牛大人台灣火鍋吃到飽 (大鴻輝(荃灣)中心)

营业中

休息中

朋友住荃灣，對荃灣的美食資訊了如指掌，見大鴻輝新開了一間食台式放題火鍋的牛大人台灣火鍋，於是今日相約一齊來到 。餐廳裝修大部份是卡位，而卡位之間的間格，也因應現在疫情，加高了差不多有一米高，環境顯得優雅整潔 ,坐得舒適，所以，食得更是放心。放題食物選擇多,自助放題有丸類、蔬菜、菇類及飲品…等，非常多款式，。除自助區放題，還有海鮮及肉類台式選擇…等，款式多且高質，用手機二維碼下載直接下單，簡單快捷。先要一個阿嬤養生濃湯鍋，湯底內有紅棗、黨參、娃娃菜…等，所以湯底都很清甜。肉類都很多選擇，我們都點了很多自己愛食的肉類配料。海鮮類要了脆肉鯇魚腩、鮮甜海蝦、新鮮沙白…。每款都很新鮮又鮮味，脆肉鯇魚腩當真是很脆口又清甜。至於牛肉，也有幾款，我們要了安格斯牛小排、安格斯一口牛肉粒、牛媽秘製滷牛筋。最愛牛小排，切得很薄，湯鍋內滾上2秒已可食，牛味夠鮮味。及牛媽秘製滷牛筋，一口一粒，軟腍又帶點煙軔，充滿骨膠原。紐西蘭羊卷肉羊肉味較濃，也是切得較薄，阿嬤養生濃湯令羊味更鮮味。其它還要了爽脆炸魚皮、彭湖花枝漿、花雕醉雞、美人花膠、順德鯪魚滑、私房辣鴨血…等。食完覺材料高質，性價比高，有過百款台式選擇及其它

第一次同朋友去食台式火鍋店【牛大人台灣火鍋吃到飽】開咗間新店係荃灣，仲要早一個月訂位，勁多人食，呢到環境夠大，有好多坐位，安排咗坐窗口位，睇到個🌇靚景🏙，坐得又舒服。入店前會幫客人量度體溫，供應埋消毒搓手液，夠哂乾淨衛生。呢到任食一個半小時火鍋，多款湯底選擇，行到中間位置有飲品區🥤，自助食品區，材料仲要係台灣直送。仲有調味料區任你選擇。我地點選一個🥘鴛鴦鍋：【牛夫人秘方麻辣鍋🌶🌶🌶】湯底好正，越食越辣，刺激你既味蕾 及【台灣鳳梨雞鍋】有隻雞係湯內，湯底配料勁足料，又香又甜。點選湯底後，送上每人兩粒M9和牛牛丸，肉汁多，又彈牙。之後可以用手機App，開QR code點選食物，食物款式多，任你選擇。點選一碟開胃涼拌小食：魚香皮蛋豆腐，一磚冰涼凍嫩滑豆腐，配埋皮蛋、肉鬆、醬汁夠味。又開胃又好味😋澳洲極上和牛M5牛肩肉🐮，安格斯小牛排🥩，美國SRF極黑牛下肩胛，黑毛豬🐷，台式蝦餃，多款丸類、菜類🥬，美食供你選擇食火鍋當然要叫🍻啤酒飲啦，呢到既啤酒係自家製手工啤，仲要係台灣製造。一杯係愛羅武勇🍺呢款手工啤甜甜地，帶有花香，容易入口。另一杯係山霧🍺帶有獨特既香味。除咗食手工啤外，當然要飲埋自家製既

今日起荃灣大鴻輝無意中發現左間新開既打邊爐 叫牛大人 其實大鴻輝成棟大廈都係食打邊爐 咁多真係唔知點簡😂😂 叫佢係台灣火鍋 一於就試下佢～☺️佢係120分鐘任叫任食～有好多唔同既火鍋配料同台灣小食飲品😍😍冇得去台灣都有得解下渴☺️☺️因為武漢肺炎咁耐冇打邊爐 於是我地就決定食最豪既澳洲極上和牛餐！佢去用裝上落單 scan QR code 就有好多唔同既肉類蔬菜海鮮選擇👍🏻👍🏻好方便！出面都有唔同既丸同蔬菜自助夾 食幾多夾幾多我最欣賞既就係佢連飲品都係台式嫁！真係好似去左台灣咁！😍勁有心思既自家製冷泡茶！欣賞😋😋我地選擇左苦瓜雞湯 勁足料！ 有半隻雞！湯底好清甜～我唔客氣啦😃另外要特別介紹牛大人既牛丸！勁勁勁juicy! 可以話係我食過最好食打邊爐牛丸！😚😚手功啤都好好飲！😌😌Like and share FB/IG送黑糖珍珠鮮奶 不過我地已經太飽 飲唔落了😂最後仲有movenpick 雪糕食 不過都係太飽食唔到了😂😂總括嚟講 今餐真係好滿足！牛大人係用心誠意之作👍🏻👍🏻

一向鍾意食牛嘅我，呢排疫情下都冇嘜機會瘋狂食牛啦，今晚難得阿女得閒，佢專登卜左荃灣嘅牛大人同我食番餐。牛大人地方濶落，今晚選擇左澳洲極上和牛餐，其實任食黎講，食物質素都會打左折扣，不過呢度牛嘅質素都算ok，雖然薄切，但口感同味都滿意；而且自選食物區選擇好多，全部用膠盒裝好，乾淨衛生，而蔬菜瓜類全部都好新鮮，飲品區選擇都好多，仲有牛大人品牌嘅茶類飲品，不過阿女試左一款白桃烏龍，佢就話麻麻地，所以下轉都轉飲番罐可樂🤣。

好耐無返荃灣，今日一家人返荃灣順便食自助餐，大鴻輝中心基本上有超過5間自助餐廳，因為比佢吃到飽嘅字吸引，所以揀佢。揀極上和牛套餐，7:30前離座的價錢都係$238/位，無需加一，性價比高。10款湯底，單款無需加錢，兩款湯底另加$50，因為屋企人唔食得辣，所以選擇番茄湯。點餐數QR code，方便一家人各自點自己鍾意食嘅菜。服務好，上菜速度超快，一般三至5分鐘已全部上齊，啲夥計又經常買來幫我哋收啲碟，成日問需唔需要茄湯底，依家啲餐廳都好少有咁充足嘅夥計服務啲客。每台送一客和牛牛丸，好juicy，牛味濃烈，牛肉彈牙，係我食過最好食嘅牛丸。必食安格斯牛小排，生嘅時候肥膏呈現雪花形，熟咗之後肥膏晶凝通透，嫩滑有少少溶化感，所以前後總共嗌左10碟。脆肉鯇魚亦有水準，另外，餃子都有4-5款，款款都唔錯。蟹子墨汁漿、真味牛肉漿、澎湖花枝漿、台灣海鮮漿、手打旗魚漿，本本都有特色，蟹子墨汁最彈牙。炸魚皮十分薄及脆，唔會太咸，空口食或放湯滾一滾都各有口感。最估唔到係台灣滷肉飯，水準有驚喜，阿仔食咗兩碗。飯後每人一個雪糕，好在甜品係另一個肚，如果唔係真係有啲飽到食唔落。

認真誇張，這個市道，在星期五晚上五點鐘 ，已經有一大班食客在門口等位 要大飽口福。台灣火鍋好啱我一家人的口味，再加上用牛做主打，簡直係我屋企三條king 的至愛。🐮有十幾款牛可供選擇，切得又薄又嫩滑，我最鍾意贈送的'極上和牛牛丸'，好juicy有肉汁，我一個人食咗五粒。🐙200幾蚊一位，包咗好多款海鮮，有美人花膠，海蝦，脆肉鯇，鱔片，樣樣都好矜貴。'漿類'好好玩，其中我最鍾意係'花枝漿 ''墨魚漿'，有鮮味又爽口。。🍠除了火鍋食品外，仲有好多台灣地道小食，好似台灣香腸，梅甘脆番薯 ，滷肉飯都好好食(明明係食自助餐，阿仔都忍不住食了一大碗滷肉飯)。🍹超過20款飲品放在一個大雪櫃內，好壯觀，仲有自家製冷泡茶，種類好多好有特色，我一個人飲咗3罐清涼爽， 最後仲有movenpick雪糕。 好滿足呢。🍨🙋‍♀️最值得一讚的是服務好，人手充裕， 送食物快，收碟又快，不會漏單，常常加湯，正。😀總體來說，食物款式非常多，性價比高 ，環境又大，坐得又舒服，因為在高層望到好遠嘅荃灣景色。

前排踩完單車去咗荃灣食嘢唔知食咩好見到有間食火鍋嘅入咗去真係好唔錯幾高質！分享返先..........呢間係一間台式火鍋店餐廳位置唔錯 幾闊落同朋友坐得都幾舒服我哋試咗澳洲極上和牛個套餐可以試到好多款牛肉 例如牛小排一口牛肉粒牛五花等等個人應為佢啲肉類都好唔錯 非常嫩滑新鮮另外佢有d丸類非常推薦 好高質可能係我食過咁多間任食火鍋最好食嘅丸特別推介牛丸 係真係好食👍🏻👍🏻👍🏻..........另外佢仲有啲海鮮蝦蜆魚都有出面拎嘢食都好多選擇而且佢放嘢食個雪櫃冷氣好足 食材看起來非常新鮮嘢飲方面有台式嘅一啲茶 係佢呢間獨有嘅我就叫咗桂花烏龍 朋友叫咗菊花普洱都好唔錯👍🏻...........整體而言價錢唔算貴放題火鍋來講好高質 經過荃灣嘅朋友不妨試吓！..........牛大人台灣火鍋吃到飽Master Beef地址：荃灣眾安街55號大鴻輝(荃灣)中心16樓

疫症期間，大部份餐廳都可以食，因為食咩都唔使等位咁滯。不過我錯了，牛大人呢個放題場依然要等35分鐘位。哈哈，無問題。見到裝修幾靚，木系感覺，仲要咁多人，其實更有信心。入座後見到個場好乾淨，可以枱之間會用木板嚟隔開。員工全部戴口罩，嘢食全部用膠盒裝住，要開蓋先可以拎料，衛生比5星。首先，湯底方面選擇了鴛鴦鍋。穩陣派的選擇。辣果邊係好香辣，應該好易接受到。野食方面，打邊爐嘅材料應有盡有。其中我最鍾意嘅係佢嘅蝦滑牛滑同鴨血，非常之出色！本人打邊爐係鍾意點醬既，而呢度既醬料應有盡有，連蒜蓉醬牛肉醬豬肉醬都有，10分齊全！另外，有大人仲有一排好似便利店嘅飲品門，有自家製嘅洛神花茶，冷泡烏龍茶，共四款。加上酸梅湯，汽水，等飲品。即使丸類肉類食唔飽，牛大人仲提供四五款麵食，同埋台式滷肉飯！所以一定食得飽。牛大人真係無得輸，我一定會再返嚟食！

疫情加上限聚令嚴重打擊全港食肆，但「牛大人」絕對是一個例外！依然要早大約一個月網上訂枱，walk-in的話要很早或很夜才不用等位，可想而知這位牛大人的吸引力有多大！疫情好轉了，相信做好防疫措施應該沒大問題。到達牛大人門口，店員即攔截，要求先量體溫及用消毒搓手液搓手，還給我們紙袋吩咐進食時才除下口罩用紙袋入好。座枱頗為寬敞，枱與枱設置間隔，環境亦相當衛生清潔。先選定哪個吃到飽套餐，再選鍋底，隨即店員就給了一張有QR code的單，掃一掃即到下單網頁輕鬆點菜。我們選的是$288極上和牛吃到飽，所以有多款級數的牛肉可以order，還有火鍋配菜和幾款台式小吃，下單網頁設計得很user friendly，好像只花了一、兩分鐘就點好了所有配料，食物也轉個頭便送到枱上！外面還有其他任攞的火鍋配料、飲品和醬料，配料放在開放式的雪櫃，用一個個大食物盒蓋好，看見一道道冷氣吹出來，感覺令人安心！飲品選擇超多，最讚是多款自家製冷泡茶，菊花普洱和桂花烏龍不錯！我們選了台中蒜頭雞鍋，其實麻辣鍋和其他鍋都吸引，只是今晚不想吃辣，想來個濃厚的雞湯底。台中蒜頭雞鍋蒜頭味不重，但雞味香濃帶甜，很愛鍋中的菜，甜到一個點！火

見好耐冇食過火鍋，琴日同朋友就決定嚟呢間火鍋專門店試一試啦，結果都令到我哋好驚喜，呢度嘅食物同埋員工都同樣好高質素嘢飲方面，呢間餐廳有唔少自家製嘅飲品，非常有誠意，琴日我就試咗白桃烏龍，無糖嘅茶飲落好解膩我哋琴日就揀咗澳洲和牛餐，和牛入口即溶，而且上菜速度好快，真係好抵食人頭計每位附送兩粒嘅澳洲和牛牛丸，超多汁，而且爽口彈牙，令我哋一是難忘而其他嘅配菜同樣好高質素，簡直一流最後仲有一人一杯雪糕作為今餐嘅完美句號

港式、日式火鍋就食得多，台灣口味的火鍋就較少食，今日去荃灣「牛大人台灣火鍋吃到飽」，試下台式火鍋餐廳係大鴻輝（荃灣）中心16樓全層，入座前量體溫，有酒精搓手液，防疫措施做足，餐廳面積都幾大，坐位非常寬闊因主要想食牛，所以選咗極上和牛餐，湯底就選咗台灣鳳梨雞鍋，點食物用QR code，肉類、海鮮、餃類，牛肉漿、花枝漿、特色台灣火鍋料，小食等等，自助區有醬料，火鍋配料，選擇都幾多，最要讚的，自助區的醬同火鍋料，全部用膠盒獨立擺放，好乾淨整齊台灣鳳梨雞鍋，湯料有雞，黃豆，魚仔，苦瓜+鳳梨，湯底唔會過濃味，清清地，唔會搶晒肉的味道每人2粒和牛牛丸（送嘅），呢個丸真係好好味，入口超彈牙，有牛鮮味，咬入裏面，仲好juicyM5和牛牛肩卷，薄切，淥兩下，入口嫩滑，有牛嘅油香味手切封門柳，安格斯牛肉粒，牛肉味濃，有咬口牛胸爽，薄薄一片，但入口非常爽脆豬雪花肉片，唔會有油膩感，爽口牛肉漿、花枝漿，非常彈口熟食，酥脆薯、魚香皮蛋豆腐、鹽酥雞、真豬小香腸，都值得一食叫咗兩杯手工啤，「掌門 山霧」，佢話入口重麥味+果香味，「愛羅武勇」，酒味淡，女性較合適茶類飲品，桂花烏龍，唔甜，重桂花味，白桃烏龍，白桃味濃，

自疫情後都未去過打邊爐👉👈，有朋友食完牛大人後讚不絕口，所以特意來試試🧐🧐餐廳防疫措施都很足夠，入場前要量體温，提供搓手液和信封放口罩，😷要帶口罩才可出去自助區，所有食品有盒裝住，食得安心又衞生。🤗🤗店內環境寬敞，古式古鄉的裝修簡約而乾淨，卡位設計更有私穩和舒適。😍😍餐牌上有9款湯底選擇，有麻辣，牛骨，鮮雞，蔬菜等，如要鴛鴦煱要加$50，也有3個套餐選擇；我揀左菠蘿雞鍋和澳洲極上和牛餐，喜歡有更多選擇和每人送2粒M9和牛丸,非常彈牙。😋😋😋😋另外有很多台式食品，例如鴨血，豬血糕，蛋餃 ，蝦餃，小食都好有驚喜，有甜不辣，排骨酥，鹽焗雞，小香腸，炸甜薯，即炸午餐肉真係不得了牛都好好味，包括牛肩卷，牛小排，一口牛，牛板腱，牛胸爽，滾湯淥一陣就食得，牛味十足，油脂分佈平均整體CP值高，服務好(職員會提醒那項食品為即食，耐熟食品要煮幾耐)，食物選擇多外，飲品也有自家制白桃烏龍，洛神花茶，菊花普洱，調制飲品如金桔椰果可自選甜度和冰量，非常貼心💕💕☝️☝️like & share FB/IG,便可有黑糖珍珠鮮奶😚😚😚

香港人一年四季都咁鐘意打邊爐，就算近排天氣熱左都好想打邊爐呀！黎到荃灣大鴻輝打邊爐勝地🤣末試過呢間牛大人所以就上去望下，見環境幾大幾乾淨，仲有唔同款台式湯底，我地試左推介既鳳梨雞湯，有成隻雞架，仲有鳳梨同苦瓜，湯底幾甜仲感覺好下火👍🏿食物選擇幾多，和牛餐既和牛都幾靚，仲可以任食，多野食到唔洗出自助區！除此之外，用電話落單好方便，仲有好多台灣直送既食材，魚滑都好幾款，仲有鴨血，血腸等等。野飲係勁多選擇，有健康洛神花茶，冷泡茶，台式飲品等等，最後仲送movenpick!!正正子！

連續4日假期，加上近日疫情終於開始放緩，於是就約左個牛控朋友陪我今晚瘋狂食牛😋。今晚同朋友卜左荃灣店牛大人，我地卜左位6:30到達，係門外店員幫我哋量體溫、揸搓手液，目視全店一半坐位差不多爆滿，卡位與卡位之間亦有高高屏風隔住，令食客食得安心。食店用QR code掃描點餐，非常方便。自坐食物區有各式新鮮蔬菜、菇類、瓜類、什丸等等....全部用膠盒裝好，非常衛生；飲品除普通汽水外，仲有牛大人自製嘅各式茶類飲品。我地order左澳洲極上和牛餐配台式濃香蕃茄湯底；店員首先送上和牛丸，牛味極濃且極之彈牙。第一轉order幾板安枱斯小牛排同牛板腱，小牛排雖然薄切，係煲中拖兩、三秒，入口嘅口感剛剛好，口感嫩滑細緻；牛板腱則較有咬口，牛味亦較濃。前前後後差不多食左20板牛肉😋。西班牙豬五花片，一層肥一層瘦，非常均勻，亦都非常唔錯。直得一讚係澎湖花枝漿，花枝粒好多，好鮮有咬口，必食之選👍🏻；豬雪花肉片，冇嘜脂肪嘅，呢個好有豬肉味；封門牛係牛嘅橫隔膜肌肉，油花少，肉味重👍🏻；花蜆唔好睇佢細細隻，肉厚且鮮甜。脆肉鯇魚腩，卜卜脆，魚鮮味十足；蔬菜區嘅蔬菜新鮮乾淨又企理，最後都食左好多不同蔬菜同瓜類。埋單後仲可

今日係我同男朋友第三次黎牛大人打邊爐，由於上次叫左紅燒牛肉湯底好麻麻，所以今次都係唔再試新野，叫返麻辣湯底穩陣D。今次再食返麻辣湯底，感覺個湯底比以前少左d藥材味，但我都覺得算係唔錯，但至於食物方面，我覺得質素比佢岩岩開張嘅時候係差左，特別係牛肉同海鮮類別。我記得上一兩次黎食，佢d蛤係好大粒好肥美，但今次d蛤肉細到有d誇張，所以對於鐘意食蛤嘅我有些少失望。另外，佢d牛肉質素，我覺得都係比起以前差少少。但其他食材，例如蔬菜雜菌類別果d都好新鮮最後佢D台灣小食都仲係唔錯所以我希望佢D主食質素可以去返岩岩開張果時嘅水準，咁就 very good