牛大人台灣火鍋吃到飽 (瓊華中心) (已搬遷) 新店位置

天氣轉涼又是去吃火鍋的好時機, 今次和朋友去了於旺角新開的台式火鍋店 - 牛大人到達時排隊的人意外地多幸好有訂位不用等太久便可以安排入座餐廳環境清潔且光猛 , 空間感十足, 縱使餐廳內的人有很多, 也坐得十分舒服湯底共有9款, 各有特色最後我們選擇了紅燒牛骨鍋,  牛骨味十分濃郁美味!食物及台式飲品是以QR code在手機點餐，到自助美食區會有更多的選擇。值得一提的是餐廳的台式食品選擇有很多, 如排骨酥, 小香腸, 鹽酥雞等飲品除了台式飲品外, 冷泡茶也是一個不錯的選擇吃飽後還有我最愛的Mövenpick雪糕為這晚餐劃上完美的句號總結來說, 牛大人食物選擇多,質數高且高性價比, 是值得再次光顧的餐廳

近排同fd去咗旺角行街，揀咗尼間牛大人火鍋黎食，雖然都算多人，但好彩地方夠大所以唔洗book場，入到去就有位坐。😌我地睇中咗佢個套餐，百幾蚊就可以任飲任食兩個鐘，啱曬同fd食嘢兼吹水🤣佢個套餐都有好多嘢揀，齋係湯底都已經有9款咁多😧😧我地就揀咗個白肉酸菜鍋同安格斯牛肉同梅肉片之類🥩啲肉嘅色水都好靚好高級，油脂分泌都好平均，厚度方面又唔會話好厚同好韌，真係好正👍🏻👍🏻然後緊係嗌平時打邊爐都一定嗌嘅丸啦，各式各樣真係有排你揀😻👅仲有係自助枱出面嘅嘢食全部都係係個冷藏櫃櫥入面，仲出埋煙🌫靚之餘仲好保鮮😂加埋本身嘅燈光，顯得更加光鮮亮麗同有光澤😻除咗丸啊蔬菜類🥬面都有好多款揀之外配料都有好多選擇，啱曬鐘意其他口味嘅你😂我就揀翻普通嘅蒜，蔥，辣椒同醬油就ok👍🏻除此之外仲有個飲品櫃，雖然唔算多種類，但係個包裝就好靚啦！除咗汽水之外，佢地有部分嘢飲係用個透明玻璃樽裝住，真係好靚！❤總括嚟講尼間牛大人係我食完會想再食嘅一間火鍋店🍲除咗任食正之餘，價錢同食物質素都成正比，環境衛生更加會加分。令成件事情都好高級，冇得頂！❤👍🏻

牛大人第一次係香港食台式任食 係覺得佢好抵材料又新鮮 又有超多選擇！湯底選擇又多價錢超級合理仲有台式小食添牛大人入面空間感好大唔會因為多人而覺得好焗促而且乾淨除左用電話落單同上面菜單上面既野食之外仲有台灣黎既菜 款式仲好多添 又新鮮又甜 仲有台灣飛過黎既丸類！出面仲有滷肉飯食添呀！！不過個肚真係裝唔落。下次我一定要食一啖先仲有好多款 全部飲品都係台式健康飲 同台灣野飲電話落order 又環保又快 唔怕漏單之餘 仲真係嗌咩黎咩呢下先至夠貼心重點既牛肉夠晒新鮮 脂肪比例又靚又香牛味其他台灣小食都好好食同埋d火鍋料又新鮮 連蝦都爽口架仲有鴨血可以即食添呀！仲有仲有食完仲有movenpick 雪糕食添

一入到牛大人就感受到濃濃既台灣風味～整體感覺好乾淨企理，一坐低就拎左野飲先！！牛大人既飲品都非常有台灣特式，分別係菊花普洱同洛神花茶～菊花普洱我就覺得岩D中意清淡D口味既人飲，而我個人比較中意洛神花茶既味道，甜道適中之餘重可以消一消濟，飲完再食下1 round~!!我地今次既湯底選擇雞湯，清甜美味，未打邊爐前飲番一口，暖一暖胃，冬天最岩！！其實牛大人既食材真係幾新鮮同高質數，唔會有未溶雪既情況出現！！而熱食方面當然唔少得台灣最出名既滷肉飯拉！！平時既滷肉飯係用豬肉整得，牛大人既竟然係牛肉，另有一番風味！！一定要試下！！另外，估唔到既係有我最中意食既王子面，係台灣既邊爐界，邊個唔識王子面，平時係香港好難會有！係呢D竟然有！！馬上食番幾包先！！獨特既菜：水蓮～人生第一次係呢個菜，估唔到入口又幾爽口，好有口感，最後點左 4,5個先夠皮～！！最後最後！甜品竟然係MOVENPICK！！Oh My God!!! 超中意呢隻牌子既雪糕～ 好滿足！！

秋天正正係打邊爐好時機，咁岩旺角新開咗間「牛大人台灣火鍋吃到飽」，一於約朋友一齊食到飽！成層餐廳環境好大，光猛又乾淨，感覺好似去咗台灣。店員好有禮貌，續一介紹餐廳設施同多款湯底，我哋揀左台灣鳳梨雞鍋，特級安格斯餐包括10款肉類，海鮮，仲有自助吧可以任攞飲品、蔬菜類、丸類、麵。like 埋Facebook / instagram 仲送黑糖珍珠鮮奶。湯底好快就黎到，可以用app 落單或者自助吧攞野食，酸酸甜甜既湯底好嘢味，每款牛都試左一碟，而最推介係安格斯肩胛牛肉，蝦同海鮮都非常新鮮又大隻仲要特別推介佢任飲嘅冷泡茶，有三款任揀。 包裝有誠意之餘，味道仲好好！打邊爐難免係會食得滯滯地，飲下茶消滯解膩。120分鐘任食咁多款食物，真係好抵，下次約多D frd 黎食

朋友介紹左呢間台灣野打邊爐, 感覺都幾新鮮, 首先講下個環境先啦, 全間店都係以木色為主, 感覺好RELAX, 我地仲有可以安排到坐卡位添呀. 啱晒我地呢D邊食邊傾既人啦. 坐底左第一件事就梗係拎野飲先啦, 最有驚喜係有洛神花茶/菊花普洱/桂花烏龍茶, 仲有其他好台式既飲品, 我揀左洛神花茶, 酸酸地咁幾好飲. 而家FOLLOW及LIKE左佢IG仲送黑糖珍珠除左台式既為麻辣之前,呢度有好多特別既湯底揀, 淨係雞鍋都有兩款, 有蒜頭雞同鳳梨雞煲, 但係我朋友唔係好舒服, 所以我就揀左個清清地既阿嬤養生濃湯鍋, 呢度係用PAD落單,既, 好方便, 而且仲有安格斯牛肉, 同埋西班牙豬肉梅肉片,肉類款式好多選擇, 仲有好多台灣直送, 當中包括秘制滷牛筋同牛肚,手打旗魚漿,,鴨血, 豬血膏,必食既鹽酥雞, 小香腸, 真係好有台灣特色,其實有其他蔬菜同埋丸類等等係可以係出面任拎架, 而且都係好特色, 有乳酪蛋腸,竹炭海鮮丸,仲有我最愛的窩筍呀, 我既最愛當然係安格斯牛肉啦, 係幾種唔同既部位, 我比較鍾意牛板鍵. 因為佢既油花分佈比較均勻, 食多幾片都唔會膩.

最初真係冇乜期望, 覺得即係一般既任食邊爐 估唔到竟然有驚喜😃～ 一坐低就已經有 甜不辣 俾你食😬湯底係最驚喜既地方, 唔係平時係出面食到既湯底... 而且味道好濃, 真係會不停咁飲😆其他食物都同平時既打邊爐差唔多, 不過哩到就多左d台灣既面可以自助拎～ 最最最正就係有台灣火鍋必有既鴨血🤩🤩🤩 而且仲可以無限叫飲品都係任飲, 除左有汽水之外, 仲有佢地自己整既茶飲, 大大支, 仲要係無糖😚😚 飲多d都唔洗怕肥😜除左食物既質素之外, 佢地既服務都跟足台灣, 特別好禮貌 哩1點係有d意外既... 不過都真係好緊要, 成餐飯都會食得特別開心😸😸 記得要book位呀, 如果唔係就有排等～

好耐都冇出街食好野，難得嗰日社會好大家都心情好，唔走去搵間好嘢食，之前睇嗰啲推介介紹呢一間任食火鍋，好似好吸引所以今日呢就拉大隊去試下喇。佢個場都幾大，大多數都係4人枱，最得意係佢地圓枱可以分開做兩張二人枱，咁樣就多人食又得，少人食又唔會好似塔台咁奇怪喇。呢間野係用電話落單，scan 個qr code就會睇到有咩野食，勁方便，要幾多落幾多。湯底都有好多選擇，得地就揀左台中蒜頭雞湯，個湯底黎到已經有成隻雞係入面，蒜頭味亦都好香濃，雞亦好嫩滑👍🏻除左要揀湯底之外，介要揀食邊種肉，等級分三種，精選嫩牛、特級安格斯同埋極上和牛。得地就揀左中間個款特級安格斯。其實嗰三款嘅價錢都好抵食分別都係$198 ， $238 ，同埋$298 ，基本上價錢相差唔大，就算食最好嗰隻都係$300唔使，都真係幾抵食。其實我地揀中間質素嘅牛肉都已經好靚，可以睇得出佢肥瘦均稱，紋理都好靚。除左安格斯之外仲有黑毛豬，羊肉等等都包埋，任叫任食。當然除左肉類之外仲有好多火鍋配料啦，全部任夾，種類都好多樣化。淨係菜都有咁多款，仲有麵食唔係剩係得平時嘅公仔麵，仲有烏冬蝦子麵等等唔同種類嘅應有盡有。佢地仲有好多特色台灣小食，台灣腸

首先要讚拎位有QR code可以隨時知道自己幾時到先當晚7點去拎位，由於太多人行下街。行到10點先到。咁我抱著試下既心態只係食最普通個餐百幾蚊一位呢個牛肉真係無得頂，好香牛肉味。一般任食唔會有呢個質素，何況我只係食最平個餐個湯底我叫左紅燒牛骨湯底。。超好味。好似去左台灣食牛肉麵果個湯咁，夠香但又唔會太濃。飲品類唔會話有太多選擇，一般氣水。但係有多好唔同既茶類飲，第一次打邊爐飲茶，原來好搭。解到一口咸味。第一次食呢啲分級數既火鍋會有想試更高級個餐。翻食指數十分

上星期日同埋4個fd去試呢間新開既牛大人火鍋，我地5點半就坐低左，所以唔多人，環境幾好。職員安排我地坐卡位，見到隔離2人枱個設計幾搞笑，一張圓枱，中間隔住一塊板同對面既人搭枱，都係第一次見。我地簡左”特級安格斯”餐，本身包一個湯底，我地加錢叫左個鴛鴦鍋：牛夫人秘方麻辣鍋(小辣) & 阿嬤養生濃湯鍋。之後點餸就要用自己電話scan QR code落單。上菜速度都幾快，出面可以拎菜、丸、同埋滷肉飯！D牛肉豬肉羊肉都好有質素，正，所以encore左好多轉。可以order熟食：鹽酥雞、午餐肉、炸魚皮、牛雜等等，職員話放入火鍋搞一搞會再入味。飲品方面，呢度d凍茶要係出面自己拎，用餐廳自家製既樽，試左菊花普洱，不錯！唔想飲茶，都可以用QR code order特飲。最後last order食埋個movenpick雪糕，滿足！

牛大人自助火鍋， 其實有點可以唔去試新嘢呀今日到佢呢同普通香港牛陣嗰啲乜方冇乜分別但佢嘅飲品櫃呢真係好吸引好多台灣本地嘅飲品， 有幾時有多自製嘅茶粉打邊爐食到熱造草地飲番杯冷凍茶呢其實係好舒適嘅 咁肥雞呢就嗌咗個藥膳湯底， 咁佢啲牛奶係安格斯牛其實都幾靚嘅你見到啲油花都得好平均， 尤其是佢啲海鮮係好大，又新鮮，有脆肉環，非常之抵錫， 甜品製食movenpick雪糕或者hagenda , 成餐食落去感覺系非常之好。

香港人一年365日都中意打邊爐近排搵緊地方同朋友聚餐用openrice serach火鍋店 原來旺角開咗間台式放題火鍋喺正旺角中心地帶 瓊華中心朋友飯局最啱就係圍埋一齊烚吓烚吓傾吓近況🥢我地又想試下新嘢 所以就揀咗呢間”牛大人”啦！入到去 環境好闊落同平時火鍋放題鋪頭差不多都係有個自助bar位比客人拎醬油同配菜-原來呢間火鍋鋪可以用QR code落單📱方便好多 又環保！♻♻我地揀咗個鴛鴦湯底睇落湯底好豐富 好足料😋我地一行六人嗌咗好多配料當中花膠同墨魚滑最吸引到我地！花膠大大舊 墨魚滑好彈牙！另外小食方面，個人推薦 私房鴨血！好有台灣風味！有驚喜！🤩其他食物就不過不失～-如果食厭咗其他連鎖火鍋店呢間新嘅台式火鍋店值得一試！😜

天氣開始轉涼，最岩就係約埋朋友去打邊爐。今次朋友帶左我去一間台式既火鍋店，有別於平時所見既台式火鍋，呢間牛大人絕對俾到驚喜我。湯底一共有9款俾你選擇，其實好多款都想試最後簡左「台中蒜頭雞」。特別一提，佢地點茶係用QR code 既方式係手機點，所以大家可以各自係電話睇左想食咩再落單。自助醬料區有多達12種材料俾你選擇，一定簡到岩你心水既口味。自助配料區除左可以手樹落單，佢出面仲有超過30種唔同既新鮮食材俾你拎番去整。仲有台灣既地道美食：魯肉飯俾你任食，絕對夠哂台式。台式小食雖然今日無黎打邊爐，但見到menu 有好多台式小食都忍唔住叫番幾碟。我地叫左台式香腸，鹽酥雞。所有小食都好有台灣風味，直頭好似去左台灣夜市咁。任食特級安格斯叫得牛大人，當然唔少得就係佢地既牛肉。我地叫左好多輪，特別推薦：上腹牛五花，安格斯牛小排，絕對係要不斷encore。自助飲料最後一定要講下佢地既自助飲料區，有多款包裝罐裝飲品，而且有佢地自家制既：桂花烏龍/洛神花茶等，絕對係誠意十足。走之前仲有送上M牌名牌雪糕，劃上完美句號。如果食厭左普通港式火鍋店，大家不妨黎牛大人試下，包你一定有驚喜。

服務差差差完全唔識座位安排人龍長到開𨋢門都入唔到拎三人座位 票號碼14等左2個鐘都未安排到號碼一直係停滯係7號然後問職員佢話要等多個幾兩個鐘先會有位好似等四個鐘係你既事佢笑笑口繼續傾計大枱六個人就不斷入痴嫁？

早幾日和朋友一行人來到牛大人打邊爐。店內燈光鮮明，座位寬鬆不會過於擠迫，衛生環境也不錯，地下不會滑，檯面也不太油。而食物方面也是相當不錯的，總類繁多，牛肉更是有多款選擇，除了基本嘅肥牛，還有牛板腱，牛小排等等，脂肪比例分明，不會太過油膩，而已也十分新鮮，沒有食到雪藏的味道，真的讓人停不了口。另外，令人印象深刻的還有手打漿類，由台灣直送的各式漿丸類味道可口，口感十足，而當中蟹籽墨汁漿更是令我愛不惜手，可能是在其他火鍋店少見的原因吧。而由台灣直送的食物又點止上面講述的漿類。還有台灣的地道小食鹽酥雞，豬血糕等，差點整個台灣都搬過來了。最後，飲品方面除咗有基本嘅罐裝汽水還有冬瓜茶，酸梅汁之類，依家上讚好佢地專頁重有台式珍珠奶茶送，味道可口。總括而言，我是會再次光顧的。