，要不斷自己去清走台面垃雜野。服務一般般。我哋選擇中間價位嘅，第一round牛肉不錯，第二round就開始有d鞋。間唔中都會上錯或者上少食物，有d野食不太新鮮，如魚蝦。鴨血係最好食😋。其他台灣野一般般。至于湯底，揀左鳯梨雞，淡而無味，可能其他會好d。整體可以一試，，但唔會再幫襯，呢幢大廈應該有其他更好的選擇。

久仰大名的牛大人，今日終於試到。佢有好多款鍋揀，無理由唔叫個鴛鴦鍋一次試兩種！左邊係鳳梨雞，右邊個素湯底都唔少料，一路食都係咁食到啲蟲草花。佢有三款餐，我地揀咗中間果個，都好夠食，因為除咗呢度可以係手機嗌食物，出面自助區仲有超多食物任拎野飲都係任拎，除咗唔同既花茶，仲有好多平時既汽水呀、台式飲品呢杯金桔椰果真係出色。出面仲有我既至愛，滷肉飯呀！肥牛都好高質最尾仲有杯movenpick收尾，好滿足。呢個價錢食到呢個質素既台式火鍋，真係抵哂。好似去咗轉台灣咁。好開心。佢環境夠大，坐得一啲都唔迫，冷氣又好夠，唔會煙霧彌漫。

今日食團年飯，屋企人話想打邊爐，所以就喺荃灣大鴻輝揾咗間台式火鍋店食。有三種套餐揀，我地揀咗個中間價錢果個美國SRF極黑牛餐，$228，有安格斯特選牛板腱，仲有秘制滷牛筋同牛肚任食。湯底好多選擇，我地揀咗四目養生素食鍋同台灣鳳梨雞鍋，個湯底好足料，有半邊雞喺入面，好濃嘅雞味。火鍋配料、飲品同小吃都可以用電話落單，好方便，有好多台灣在地直送美食，例如屏東水蓮菜、澎湖花技漿等等，每樣都好有水準，同一般任食火鍋嘅林料高質好多。仲有好多台式小吃可以食，好似士林鹽酥雞同私房鴨血等等，飲品都好多選擇，連冷泡茶都好，真係好健康。二百幾蚊食到咁有水準嘅火鍋，真係好難得！

平時都唔會寫食評今次真係要寫下之前去旺角walk in食唔到，見荃灣新開咗間，諗住拿拿林去試下啦。 點知一場特登去到，食到媽媽聲。本身都食得好重味，但係個牛骨湯底鹹到要加水。鹽酥雞淋嘅。佢推介嘅牛筋同埋牛肚。 嘩~~~韌到咬唔開嗰隻 諗住掉落去煲一煲淋啲啦 ，點知煲咗個幾鐘都仲係咬唔開諗住食好少少 ，畀228食安格斯喇， 真係充滿咗油花囉。 肥到呢佢嗰個推介嘅澎湖花枝漿， 真係估香港人冇去過澎湖咩~ 我去澎湖食過， 根本唔係咁低層次嘅質素，完全係一般嘅花枝漿嘅味道同質素。啲侍應，叫佢都當睇唔到杜汶澤應該呢幾度拍一拍劣食唔知旺角店係咪一樣。 到底啲好評，係從哪裏來的??? 定係荃灣店先至咁唔掂?真係狗也不想食

宵夜時段去唔需要等位，食物對比同地方的其他店都有驚喜，環境都可算企理！牛有3個介錢選擇，我地選了SRF極黑牛，滿足感十足鍾意火鍋任食，值得一試，最緊要收得夜啱晒一班夜鬼

天氣凍左最啱就係食打邊爐今日同朋友去開荃灣食嘢知道新開嘅牛大人有88折優惠有好多唔同嘅台灣特色配料同多款湯底任揀因為已經好肚餓唔專登等特價時段現場好多人食緊，門口坐住等，等左一陣就有位真係好！我哋點咗「澳洲極上和牛」嗰個套餐湯底點左鴛鴦湯底係牛夫人（麻辣湯）配牛大人（牛骨湯）個牛骨湯就真係牛味好濃，麻辣就一般，唔夠麻推介送嘅每人兩粒和牛牛丸真係超好食，好似有星爺爆漿瀨尿牛丸嗰種juicy同彈牙嘅口感現場都另外有款牛丸有得任拎任食，之但係和牛牛丸真係好食好好好多！可惜如果再要點就要另外收費食咗好多款唔同嘅牛肉，覺得最好味都係美國S R F極黑牛肩胛同澳洲和牛M5牛肩卷其他配料個人覺得炸魚皮好脆、蛋餃、干貝鮮魚漿、水蓮、沙白（蜆）、蜂巢豆腐都幾好另外佢有幾款凍茶揀可以沒咁膩同健康啲Facebook life同埋Instagram share就送珍珠奶茶一杯但飲完之後真係好飽唔使食其他嘢要讚下佢好少漏單同埋上食物夠快最後有送movenpick 雪糕一人一杯唔夠飽仲有滷肉飯食，我就太飽冇試到啦折埋每人約$310埋單！

台式肉燥飯到處有得食... 奇就奇在居然能在火鍋店內食到如此出色的肉燥飯！ 店內放題形式供應....我個嘴尖仔平時在家唔多食飯。。今晚居然一人連裝五碗...碗碗清！佢話飯米、牛肉正！另外，和牛丸，牛肉都好正！ 王子麵一定要試！老細話食材，甚至米都由台灣精選直送！大廚更具三十年功力！ 👍👍👍