牛大人台灣火鍋吃到飽 (瓊華中心) (已搬遷) 新店位置

有日打開Openrice準備覓食之際，見佢推薦一間旺角新開既台式火鍋店，評論唔多，只得四個。睇d相、同FB專頁，知道佢地新開張期間88折，用料又話台灣直送，款式又唔少、湯底又特別，即刻約埋朋友去試一試。由於我地早收工，所以決定食第一輪。等Lift上樓既時候，大堂職員話最近好靜，令我以為餐廳應該會因而受影響，但到左7:30，全場入座率近九成!!餐廳提供三個等級既套餐比客人選擇，最平$148，但我同朋友對牛都有少少要求，所以揀左「特級安格斯餐」$188（蓬星期五六日需要另加$10）湯底有9款，每款都各具特色，真係選擇困難。本身想點呢度既主打湯底------牛骨鍋，但見食評話有中藥味而卻步，最後揀左「台中蒜頭雞鍋」。餐廳採用QR Code落單，非常方便；另外仲有個主助區，有菜、丸、豆製品、麵、魯肉飯，選擇多而且乾淨；由於時間尚早，食物都好快上台，而且完全無漏單，職員收盤亦快。台中蒜頭雞鍋內有半隻雞同無數蒜頭，當湯飲其實味道唔差，但打邊爐既話就覺得味道偏淡。下次黎既話，要試下其他湯底先得!!等湯滾既時候，點左D小食試下，小食有五款鹽酥雞、梅甘酥脆薯、甜不辣、小香腸、皮蛋豆腐；我地一向都中意食炸

見信用咭同OPENRICE訂座有折，即刻去試新野先。我地兩個人佢都預留咗四人卡位比我地好貼心，坐低會有職員先簡單介紹要點用手機點餐同免費區，呢一點抵讚！肉類及海鮮都好新鮮，上菜速度好快，所以基本上兩小時好夠。而整晚大至上都沒有漏單，只最後埋單就發現沒有做到信用咭折扣，不過反映後職員都即時取消及更正，而且夠鐘都無急趕催離座，整體用餐好愉快可以再encore。兩個人大約$380。

到達瓊華樓下已經有姐姐o係度派傳單再加上本身有朋友推介，所以就上去試一試牛大人果時六點左右，經理見都早同埋我o地四個人，所以安排o左張6人檯比我o地坐得舒服D，其實本身間o野都好闊落下，環境唔錯先揀湯底同套餐，湯底有好多選擇，令人眼花瞭亂，好多都令人好心動，我o地一於聽店員推介揀o左牛大人紅燒牛骨鍋湯底一上超級香，店員話係佢o地自己肴，滾起後可以先飲一口湯湯底果然好香甜好好味，好似台灣食到既藥燉排骨果陣藥膳味，鍾意藥膳味既朋友絕對唔可以錯過不得不提佢都幾髙科技，係用手機scan QR code 落單，唔洗浪費紙張，抵讚店入面仲有WIFI，落單記得連WIFI，唔洗用自己數據D食物全部都好高質，不論小食或者火鍋料蜆超大粒同JUICY唯一要踩既係D蝦得個大字，咬落去肉質好梅，唔知係咪咁岩我果隻係咁除o左scan QR叫o野食，出面仲好似牛陣果D咁有得任攞菜同丸，麵既種類都唔少，而且全部獨立包裝，好衛生而且好多台灣獨有既飲品呢度都有供應，仲有自製冷泡茶十月內都會有88折，再加上我o地今日7:30p.m.前離座，埋單只需每人$194，仲送張9折coupon比你11月時用，超級抵！！呢個價錢真心宵

原本想去同一幢食韓國炸雞，點知正要去嘅時候，樓下姐姐好熱情咁比左張傳單我，見到新開88折加上湯底特別，所以決定試一試👍🏼環境我會比100分，舒服，坐得闊落，唔會迫。食物方面，我同朋友叫左$228個餐，肉類會多小小選擇，但有出現漏單情況，不過同職員講左都好快處理返。雖然係任食，但d牛都幾高質素，好好食！當中有好多台式既配料選擇，例如鴨血、滷水牛肚牛筋、熱食又有炸雞、台灣腸、甜不辣。真係有台灣既感覺出左黎。值得一讚係佢地有冷泡茶比顧客選擇，好似咁多間任食第一次見👍🏼👍🏼希望佢地會keep住有，打邊爐之餘都可以下一下火😂，埋單前仲有movenpick食🥳新開期間除左88折，like facebook仲有黑糖鮮奶茶送。大家可以去試下

秋天又嚟，又係打邊爐季節🥘🥢🥢旺角開咗間主打台式鍋底，同平時食開既任食火鍋對比特別得多，例如試到帝王食補薑母鴨鍋，台灣鳳梨雞鍋，阿嬤養生濃湯鍋，眷村白玉酸菜鍋等等，貪心d既可以叫個鴛鴦鍋，試齊兩隻味📣📣▫️講到食材方面，肉類新鮮，尤其係安格斯一口牛肉粒🥩🥩🥩😋😋可以選擇三個類型價錢嘅套餐，越高級嘅套餐，食物選擇就越多，所以我揀咗佢嘅牛大人極上和牛吃到飽套餐，可以試晒佢最好質素嘅食物💙💙未試過岀去任食打邊爐可以食虎蝦咁大隻嘅大蝦🍤而且仲要任食😍😍個人認為相比中價系列火鍋，此價錢值得一試💵💵不過記得提早預約✨✨▫️另外，相對市面上嘅任食火鍋，呢度仲有多啲台灣直送美食，例如豬血糕，大黑輪，鯛魚片，豐原排骨酥等等，等你唔使飛去台灣都可以食到嗰度嘅嘢食🤪🤩🤪🤩▫️仲值得一讚嘅係佢個飲品推出左冷泡茶系列，對於怕食濟又熱氣上火嘅人來講，有桂花烏龍，菊花普洱，洛神花茶呢d健康飲品，食幾多都唔怕啦😍😍😍😍▫️餐廳環境光猛，裝修企理整齊，好有乾淨又衛生既感覺，枱與枱之間唔算窄，通通足以令顧客同侍應一齊行👫食 物 ⭐️⭐️⭐️⭐️⭐️環 境 ⭐️⭐️⭐️⭐️⭐️服 務 ⭐️⭐️⭐️⭐️⭐️性價比 ⭐️⭐️⭐️⭐️⭐️

呢間新野正呀！環境都唔錯，QR Code 落單。服務好（啲員工有笑容，一早會俾定個餐牌你，睇定要邊款湯底，冇漏單，出菜快）食物質數高（菠蘿雞湯好好味有半隻雞，蔬菜新鮮仲有好多款輪流出俾你，有水蓮（選單內揀選），唐蒿菜，萵筍，椰菜，韭菜...，牛肉都幾好，羊肉有羊味唔會奀，魚片唔會腥味，脆肉鯇魚肥又脆，墨魚滑有大大粒墨魚肉，好鮮味呀。飲品good good good.新張讚好有黑糖珍珠鮮奶及小食送，又有折，臨走有雪糕，2小時無限食。是晚食得好開心。