牛大人台灣火鍋吃到飽 (大鴻輝(荃灣)中心)

营业中

休息中

呢間想食好耐終於有時間同老公試下！好多人都讚正點都要試下😎.🌟極上和牛吃到飽 $318/1位難得來食緊係食豪d和牛任食2小時吃到飽🥰加$50要了鴛鴦鍋，無辦法老公太想食辣🤣牛夫人秘方麻辣鍋點了中辣，我以為會食到最後都係太辣放棄😂老公就話辣得好爽食得開心🥰jo就點了阿嬤養生濃湯鍋，jo大愛有紅棗、蔥、娃娃菜，濃厚薑口味飲落好養生，鮮甜好飲完全唔想點醬汁破壞🤣送了澳洲和牛牛丸濃厚牛味又多汁可惜要加錢先可以點😮‍💨.落單用apps，上菜都算快，仲有個自助區，超多野飲、菜、丸同醬汁！jo拎左白桃烏龍味道清新好夾火鍋解膩，丸推介花枝丸勁彈牙入面仲大粒魷魚好好食👍🏻 滷肉飯又係推介一試台灣的味道🥰.🌟必點推介➡️澳洲和牛m5牛肩卷：牛味濃厚質感淋身打邊爐一流👍🏻➡️手切封門柳：一樣牛味濃但呢款會有咬口啲一樣正➡️蟹籽墨汁漿：墨魚滑好正，有咬口粒粒墨魚和蟹籽，好鮮味味道相當特別大推👍🏻.打完邊爐仲有甜品或movenpick雪糕大滿足🥰jo對呢間評價都幾高，上菜快又多選擇坐得舒服食物又高質價錢又唔貴，一定再encore!

諗起打邊爐 我間唔時都會想嚟返牛大人 因為呢間除咗打邊爐仲可以食啲台灣小食 而且價錢上叫和牛套餐都比起坊間好多火鍋店正 CP值相對高😆 例牌都係揀咗澳洲極上和牛套餐 而且呢間可以任食兩個鐘時間上幾好 唔洗趕時間既打邊爐先係好邊爐💖只係平日晚飯時間都相對好full 唔想起門口等車塞得耐 大家記得book位🥹湯底方面我揀咗台灣鳳梨雞鍋 湯底出面唔多覺有 味道清甜 間唔時抖下唔食麻辣 嚟到叫呢個都係唔錯既選擇嚟😇澳洲和牛M5牛肩卷一如既往油脂分佈睇落都好平均 食落肉味濃 薄切令食落相對無咁飽膩☺️美國SRF極黑牛肩胛肉眼 食落脂香無咁多 瘦 肉味再濃郁一啲 增肌減脂既人士選擇呢個部位可以食返兩碟😏而普通既牛五花肉 相然係價位平點既肉但質地相對彈牙 無騷味亦有脂香得嚟幾軟滑 都幾好食😌見到格離有叫海蝦都大隻下 但收工食飯 我就懶得剝蝦殼就無叫🤣今次特別推介下佢既沙白 今次我哋返兜左好多次沙白 嚟到大大粒 真係夠新鮮 嚟咗幾次都係肉彈鮮甜 無沙👍🏻 我fd就幾鐘意佢個魯肉飯 食落同出邊啲有分別 但幾好食 佢食完仲添多咗一碗仔🤣而每次嚟我都會叫梅甘酥脆薯同油條 我個人幾鐘意裡面蕃薯香甜軟熟 外皮夠脆

戒左牛肉咁耐，終於大解放，梗係要去食返餐牛大人先啦。呢度乜牛都有，唔同部位有唔同嘅口感同埋味道，揀咗最貴嗰個餐就乜都食得，而且價錢都唔貴。其中我自己最鍾意食手切封門柳，無論淥幾耐都係咁林，唔怕會老。湯底揀左個菠蘿雞，除左有半隻雞之外，仲有啲蜆肉，菠蘿肉，白菜同苦瓜，不過喺未淥嘢之前個湯其實就冇乜味。除咗牛肉出色之外，佢依家仲有個期間限定嘅十勝豚肉，同樣地都幾好食，大大塊啖啖肉，而且豬味都濃。而佢呢度嘅羊肉都唔錯，聞落去好似好騷咁，但係其實食落又冇乜味，因為我都比較怕騷。海鮮方面都有啲魚肉同埋蝦，佢啲下都幾大隻，同埋都幾彈牙，唔會有霉咗嘅情況出現，不過唔知係咪說得太耐，好似冇乜蝦應該有嘅鮮甜味。然後佢另外仲揀咗個墨汁墨魚滑，見佢寫住台灣直送必點，又黑蚊蚊咁幾特別，所以叫咗嚟試吓，佢仲有啲粒粒墨魚肉，口感唔錯，幾彈。另外仲試咗佢哋嘅牛筋，估唔到佢哋啲牛筋咁林，食完都覺得自己吸收左滿滿嘅骨膠原，幾值得試。佢呢度有個小食係鴨血，見佢本身應該係麻辣汁，雖然試菜時係熱嘅，不過職員會叫客人淥熟咗先再食，但咁樣淥完其實舊鴨血已經冇晒味，可能要食麻辣湯底嘅人係鴨血先得。最後甜品佢會有雪糕同埋仙草俾人揀，

已經唔係第一次食牛大人，但真係第一次食M5和牛放題呢個set，先知道原來呢個set先至會每人送2粒M9嘅和牛牛丸，真係好好食，重質紥實有咬口，而且肉汁好豐富，牛味濃郁，值得一試！☺️湯底有8款，我哋揀左養生鍋，味道清淡啲，唔會蓋過和牛嘅味道，鍾意惹味啲嘅人就唔係太啱呢款湯底喇應該🤫而另一重點當然係任食嘅M5和牛牛肩肉，雖然薄，但勝在每塊都夠大塊，幾好食的，美國牛小排都唔會輸蝕，比起牛肩明顯油花分布較好👍🏻仲有幾款專係台灣直送嘅食材，鴨血當然唔少得，仲有丸類，手打滑及蛋餃，都係出面放題冇嘅配料，好感動🥹自助配料同自家製嘅冷泡茶款式幾多，而且仲可以喺app度叫冬瓜茶，平時一杯閑閑地一杯手搖冬瓜茶都要$30啦，黎到牛大人一定要叫☺

成日都想男朋友食牛大人，但都要好早bk位先有，今次終於食到，所以就叫咗個極上和牛吃到飽套餐。自助吧有得拎野飲，包括咗啲茶同埋汽水，有洛神花茶、白桃烏龍、桂花烏龍。而另外一邊就有醬油同坤調味料。餐廳主要係電話落單，但亦都係自助吧提供咗啲蔬菜同埋肉丸，仲有魷魚同埋牛柏葉等。極上和牛嗰餐仲包咗澳洲和牛牛丸，個牛丸好juicy，同埋好多牛味。我地叫咗牛夫人秘方麻辣鍋既中辣，食落都幾辣，但個麻味都好夠。落咗冰豆腐吸哂啲汁，真係夠晒味。除咗邊爐料，啲台式小食都吾錯，特別係個鹽酥雞，啲雞肉好滑好juicy。要特別提既邊爐料係蛋餃，個蛋皮包得好好，落咗湯吾會爛。一定要讚既係澳洲和牛M5牛肩肉，肉質好滑，而且個油脂分布岩岩好。最後仲有個椰汁仙草凍作為甜品

本身我地對食都唔係太高要求，只要坐得舒服食物又唔差就ok啦。但今次真係差到要寫個食評紀錄一下。環境，服務都非常差，食物一般。座位太窄，6個大人坐張似4人坐嘅枱，真係肥啲都坐唔落。又熱又焗，好似無開冷氣咁。地下非常滑，每次出去攞野都一步一驚心。不會再食牛大人。🤥

牛大人台灣火鍋吃到飽 (大鴻輝(荃灣)中心)荃灣眾安街55號大鴻輝(荃灣)中心16樓基本上而家打邊爐已經唔係淨焗限於冬天啦，香港人一年四季都咁鐘意打邊爐，火鍋放題既餐廳開到成行成市，其中近呢兩年我覺得<牛大人>做得愈黎愈有聲有色，分店愈開愈多，今晚就同左朋友黎荃灣分店記得如果黎幫襯係一定要book位，基本上walkin真係唔使唸，實唔會有位。。晚市放題有3款套餐可以選擇，最大分別當然係取決於牛肉既質素啦，最後我地決定豪一豪佢，揀左最高價位既澳洲極上和牛套餐食物方面，呢到好方便只要有手機用QR Code落單就得啦，非常環保而且漏單既情況亦都大大減少。。而我地當然係主攻食靚牛啦，最鐘意就係澳洲M5 和牛，牛肉既脂肪分佈好平均，望落好似雪花咁靚，我地總共叫左起碼10 盤以上，真係好癲呀，而其他火鍋配料選擇都好多，有部份仲可以自取既，值得一讚最後當然要食埋甜品先至完滿啦，朋友就揀左Movenpick既朱古力味雪糕，而我就每次都會揀台灣仙草凍，仙草既口感幼滑，仲有我最鍾意嘅珍珠同埋芋圓，真係好吸引架

大鴻輝真係有超多火鍋任食店，我同朋友就一早Book咗牛大人。 上到去都超多人等緊叫Number，不過都比想像中快得多，記得真係要提早book定。我哋嚟親都會揀佢最高質素嘅餐C餐，坐低已經有四粒和牛牛丸，好香而且口感彈牙。我哋揀咗鳳梨雞湯底，裏面仲有苦瓜，娃娃菜等，因為大大隻雞所以好有鮮味。 最靚嗰個餐梗係要食最靚嘅食材，北海道十勝豚係新嘅C餐野，都幾滑.當然就唔少得安格斯牛小排+澳洲和牛M5牛肩卷，我哋特別鍾意食牛小排，脂肪分布均勻，質感比較軟滑；牛肩牛味特別濃郁。水餃都有啲平時食唔到嘅餃子，瓜仔雞水餃、福建燕餃呢兩款我都覺得好好食，瓜仔雞比較爽口；福建燕餃就充滿咸香。真味牛肉漿、澎湖花枝漿呢啲都會食得出佢個材料好豐富，除咗質感好彈牙之外，入面仲有真係牛肉同埋花枝粒粒。充滿口感。士林鹽酥雞、真豬小香腸、魚香皮蛋豆腐全部小食好快上到嚟，即叫即食，鹽酥雞熱辣辣仲有啲辣添！小香腸就充滿台灣口味，好香甜爽脆 ，而皮蛋豆腐加埋魚香同埋啲木耳，好match好好食。鴨血、海蝦、沙白呢D都唔錯，鴨血非常有彈性，而且有少少香辣。另外海蝦同埋沙白也比想像中新鮮鮮甜，口感爽口。仲有Like Fb特飲，好清新

今次係我地第二次去座於荃灣既牛大人台灣火鍋吃到飽，雖然今次5點黎到但依到都同平時一樣咁多人，我今次好好彩可以入到黎食野。入座之後就可以選湯低同用QR code 點菜。各款牛肉都好香牛肉味，澳洲和牛M5牛肩卷大大塊，好抵食。台式小食都好有特色例如：台式蝦餃，士林鹽酥雞等等，款款都新鮮製作，好味。再食吓佢既丸類，佢既丸類都比其他火鍋鋪優質，當中我最鐘意就係貢丸。最後差唔多食飽，餐廳會送甜品，今次個用料都十足，有台式風味，好特別。依個價錢可以有咁高質既火鍋食，真係好抵。順帶一提，「牛大人」同蠟筆小新合作，好多小新打卡點，仲有精品可以買，其中沙田店仲可以自費同小新影即影即有😍💕荃灣眾安街55號大鴻輝(荃灣)中心16樓#hkfoodie #hkfoodblogger #foodporn #followforfollow #hkfood #hongkongfoodie #hkfoodlover #hkig #香港美食 #hkgirl #igfoodie #hkblogger #hungry #foodphotography #holiday #foodstagram #hongkong #手機食先

我哋兩個邊爐怪真係幾鍾意食牛大人，喺咁多間打邊爐放題入面，encore得最多嘅就係牛大人。今日做完運動之後，肚餓得滯就決定要放肆一下🤪我哋揀咗最貴嘅*極上和牛吃到飽*如果你食得辣嘅話，湯底一定要揀麻辣鍋，又香又麻又辣！由於我哋已經食過太多次，基本上知道乜嘢最好食，一嚟就落十碟最靚嘅牛牛呢碟係「澳洲和牛M5牛肩卷」，成盤牛都算靚，油脂分布得好均勻，入口真係好香濃嘅牛味，今次嘅牛肉唔錯，每一次叫嘅質素都好平均，差唔多樣另一款我哋鍾意食嘅牛就係以下呢碟「手切封門柳」，呢款牛切得厚身啲，食落有啲咬口除咗牛肉之外，我特別鍾意點花雕酒雞件，大舊得黎仲要好嫩滑😍，雞件上面仲有粒粒杞子。海鮮又係回本之選，沙白粒粒都大粒，有少少沙，但係都可以接受，味道鮮甜，次次都幾份幾份咁叫熟食方面，首推炸地瓜條，雖然明知係澱粉質會飽肚，但係總會忍唔住食完一嚿又一嚿，台灣腸又係好好食，水未滾之前有呢啲台式小食食，真係開心至於飲品，牛大人會與時並進🤣今次有新出嘅桃味零糖有汽茶😍😍最後每人一個甜品，食飽飽，滿足地拜拜肚子走人

朋友話好耐冇去食火鍋食到飽😆即刻相約佢一齊食牛大人😋有唔同湯底同套餐可以揀🥰建議大家先訂位😆因為都好full嫁🐵我地揀左阿嬤養生濃湯鍋，入面有唔少藥材湯料，都幾養生☺️套餐方面，我地選左澳洲極上和牛😆用QR code就可以下單😍基本上餐牌嘅野食全部都可以點😋🌸 澳洲和牛M5牛肩卷 M5和牛油花滿滿😍用熱湯淖一淖就可以食😋入口鮮嫩🤤🌸 北海道十勝豚E個係期間限定嘅餐點，十勝豚比一般豚肉嫩，唔會油膩😌🌸 手切封門柳封門柳入口軟腍，牛味濃陏，又有口感🦐鮮甜海蝦蝦🦐超大隻，食落好鮮甜🐟 脆肉鯇魚腩魚腩唔會太多骨，口感好爽彈🌸新鮮沙白沙白粒粒都好大隻😆脹卜卜咁🌸私房鴨血(辣）鴨血味道辣辣地，好野味🥟花蓮扁食扁食其實就係手工小雲吞，食落有少少魚肉質感。🥟瓜仔雞水餃 口感肉嫩瓜脆。🥟台式蛋餃蛋皮包嘅餃子出乎意料，口感又唔錯。🐙章魚珍珠漿珍珠其實係粒粒嘅章魚😍口感好QQ除左以上餐廳都仲有唔少熟食可以選擇😍仲有自助區可以攞蔬菜同飲品🤤最後仲有雪糕食🤓

閉關一排又出嚟搵食，餓咗咁耐梗係想瘋狂食嘢啦，呢啲情況最好就係食放題嗰啲…所以今餐就決定食台式火鍋「牛大人」。一如以往都係要提早排隊先至食到佢，因為好嘢個個都想食。1845上到去，已經勁多人排隊等入場，好在一早攞咗飛，唔係就會食閉門羹😅。埋到枱，店員會先問你要咩湯底，同介紹返啲食品選擇。湯底我哋揀咗醍醐蕃茄酸辣鍋。湯底帶有蕃茄嘅酸甜，仲有唔同嘅辣度可供選擇，啱晒想試吓食辣嘅朋友。牛肉套餐就揀咗澳洲極上和牛套餐$319。揀呢個餐嘅原因就係手切封門柳🤤呢個餐仲有一樣嘢送就係：澳洲M9和牛牛丸牛丸肉味香濃兼且多汁，食多多都唔夠。打邊爐食開牛肉嘅人就知封門柳嫩滑肉甜肉味濃，呢個係必食嘅回本位M5和牛肉肩卷：食落軟滑有油香，食極都唔夠。沙白大隻肉甜又多汁最緊要佢係冇沙，餐廳係呢方面做得好好👍🏻最後當然要食返個MÖVENPICK做返個Happy Ending，

星期日做完運動好肚餓，決定去勁食火鍋放題補充返😆我哋揀咗極上和牛食到飽套餐，7:30前離座每位$288。我哋揀咗台中蒜頭雞鍋，有足半隻雞响裏面👍🏻，仲有好多煲到好淋好粉嘅原粒蒜頭😋我哋留quota食其他就淨係食咗雞髀最滑位置，其他繼續用嚟煲湯。嚟牛大人梗係要狂食牛😋和牛M5牛肩卷就最多油脂，肉質柔軟😍；安格斯牛小排就瘦啲，牛味濃郁👍🏻；一口牛肉粒就食埋口感，厚身有咬口😋其他肉類有北海道十勝豚肉、紐西蘭羊卷肉，都係必食之選👍🏻。海鮮方面，沙白好正😍，新鮮鮮甜，大隻又冇沙，我哋encore咗3次😆蝦都新鮮大隻，鮮甜爽口😋。魚方面我哋就鍾意食脆肉鯇魚片，爽脆冇腥味👍🏻。台式蛋餃、台式蝦餃、瓜仔雞水餃、炸魚皮，呢啲台式打邊爐食品就梗係要食啦😋 仲有私房鴨血，滑溜溜，少少辣好好食。仲有一樣都係必食㗎，記得要一開始點花膠，佢都幾厚身由一開始煲到尾聲，時間啱啱好，又入味，充滿膠原蛋白😋蟹籽墨汁漿、章魚珍珠漿、真味牛肉漿都唔錯，我最鍾意章魚珍珠嗰款，真材實料，好多章魚粒，充滿口感👍🏻小食我就鍾意真豬小香腸同埋糖醋甜不辣，幾有台灣風味。其實佢仲有幾款台灣小食，不過我哋太飽試唔晒。最後甜品有movenpi

牛大人係一間台式吃到飽火鍋放題店 身邊嘅朋友食過都話好 今日同老公撐枱腳就食呢間啦我哋食17:00個輪 極上和牛吃到飽餐 埋單價$556/2人 整體感覺都幾多嘢食 除咗有多款火鍋配料選擇之外 亦都有多種台灣小吃提供湯底有十種選擇 今天選了台灣鳳梨雞鍋 用鳳梨做湯底真係未試過 原來可以咁清甜 隻雞雖然細細隻 但係肉質好滑 冇乜脂肪自助區有好多鍋配料可以任選 全部一盒盒分門別類擺放得非常整齊 而且有蓋冚住 夠曬衛生嘢飲放滿幾個大雪櫃 有罐裝飲品亦有紙包飲品 仲有自家製嘅樽裝茶 夠曬健康必食推介 滷肉飯 正宗台灣風味嘅滷肉飯 啲豬肉肥瘦均勻入口即溶 好濃味好香口火鍋肥牛有多個部位選擇 全部都切到好薄 灼一灼就食得 肥牛雪花均勻 牛味香濃 一啲都唔韌海蝦雖然唔係活的 但都算係新鮮 起碼啲肉唔梅 肉質依然彈牙爽口海蜆 大隻肥美又冇沙 勁鮮甜午餐肉炸過㗎 仲要切到勁厚 正呀鴨血都一定要食 唔會一夾就散 滑捋捋 仲好入味㖭台灣小吃我最愛炸蕃薯 番薯本身夠甜 配上酸咪咪嘅話梅粉 好似食緊甜品一樣 酸酸甜甜 真係食唔停口㗎

牛大人呢三個字成日掛係我嘅嘴邊因為係對於牛魔王嘅我食極都唔會厭今次大大話話都食咗第5-6次實行每間分店都要食一次😆就去到位於荃灣分店 @masterbeef.hk 「 牛大人台灣火鍋吃到飽 」今次就揀咗宵夜時間去食任食放題「 #極上和牛吃到飽套餐 」90mins 套餐加$30就有四款星級海鮮選擇啱晒我呢啲海鮮迷食❣️⊰⊹════════════════⊹⊱💬 ✎ 食後感 ：✨🧡【 #牛夫人秘方麻辣鍋 】識食嘅話嚟到一定要試吓佢呢款招牌湯底由於越滾越辣所以我哋叫咗小辣而香濃的麻辣味好開胃好刺激簡直係舌尖上嘅挑戰💗️【 #澳洲M9和牛牛丸 】隨套餐會附送免費澳洲和牛牛丸一人有兩粒食確實與一般嘅牛丸大大不同咬一啖牛味超香濃牛肉汁滲透出嚟而且非常爽口彈彈呢🤎【 #鮮甜海蝦 】大大隻蝦非常新鮮食落去蝦肉肉質爽口彈牙之餘咬一啖已經鮮味多汁一定要encore再食❤️【 #澳洲和牛M5牛肩卷 】牛肉咁多款樣樣都試吓不過當然最出色嘅係澳洲和牛M5牛肩卷先講佢嘅賣相色澤鮮艷牛肉條紋相當平均 入口很軟猶如即刻溶化「 牛魔王 」都覺得大飽口福☺💛【 #台式蛋餃 】然後我們點了台式蛋餃🥟餃子都用料新鮮 皮薄餡靚而