牛大人台灣火鍋吃到飽 (大鴻輝(荃灣)中心)

营业中

休息中

*✲ﾟ*。🍲人氣台式火鍋放題牛大人🐮荃灣分店景觀非常開揚 座位夠寬坐得幾舒服👏🏻🔸 湯底 🔸湯底有9個選擇我揀左阿嬤養生濃湯鍋 入面有木耳、紅棗等等養生食材 清清地 少少藥膳味🤏🏻🔸 肉類/ 丸類/ 其他火鍋配料 🔸牛肉有上腹牛五花、安格斯特選牛板腱、澳洲和牛M5牛肩卷 全部都係大大片 有牛味😋丸類平時食開既都有 特別推介香芋牛丸 之前都未食過好特別😆台式蝦餃、蛋餃都唔錯👍🏻麵有王子麵、新竹米粉仲可以出去夾其他火鍋配料 有各款菜、豆腐、冬菇、粟米、南瓜、鬼馬油條等等🔸 小食🔸有多款台式小食任食 e.g. 私房鴨血 鹽酥雞推介薯梅甘酥脆薯🍠同糖醋甜不辣😍😍🔸 飲品🔸飲品選擇好多 加$48 有手工啤酒🍻我試左2款牛大人自家制特色飲品 洛神花茶、白桃烏龍個包裝打卡一流💯 淡淡地 應該冇加糖又可以解膩👍🏻🔸 甜品 🔸好似食晚市先有haagen dazs 雪糕🙈不過午市甜品有仙草凍都幾好食！😋記得要留肚試下🤣‼️ 記得上openrice / 打電話訂定位呀估唔到而家開咗咁多間分店 依然係咁多人排隊我weekend 1點半去荃灣分店都好full, 唔少人walk in都要等位🙈-✨ 90分鐘午餐吃到

之前去過九龍區和港島區的分店，相對地較多人，今次去荃灣的牛大人，地段方便，地方寬敞又企理，仲要望海景，午市不用排隊，食得好輕鬆自在。第一次叫牛大人紅燒牛骨鍋，牛骨湯底濃郁，好夠味，完全不需要落調味。個人必食牛肩脊和牛板腱，因為肉味最濃！蟹籽墨魚醬都係有粒粒墨魚，好彈牙，新鮮！厚切冬瓜片、鮮准山、蓮藕、萵筍又正又爽！材料新鮮香芋牛丸，台灣牛大人自家製，直送香港，都係必食之選！火鍋配啤酒🍻是常識吧！流水落花$48味道清甜，好解渴！最後送埋個甜品，大滿足！

牛大人岀名程度真係唔洗多講😂，訂座就一定咖喇，上到去都係勁多人堆左係到，就算食完走岀門口都有困難😂😂，同埋記得準時到，唔係既話就麻煩了，太多人真係唔知等幾耐，所以建議可以早嘅話就簡早段時間去食會舒服小小😂。牛大人火鍋由台灣師傅親自主理，用真材實料熬製成10種不同的火鍋湯底，不含味精，金天然食材熬製的湯底，當中包括有麻辣鍋、雞鍋、藥膳牛蒡鍋、番茄鍋，仲有素食鍋等。-🤍澳洲極上和牛套餐$258 (按時段收費$258-298)怕肥又要食既我就第二早段5點入座食到7點，120分鐘仼食，包括所有火鍋配料、和牛、飲品同小食。我簡左蕃茄湯鍋底，同澳洲極上和牛套餐，另外，每人送2粒M9和牛牛丸😍😍，最後每人仲有得簡一樣甜品movepick/仙草凍。-💕台式濃香蕃茄湯鍋底係用新鮮蕃茄攪碎後加入洋蔥、薑片等材料慢火烹調而成，蕃茄湯唔係濃郁個種，而係鮮甜中帶有微微酸味，好養生健康感覺🤣🤣。.💕澳洲極上和牛和牛vs美國特級安格斯，最重點就係多左和牛M5牛肩卷、安格斯牛小排、安格斯牛肉粒同手切封門柳。M5牛肩卷大理石花紋脂肪平均😍，有牛肉既嫩度😋，牛小排肉質鮮美滑嫩😍，牛肉粒肉嫩唔韌😍。另外送既M9和牛牛丸都好

同HONEY又來到荃灣的牛大人食極上和牛吃到飽，雖然牛大人在其他地方開左分店，但都系好難約，我地都系5點開始食，都全FULL曬，果然牛大人真的性價比高，同HONEY點左杯流水落花飲左先，湯底今次點左阿嫲養生濃湯鍋，阿嫲養生濃湯鍋真的唔錯，有淡淡的中藥味，加上紅棗杞子蟲草花，真的好補身哈哈牛肉方面我地都系點左M5和牛，安格斯牛板腱同埋封門柳，封門柳真的我同HONEY都好鐘意食，另外都點左唔少的蟹籽墨魚漿，章魚珍珠漿，牛肉漿，哩兩款都系好好食，因為醬油區真的好多人，所以我地拿左蔬菜先，水蓮真的唔少得，同埋腐竹&百頁豆腐都系我地鐘意食~飲品都系主打拿左白桃/桂花烏龍，麥茶同埋現在LIKE FB就有的竽圓珍珠奶，口感唔錯，唔想飲太凍可以先拿左出來再擺一會，咁飲落就唔會好凍...120分鐘真的好足夠我地食火鍋，另外職員都好勤力咁加湯同埋拿碟，最後食埋甜品，都系鐘意食雪榚，我同HONEY都好滿意牛大人的食物~~

牛大人由開業到宜家開左7間分店都係排隊排到癲左，如果想食都係一早係官網訂位或者OpenRice 訂位好啲。望住啲仲要排餐死既人，去到就直入，真係好暗爽😂.今次食既係lunch time，食物選擇比dinner time 少啲，不過人少啲，唔洗出面排長隊拎野食，同埋都包左好多想食既野，我覺得食得舒服都好緊要__________________________🔹極上和牛吃到飽套餐 $198👰🏻:🌕🌕🌕🌕🌑🤵🏻:🌕🌕🌕🌕🌑Keto friendly: ⭕️呢個已經係lunch time 最貴個餐，咁梗係專攻得貴餐先有既澳洲和牛，A5牛肩卷油花唔算多，有牛味，不過較薄切，都岩既易熟啲，一次滾幾片再放入口超爽.湯底有成9款選擇，揀左鳳梨雞湯底，係個清清地既雞湯。另外紅燒牛骨鍋，麻辣鍋同養生鍋都幾吸引.肉食類，餃類，手打滑類同埋最緊要既台式小食類都係scan qr code 點餐。推薦食即炸老油條，夠晒香脆，唔洗次次食響鈴咁悶。.小食類推薦炸蕃薯粒，甜甜地同埋真係外脆內軟糯。另外台式皮蛋肉鬆嫩豆腐同鹽酥雞都唔錯。甜不辣口感有偏硬身，個人麻麻地.出面可以拎蔬菜🥬類，丸類，飲品同啲台式麵。好多台式火鍋先

自從食過一次晚市之後，一路都好想再去食，但係因為成日都好多人排到爆曬，都冇心機等😂突然心血來潮晏晝想打邊爐，就走去試吓好唔好彩博下運氣午市時段超抵食， 12:30去到都唔使等位可以直行入去，勁開心以為要等好耐先有得食，哈哈哈選擇咗極上和牛吃到飽餐🤤湯底揀咗：阿嬤濃湯養生鍋好養生，我都係鍾意重口味嘅麻辣鍋多啲，但係今次有小朋友所以揀啲清淡啲，啲小朋友食到舔舔脷，清淡嘅濃湯🤣🤣🤣午市套餐都唔少野揀，菜嘅選擇都好多蝦或墨魚滑仲有其他好多滑仲有每次嚟到都會嗌嘅鴨血🤤到正題牛肉啦，唔使講咁多我睇圖！連不嬲唔肯食肉嘅小朋友都係咁食，和牛打小朋友牙骹軟😮‍💨最緊要大少同埋大小姐滿意🤣飲品都係最鍾意佢哋嘅自製冷泡茶，唔想等位等到咁慘可以考慮吓食午市套餐🤪

近日秋意正濃，晚上只有接近20度，正是打邊爐的好時機，當然要和太太再一次訂座牛大人這間各方面都不錯的火鍋店🙏位置(8/10)： 設於荃灣飲食地標的大鴻輝中心16樓，由港鐵荃灣站B1出口步行約7分鐘，旁邊是沙咀道及眾安街，有不少往來的巴士及小巴線😃環境(9/10)：餐廳佔全層，面積大而通道寛闊，座位有卡位及長枱，算是舒適但二人位較窄。餐廳的抽風系統很不錯，空調溫度適中，整體環境不錯🎶服務(9/10)：牛大人服務從來也不是問題，門口設消毒潔手液，以QR碼下單，上菜快而沒有漏單，侍應很有禮貌，不時會幫忙收拾及加湯。自助區有冷熱飲品、蔬菜，丸類，麵類及醬汁等，由於QR下單已有大部分的食材，所以幾乎不用離開座位🎶食物(9/10)：選擇多且普遍品質高，有澳洲和牛及美國頂級牛肉，亦有各式台式小食、飲品及火鍋食物，更有大量自取蔬菜、丸類及飲品，視乎您點的是那一款套餐💁👍極上和牛吃到飽套餐 ～ $248/位當日我們再一次5時入席，即使點的是最貴的套餐，也覺得超值😊容我簡單介紹一下不同組別的食材：🥢湯底包括眷村白玉酸菜鍋、牛大人秘方麻辣鍋、牛大人紅燒牛肉鍋、台灣濃香番茄鍋、台中蒜頭雞鍋、阿嫲養生濃湯鍋、帝

牛大人成日睇見人post想食好耐，今次塭到朋友陪我約去啦！120分鐘放題，有3款價格揀，我地揀左美國SRF極黑牛 $258揀左麻辣湯底，scan QR code落單有牛、豬、魚、鴨血、蝦、墨魚滑、沙白..其他特飲檸檬柑桔、烏梅汁及幾款台灣小食梅甘酥脆薯、士林鹽酥雞。 食物自助區有幾十款食物(丸、菜、菇、水魷..)、飲品任你拎，由汽水到冷泡茶都有，幾個雪櫃全部飲品，真係眼花撩亂。不過都係檸檬柑桔特飲好味。醬油區都勁多選擇，仲有新竹米粉正！ 第一轉點完單都好快到，一次過黎晒，開摩打都消化吾切，食到一半已經成日有個服務員提你last order又叫埋單先，好似好趕住做第二轉甘，超掃興，呢方面最好改善下。最後一人一款甜品揀movenpick 雪糕或仙草凍！ 120分鐘其實牛大人食基本個餐就夠，太多食物同飲品，幾高質素都冇時間食，留返幾十蚊食多餐仲抵啦！

最近天氣凍翻 好想食翻個暖笠笠既Bino Lunch 😆🐃座位格得好開 坐得好舒服👍🏻今次試左阿嬤養生濃湯鍋 係打邊爐果陣都可以清潤D入座後店員會同我地講翻點樣落單👍🏻 檯面一早清潔好 餐具 濕紙巾好齊備阿嬤養生濃湯鍋 - 加配小小草藥淆成既雞湯成個湯都好甜 又試得出有少少涼茶料既味道 幾特別😆 個味道特別得黎又好夾 係一個感覺比較中式既湯底🐓係鳳梨雞湯之外既又一個好選擇😻 材料區d蔬菜🥬配料都排列得好整齊 分類好清楚 四周都執到好乾淨 食材用有蓋既盒封好晒 食得安心佢地自家既冷泡茶素質都相當高 而且選擇好多 就算黎食咁多次都唔會悶☕
如果想解下飽濟同燥熱 飲仙草凍都好幫到手牛大人既自家製啤酒都相當出色 食到熱辣辣既時候 嘆翻杯冰凍啤酒 好正呀😍啤酒清清地 唔會苦 同埋有好香果香味 唔錯 澳洲和牛M5同其他野食都非常新鮮 和牛脂肪分怖好平均 肥美🤤而且厚度岩岩好 落鍋10秒左右已經可以食啦火鍋配料同樣一d都唔媽虎 全部都好高質濃味花之丸🤭 好鮮甜, 有3式味魚滑 全部都起晒膠 好彈牙 超超超正仲有唔同款式既芝心丸 同台式魚蛋，香腸等既配料 大家要試晒都應該要留定個肚先得~

話說今日喺荃灣 天氣開始涼就有股打邊爐嘅衝動 唔想食啲劣質嘅牛但係手頭有啲緊 諗吓諗吓不如就試吓牛大人牛大人出名啲牛肉高質而且價錢親民再加上好多配料都係自助我哋揀咗最貴嗰個餐 種類唔算太多但係基本上你都係食嗰2款牛同豬 因為已經好好食 配料出邊係任加 基本上所有蔬菜同埋丸都會包括晒 嘢飲更加係自家製嘅茶 仲要係d健康茶 例如洛神花茶 桂花烏龍茶等等 唔似出邊剩係得汽水 特別一提呢度啲火鍋配料都有啲出邊食唔到 例如係蛋餃牛筋等等 咁先係正宗台灣火鍋

天氣涼涼地好岩打邊爐😋係呀，我又打邊爐啦😆😆早食優惠，最貴果個澳洲極上和牛套餐都係$258咋👍🏻👍🏻仲可以食足2小時，食完7點鐘仲大把時間可以散步消化下😜🎈澳洲極上和牛套餐（按時段收費$258-$308）120分鐘放題形式，餐牌入面所有火鍋料同小食都可以揀，每人仲會送2粒非常矜貴既M9和牛牛丸😋😋🥢湯底鍾意重口味既我地，當然揀左牛大人紅燒牛骨鍋🤣基本上超夠味，拎左豉油返嚟都冇掂過😜🥢牛肉澳洲M5和牛牛肩卷安格斯牛小扒安格斯特選牛板腱2個人叫左廿幾份牛🤪我個人就最推介以上3款，有肉味之餘，油脂分布平均口感又好😋😋🥢牛胸爽真係好少會喺任食火鍋入邊見到有牛胸爽，朋友見到簡直係雙眼發光🤣🤣🥢魚香皮蛋豆腐熟食之中，我最鍾意食就係呢個皮蛋豆腐。有木魚、肉鬆等等材料，絕對係重口味之選😋😋以下幾款都係推介俾大家必食之選😋🥢牛媽秘製滷牛肚🥢香芋貢丸🥢蟹籽墨汁醬🥢即炸午餐肉🥢水蓮🥢蘋果西打🥢流水落花 $48/425ml最鍾意有香味既手工啤酒——流水落花🍻飲落順滑易入口，苦味亦較啖👍🏻👍🏻

媽咪聽過好多牛大人嘅好評之後，一直話想試下，我終於係2星期前上網訂到位同爹媽去食😌，book嘅時候好多時段都已經full哂，好好彩可以book到夜晚7點有位。🥸我地早咗15分鐘到，一打開lift門已經堆滿哂人，如果唔係訂咗位，見到咁多人我地唔會想出lift。😮‍💨帶位員工好細心咁問我地係咪第一次嚟食之後開始講解湯底，同埋點落單，我地選擇咗台灣鳳梨雞鍋湯底，聽完講解我地一如既往咁分工，排隊攞醬油 (超級長龍)、攞飲品 (超級多人)同落order。😲雪櫃有好多款飲品😍，唔甜嘅有白桃烏龍茶、洛神花茶、桂花烏龍茶、菊花普洱茶，甜嘅有汽水，仲可以落單揀少甜 / 多甜，多冰 / 少冰 / 走冰嘅冬瓜茶、烏梅汁、酸梅汁、金桔椰果，我地覺得少甜嘅烏梅汁係最好飲。🤤食物方面有好多款唔同種類，牛肉高質、餃子多款好味，連平時打邊爐最鐘意食魚嘅爹地同最鐘意食丸嘅媽咪，今晚都放低哂。😆我地每人仲可以揀一類雪糕 / 甜品，嚟到台灣食店，我地當然想食返台灣特色，所以3個都選擇咗台中仙草凍，有紅豆、花生、仙草、花奶、椰果、珍珠，個個讚不絕口。👍🏽呢間高質火鍋，難怪會咁多人排隊同咁難book位。😎

今日lunch又同朋友食好野la，我地去左荃灣嘅牛大人，我地中午11點40分上去已經有人排緊隊了，但都算係好前位置，等到12點入去嘅時候已排左好多人，入到去有好開揚景觀坐得好舒服夠12點我地就入去坐低叫左個鳳梨雞湯底，入面都幾多配料而且清甜，就咁飲都唔冇味精味，我地叫左個M5和牛肩卷試咗之後就主力叫呢個喇，好有肉味食落唔肥膩，自己調配蒜蓉辣椒醬油真係一絕，不停食另外就係個麻辣鴨血都係任叫，真係好 有好鮮嫩清甜嘅感覺，我地都叫左好多轉，haha仲有試左個干貝滑，呢個好似唔係度度有，粒粒干貝喺入面有咬口又彈牙，好味道中段嘅時候叫咗個洛神花茶清一清，呢個推薦要飲，飲完又可以繼續食仲有要推薦個魚香皮蛋豆腐，涼涼地好醒胃，另外個梅甘蘇脆薯都好好食 我地都唔知叫左幾多轉了 haha總括：坐得舒服，食物質素好好完全冇伏嘅感覺，抵食，下次再涮過

其實都有食過其他分店，今次去咗荃灣店都係質素十分高，比十個讚👍🏻👍🏻👍🏻✅之前食開午市，平啲但就90分鐘限時；今次食晚市有120分鐘，計返其實晚市開心啲，可以慢慢食😆✅揀咗最貴嘅澳洲M5和牛套餐，任叫任食都係$298一位。雖然有好多牛肉揀，但主力都係食和牛最回本😙肉質滑而彈，油香唔錯👍🏻✅全餐最正其實係呢個最貴嘅餐會送嘅每人兩粒和牛牛丸🤤🤤一咬落去啲肉汁勁到瘋狂，可惜無得任食XD✅之前食午市無封門柳，今次比我見到就梗係叫咗四次！封門柳係成隻牛入面，肉味最濃嘅一部分，珍貴程度不下於M5和牛❤️大愛！✅牛大人嘅獨特之處在於佢有好多台灣特色火鍋料／小食係香港平時好少見嘅😎例如唔同嘅台灣餃同台式滑，一定要試下😘✅自助吧同自助飲品區選擇勁多，新款可樂都有，但最愛都係佢地自製嘅冷泡茶系列🍵✅最後甜品可以揀Movenpick雪糕或者自家製仙草凍，兩個都超正，百貨應百客👏🏻

叫咗價錢最貴嘅M五和牛套餐。7:30前離開平啲。$258一位。book咗五點嘅枱。4:45去到，入面已經好多人等着入座。 之前新加嘅會員，可以有晚市九折。而家已經冇咗啦。新會員只係得午市嘅九折。4:51已經可以入座。因為剩係得兩個鐘頭，好心急一次過叫咗好多嘢。但原來佢哋上菜實在太快。我確認訂單，大概1分鐘後，全部野上晒。我欣賞佢哋嘅速度。係我自己低估左，搞到成枱都係野。兩個人食只係安排到一張好細嘅枱，啲嘢食多到根本好難食嘢。所以如果兩個人嚟食，第一round唔好叫咁多. 因為冇位擺。出面嘅自助吧建議Last order後，即係離交枱前半個鐘先去夾。因為QR code可以落單嘅嘢已經有好多選擇。夾自助吧嘅食物好唔抵。自助吧嘅嘢會令到你好快飽。就冇quota食小食或者更多嘅牛肉。所以過咗last order之後，仲想食嘢先至去自助吧度搵嘢食比較化算。食物質素同之前一樣咁好。只不過我哋一次過叫得太多嘢食，為咗騰出空間，一開始就食得好急好快，好似冇乜點樣品嚐到食物嘅味道。鍾意佢嘅冬瓜茶同埋酸莓汁。啲牛肉都好靚。啲牛肉唔會因為叫得多而之後上嘅質素變差。