牛大人台灣火鍋吃到飽 (大鴻輝(荃灣)中心)

营业中

休息中

每次食牛大人都係晚市，而家冇得晚市堂食，都一於去食個午市仼食止下癮。一入去好多蠟筆小新蹤影，店員仲推介可以換小新精品，超可愛。午市90分鐘仼食，要把握時間食快啲。先qr code 落左一轉order ，等湯底時去自助區拎醬料，飲品同有啲蔬菜丸類，仲有幾款粉面揀主打狂叫牛肉。推介必食和牛M5牛肩卷同特選牛板腱。我個人中意牛板腱多一點，感覺更軟冧。另外仲必食蟹籽墨汁漿，干貝鮮魚漿，章魚珍珠漿。彈牙有咬口。台式燕餃都好特別，係其他地方比較罕見，口感有啲似魚皮餃。台灣小食都可以嘗嘗，台式腸，鹽酥雞，甜不辣，過吓口癮絕對開心🥳最尾甜品食返個仙草凍😁90分鐘食飽飽走人

晚市又禁堂食 唯有約朋友午市黎今次係我第一次黎牛大人食lunch人流明顯冇之前咁多 仲有得坐窗邊卡位今日食M5和牛果個餐$198 假期再另加$10湯底揀咗呀嬤養生湯 清清地可以食倒食材原味牛肉質素依然唔錯 好多雪花而且嫩滑有牛味配菜同丸類都好多種 仲想特別推介佢地嘅漿我地試哂幾款 最愛蟹料墨魚漿同花枝漿食落爽口彈牙 而且非常足料 必試推介除咗食火鍋 當然唔少得台式小食啦其中香腸同皮蛋豆腐都好好味野飲好多選擇 朋友仲叫咗杯啤酒叫流水落花 食到最後每人有一碗仙草凍甜品 可以降降火仙草加埋忌廉 紅豆 花生 椰果 非常滿足走嘅時候先發現餐廳原來有唔少蠟筆小新打卡位仲有得加錢換購限量精品 張野餐墊好鬼吸引~

1月疫情都幾嚴重，好好珍惜同朋友出去食晚餐。呢排天氣又開始凍返，選擇左牛大人火鍋放題。進入到餐廳時都覺得餐廳空間感幾大，我地一行三人幸好被安排坐左卡位，比較舒服的位置。我地先選擇湯底「白玉酸菜鍋」同埋「麻辣鍋」。 之後我地選擇飲品，估唔到飲品選擇好多，包括好多款茶，我覺得係幾吸引，大家可以多試試唔同飲品。講返湯底，酸菜味還好，但口味當然麻辣味道比較濃郁。我地選擇了安格斯牛肉套餐，一碟牛肉份量較少，所以提醒大家可以多叫幾碟。

今天女朋友特別邀約，又預訂了這家火鍋店，想一解我這火鍋迷的嘴饞。餐廳裝修中國風格調，空間感十足。餐廳以三款牛肉套餐及九款湯底選擇，而最昂貴的澳洲極上和牛餐，可任選三款套餐內的所有食品。我們要了一個鴛鴦鍋，湯底分別是及牛大人秘方麻辣鍋及阿嬤養生湯。牛大人秘方麻辣鍋 -我們選了中辣，湯底香濃，並有花椒等藥材令到湯底十分辛香濃烈，基本上要了這個湯底，都不用去醬料區打轉。安格斯牛小棑 -油脂較多但均勻，沾滿麻辣湯汁而入口即溶，不愧為招牌菜式，不可不點！手切封門柳 -比較珍貴的封門柳反而不帶太多油脂，入口肉汁掛齒香濃，肉質鮮嫰帶嚼勁。澳洲和牛M5牛肩卷 - 油脂較多，而且分怖不均，相對較遜色。但薄切之餘又能做到肉嫰爽口，挽回不少分數。和牛牛丸 -以和牛而製的竹丸很有嚼頭，是一款限定食品，每粒大顆而彈口，肉汁多而鮮。水連 -台灣特產的水連，很是爽口，每次來吃都會吃不停口。鴨血 -麻辣火鍋必點恩物，鮮甜的鴨血沾滿湯汁後，加上充滿彈性的質感，實在令人不得不愛。手工啤「落花流水」 -款新推出的手工啤酒，清甜而不澀，像果汁多於啤酒。

假日午餐，點了最平的套餐，只有三款肉，雞，牛，豬，另外也加38另點了任選海鮮，這個組合最抵食，適合唔喜歡食肉臟的朋友們。首先，配料方面，菜葉類的種類選擇較少，較多菇類，瓜類。肉丸款式很多，有貢丸，芝士丸，海鮮丸，魷魚丸，蟹子丸等，而且都很好味。飲品選擇主要茶類，冇果汁檸檬茶果d。主菜三款肉不過不失，海鮮有驚喜，沙白蜆很好味，大大隻。有海蝦，肉是實的，唔會好腥，好難入口。兩款魚滑都好好食。湯底點左菠蘿雞湯，味道太淡，唔見有菠蘿，唔好點呢種湯。

今日一班人去左荃灣的牛大人食台式火鍋放題，一共有三個等級的火鍋放題配料選擇，我地就揀左第二級👍火鍋湯底就揀左麻辣湯底🤗呢度D麻辣一開始唔太辣，大概係譚仔米線的三小辣，不過如果唔食得太辣的人，就可以叫他們加清湯😌

天氣終於轉冷🥶一班人最啱就係打邊爐淥一淥佢😆 今次黎到牛大人食佢地嘅邊爐放題，仲撞啱佢地同蠟筆小新合作，除左有靚靚打卡位仲可以買小新精品🤤 同行鐘意小新嘅朋友即刻勁興奮～ 店員仲話沙田店可以自費影即影即有，鐘意小新嘅朋友不妨去朝聖下🥳講番啲野食先，今日同2個朋友+$50 叫左個鴛鴦鍋，分別係牛大人秘方麻辣鍋同藥膳牛蒡鍋🤩 一個辣一個唔辣，不吃辣friendly 🥲👍🏻我地食左午市嘅「極上和牛吃到飽」set, 每人都係$198😗 入面我最鐘意就係安格斯牛板鍵、上腹牛五花同澳洲和牛M5牛肩卷🙌🏻 牛味濃郁，淥耐左都唔會韌到變擦紙膠😂 推薦～另外佢地嘅自家飲品當然係必試啦！我最鐘意就係佢地嘅桂花烏龍同菊花普洱🥰

天氣轉冷又想食火鍋！在三光顧牛大人全因他的性價比極高！極上和牛吃到飽套餐才$198就可以食到高質A5和牛！最近還聯成蠟筆小新，推出多種得意精品！fans 要留意啦!每次必食的牛大人秘方麻辣鍋（大辣），唔好以為食辣唔健康，湯底用30多種藥材熬製，味道香濃，不是單純辣油的死辣！配搭我最喜愛的牛大人洋蔥牛肉醬+醋汁！酸酸辣辣先至開胃！可以食多幾碟肉！自取區好多配料選擇，種類繁多的蔬菜，和台灣直送的丸類- 例如我第一次試的雞肉丸，乳酪香腸，麻辣丸等！好多選擇今日的主角澳洲和牛A5和 安格斯牛小排！前者雪花狀的油脂分佈看着吸引，入口香軟溶化！安格斯牛小排油脂較前者少，但肉質爽口牛味香濃！我是衝着A5和牛而來的！一坐低變起勁的狂追加和牛，保證自己吃到回本另外極力推介章魚珍珠漿和墨魚漿，魚漿口感彈牙而且超足料，咬落去啖啖章魚墨魚粒！真係呢度先食到！飲品區提供冷泡茶一直響度盛名，唔使成日飲汽水，喜歡桂花烏龍的香甜平時唔太鍾意飲啤酒，不過呢度嘅推介啤酒- 落花流水 金黃色的起泡但有蜂蜜甜味，清爽易入口！好適合女仔！一路食牛肉一路飲啤酒，自覺豪邁

#跟住我食唔中伏.午市火鍋放題首選牛大人12月天氣開始凍，打邊爐暖暖胃🤤牛大人必食澳洲極上和牛火鍋放題，靚牛肉選擇最多😆🙈💖.而家有蠟筆小新主題😆餐廳內有好多蠟筆小新裝飾、牆身貼紙！超級可愛，寶寶狂打卡😂仲有限量蠟筆小新產品😍.第一次食鳳梨雞湯底👌🏻好香唔油膩，唔錯～打邊爐熱辣辣配冰凍啤酒好爽😏.推介必食［澳洲m5和牛肩卷］，肉質嫩滑牛味濃郁👍🏻寶寶就最愛［安格斯牛小排］🙈 #牛魔王寶寶.除咗任食靚牛，仲有我最愛嘅台式小食，款款都唔錯💖另外自助蔬菜區、醬料區都勁多選擇✨而且好乾淨衛生，食火鍋放題超推薦牛大人👏🏻

之前都食過牛大人，質素都幾唔錯，最近見到佢地同蠟筆小新cross over緊，黎食野仲可以換購佢地啲產品，有遮、環保袋等等😍勁靚今日黎就試左澳洲極上和牛餐，比其他兩個餐多幾款肉可以揀，湯底就揀左紅燒牛骨鍋，味道香濃，唔辣🤩呢個餐仲送每人兩粒和牛牛丸🐮，牛肉味好重，彈牙仲爆汁，朋友食完都話幾正牛肉方面都好多選擇，我就最鍾意M5和牛肩卷、手切封門柳同埋安格斯牛板腱，牛肩卷油脂分布均勻，食落好滑；封門柳就牛肉味重啲，牛板腱就比較平均，同埋冇咁肥除左牛肉仲有好多台式小食，例如係鹽酥雞、排骨酥、豬血糕等，比起出面多啲小食揀。蔬菜方面比較推薦水蓮同萵筍，因為較少地方有得食，新鮮另外推介叫佢地嘅墨魚滑/牛肉漿😳超彈牙又多款揀，最正係新鮮手打海鮮方面都有蝦、蜆等等，都好有鮮味，蜆肉冇沙飲品有幾款係佢地自製，都幾正。有白桃烏龍、桂花烏龍、菊花普洱同洛神花茶。桂花烏龍好清香，消滯解渴一流朋友叫左杯流水落花$48，係呢到先有嘅手工啤酒，味道帶少少清新花香，幾易入口食到尾仲有甜品送，可以揀movenpick/Haagen Daz雪糕或者佢地自製嘅仙草凍。仙草凍唔會太甜，好滑溜。仲有花生紅豆等等嘅配料，唔錯

隔左排冇食牛大人，今次去到荃灣大鴻輝食，近排牛大人同蠟筆小新合作，餐廳裏面有好多打卡點，仲可以買小新精品，沙田店有得自費影小新即影即有添小編叫左極上和牛吃到飽套餐，湯底試左紅燒牛骨鍋，濃郁得黎唔會太鹹🤣勁鍾意呢個湯，就咁都飲左好多啖，必點既肉類有M5和牛牛肩卷、安格斯牛小排同SRF極黑牛板腱，和牛牛肩卷油脂分佈平均，幾軟滑，其餘兩者牛味都幾濃😆另外啲沙白好大隻好鮮甜，完全冇沙，都叫左好多轉😂上次試過老油條好好味，今次都要再點，炸得香脆，浸幾秒湯，都仲食到個口感☺️打邊爐點少得飲啤酒，見佢有流水落花手工啤，點左一杯飲，好易入口，帶有果香味😆價錢：$298（加一）

荃灣📍 性價比高嘅邊爐放題🍲好耐冇食牛大人啦！次次都排長龍 今次晏晝嚟食終於冇咁多人🥲一入去就見到好多蠟筆小新嘅打卡點😍Search番先知 原來佢哋近排做緊promotion 唔單止有小新嘅精品買 去沙田店額外加錢仲有小新嘅即影即有影添！今次揀咗佢哋嘅極上和牛套餐 $198包晒咁多樣唔同肉嘅種類😚超過癮 其中最正當然係 澳洲和牛M5牛肩卷！牛味出眾 一食就忍唔住食咗幾碟🤤雖然係晏晝 但係配菜嘅種類亦都好多款 你諗得出嘅基本上全部都有 特別嘅係佢有好多款魚漿簡 大推墨魚漿👍🏿最後仲有仙草凍食 perfect! 大滿足～牛大人台灣火鍋吃到飽 (大鴻輝(荃灣)中心) (荃灣)地址：荃灣眾安街55號大鴻輝(荃灣)中心16樓

呢間餐廳由台灣師傅親自主理，主打台灣地道特色湯底🇹🇼午市有3️⃣款火鍋套餐， 極上和牛午餐吃到飽套餐，最貴都係$198，任食超過60款食物😱🍲牛大人紅燒牛骨湯採用牛骨、牛肋骨、洋蔥、紅棗、八角、肉桂支、香葉、陳皮等熬製，以先燒後燉嘅方式，令牛骨釋出豐富蛋白質，味道濃郁純厚，香料味突出，帶超微嘅辛香。👍🏼值得添食🐃澳洲和牛M5牛肩卷：屬牛後頸肉，油花分佈均勻，肉質軟嫩細緻，肉味同油香齊全🐖西班牙豬梅花肉：肉質爽彈細嫩，肉味濃郁🐓花雕酒雞件：雞肉嫩滑纖細，滲透陣陣芬芳酒香🐂牛媽祕製滷牛肚：牛肚爽彈有嚼勁，滷水汁香甜入味🧀拔絲芝心包：Q彈嘅魚丸拉出香濃煙韌嘅芝士🐙章魚珍珠漿：花枝漿爽口鮮味，配上彈牙章魚粒，口感非常豐富🍺流水落花 ($48/ 450ml)香港本土釀製手工啤酒，入口清爽柔和，帶有淡淡啤酒花香

牛大人係好耐之前食過佢地既銅鑼灣分店,今次難得放平日又火鍋癮起！就拉埋朋友一齊去再去牛大人吃到飽！今次約左朋友去荃灣分店,一入去見到牛大人同蠟筆小新cross over！店內貼滿蠟筆小新同其他角色既佈置.仲可以換購蠟筆小新既產品,蠟筆小新迷一定要去打卡！今次同樣揀左極上和牛吃到飽套餐,勝左可以食晒3款套餐既選擇.之前黎到牛大人除左食牛之外佢地既配料同樣吸引！除左網上落單既選擇外,外面雪櫃內既配料及蔬菜同樣咁多元化.令次試下挑戰牛大人秘方麻辣鍋,一上枱鍋面已經帶鮮紅色既辣油係面.入口先帶陣陣辣勁,後帶麻香味.配料加入去滾後吸收左麻辣鍋既香辛味,相當惹味.安格斯特選牛板腱&澳洲和牛M5牛肩卷牛肉完全解凍後先上枱,牛肉鮮紅又帶出油花.切得唔會過份薄身,滾熟後唔會一夾就散.入口帶有肉嚼勁,肉質彈牙亦唔會過乾柴.帶一陣陣牛脂香得黎又唔會過肥膩令到鍋底起晒油.台式小食(真豬小香腸/魚香皮蛋豆腐/士林鹽酥雞)除左生配料外,牛大人亦提供唔同熟食.小香腸脆口,味帶少少香甜,咬開帶點豚脂香.鹽酥雞炸得香脆唔油膩,炸漿唔會過厚.瓜仔雞水餃水餃皮唔會過厚,滾熟後餃子皮仲帶點煙韌感.水餃清新唔肥膩.真味牛肉漿牛

牛大人聯同蠟筆小新，喺每間分店設計咗唔同嘅裝飾主題😍 仲可以換購蠟筆小新嘅產品😎 作為牛大人super fans😎 今次再再再去食澳洲極上和牛套餐 (按時段收費$258-$298) 三款不同的套餐任君選擇 (晚市$178-$298)10款台式湯底 真材實料👏🏻今次揀左人氣之選: 鳳梨雞鍋🐔 雞湯清甜又滋補，鍋內有差不多半隻雞‼️好足料，而且雞肉好嫩滑😋“澳洲極上和牛套餐” 呢個餐可以嗌晒所有餐嘅肉類🐂🐷🐔仲有海鮮🦐蔬菜類🥬丸類 熟食類 (選材好高質😋)真係數都數唔晒🤩成餐飯都好唔得閒，好似永遠都食唔晒佢個list入面既野食，以下精選幾樣必食推介😍🌟澳洲和牛M5牛肩卷必食‼️濃郁牛味，肉嫩容易入口，超值💯🌟安格斯牛小排每盤脂肪比例剛剛好🤤 打邊爐最怕食過肥既牛，碌一碌已經成煲湯起曬泡🥶 依個安格斯牛小排完全無依個問題🤓🌟黑白漿試左澎湖花枝漿、蟹子墨汁漿😍 兩款都好彈牙好鮮味，粒粒章魚好足料🙂 平時我唔食魚滑，去到牛大人嗌左四種🙈🌟私心喜歡台灣腸平時去台式食店必嗌，呢度竟然任食，當然要狂食啦🤣另外“澳洲極上和牛套餐” 奉送既和牛牛丸，牛肉味濃厚脂香😚 1人2粒，超好味😋甜品除咗有Movenpi