牛大人台灣火鍋吃到飽 (瓊華中心) (已搬遷) 新店位置

這家剛開業的火鍋店打正台灣風旗號，而且是一間任食店，身為火鍋狂熱份子又怎麼可能會錯過呢，今天就為大家帶來一個賽後報告。我喜歡先讚後彈，所以先談談好的東西：第一，目不暇給的湯底，配式多，而且不是我們常見的，絕對台灣風，湯低配料亦認真打造，我點了番茄湯底，有番茄鮮香兼濃郁，不似外間其他地方的水汪汪感覺；餃類丸類夠精彩，台灣火鍋的其中一個特點就是他們的餃類和丸類都有很多選擇，這裡亦不例外，當中我最欣賞的要算是其蛋餃，誠意推薦；另一精彩推介就是他的鴨血，就是台灣打邊爐的感覺；最後值得一讚是他的任飲飲品，竟然有冬瓜茶烏梅茶等，台式飲料密封杯上，味道亦不錯。至於有進步空間的包括有以下幾樣：首先是肉類，肉類的選擇是根據你點哪個餐而定，我點了最便宜的$148，四款肉，兩牛一羊一豬，豬最好，其餘三款味道一樣，沒有肉味，希望價錢高一點的餐不是這樣子；第二是他提供的魚，脆鯇片較多骨，另一款忘記了什麼名字的魚不太新鮮，可能是雪得久了，希望下一次再來有所改善吧。

近排成日都冇咩心情，希望食返餐好嘅可以提起精神，呢個時間最好就係去食火鍋放題，食到盡！有好多款湯底選擇～但嗜辣魔人仍是捨棄不到麻辣湯底。我覺得呢度嘅麻辣湯底好有特色，加了不少花椒，麻度偏重，但油份比重慶火鍋少得多，而且加入了很多藥材，滿滿的中藥香，根本是麻辣版養生鍋吧!湯底嘅鴨血好正，如果唔夠食嘅話仲可以再order鴨血特級安格斯套餐 $2282小時任食安格斯牛肉，超級滿足!!!仲有好多其他肉類、丸類、小食、飲品無限量供應，食到捧住肚皮走。個人很喜歡牛肩胛以及牛小排，雪花適中，薄薄一片很好咬，而且牛味很濃。蟹籽墨魚漿，是次最愛美味得不斷encore, 墨魚滑本身已很鮮甜，加入蟹籽令口感和味道層次更豐富。台灣手工蝦餃， 打邊爐嘅蝦餃同平時酒樓點心嗰款唔同，皮薄但唔會一煮就爛， 煙煙靭靭，而且蝦肉又好鮮甜，推薦!食火鍋當然唔少得各種丸類、芋絲同埋豆腐台灣特色小食－－ 鹽酥雞都有供應， 表面非常香脆 ，鹹香撲鼻， 雞肉鮮嫩，仲可以任食，超正另外仲有基隆甜不辣飲品都是自家出品，很有誠意， 兩款茶飲都很清香。另外仲試咗呢度嘅冬瓜茶，都很清甜解渴。最後以一人一個Movenpick雪糕作結， 為是日

一話想打邊爐身邊嘅朋友就推介左佢哋話性價比好高，食選擇有多所以就book咗位都真係幾多人所以都好期待一坐低 店員就細心介紹佢哋係用QR code落單嘅，然後推介左我哋要幾款唔同嘅湯底，我哋最後揀咗台中蒜頭雞鍋，個鍋一嚟到就好香蒜頭味，仲有半隻雞，單飲個湯頭已經好正，不過比較清淡，所以如果想濃味，可能揀其他和比較適合，不過其實冇所謂，因為出邊其實好多配料俾你調味，我哋最後揀咗特級安格斯套餐，感覺上最抵食，仲可以食埋精選嫩牛套餐既野！係啲嘢食煮緊嘅時候，叫咗幾款即食嘅嘢，佢有得揀鹽酥雞/台灣香腸/滷肉飯/花枝丸等等！好多選擇！而飲品竟然有自家嘅冷泡茶,蘋果西打,仙草爽等台灣飲品,花多眼亂啊⋯⋯我最鍾意食海鮮，所以點左好多蝦同埋花甲，全部都真係好大隻，好驚喜！唔係出邊啲蝦毛同埋硯仔，食落無沙，好新鮮，蝦頭入邊有好多膏！個人推介男朋友就比較鍾意食肉類，佢對啲牛都讚不絕口，厚薄適中，有好香濃肉味。我哋都鍾意食嘅丸有好多選擇，好多香港都冇得食㗎，原來係特登係台灣運過嚟，佢仲有啲台灣鴨血，台灣水蓮，花膠，心心眼！不得不提，依家like 某社交平台仲會送黑糖珍珠鮮奶,可惜唔記得影相，啲珍珠都幾煙un

在香港吃火鍋已是香港人的日常，每星期總有一餐是火鍋的，這次發現旺角瓊華中心剛開了一間台式火鍋餐廳，名為「牛大人」可2小時吃到飽的台式火鍋。餐廳裝修光猛，整齊舒適，地方寬敞，有自助吧可自取醬汁及火鍋配料，款式選擇豐富，自助火鍋配料有各種不同蔬菜，豆腐，菇菌類等等，而且還有多款台灣出名的麵選擇，好有台灣feel 啊～任食套餐收費是跟時段及等級，套裝有三款選擇，A是牛大人精選嫩牛吃到飽，B 是牛大人特級安格斯吃到飽及牛大人極上吃到飽。湯底也有9款選擇，全是正宗台灣火鍋湯底，我們選了牛骨濃湯及B套餐。不得不讚「安格斯特選牛板腱」，肉質非常優質，腍嫩有牛肉味 ，而「安格斯牛小排」質感香滑，灼數秒即可進食，口感幼滑。牛骨濃湯牛味十足，加上豬皮，金菇及其他蔬菜浸透湯底精華，大推新鮮靚蝦，認真滋味無窮。即叫即食有「即炸午餐肉」十分美味，另外台灣直送的地道小食， 士林鹽酥雞，真豬小香腸及梅甘酥脆薯都不可錯過，真的很正宗，不用去台灣在「牛大人」也可吃到，超贊。飲品也可自取的，最令人開心的是有冷泡茶，桂花烏龍，菊花普洱及洛神花茶真非常健康，味道十足， 解渴滋陰養顏，還有台式打西菓蘋，大愛呀。最後甜品是Mov

天時涼涼地最岩打邊邊🤤當中最愛台式火鍋！食材新鮮湯底滋補👍🏻👍🏻發現呢間牛大人，非常出色！蒜味雞鍋🤤最不手軟半隻雞落鍋，湯底非常鮮甜💯💯💯手機落單，上菜好快又唔會漏，服務好好！竟然有台灣國菜-水蓮！！落左幾轉，正！安格斯牛🐂，唔洗多講，睇相都知幾正！任食！！！岩哂我呢d牛魔王！海鮮、蔬菜任拎，超多款式👍🏻👍🏻仲有得點台式小食，鹽酥雞、台式香腸、皮蛋豆腐😻😻😻全部都好好味！飲品更見誠意，超多選擇，除左一般soft drink仲有自家花茶，勁滋潤又唔會太甜😻飯後仲要有movenpick送！！咁多野食咁好服務，任食兩粒鐘先係2百幾💯💯💯💯💯on my top list already !!

今晚肥妹仔去咗旺角瓊華中心試下呢一間台灣火鍋店。去到雖然已經十點鐘，但係見到全場爆滿，睇呢個質數應該唔錯!我哋揀咗特級安格斯食到飽套餐 價值$218。套餐入面有好多嘢揀可以揀：安格斯牛肉，上級牛五花，牛板腱，牛小排，西班牙豬梅，海鮮方面例如鮮蝦，爐魚片， 墨汁漿， 大蜆 脆肉鯇等等， 真係鍾意食肉同食海鮮嘅人都任君選擇。鑑於肥爸肥家姐同肥妹仔都係牛魔王，湯底方面我哋揀咗牛大人紅燒牛骨鍋。 上枱嘅時候見到個湯底顏色好濃，入邊嘅料有牛骨，紅棗，杞子等等。飲一啖非常重紅燒味，重口味人是值得一試。肥妹仔出去行咗一round，出面任拎嘅係蔬菜同丸類，仲有好特別嘅王子麵同埋仲有滷肉飯。肥媽拎咗一碗滷肉，飯肥妹仔食咗半碗，超香濃滷肉 同埋滷水味。醬料方便同香港打邊爐差唔多，不過最特別嘅係有一種叫沙茶醬，係台灣打邊爐必備嘅。肥妹仔都唔執輸，筆咗一匙，好濃沙嗲香味。小食方面肥妹仔食咗呢一隻類似炸魚蛋嘅小食，上枱時外脆內嫩，好食。 另外再叫咗一個皮蛋豆腐，皮蛋味好香濃，豆腐好嫩滑。打火鍋打邊爐方面肥妹仔除咗叫曬所有肉類試下之外，仲叫咗其他台灣特有嘅小食例如麻辣鴨血。 先講佢嘅肉類，肥妹仔第一番嘅肉類比較普

女朋友最鍾意打邊爐，但又要我都鍾意嘅，牛大人係其中一間。今次我哋同兩位朋友嚟咗旺角哩間新開嘅「牛大人台灣火鍋吃到飽」，哩間嘅裝修又靚，座位又闊落，感覺幾舒服。-打邊爐識嗌一定嗌鴛鴦湯底，我哋今次嗌咗「帝王食補薑母鴨鍋」同埋「啊嬤養生養湯鍋」，一聽就知又補又養生。我哋仲揀咗「特級安格斯套餐」，我哋可以任食各種唔同嘅安格斯牛肉，例如安格斯肩胛牛肉、牛板腱、牛小排，又多款又新鮮，真係食到停唔到口；我哋仲叫咗好多台灣直送嘅美食，特別要提嘅係佢嘅手打漿，好似手打旗魚漿咁，又入味又彈牙，配合埋個湯底絕對一流。-哩間火鍋店啲嘢食嚟得又快，啲員工服務態度又好，食物同飲品又多款式，真係值得推介！

今晚約左朋友去試新開張既牛大人7:30前離座有優惠 每人都係200蚊仲可以食120分鐘就決定book早少少去試下5點鐘去到都好多人等入坐入面環境都幾舒服 重點係好乾淨！坐落都好寬敞 唔會逼而且抽風系統做得好好 食完都唔會成身油煙火鍋味而且staff都好貼心 一入坐就介紹左自助區同飲品既位置同埋提我地like FB/IG會送黑糖珍珠奶茶火鍋配料（肉類、海鮮等）可以透過QR code落單蔬菜、麵同丸類就可以自取呢到有好多其他火鍋店冇既台式食品款款都台灣直送例如竽頭貢丸、大黑輪、甜不辣、鴨血、鹽酥雞、台式香腸、台式餃子、王子麵等等對於鐘意台灣小食既我黎講 簡直係天堂！先選湯底同套餐我地要左安格斯套餐比嫩牛套餐多左幾款選擇湯底選左台中蒜頭雞鍋清甜得黎 又唔會蓋過食材既鮮味先叫左幾款牛試一試款款都好鮮嫩 灼一灼就食得 牛小排同牛板腱既脂肪分佈都好平均食落牛味好香濃 有少少入口即溶既感覺打邊爐唔少得既海鮮海蝦好大隻 食落爽脆彈牙 沙白粒粒都好大隻 食落好鮮甜 有少少海水味要比個like!幾鐘意佢既海鮮漿、花枝漿同牛肉漿粒粒都彈牙鮮味中間我地仲叫左幾款台式熟食試下鹽酥雞同香腸都好好食食完真係好想飛去

呢晚同三姊妹聚會去咗瓊華中心新開嘅牛大人台灣火鍋吃到飽～🤩🤩六點幾去到唔駛等位， 餐廳有卡位同埋圓枱，基本上全部圓枱都中間都有塊板隔開，好似飲茶搭枱咁2-3位+2-3位一枱，感覺唔太好但餐廳就慳返好多位！餐廳有三款套餐，以我地入坐時間，價錢分低$188/中$228/高$288，我哋揀咗中間既特級安格斯～湯底有好多選擇，我地另加$50揀左鴛鴦鍋-牛骨&麻辣，牛骨鍋味道不濃，麻辣鍋唔太辣～食物方面係半自助形式，蔬菜、麵、丸、飲品、醬料、仲有滷肉飯🤤都係自己出去拎，飲品值得推介有幾款唔同茶～洛神花、桂花烏龍、菊普等等，感覺健康～另海鮮類、肉類、小食、炸物都係用電話落單，快捷方便！服務方面，一坐低侍應會同你講解落單嘅流程，上菜都好快，如果收碟收得密啲會更好！而家餐廳做緊優惠只要like佢Facebook或者IG就可以送你一杯黑糖珍珠鮮奶～埋單後有movenpick雪糕🥰總括嚟講，可以有下次既～😋

今日同朋友行完山出返黎旺角食野，隨便揀左間新開台式打邊爐，估唔到又幾出色🤩我地6點前已經到，已經見到有幾枱食客， 好彩都仲有卡位安排比我地。佢有3個價位比你揀，而我地就選擇左中位價錢（120分鐘特級安格斯吃到飽），再叫左兩個湯底（＋$50），一個阿嫲養生濃湯同麻辣鍋（可以揀辣度）。由於太肚餓關係，見到有滷肉飯即刻裝左一細碗食，肉嫩又香噴噴，好有去左台灣感覺。呢到既野飲都好特別，可以試下佢地自家既冷泡茶👍🏻👍🏻👍🏻健康之餘又可以消滯。出面自助位置有多款台灣直送既丸同菜，相比其他打邊爐店，呢到既款式好多好特別，麵仲有台灣好出名既王子麵。不得不讚呢到落單好先進又環保，只需要用手機落就得📲而且落完唔洗5分鐘就上台，效率十分驚人。安格斯牛係高質對得住個價錢，海鮮有好大隻又新鮮既蝦同蜆，墨魚滑食得出真係真材實料，菜類仲叫左平時出面好少見到既水蓮，口感爽口可以一試。食到最後每人仲有一個movenpick雪糕食，好滿足咁走人。

台式火鍋在香港不多見這家新開的火鍋店是吃到飽我們選擇了中價位的特級安格斯餐湯底要很有特色的台中蒜頭雞鍋套餐包含了牛小排牛五花牛板腱牛肉新鮮有雪花紋肉味濃郁肉類還有西班牙豬梅肉片紐西蘭羊肉羊肉非常高質不但羊味濃郁肉質也鮮嫩海鮮類有台灣鱸魚片和鮮蝦沙白等台灣特色食材有澎湖花枝漿和墨汁漿小吃秘製鹵牛筋豬糕豬血糕炸魚皮等最喜歡的鴨血也是任君吃到飽麵食有烏冬即食麵和台灣直送的科學麵飯煲有一鍋台灣珍珠米和肉燥可任吃飲品櫃除一般罐裝飲品外還有自家茶品有解膩的菊花普洱和清熱的洛神花茶飲飽食醉最後侍者送上每一個雪糕movenpick品牌味道當然有保證啦

旺角美食百花齊開，經朋友介紹今日同男朋友一於試下呢間新開既台式火鍋，位置係瓊華中心，地鐵一出行兩步就到，十分方便。同一般火鍋店一樣，一上到去就已經聞到好香既「火鍋味」，未入去就已經流哂口水 還好我們是5點來到餐廳，人數不算多，馬上可以入座 。餐廳以吃到飽/俗稱火鍋放題形式點餐，我們點了特級安格斯吃到飽套餐，套餐內包13樣不同肉類、配料任食;而湯底有九款，每款都別具風格，我們想了一會就選擇左牛夫人秘方麻辣鍋(小辣)，因為左右兩枱都點了這個湯底，氣味實在太香了...牛夫人秘方麻辣鍋:傳統台灣麻辣鍋，鍋內放有不同放辣的香料及鴨血，對於唔係好食得辣既人黎講，小辣恰到好處，湯底入味之餘不會太咸，辣度又令我地辣得過癮，一試難忘!配料方面，餐廳的配料大致分為兩類，一是用電話QR CODE去點餐，另外一些配料是自己出去自助拿的，提醒大家一定要準備好有得掃瞄QR CODE既電話點餐呀!我有做個統計，我地分別叫左牛媽秘製滷大腸，美人花膠，魚香皮蛋豆腐，士林鹽酥雞(辣)，台式蝦餃，手工小雲吞，台式蛋餃，新鮮沙白，鮮甜海蝦，蟹籽墨汁漿，安格斯牛小排，西班牙豬五花片，安格斯特選牛板腱，西班牙豬梅肉片，安格斯肩胛

最近特別鍾意食火鍋，今晚同一位老朋友去到旺角瓊華中心九樓的「牛大人火鍋吃到飽」，可以一試台灣過江龍嘅風味，而且見到佢新開張已經好旺埸，香港人真係好醒目😍未夠六點已經坐滿左八成，室內設計大部份用木嘅桌椅，都幾特式，而且第一個感覺好光猛、乾淨，仲無迫夾感，整體坐得好舒服😌百零蚊可以任食、任飲兩小時，不同時段仲有優惠，9⃣️款湯底任君選擇，而且全部都係台灣特色🤗飲品都有唔少選擇，最正就係佢地自家出品嘅，桂花烏龍茶、洛神花茶，配火鍋真係正到不得了，清熱解暑，無得彈👍🏻我地試左個「台灣鳳梨雞鍋」湯底，鳳梨即我哋叫嘅波蘿🍍，亦都係台灣嘅特產，仲有半隻雞，淆起個湯都好香好甜，零捨不同😍自助區不但排放整齊，食材新鮮，有一邊專櫃仲標明係「台灣直送」無花無假，心諗，真係超級加超值，平過係台灣食啦😍😍😍掃下個二維碼，落單快夾準又環保，唔使下下剔紙仔咁麻煩，唔使幾分鐘就馬上送到，正👍🏻咁食火鍋🍲最重要嘅係靚牛，本來已為百零蚊嘅任食，應該唔會有咩靚牛比你，點知呢份牛肉超乎我預期咁正，夠肉味又無渣，仲有好多其他配料都好正架😬幾種不同滑類，我覺得最正嘅係墨魚滑和蝦滑，爽口鮮甜彈牙味美，無限追加🤗鮮魚片，夠厚又新鮮，輕輕

今日去咗呢間台灣火鍋專門店食晚飯， 特別之處就係有好多台灣地道風味湯底可以揀例如係紅燒牛骨鍋，台灣鳳梨雞鍋都係出面好少地方食到因為我比較鍾意食牛肉嘅關係，所以我叫咗紅燒牛骨鍋，湯底足料，而且有牛腩喺裏面添，真正連湯渣都食得牛大人有自助食品區，蔬菜同丸類選擇都好多好多架，而且標榜食材台灣直送，旁邊嘅醬料區最特別嘅係有專門點豬肉同牛肉嘅醬汁，亦可以隨意配搭自己嘅心水我好欣賞佢有個餐牌寫左不同嘅醬料配搭建議，教你點整秘製萬用醬同埋鮮味海鮮醬，唔怕自己落錯醬浪費咗我揀咗特級安格斯套餐，基本上餐牌有推薦我都有試，而且呢間嘢用咗手機QR code掃描落單， 可以睇返自己點咗啲乜嘢做法幾好，避免落完又落～安格斯牛肉肉質真係唔錯，安格斯肩胛牛肉，安格斯牛小排同埋安格斯牛板腱都係必食之選，脂肪同肉嘅比例好平均，好好食，必點除咗食牛，台式小食都係另一個重點，好多特色小食都可以任點任食，例如鹽酥雞，台灣腸同埋秘製牛筋牛肚， 味道非常好，推介大家可以試一試仲有海鮮可以點，例如海蝦，蜆同埋鱸魚，都幾新鮮架食到飽飽之後，有店員送上movenpick雪糕😋完美地結束愉快嘅一餐，店員態度服務都幾nice，加分😎

同朋友兩人食，食530時段，冇咩人，但到了7點幾勁多人，限食2小時。選了中價位，牛肉同其他食材新鮮，有九款湯，選了養生湯底，好味。飲品有洛神花茶，酸梅湯，烏梅湯，桂花烏龍等，味道不錯。不過烏梅湯可以再酸啲更好。食物種類算多，配菜出面拎，其他用QR code scan點，海鮮有蝦，有蜆，幾鮮甜，墨魚滑麻麻，有不同丸類，魚蛋好味，海膽丸不錯。也有麵食，有冬粉，菜有幾款，最愛油條同豆腐，豆腐好滑，打邊爐好正。最後有movenpick雪糕。埋單每人180幾，抵食。