牛大人台灣火鍋吃到飽 (瓊華中心) (已搬遷) 新店位置

性價比高的台灣火鍋放題今日同朋友去旺角食飯經過瓊華樓下見到一間新開嘅火鍋店而見天氣亦開始冇咁熱就入去試下。入到去見到裝修環境唔錯,地方大同埋清潔,同一般嘅火鍋放題店好唔同。 店員安排咗我哋兩個人坐卡位非常闊落。坐低之後叫咗一個佢哋推介嘅牛大人 紅燒牛骨鍋同埋牛大人秘方麻辣鍋，跟住選擇咗特級安格斯套餐，已經包餐單上多款食物好似有安格斯牛肉，西班牙豬梅肉片，台灣鱸魚片，各款魚滑同多款海鮮等等。呢度幾特別同新穎之處係佢哋用QR code嚟落單，scan咗QRcode之後 有有好多唔同嘅選擇畀你揀。另外仲可以自己出去選擇其他嘅配料，當中亦都有好多台灣直送嘅美食好似大黑輪，鯛魚片，竹輪海鮮丸，乳酪蛋等等。仲有滷肉飯揀添。飲品方面，除咗普通嘅汽水之外亦都有好多台灣嘅飲品例如柑桔椰果，冬瓜茶同埋 自家製嘅冷泡茶好似菊花普洱 同洛神花茶。 如果like佢哋facebook page或者ig 仲會送一杯黑糖珍珠奶茶。到埋單嘅時候每人會送一杯movenpick嘅雪糕。最後埋單都係每人228加一 性價比超高。 環境亦坐得非常舒服值得一試。

首次光顧、印象十分良好🤩好彩有訂位，一出lift 見到超級多人等位7:10 開始食，立即有職員好細心解釋如何落單👍🏻👍🏻用手機scan QR code 落單、超方便👏🏻我同朋友選左養生鍋！👍🏻飲品有好特別的菊花烏龍、洛神花茶，又清熱又健康！牛肉大片、高質、有口感，重中之中是海蝦，好食到，大過我隻手有蝦膏，每人食左4隻😻更有不同小食如台式香腸好有驚喜 & 必須再去🤩

喺Facebook知道最近旺角開咗一間新嘅火鍋店，主打台式火鍋，今日特登叫埋朋友嚟試一試，食物款式豐富，食材亦都新鮮，果然冇令我失望。台式火鍋有多款湯底可以選擇，包括紅燒牛骨鍋、白玉酸菜鍋、台灣鳳梨雞鍋、同薑母鴨鍋等等，款款都各有特色。今次我哋就嗌左養生濃湯鍋，味道唔錯。雖然係任食放題，但肉類嘅質素都唔錯，安格斯牛肉同西班牙肉梅豬片肉味幾濃，唔錯。沙白同海蝦都幾新鮮，而且洗得乾淨，唔會有沙。呢度仲有手工丸子同水餃，而我就特別推薦蟹籽墨魚漿，粒粒蟹籽令到口感更加豐富，咬落去彈牙爽口，完全冇雪藏味。呢度仲有少見既即炸午餐肉，食落去難得地唔油膩，幾香口。喺呢度打邊爐仲可以免費飲台式飲品，黑糖珍珠鮮奶味道唔錯，黑糖唔會過份地甜，甜度尚算適中，珍珠口感Q彈。

話說上網見到人地話呢間又唔貴 d材料又新鮮 仲要係食到飽即管又去試下入到去見到好大好多卡位而且裝修以木為主望落去就好舒服 又乾淨待應就好好service 極力推介佢地既湯底牛大人紅燒牛骨鍋濃味 牛味又香我地就加左50蚊 要鴦駌鍋揀左紅燒牛骨鍋 + 鳳梨雞煲同埋揀左安格斯食到飽其實佢加100蚊左右就有靚d既和牛同和牛牛丸我地諗住第一次黎試下普通級數先真係正既就下次再黎食好d大家黎呢到食野 必需有一部上到網既電話就可以上牛大人個網落order 連order紙都慳番非常環保架 仲好方便添可以check番自己嗌左d咩紅燒牛湯底真係好正 又香又濃而鳳梨雞 相對就淡d 健康d講下有咩食啦 佢有蜆 - 沙白 鮮甜 新鮮 無沙 一份係 3-4粒又有脆鯇 真係新鮮同脆架 仲有台灣鴨血仲有好多好多野食 全部都好新鮮而且食物質素好高 仲有仲有全部野飲都係台式架出面仲有好多菜同丸，麵係出面自己夾全部都係新鮮由台灣送到好多香港都無見過既菜同丸！有一種丸 我真係要推介推介再推介佢就係芋頭貢丸至於滑類 個人認為一般般全部野飲都係台灣黎架！仲有幾款牛大人自家製飲品添仲好好飲架呢間牛大人真係好吸引 超抵食重點係任食既質

朋友話新開張想試吓呢間台式邊爐 湯底同一般台灣嘅湯底一樣有酸菜白肉湯底 麻辣湯底 養生湯底等等 最後我哋揀咗鳳梨雞湯底 同埋麻辣湯底鳳梨雞湯底 正正常常冇乜特別 麻辣湯底我哋揀咗中辣 鴨血係免費添加嘅 鴨血加喺麻辣湯底度好好食牛肉碟碟都切得好靚 肥膏同肉分布得均勻嘢飲方面好多自家製嘢飲 桂花烏龍清清地個樽仲要好靚添推介大家嚟試吓！

好耐冇打邊爐啦係openrise見到呢間新開既台式火鍋好多湯底俾我地揀 又88折咁 我咪拉大隊過來睇睇咩環境😇😇揀左228任食套餐😋😋揀左四個湯底 但老實講四個湯底都唔食既☹️☹️尤其係養生湯 冇味 淡忘的味道牛大人湯底更離譜 唔知乜7味 苦既 失望🉐️番茄湯底好小小 不過都係低分架啦🤷🏻‍♂️🤷🏻‍♂️上菜速度夠快 冇乜點漏單 肥牛質素都OK 不過蝦就係死蝦 好鞋口冇乜鮮甜味食咗少少滷肉飯 唔錯唔錯煮煮下 個養生湯變成咁既色 係咪養生變殺生湯 我百思不得其解🙃🙃發覺自己食緊老泥湯水咁🤢🤮新鮮既沙白 淡淡海水味 係好食既🤔🤔最後有小小失望 係湯底 當湯底唔靚 食物質素再好都冇用 發揮唔到特色😢😢價錢來講原來係冇88折 優惠期過左早知唔來啦 伏既😰😰

嚐牛的我約三五知己來此餐廳食火鍋放題，放題形式食得更開心。我們被安排坐在卡位，舒適不窄，有三個放題套餐選擇，包括精選嫩牛、特級安格斯、極上和牛，並且按入座同離座時間而有不同價格。每個套餐包的主要食材不同外，其他也是相同，例如有個自助bar提供蔬菜、粉麵等，有個飲品櫃提供特色茶等。落好order要食的套餐，就可掃QR code 入系統點嘢食，種類頗多，手工水餃、鴨血、鯇魚片，也有台灣特色熟食，好似鹽酥雞、魚香皮蛋豆腐、梅甘酥脆薯等。我個人喜歡真滷肉牛肉飯，滷汁唔錯，送飯一流，但忍著唔食太多飯，因為要重點出擊。醬料bar企理，而且有特別醬汁，好似特調豬肉醬，專食豬肉而設，微甜微酸，幾夾。如果2人坐在大圓枱，中間會用木板間開，自成一閣，便沒有搭枱感覺。讚！因為牛係主角，海蝦淪為配角，亦一樣好食，灼嘅時間不要太耐，效果爽口啲。牛夠新鮮，灼到變色就食得，牛味正足!食物選擇性夠多夠新鮮，整體不錯。

民以食為先，在衣食住行中我覺得以食為最重要，天氣漸冷又係時候出動打邊爐，這天途經旺角瓊華中心有人派傳單，其中我見到新開「牛大人台灣火鍋店」，台灣猛龍過江，決定上去幫襯。到去已見好多人排隊，他們都是等待入席，食店空間大，還帶有台灣風那一種簡約舒適嘅味道，食客入席後，頓時食店熱鬧起嚟！湯底九款，心大心細不知怎揀，最後揀鴛鴦湯底，其中當然有至愛麻辣湯底，最小辣也很不錯，多款麻辣材料混在湯底，未至於辣到喊，條脷痺痺地幾過癮，如果麻辣材料可以隔開仲好。從價格、環境、特色食物等都不錯，但講得幾好還是要食材新鮮度，牛新鮮，灼十數下就食得，冇渣爽嫩，絕對不錯。特級安格斯套餐中，牛的部位有多選擇，肩胛、上腹牛五花、牛小排，也有牛根牛肚，仲有雞、豬、羊、魚。我欣賞食店提供的飲品與其他店的不同，唔似得只係提供汽水或竹庶水等，此食店提供的桂花烏龍、洛神花茶、普花普洱，自家製樽身精美吸睛，我飲的洛神花茶清清甜甜帶微酸，很醒神！食飽飽仲有movenpick雪糕，滿足。餐牌上的「牛大人 金好呷」應該是好食之類的語句，食過果然不錯，翻食名單也！

最近一早一晚都涼返好多，仲開始有返d寒氣添！！呢d天時總會聯想起食火鍋/燒烤呢類熱辣辣、暖笠笠既食物~~所以牛魔朋友約我食飯，我就即刻建議去打邊爐朋友話不如試下呢間開左無耐既台式火鍋店~~呢度有唔同級別，唔同時段既收費，要視乎返係食咩肉同幾點入坐！個晚我地就揀左中位價既“特級安格斯”HKd$228+10%湯鍋一共有9款，我地要左“紅燒牛骨湯鍋”=]個湯好香濃，直頭就係平日食台式牛肉麵既紅燒湯底咁，所以火鍋料唔點醬油都好夠味！！之後我地都急不及待試下d牛牛既質素，牛小排香軟富油脂，牛腱肉則偏重肉味，兩者既質素都幾好=）其他火鍋配料既質素都唔差啵~~當中有唔少特別既丸類同新鮮既蔬菜可以係自助區到自取！自己就特别欣賞呢度既澎湖花枝漿同台式手工蝦餃~~前者足料彈牙，後者蝦餃有別於同平日食到既廣東蝦餃，呈長條狀，外皮薄而煙韌，內含鮮味：)除此之外，呢度仲有供應一d台灣既小食，就好似鹽酥雞、滷肉飯、小香腸同魚酥皮蛋豆腐等等！！當中既滷肉飯以牛肉取代豚肉，多一層牛香，岩晒我地呢d牛魔xppp而野飲方面，除左有一般既汽水之外，仲有自家製既冷泡茶同去到台灣成日飲既麥仔茶添~~最後仲每人有一杯Movenp

台式火鍋係香港越開越多，近排有間就開了係旺角，約了幾個朋友去試下。點了湯底後就可以QR code落單，小食就必叫台式鹽酥雞，炸得香脆，午餐肉更是煎至香脆，一定要試，台式腸我就覺得麻麻，本身自己唔鍾意食。牛骨湯就幾濃味，有些香料調配，不過有點鹹。海蝦真係好大隻，雖然唔係新鮮貨，但都幾爽口，幾款魚都唔錯，鱔片爽脆，鯛魚嫩滑。滷腸、滷筋及牛肚都很入味，牛筋更是入口溶化。安格斯牛肉肉味濃郁又腍，不過邊位有點筋，但百幾蚊有這個貨式真係好抵。魚滑、墨滑及海鮮滑都好鬼正，全部都新鮮彈牙。外面自助區有台灣直送丸類，不過太飽無試，蔬菜新鮮，皇帝菜比較少見，味道特別。Like佢facebook仲送杯黑糖珍珠鮮奶，味道較甜。一人一杯貴價雪糕作結。

旺角打邊爐的餐廳很多，想搵間抵食又好味既真係唔多，今次就同朋友去了食台式火鍋。湯底有差不多十款，有多款台式小食及台灣直送的火鍋配料，都是$200/位。我們揀了紅燒牛骨鍋，湯底味道濃郁惹味，但牛骨味道不算太濃。飲品最特別是自家製冷泡茶，完全無添加糖份，健康去膩。多款台式小食包括鹽酥雞、地瓜、炸午餐肉及鴨血等，全部都很新鮮熱辣，很有台式風味。特級安格斯肥瘦均勻，肉味濃郁有咬口，不會太肥膩。其他滷過的牛肚及牛筋都很腍入味。手打滑類更是無得彈，海鮮漿及墨滑更是爽口彈牙。海蝦大隻，鯛魚及鱔片鮮甜。所有蔬菜及丸類則在自助區內自由取用，差不多有三四十款。最後還有大品牌雪糕。

香港人對台灣火鍋應該唔陌生，有段時間人人都喜歡，因為材料與湯底好食又特別，見到朋友試左依間還在試業中既牛大人個名就知道係食牛啦，形式就像日式火鍋，有3款牛肉任叫任食，在出面有幾十款火鍋配料自己選擇，都唔少野，就咁睇都10料到，最有趣係豬肉醬，用肉去配十分配合除了任食當然少不了任飲，最有特色是有各款台灣風味的冷泡茶，貪心的我就反正都係試試這間的黑糖牛奶，味道剛剛好唔太甜，飲完再飲冷泡茶台灣火鍋最大特色就係有多款，特色的健康的湯底，我選擇了鳳梨雞鍋，淡淡的水果香襯托雞肉湯的郁郁，仲有埋苦瓜食完仲有清熱解毒的作用

極高CP值@牛大人台灣火鍋吃到飽 近日天氣涼涼地，一直都想去打邊爐，朋友帶路下去了新開的牛大人台灣火鍋打邊爐， 就在瓊華中心9樓， SET的價錢跟據肉的質量分三種，我們9點半後入座更能享受宵夜時段優惠! 我們點了中價的安格斯SET，$208一位 座位濶絡，空間十足，冷氣強勁 加上我們因為遲入座，店員更為我們安排了超舒服的卡位 九種不同的湯底款式可以點上，我們點了最受歡迎的牛大人紅燒牛肉鍋! 店員叫我們先飲湯，之後再加上湯底去打邊爐 出事了!那湯底真的非常鮮味，味道似老火燉牛展湯的味!我們竟然一下子飲清光! 下單用QR ORDER 自助區的菜蔬看起來很FRESH呢 混醬區 朋友要湊米氣，他說這裡的滷肉飯很不錯呢 餐廳更提供台灣直送的豬血糕、花枝丸等。 飲料是自助的 自家製的洛神花茶夠濃郁! 嘩那個瓶也是自家定做的吧 檸檬柑桔味道清爽 少少酸甜非常醒胃 安格斯牛肉片 份量不小氣呢 肉質鮮艷，肉味濃郁又不韌，牛脂分佈平均 點了好多份，質量都是平均的好呢 海鮮類有花甲，魚片和大蝦 花甲是爆汁的，一點沙都

同女朋友黎過即興約會，揀左地點方便既瓊華商場，一間新開但人氣挺高的火鍋店，叫「牛大人台灣火鍋吃到飽」，名字令人回心微笑。 放題式任食，限時120分鐘。 -平日亦十分旺場，而餐廳亦勝在頗大間，環境非常企理又一應俱全，有大大小小的卡位。眼見出面自助食物飲品，整整齊齊各式各樣分門別類。醬料十分多選擇，例如烏醋、特調豬肉醬、沙茶醬、洋蔥牛肉醬等等。-特色湯底有九款選擇，我們選擇了台中蒜頭雞鍋。原隻鮮雞淆製，湯頭濃郁滋補。至於放題套餐三選一，我們點了「特級安格斯」，有六款安格斯牛/西班牙豬選擇，豚肉油花分佈平均牛肉；牛肉薄切色澤新鮮，煙韌富嚼勁，牛味濃郁。-用Ipad 散點火鍋配料/台式小食/特色飲品，方便又環保。 海鮮如海蝦、沙白、鯛魚片等，味道鮮甜！蟹籽墨汁漿亦十分推薦！食落有墨魚香，仲有粒粒蟹籽有咬口。 佢既台式小食如梅甘酥脆薯、士林鹽酥雞，亦夠熱夠脆口，亦屬水準之作。-外邊還有自助火鍋配料區，主要是擺放多款蔬菜、丸子及獨立包裝的麵。貢丸、魚蛋十分彈牙！仲有雞絲麵，口感很軟滑，吃了兩大包呢。-飲品櫃亦有多款精心泡製的冷泡茶如桂花烏龍、菊花普洱、洛神花茶，消膩解渴亦是健康之選。-最後仲有最愛

天氣開始凍，又係時候打邊爐喇！今次黎到旺角瓊華中心既牛大人，主打台式火鍋，入嚟第一個感覺係格局舒服闊落，環境乾淨！好鍾意嘅係落單方法係scan QR code，咁就唔怕漏單同唔記得自己叫左咩啦-佢地做緊promo，like facebook 就送一杯黑糖珍珠奶茶，本來都冇咩期望，始終佢哋唔係專做珍珠奶茶，點知有驚喜！我叫咗少糖，感覺幾好唔會太甜得黎又有黑糖嘅香味，同街上面嘅有得揮👍🏻黎到戲玉啦，我哋叫咗鴛鴦鍋，分別係台灣鳳梨雞鍋同牛夫人秘方麻辣鍋，雞肉鮮嫩，湯底有鳳梨、老薑、苦瓜、乾香菇、土雞腿肉、小魚乾，飲落好香好清甜，一啲味精既感覺都無，又溫補祛火，天氣涼涼地飲最岩！個辣鍋都好食，係用牛骨先烤後煮，配上大紅袍花椒同辣乾等增加辣味，再混合三十幾種中藥熬製而成，味道豐富唔會得個辣字。點菜時店員好細心問我地食辣嘅接受程度，建議返我哋應該食大、中、小辣邊樣。鴛鴦鍋係要加$50嘅，個人覺得呢個質素絕對抵比！作為牛魔皇，當然要試吓佢個特級安格斯套餐，任食既肉類有多8款！特別要讚下個安格斯特選牛板腱，非常嫩滑，多汁鮮甜無腥味，一口咬落都係滿滿牛肉香，正！其餘既食材都係十分高質素，望住菜單上過百款