牛大人台灣火鍋吃到飽 (大鴻輝(荃灣)中心)

营业中

休息中

話說當日同miss唱完k搵咗間放題嘅火鍋食一定要試下牛大人啦, 聽朋友講牛大人湯底好好食但係通常要排隊, 非常好彩呀嗰日我哋排咗十分鐘就入到去！ 牛大人嘅裝修比較清新簡潔荃灣店有啲位置仲會喺望到小海景添 風景一流嚟到呢一度反正乜都任食,咩都嗌啲啦叫咗好多新鮮嘅肥牛肉, 海鮮包括蜆,蝦蝦好多蝦膏, 好鮮甜肥美☺️☺️出面仲有位置可以自助區羅配料再叫咗啲台灣嘅小食, 台灣香腸，一口蕃薯甜不辣, 炸丸全部食落非常香甜 可口估唔到最後仲有一個好好食嘅糖水涼粉 芋圓 紅豆 食落非常夾！ 呢個甜品真係會再點好好食！當然我覺得最好食一定係個湯底 鮮牛味十足難怪令人會食完再想食嘅感覺 應該之後會不斷重複幫襯

雖然食過好多次台式火鍋，不過仲係耐唔耐就想食一次牛大人！除咗嘢食好食，店員上菜同埋收碟嘅速度都係有史以來去過最快！卡位坐得好舒服！之前成日都搵唔到人陪我食啦，今次終於搵到我同樣鍾意食辣嘅朋友！雖然我哋只係叫咗小辣，真係好香，超級多花椒同麻子，一個唔覺意咬到，即刻舌頭麻痹！但係麻辣同牛肉真係絕配！湯底濃郁到，就算唔需要加任何豉油，或者調味，都已經超級正！嚟到當然唔少得要食下佢哋嘅魚滑，幾款都好好食！仲有冇一次到要食嘅超級厚切午餐肉！超級邪惡！因為叫咗最貴嘅和牛套餐，所以我哋主打都係食最貴嘅和牛牛肩脊！可以睇到佢油花分布得超靚！同埋食邊爐都係薄切嘅肉好味啲！我哋另外仲嗌左安格斯牛肉粒，不過比較難控制佢嘅熟度，有少少韌，都係普通肥牛好食啲！牛丸係按人頭送嘅，非常好食，可惜係Menu都冇得任叫！本身自問都食得幾辣下，不過因為湯底越滾就會越辣，食到尾都有少少頂唔順，好在叫店員嚟幫我哋加咗啲湯，仲要有無限嘅凍飲，先至頂得住！下次都係叫返個養生啲嘅湯底先！忍唔住嗌咗杯啤酒爽一爽佢， $68一杯，飲落好似1664 ，帶有一啲甜味嘅啤酒！

星期六放假想打邊爐，揀左呢間人氣超高嘅台式火鍋店牛大人，難得可以早d食，可以享受早離座嘅優惠，就揀左最貴嘅極上和牛吃到飽 （19:30前離座）每位$278+10%。食物種類好多，質素都唔錯，出去拿野食都見到食物有用蓋蓋住， 店員收碟同上菜速度都好快，呢一餐好滿意以下係呢次重點推薦~湯底揀左阿嬤養生濃湯鍋，湯底用養生食材製成，有紅棗等等，飲落十分清甜，尤其是我地想食多d牛肉，呢個湯底可以食返牛肉嘅鮮味肉類澳洲和牛M5牛肩卷牛味濃，油脂並唔多，肉質口感很好，值得encore安格斯牛小排油花分佈均匀，肉質嫩滑，充滿牛香，呢款都encore左幾轉，質素都keep到手切封門柳呢款比較厚身，牛味道重，富有嚼勁，都唔錯~海鮮新鮮沙白：有大大粒蜆肉，無沙，幾鮮甜鮮甜海蝦：肉質肥厚，鮮味十足台式小食糖醋甜不辣：第一次食糖醋既，感覺好特別，外酥內軟Q真豬小香腸：口感厚實，肉汁飽滿，好味飲品台灣直送西鬼啤酒 x 牛大人 (400ml) $68試下啤酒配打邊爐，好正~呢款有淡淡的果香，口感柔順白桃烏龍：有淡淡的白桃香味，甜度適中，好適合打邊爐，可以解膩甜品häagen dazs西瓜士多啤梨Movenpick意

▪️$298 澳洲極上和牛今次趁住C小姐早收工，就同C媽媽去牛大人食個高質嘅牛肉火鍋放題湯底上，我地揀咗阿嫲養生濃湯鍋根據店員所講，佢係豬骨湯底嚟嘅，入面仲有紅棗、桃膠同埋白菜等食材tim，夠晒健康既然揀得澳洲極上和牛放題，就梗係主力食啲比較靚嘅食材，好似手切封門柳同埋澳洲M5牛肩卷等等😏係口感上，手切封門柳比澳洲M5牛肩卷彈牙🙆‍♀️🙆‍♀️但味道上，後者嘅牛味又比較重所以兩樣嘢食都各有千秋，好難揀到邊樣好食啲除咗牛肉之外，我哋都叫咗好多漿，例如干貝鮮魚漿、蟹子墨汁漿、章魚漿我地就比較欣賞章魚漿，因為食落有粒粒章魚除咗打邊爐外，我地仲叫左梅甘酥脆薯，啲薯仔切到細細粒，好易入口🤗咬落仲脆卜卜tim，真係好好味食到最後，緊係要叫番杯雪糕啦我地就揀咗士多啤梨西瓜味haagen dazs同埋比利時朱古力Movenpick 🍨食完真係飽住個肚走，好滿足💕

無論冬天定係夏天都要打邊爐！牛大人質素穩定，食物款式又多，價錢合理，所以食火鍋就通常都會揀佢。每間分店都好受歡迎，我星期五夜晚去，全場爆滿呀～湯底選擇都唔少，台式風味嘅湯底，係香港其他火鍋店比較少見嘅，總共有10款，我就揀咗眷村白肉酸菜鍋，呢個湯底帶有一點酸，好開胃，入面仲有好多豬肉片添！QR code揀選食物落單，上菜速度都好快，其中最鍾意就係澳洲M5和牛，油脂分布均勻。北海道十勝豚，肉味濃郁～另外必點菜式就包括有：干貝鮮魚漿、章魚珍珠漿、蟹籽墨汁漿，口感豐富又彈牙！仲有自助區可以自己出去夾各款蔬菜同埋各種台式飲品，選擇超多～飲品方面我就推薦各款冷泡茶，例如桂花烏龍、菊花普洱等等，口味清香，消滯解膩～仲有各款台式小食，例如鹽酥雞同埋台式香腸，都係我嘅至愛！食飽最後再嚟多個雪糕或者燒仙草，實在太滿足了！

台式火鍋專門店,放題任食2小時~識食直接食最高級別澳洲極上和牛套餐 $298起,最抵係呢個,食盡所有級別既牛肉仲有唔同部位既牛肉,有嫩有鮮有滑,口感不同仲有大量各種台式小吃,食材鍋料任食自助區有幾十款飲品任飲,醬汁吧,食材區任拎任食食材新鮮,服務有速度,即係上碟快收碟快,呢個好抵讚2小時夠曬食用,仲有佢既特色小吃同啤酒都係好夾最重要係牛骨湯底夠濃郁,令到食材味道更突出之餘口感更好火鍋既火力夠熱之餘食物水汁高水準,八種湯底任選擇~!仲有一人一甜品送埋單添!要訂位,服務快,一流速度,食材多選擇!消費$400一位左右#牛大人 #火鍋 #美食 牛大人台灣火鍋吃到飽 (大鴻輝(荃灣)中心)  Master Beef (Tai Hung Fai Tsuen Wan Centre)

原本約了朋友星期六去「牛大人」打邊爐，可惜當天就被颱風影響了。當日不行，那就馬上約下一日吧，我就立刻打電話訂座，好彩牛大人在星期日亦有坐位。颱風來到都無阻我們打邊爐的決心。好在我們一早訂位，我們食晚市第一輪的5:00。早了大約15分鐘上到去牛大人，一開𨋢門已經看到走廊逼滿食客，非常誇張，看來大家都因為颱風關係餓了一整天，今日要來牛大人食餐勁的。在等待入座期間，聽到即場walk-in 的已經要等到8點後，所以真的要先訂位才可來，不然就要白等甚或食不到了。不用多說，來得牛大人就一定要食最高等級的「澳洲極上和牛套餐」。至於湯底，就視乎喜歡什麼口味。⍜ 1. 牛大人紅燒牛骨鍋其實有幾款湯底都嚐試過，今次就點了牛大人紅燒牛骨鍋。輕嚐一口湯底，牛骨鍋是經過慢燉細熬，味道相對清香濃厚，湯底的好處就是與牛肉的鮮味互相配合，沒有其他的多餘味道影響，能食到牛的本身香味。⍜ 2. 澳洲和牛M5牛肩卷不用多說，我覺得牛大人的澳洲和牛M5牛肩卷是最好食的。M5牛肩卷質感順滑，牛大人亦都將牛肩卷切得恰到好處，所以不要將牛肩卷浸得太耐，見到牛肉由鮮血色慢慢變到熟肉色即可食用，不然就錯過了最好的時機。相信大家除了M5

120分鐘好夠時間，湯底夠味，選擇亦多。仲有甜品選擇。但餐桌好細，叫多少少野都擺唔到。而且一張大長枱分成好多個兩人座位，聽到都睇到晒左右兩邊食客講咩做咩，非常擠逼。

《不斷回訪的台式火鍋店》📍牛大人相信大家都一定聽過牛大人呢間好出名嘅台式火鍋店 出名牛肉高質而且又抵食～呢間都算係我同男朋友平時諗唔到食咩都一定會去嘅食堂🤭推薦三樣我覺得係必食嘅比大家第二市場真滷肉飯同坊間嘅滷肉飯唔同牛大人嘅滷肉飯係滷牛肉而唔係豬肉 所以充滿牛香味😚和牛牛丸呢款牛丸唔係任食 係隨套餐附送一份 但不得不說呢隻和牛牛丸真係好高質 一咬開就爆汁 而且真係食得出濃烈嘅牛肉味 唔係好似坊間咁撈埋豬肉整成！🤔澳洲和牛M5牛肩肉個人認為呢款肉係咁多款肉之中最嫩滑 好值得試🫣Revisit: 10000000%😙🙌🏻

之前有個朋友成日同我推薦食牛大人話湯底好正～～原來佢有好多款養生湯底好似去左台灣甘🇹🇼我地果日去果間係荃灣店環境係超大間😇點左台灣濃香蕃茄鍋🍅佢地個鍋係比平時出面打邊爐既大好多兩個人食到最後都吾洗要求加湯佢地主要係用手機落單📱入邊有勁多款台式小食如：士林鹽酥雞，魚香皮蛋豆腐佢會一份份量都係少少，可以試佢好多款野食，吾會浪費食物👍🏻另外出面自助吧都有超過30款食物可以自取有蔬菜同好多丸類😇佢既飲品櫃有勁多款飲品選擇～～有好多款佢地自家製既健康茶☕️不過佢地最特別係有Anson Lo 教主代言既OOHA🥤好緊貼潮流🤣🫶🏻如果都吾岩，仲可以點APP內既台式飲品，例如：冬瓜茶最後仲有甜品時間🍨有Movenpick雪糕，仲有台式既仙草凍💛💛牛大人係我去過既火鍋店最多款食物同飲品去選擇一定會食到好滿足地離開😆😆

星期日晚上去一坐低就點牛同其他野食！頭兩轉都正常既係d份量唔一樣囉諗住係星期日人多汁錯左算啦咪叫多d幾轉！點知去到第三轉打後d單好似消失左咁點極野都冇野，叫人幫我地跟跟d單佢就走去推野食出黎d車仔到事但拎兩三份黎，人叫一次就拎一次每次都係得兩三份，5個大男人右點會食得飽呢😓咁驚既就唔好做任食啦！呢間野唔會再黎，未黎既睇到我呢個食評都唔洗再考慮唔好去土。垃圾垃圾垃圾垃圾垃圾垃圾垃圾垃圾垃圾垃圾垃圾

終於可以連放三日假，所以喺假期前夕就嚟呢度打邊爐。我哋嗌咗120分鐘澳洲極上和牛吃到飽，19:30前離座就$278（未連加一），假期前夕每位另外+$10。我哋都試咗好多嘢，以下就重點介紹吓部分食物～牛肉🔸牛大人紅燒牛骨鍋湯底濃郁香醇，仲有好多湯渣可以食。🔸安格斯牛小排呢款牛最好食，油脂分布平均，牛味香濃。🔸澳洲和牛M5牛肩卷呢款比較有咬口，都幾大塊。🔸澳洲和牛牛丸每人免費有兩粒，啖啖肉好彈牙，牛味亦好豐富。豬肉🔸北海道十勝豚平日打邊爐我比較少食豬，但呢隻比較特別，質素拍得上和牛嗰種口感同埋味道。小食🔸士林鹽酥雞🔸梅甘酥脆薯🔸真豬小香腸🔸爽脆炸魚皮呢四款真心推薦，炸皮好香脆，肉類夠嫩滑彈牙。🔸台式蝦餃🔸澎湖花枝漿試咗一啲餐廳推介嘅台式火鍋料理，呢兩款幾有驚喜，啖啖肉好滋味。飲品🔸撥雲霧見蓬萊仙島 $68/杯 (400ml)台灣直送嘅啤酒，味道清爽、唔會好苦，口感輕盈順滑，容易入口。🔸冰河青桔梳打只要讚好餐廳嘅FB或者IG page，就可以免費享用一杯。青檸同柑橘嘅味道清新自然，大大杯又幾解渴。雪糕食到最尾職員會比張咭仔，可以揀甜品。我哋要咗期間限定嘅Häagen-Dazs西瓜士多啤梨味，

牛大人的極上和牛食到飽套餐，真的食極都唔會有討厭的一日，是日同HONEY再來荃灣店食，真的好掛住佢的和牛牛丸，湯底我哋揀咗麻辣，我同HONEY都系主功澳洲和牛M5牛肩卷，最有SUPRISE就系北海道十勝豚肉，北海道十勝豚肉真的好重豬味，香濃又好食，真的同澳洲和牛M5牛肩卷有得比~~另外佢地的丸類當中，雞肉丸真的我最愛，仲有我HONEY最愛食的手切封門柳，都KEEP到水準，澎湖花枝漿，鴨血，豬皮、墨魚丸、牛丸、蟹柳、芝士腸、魚皮餃等等等等真的好滿足，另外飲品都系無什麼太大分別，食埋個台中的甜品，120分鐘真的好足夠。

同朋友聚會，當然要去食放題，唔駛下下就住就住，鍾意食咩都得，今日同朋友去左荃灣牛大人食邊爐放題。牛大人有3款套餐選擇，我地簡左澳洲極上和牛$288（另加一服務費）可以任食靚和牛。餐廳用QR落單之外，出面自助吧亦有大量不同款的丸類、蔬菜類、麵類可以選擇。最正就係鐘意佢大大個雪櫃，有自家茶、罐裝飲品，都有好多款選擇因為我地全部都唔食得辣，所以我地簡左阿嬤養生鍋，入面湯底好足料，味道鮮甜。我地第一時間一黎就點了3款肉，有安格斯特選牛板腱、安格斯牛小排、澳洲和牛M5牛肩卷，3款肉最軟腍係澳洲和牛M5牛肩卷，油花平均，好重牛味，我地encore 左好多次，食完真係回晒本。每人贈送澳洲M9和牛牛丸2粒，以個係必食，一咬落去爆多汁，牛味好濃郁，食多多都唔夠喉。除左牛好食之外，另外海鮮、台灣直送餃類、台灣直送漿類、小食都一樣出色。最後快樂不知時日過，好彩侍應提醒仲有15分鐘夠鐘，我地拿拿聲食埋杯雪糕，真係飽到上心口，

「食過番尋味」絕對能形容我這個火鍋奴對牛大人的嘉愛。今天久未見面的朋友約飯局，又被我拉到這間火鍋店用膳。餐廳以三款牛肉套餐及九款湯底選擇，而最昂貴的澳洲極上和牛餐，可任選三款套餐內的所有食品。鑑於都是吃辣同道，我們要了牛大人秘方麻辣鍋的湯底。牛大人秘方麻辣鍋 -我們選了中辣，湯底香濃，並有花椒等藥材令到湯底十分辛香濃烈，基本上要了這個湯底，都不用去醬料區打轉。安格斯牛小棑 -油脂較多但均勻，沾滿麻辣湯汁而入口即溶，不愧為招牌菜式，不可不點！手切封門柳 -比較珍貴的封門柳反而不帶太多油脂，入口肉汁掛齒香濃，肉質鮮嫰帶嚼勁。和牛牛丸 -以和牛而製的竹丸很有嚼頭，是一款限定食品，每粒大顆而彈口，肉汁多而鮮。水連 -台灣特產的水連，很是爽口，每次來吃都會吃不停口。鴨血 -麻辣火鍋必點恩物，鮮甜的鴨血沾滿湯汁後，加上充滿彈性的質感，實在令人不得不愛。海蝦 -個頭大絕不敷衍欺場，而且肉感爽嫰，鮮味十足。