牛大人台灣火鍋吃到飽 (大鴻輝(荃灣)中心)

营业中

休息中

台灣過江龍，嚟咗香港都好長時間，每日依然排長龍，因為佢嘅品質真係一直好有保證。今次同朋友叫咗極上和牛吃到飽套餐，可以任食和牛同所有火鍋配料。牛肉嘅質素非常高，肉味濃郁，而且雪花均勻，除咗牛肉之外各種嘅海鮮都係任食，有我最鍾意食嘅蜆，最特別嘅係佢哋有自家製嘅滑，例如海鮮滑，蟹子墨魚滑，牛肉滑，喺出邊嘅火鍋都好少有咁多種類。佢哋嘅湯底用料好實在，蒜頭雞湯入邊仲有成半隻雞喺度，唔使點任何醬料，都已經好好食。最近佢哋仲同蠟筆小新合作，店內有好多打卡影相位，仲有好多蠟筆小新嘅精品可以購買，其中沙田店仲可以自費影蠟筆小新即影即有。

當日星期六訂左枱7點上到去 人山人海都係人 好恐怖入座起開始計兩小時但其實最後食咗一個兩小時都冇人吹我哋走行入座位時經過飲品櫃，見到有各式各款嘅茶好吸引！！蜜桃烏龍茶好香，菊花普里都一樣咁香！最後我飲咗三支唔同嘅茶！我哋叫咗298$ 餐，每人有兩粒和牛牛丸贈送，呢粒牛丸真係好好食，食落去有勁多肉汁！！！如果另外加錢買58幾蚊先得3粒咋！

每當天氣凍的時候我就會想起打邊爐，一想起放題打邊爐我又會聯想起牛大人。和朋友提前吃聖誕和牛大餐，中午到牛大人吃極上和牛吃到飽，一次過可以食勻三隻牛肉！.今次我們點了比較特別的湯底台灣鳳梨雞煲，原本很怕鳳梨味太甜太酸會蓋過牛肉的味道，結果是很香甜的雞湯，用了半隻雞去煮，足料👍🏻.三種牛肉包括上腹牛五花、安格斯特選牛板腱、澳洲和牛M 5牛肩卷。上腹牛五花比較肥美，接近街市經常看見的肥牛級數，層次分明，感覺也很新鮮。安格斯特選牛板腱適合減肥的女士吃，較多瘦肉，而且中間有一條小小的筋，咬起上來更有口感。而最好食的當然是最高級的澳洲和牛M 5牛肩卷，肥瘦十分均勻，雪花紋明顯。而且牛肉味比較濃郁，肉質較細膩嫩滑。.當然也包括雞件、牛筋、鮮魚漿得得，多叫多幾次很快回本。.而且自助區有很多蔬菜及肉丸選擇，花多潦亂，款式很多。.在醬料區除了有五花八門的醬汁，還有響鈴滷肉飯及多款面類。.每次來到牛大人都經常在飲品區打圈，因為款式很多，包括台灣特別的飲品及自家製花茶。我們也額外叫了牛大人的流水落花啤酒，有很香的啤酒花味。一邊飲酒一邊打邊爐，人生一大樂事！.最後更送上台式珍珠仙草甜品，感覺就似去了一趟台灣旅行

約咗個好耐冇見嘅朋友食生日飯, 由於呢個朋友非常之大食😂, 而我咁啱又想食燒肉, 最終揀咗荃灣呢間安平燒肉, 話說呢間燒肉店一年前一位難求, 難得今日唔使等位, 仲安排咗一個非常闊落大卡位坐🥰, 裝修企理光猛, 由終生日飯諗住食好啲, 我哋叫咗個最貴嘅澳洲和牛吃到飽, 希望食到最高質嘅牛肉🤤. 呢個餐免費贈送一客牛舌芯, 店員還會自動送上台灣街頭小食, 真係好味到爆, 今次我主力淨係叫咗呢個餐先有既2款牛肉(M5澳洲和安格斯牛小排), 貴嘢真係零舍不同, 油脂分布平均, 牛味超濃郁. 必食推介呢度嘅帆立貝和超大隻老虎蝦, 叫咗好多round一定回本🤫. 呢度嘅飲品都非常特別, 自家調配嘅台灣茶, 水果茶, 冬瓜茶, 好少任食嘅餐廳會提供😘.

牛大人台灣火鍋吃到飽 (大鴻輝(荃灣)中心)荃灣眾安街55號大鴻輝(荃灣)中心16樓今日試咗位於荃灣嘅牛大人午市火鍋放題, 難得約咗朋友一齊食,揀咗個"午市極上和牛吃到飽"嘅套餐,可以食到澳洲和牛同埋安格斯牛湯底有多款選擇,今次我揀咗“阿嫲養生湯鍋”, 滋補開胃,清淡而唔會蓋過牛肉嘅香味依個套餐可以選擇澳洲和牛M5牛肩卷同安格斯牛板腱,牛味好香,嫩口有一定水準,自己都重覆order多好多次自助食品區設有丸類配菜等超過20款選擇，而小食方面,強烈介紹士林鹽酥雞,脆口鬆軟, 另外, 炸地瓜都好出色,同喺台灣食到嘅味道完全一樣飲品區有大量自家製冷泡茶,今次我試咗菊花普洱同埋桂花烏龍,淡香嘅茶味有種好健康嘅感覺,口感清新唔怕太甜.截單前職員仲送上台中仙草凍,食落感覺甜度剛好,每一口都有鮮奶襯托嘅情況下再加上花生,仙草,珍珠,直頭係perfect match.

好耐無黎試牛大人，男朋友話未食過想試所以特登一早book定枱黎食😂。Book 5點比較早所以都算易book，如果walk in就應該好難等位…一入去見到好多蠟筆小新！原來牛大人同小新合作緊😍，周圍有好多小新既佈置，度高把尺都有埋佢地個樣好搞笑🙈。我望番原來仲有小新既products賣，推薦小新迷呢段時間黎食牛大人打個卡😝！黎牛大人梗係要食最貴既澳洲極上和牛放題！早入座都係每人$258，星期五、六、日、假期及前夕就加$10，再加一其實都係$300有找，所以係好抵食😎。🔅湯底湯底選擇都多，好多台式特色既鍋。男朋友揀左蕃茄鍋🍅，平時既蕃茄鍋有啲真係無咩蕃茄味，呢個係食到有蕃茄酸酸甜甜既味，就算之後加湯都無乜溝淡到👍🏻。🔅肉類基本上專食M5牛肩卷😂，叫左幾次都係咁靚，又唔會韌。牛小排就脂肪多啲，都唔錯，手切封門柳就最有牛味🧑🏻‍🍳！🔅配料類配料好多都係自助區拎，超多款丸✨，不過識食梗係叫台灣直送既澎湖花枝漿！真係食到幾大粒既花枝，好彈牙又有咬口👍🏻。🔅蔬菜類菜種類都多，好想特別提下菜類全部都好新鮮🥬🌽，無拎過爛既菜😳！🔅小食類我最鐘意既台式小食三寶: 鹽酥雞、台式香腸同梅甘脆薯都有齊！叫左幾次

牛大人到依家都咁多人😳 有十個台式湯底 全部都好足料😚 白玉酸菜鍋 養生濃湯鍋 紅燒牛肉鍋等 今次揀左台中蒜頭雞鍋～～好香濃既蒜香味 調味剛好唔會太鹹 仲有兩隻大雞脾一齊烹煮😛.有多款台灣直送既特色配料 餃類已經有手工蛋餃🥟 瓜仔雞水餃🥟仲有台灣打邊爐好鐘意既老油條豬血糕😛 手打系列有旗魚/花枝槳 食落都好爽彈 仲有我最推介既小吃系列 鹽酥雞 脆薯同炸午餐肉係一定要點的😚 出面仲有得任裝滷牛肉飯🤭！.◽️澳洲極上和牛餐 $198-$288牛小排大大片紋路分明 無乜油脂 食落個肉感重啲🤤 和牛肩卷就油脂感重啲 但依然食到肉質嫩滑～ 封門柳就相對比較有嚼勁 另外牛板腱都好有牛味😛 仲會每人送兩粒m9和牛牛丸 真係好有牛脂感同彈牙😚 海鮮有海蝦同沙白都幾新鮮～ 另外仲有多款手沖冷泡茶 冬瓜茶都幾好飲👻 最後每人會再送一杯moverpick雪糕或者仙草👻.◽️流水落花手工啤 $48忍唔住叫左杯黎啤啤佢😚 原來係牛大人自家製 飲落好易入口 仲有陣花香味～.總結，水凖依然都係幾高質 飲落好養生入味😛 牛既肉質亦相當唔錯 配料既選擇都好多 可以食到啲特別既台灣配料同小食 而且上菜速度都好快 不過真係好多

有一日我同女朋友唔知有咩好，之後見到大鴻輝有咁多間，就點指兵兵上左去。真係好彩無去錯，多款式揀，唔似牛涮鍋個啲，來來去去都係個幾味！不過係貴左少少既，但下次都會再黎❤️

【 食到超飽的人氣火鍋店 】🐮今日同朋友試左人氣台式火鍋店【牛大人台灣火鍋吃到飽」，一個價錢可以任食M5澳洲和牛，真係勁正！🪑牛大人的荃灣分店地方寬躺，有舒服的卡座。食物和飲品選擇非常多，淨係湯底都有10多款選擇。🍲我地揀左120分鐘澳洲極上和牛食到飽套餐，湯底選了牛大人紅燒牛骨鍋，湯底一上枱就聞到好香濃的牛骨香味，忍唔住要飲番啖湯先。🥬落單非常方便，透過餐廳的QR code就可以自助下單。另外出面的自助區可以任取超過10種調味料的火鍋醬料、丸類、蔬菜、麵類和各款飲品等，自由選擇。🥩火鍋配料多到我哋要分幾轉先試得晒，當中的M5澳洲和牛，肉質嫩滑，有好香的牛肉味！套餐每人送兩粒澳洲和牛牛丸，十分彈牙爽口，好味。🦐另外仲有口感爽口的牛胸爽、羊味很濃的羊肉卷、五花豬肉片、手切封門柳、海蝦、章魚珍珠漿、蛋餃等等….🍦最後一定要食番杯自選雪糕做甜品，咁就最完美喇！地址 : 荃灣眾安街55號大鴻輝(荃灣)中心16樓

天氣轉冷就梗係要打邊爐，而講起打邊爐係荃灣就一定係諗起呢幢大鴻輝商業大廈，牛大人就喺呢幢大廈嘅其中一間。一出lift門就已經見到有大量人係度排隊等開門。我哋揀左個極上和牛吃到飽套餐，仲叫左杯流水落花啤酒，都幾易入口湯底我地簡左台灣濃香番茄湯底，番茄都多所以都夠濃味，如果覺得唔夠仲可以自己出自助區加tim 。咁多款牛肉我就最鐘意呢款M5澳洲和牛牛肩卷，肉味濃得黎唔油。滑類同台灣小食都係必點嘅，而家仲新出大左期間限定章魚珍珠漿每次必食嘅台灣麻辣鴨血最後食埋甜品仙草凍

#菠蘿🍍雞湯底落咗一塊菠蘿，大概1/5 size，好鹹，雞肉煮到冇晒味，可以話呢款湯底期望唔好咁大，個人覺得僅僅係一個比清湯好啲嘅選擇。#牛板腱肉只能叫一次，最好食係呢個部分嘅肉片，肥肉少，肉質鮮美。#蛋雲吞/水工餃比較少見嘅打邊爐食物，欣賞佢提供比較多嘅台灣特色嘢，網上落單嘅食物。#魚漿一筒筒上，想食幾多可以自己調整，款款都差唔多口味，鐘意丸類嘅朋友除咗出面自助夾，online 菜單仲有好多可以選擇。#甘薯最有記憶點嘅小食，停唔到口，前後叫咗4碟仔，炸到金金黃黃，外脆內軟，見係蕃薯🍠有營養，對自己半呃半氹咁食晒落肚😂#咸柑桔要網上order，有粒酸梅幾開胃，唔會太甜，我中意呢隻多過洛神花。#Movenpick 雪糕& 台式涼粉甜品方面，每人只可叫一份，我哋4個女仔一人叫咗一隻味，好老實講，Movenpick冇傳說中超級好食，價錢超級貴係真嘅。涼粉有啲普通過頭，冇加芋圓簡直唔算係台式，仲要落埋花生。

最近氣溫驟降，令人好想打邊爐，牛大人長期要排長龍等位，想食，提早訂枱真係好重要！！等入座時，順便選好湯底，10款台式湯底中，我最喜歡蒜頭雞鍋，鳳梨雞鍋，雞湯香甜又補身，最重要，鍋內真係有半隻雞，好足料～今次選 ＞ 阿嫲養生濃湯鍋， 奶白色既豬骨湯底配合唔同既藥材， 加左紅棗同黨參，啱晒而家秋涼既天氣呀！每次來到牛大人打邊爐，都會好忙，因為淨係醬料都有10 幾款，醬料旁又放有一鍋香噴噴既台式滷肉，白飯，任取，用黎配牛肉食，真係一流！點了「極上和牛吃到飽套餐」，19：30前離座最抵，只係$268 套餐贈送每人2 粒和牛牛丸， 牛味濃，夠彈牙，入口有爆汁嘅口感，再飲一啖花香味重既流水落花啤酒潤下喉，回甘又唔苦，正正～～重點狂食既 M5 和牛， 切得較薄，口感柔軟。另一款美國PRIME 極級肩里肌，應該係新產品，切得較厚，牛味濃又夠淋身，比M5 更吸引海鮮方面，海水味重既沙白係小妹既至愛，仲有海假同帶子都好爽口。小食方面，鹽酥雞炸得夠熱夠酥脆，皮蛋豆腐鹹咗少少炸番薯香脆又甜美，台式小香腸送酒真係一流，食食下先記起.... 除左手機掃碼可以點火鍋食材外，出面都有幾10 款蔬果，肉丸可以自取，食食

天氣凍凍地打邊爐就最好所以Lunch Time時間去左打邊爐牛大人既午市係90分鐘食到飽揀左極上和牛餐，食物選擇多啲湯底就揀左阿嬤養生濃湯鍋湯底奶白色，冇咩藥膳味，但材料都落足荃灣店同旺角店而家期間限定送自家釀制嘅手工啤–流水落花飲落幾易入口，真係有少少花香而讚好社交平台都會送一杯紫芋霜奶自助區提供好多飲品、蔬菜、丸類連台灣冬粉、王子麵都有極上和牛餐有澳洲和牛M5牛肩肉牛肉切得較薄，肉質較軟牛筋煮熟後好滑好淋滷味牛筋食落軟腍好入味台灣直送鴨血唔易散去到尾聲仲會送每人一碗仙草凍甜度啱啱好，Perfect!

最近身邊既朋友都大推牛大人 👐🏻終於有時間一試啦 😍由台灣人主理 食材由台灣直送 ✈️有9款精心熬製既湯底 有薑母鴨鍋、白玉酸菜鍋、鳯梨雞鍋🍍今次試滋補藥膳鍋🍲好足料既藥材同莧茜 唔食莧茜既朋友都接受到😆套餐方面 揀左個極上和牛吃到飽 可以一次過食到豬牛雞肉🤘🏻牛肉有M5牛肩肉、牛小排肉、牛肉粒、牛脂香口既牛胸爽，仲送M9和牛牛丸🥩🥩🥩牛味濃肉嫩唔靭❤️ 整體牛肉質素唔錯🐮其他火鍋配料都有好多選擇😋🌸推介🌸🐟脆肉鯇魚腩🐟美人花膠.另外仲有4款台式小食🥣甜不辣煙靭加埋甜甜酸酸醬汁🤤台灣嘅味道返晒嚟🤗仲有王子麵 再飽都要食返個🙈🙈.飲品又係好多選擇樽裝茶係呢度既特式🍵🍵鍾意飲啤酒可以試吓呢度嘅手工啤🍺🍺落花流水 $48 麥味清香🍺

天氣涼涼地，加上周末唔使返工，最佳嘅節目當然就係去打邊爐！有人話想食台式火鍋，上網搵左好幾間，逐一比較，最後選了位於眾安街大鴻輝(荃灣)中心 16 樓嘅人氣火鍋店「牛大人台灣火鍋吃到飽 Master Beef」。餐廳標榜由台灣師傅主理，火鍋湯底共有 9 款，據說全部都採用真材實料熬製，當中包括有薑母鴨鍋、白玉酸菜鍋等，另外亦有多種台灣直送配料及台式飲料供應。揀左個「極上和牛吃到飽」套餐 ($208)，而湯底就點了台灣鳳梨雞鍋，客人可於 90 分鐘內任點任食多款指定肉類、火鍋配料及台式小食，另外亦可以喺外面嘅自助食品區，自取各款丸類、蔬菜、麵食及飲品。先飲湯再打邊爐，鳳梨雞鍋以鹹鳳梨、苦瓜及土雞熬製而成，湯頭清澈，入口甘醇清甜。苦瓜清熱解毒，鳳梨及小魚乾嘅鹹鮮中和了苦瓜嘅苦澀，雞肉嫩滑無比。飲完湯後，幾款肉食同火鍋配料亦已陸續送上。上腹牛五花油脂分佈平均，放進湯鍋內輕輕一灼就食得，入口肉質軟嫩又帶點嚼勁。澳洲和牛 M5 牛肩卷 同 西班牙豬梅肉片亦係必食推介，牛肩卷紋理清晰漂亮，脂肪比例均勻，入口肉味濃郁，而豬梅肉片亦爽軟彈牙，油香不膩。幾款漿類，質素亦不俗，蟹籽墨汁漿經烹煮後依然嫩滑爽