牛大人台灣火鍋吃到飽 (加拿芬廣場)

营业中

休息中

牛大人一直都想試 但上網book極都book唔到位 之後今次係特登五點去攞位 七點就可以返嚟食到٩( 'ω' )و 佢可以叫嘅款式都幾多 基本上乜都有咁滯 湯底方面推薦牛骨湯底 好夠味 佢嘅嘢飲都幾好飲 希望遲啲唔使排隊

好掛住台式火鍋嘅我，聽到尖沙咀開咗呢間人氣火鍋店，就急不及待要來試吓。本人比較鍾意中午就食火鍋，因為有多啲時間消化。預計到星期六會好多人，所以知道佢11:30開門， 11:15就來攞定飛。好好彩都仲攞到最後幾張第一輪嘅飛，如果唔係只可以攞到1點鐘果輪。兩個人都叫咗60分鐘套餐，雖然啲肉唔係任食，但係份量都好多，就算冇得加點都好足夠。自己就揀咗麻辣湯，好有喺台灣食到嘅麻辣湯味道！😭因為除咗肉之外，出邊自取區有好多種類嘅蔬菜，面類，丸類，仲可以食埋甜品。特別要留意嘅係飲品區都有好多好多選擇，所以個人覺得係一個非常完美嘅午餐選擇！

之前食過旺角間牛大人，一路心思思都想再去，知道尖沙咀開左，今日一出去，諗都唔駛諗就決定去食個午市放題先再去行街街大約11點半去到拎飛，12點就開始放人入去，唔算等得大耐每枱中間都有分隔板，疫期間都可以放心開餐最鍾意佢個自助區，又大又整齊凍同熱既飲品都有食物全部都入晒盒，整齊又衛生醬料區都好多選擇，梗有一款岩你心水今次叫左麻辣同鳳梨雞鍋鳳梨雞味道好特別，幾清甜，未開始食都飲左一碗呢度自家製既茶類好出色，極力推介桂花烏龍澳洲和牛M5牛肩卷好有牛味，薄切得黎都好有質感西班牙豬五花肉比起和牛一啲都品失色，豬味濃仲有肉甜味安格斯特選牛板腱蟹籽墨汁漿滷牛肚牛筋大腸都好入味，同麻辣湯好夾，一定要試麻辣鍋必食既鴨血90分鐘放題$198，無論自助區既茶類同丸類，飲品肉類質素都好好，難怪長期都咁多人

#食肉獸出沒❤️每次去食呢間餐廳都係咁好食，今次叫咗最貴嗰個餐，真係超所值， 未download佢哋坐淆底蜘蛛絲嘅話就快啲去download啦，因為下載咗之後有九折，成張單買單就係每人$298我覺得牛肉食物質素，同埋整體食物嘅飲食體驗來講呢個價錢真係物超所值 ! 食完火鍋仲有甜品可以簡，甜品有牛大人版本仙草凍或者Movenpick 雪糕！仙草好好味😋.🙈以下5分為滿分✅🌲環境：🌕🌕🌕🌖🌑🌸服務：🌕🌕🌕🌗🌑🗑衛生：🌕🌕🌕🌕🌑😍美味：🌕🌕🌕🌕🌗🚦整體：🌕🌕🌕🌕🌗🤝推介度：🔥🔥🔥🔥

最近天氣轉涼，又到左打邊爐嘅季節。我同朋友就揀左最近好hit嘅台灣過江龍牛大人火鍋吃到飽😋好彩有提前bk定枱，因為開門時間未到就已經勁多人係出面等😅我地揀左個極上和牛set, lunch time每位都係$198，相當抵食。湯底方面我地就揀左麻辣同台灣鳳梨，鳳梨並唔係菠蘿，而係苦瓜，湯底飲落清甜甘香，味道都唔錯。而麻辣湯我地就叫左小辣，辣到適中，而且麻味都突出，食落非常過癮😋牛肉方面我地就主力叫極上和牛同埋安格斯，我個人就比較鍾意安格斯牛，食落比較嫩滑。除左牛肉之外仲有好多唔同嘅配料同小食可以揀，例如各式各樣嘅丸同埋墨魚滑，蝦滑等，非常豐富。最後每人都係食左ard260, 抵食之餘味道都唔錯😜👍

因為前一排見到喺尖沙咀都開咗牛大人，地點仲係非常就腳嘅加拿芬廣場，所以就約咗friend搵一日lunch嚟試吓啦。避開咗12點至一點呢段繁忙嘅午餐時間，大概等咗15分鐘之後就可以安排入座啦。可能大家都食完lunch啦，仲安排到近窗嘅卡位添。湯底我哋就揀咗養生濃湯，湯底有D紅棗杞子娃娃菜，似冇好多味精，食完冇口渴感覺。其餘嘅餸都係用QR code喺手機度點，另外自取區都有好多菜、麵食、丸類等等，因為疫情關係都有用膠箱裝住，安心D。醬料方面都好多選擇，反而飲品選擇比較少。座位方面比起旺角店多好多，我諗尖沙咀易等過旺角。靠窗位置仲可以望返出厚福街果邊。呢個係佢地自家製既飲品，但係幾款茶都比較淡。雞肉大大件，都算幾滑。牛肉方面，因為我地今次係食最貴既極上和牛餐，所以叫左澳洲和牛M5牛肩卷同安格斯牛小排比較。前面果個係安格斯牛小排，後面係澳洲和牛M5牛肩卷。安格斯牛小排薄身D淋D既，牛肩卷就有份量D牛味濃D。台式小香腸，牛大人除左火鍋料之外都會有少少熟食既，幾款熟食賣相唔錯，份量細唔會話好飽肚鹽酥雞梅甘酥脆薯蟹籽墨汁漿，有食到細細粒墨魚肉。花枝漿滷牛筋同滷大腸另外自取區有牛大人自製既雪糕，不過太

同事提議午餐食火鍋便試試這間台式火鍋我們點了午餐定食$98包括了一碟牛肉及一碟豬肉另外全部配茶任食食物種類繁多 不能盡錄包括王子麵麻辣湯底非常美味還有風琴豆腐飲品也絕不馬虎冷泡茶也有四種我選了白桃烏龍淡淡的桃味 非常美味

近排天氣開始凍又想打邊爐 之前見唔少人推介牛大人 好多次想食但因為等太耐都食唔到 今次lunch黎食突登十一點幾黎攞位終於食到啦 我地叫左個鴛鴦鍋一半係鳳梨雞鍋另一半係麻辣鍋 千其唔好俾個鳳梨雞鍋個名呃左 其實個鍋係無鳳梨 鍋底加入左苦瓜 整體味道清甜 而個麻辣鍋都幾正宗 十分之惹味 唔會正係得個辣字任食火鍋黎講呢到既選擇都幾多 除左火鍋配料仲有任飲台式茶飲 台式小食同牛大人雪糕！我地叫左極上和牛套餐 咁多款牛入邊 澳洲和牛M5牛肩卷最為美味 肉質十分滑嫩 而且好有牛味呢到既丸子味道相當獨特 最鐘意係佢個芋頭貢丸 勁重芋頭味 但食一粒已經勁飽 另外個花枝漿同牛肉漿都好重料 口感爽口彈牙如果唔係要排咁耐隊 會想再黎食！

**牛大人台灣火鍋吃到飽-尖沙咀店**呢日約左朋友lunch , 知佢鐘意打邊爐，而尖沙咀又新開左牛大人近佢公司，就一於食個快邊爐。我都係第一次lunch食得咁放肆😂13:30去到 都好多人係門口等緊，我地就獲安排左卡位，望住街景，好正！我地揀左極上和牛餐雖然牛既款式比夜晚少，但係都好足夠，而其他野基本上同夜晚係一樣嫁！湯底方面就要左「阿嬤養生濃湯鍋」，湯底夠味得黎唔重味精用餐無漏單既情況，LUNCH CP值好高

上次新開張試業，十一點半營業，星期六十點九去到已經大排長龍，好彩都食到第一輪。 上星期六又喺十點九去到，得一個人排緊隊，問職員原來改咗十二點先營業。最後十一點四左右上返去，已經派緊飛了。原來開頭攞飛果啲，就算兩個人，都會先安排坐窗邊四人卡位，超舒服。 相比上次坐二人枱，左右都有板隔住，張枱細到食物都好難放，個分別實左太大了。午市90分鐘任食，有三種價錢揀，但價錢唔差太遠，所以揀左最貴果個。埋單連加一大概$230一位。佢呢度個湯底真係唔錯，叫咗個鳳梨雞鍋（好過上次個牛骨鍋），好足料。 叫左三輪澳洲和牛，第一輪超靚，第二輪幾靚，第三輪可以接受。 自取配料同醬料都超多選擇，而點既小食都唔錯，特別喺鹽酥雞。飲品方面就喺佢自家製一樽樽既茶，當然都有汽水之類。甜品個豆腐雪糕都幾好食，唔喺太甜。總括嚟講，呢度啲野大部分都唔錯，我都會再嚟既 😋

自從發掘到‘一鍋堂’呢間抵食高質嘅任食火鍋店之後，基本上我都再無去過其他任食火鍋店，呢間已經係平時飯堂，不過係朋友介紹之下，今日來會一會另外一間人氣台式火鍋店，叫‘牛大人’。呢間都係唔會book到位，不過又係因為我4點就收工關係，所以又係靠我walkin去拎飛，候補飛16:15開始拎，食19:30晚餐個轉，但搞笑嘅係，你拎個張候補飛，上面號碼係唔代表你先後次序，純粹係你有候補資格，真正可以入場次序係睇你19:30排個條隊伍排係咩位，先到先得，張飛上號碼係唔會叫的，例如你係16:15第一個來拎到張候補飛，但你19:00來排隊個時候，見到條候補隊伍已經好長，你排第20個之後，咁你就係第20個之後先有機會入場，候補飛只係一個認證，所以我16:30拎完候補飛之後，18:30就來排候補隊伍，等到19:30終於已頭位候補入左去🤣尖沙咀呢間分店格局好大，兜來兜去先去到我地個位，牛大人湯底選擇好多，仲有尖沙咀分店限定‘香濃牛乳起司鍋‘，最後我地選左‘牛大人麻辣秘方鍋’拼‘白肉酸菜鍋‘。呢間醬料都成10幾款，熟食都比一鍋湯多，包括士林鹽酥雞，椒鹽蕃薯，鴨血，滷肉飯，真豬小香腸等，令我驚喜嘅居然水蓮都可以

網上每次 社交平台按連結訂位都訂唔到，唯有中午11點30拿票walk in去食啦，得指定分店先有午餐食。我地去左尖沙咀果間。12點準時叫票入座，被安排左窗口位，超舒服，我地3個人食，叫左一半牛乳起司、一半少辣既麻辣火鍋，起司鍋唔夠起司味得牛乳味，麻辣叫左少辣，但都幾辣，但好好食。叫左極上和牛90分鐘放題餐，都係澳洲和牛最好食，飲品除左汽水，仲有桂花烏龍茶、白桃烏龍茶、洛神花茶，我friend中意白桃，我中意洛神，因為甜甜地幾好飲。食左一個鐘就要賣單先，3個人每人比＄216，已經計埋手機apps做會員拿左9折優惠，如果2個人食就可以簡減50蚊湯底費。會員優惠要入座時同職員講聲。最後，仲有半粒鐘我地不斷都叫牛食，放題好少餸簡，主要係食牛，雪糕得牛大人既豆腐雪糕簡，好少選擇。不過臨走前5分鐘職員話like  社交平台可以送珍珠奶茶，我地就like左，仲順便行去去海港城天台影聖誕裝飾同飲珍珠奶茶，杯珍珠奶茶幾嫩滑，我friend話算高質，佢話會下次再來食，我就覺得ok la.

<<Thursday Couple 為食記👣😋>> 今日星期二🤭😆但係Thursday couple 咁啱岀到尖沙咀，好想食期待已久嘅牛大人！來朝聖一下😋🤣因為我啲friend 同我講，要排一個月🤣🤣佢係咪呃我！就等我睇下香港人係咪真係咁中意排隊先！原本我哋都預咗起碼排一個鐘。七點鐘，一去到，都見到有條小龍排緊，唔知係咪疫情反覆嘅原因，但就真係冇想像中咁誇張！之後同男朋友拎左飛， 預計唔到嘅事情發生了！十！五！分！鐘！就入得！誇張到！🤣🤣可能係因為我地黎嘅timeslot 啱！我地黎到就係上一批食完走！大家都知係120分鐘任食嫁啦！所以我地真係排左一陣，就入得，滿心期待！😋入去我哋就叫左個最貴嘅和牛餐，同埋叫左個鴛鴦湯底，要加$50，但係你可以download做會員，就有免費兩個湯底，我哋叫咗蕃茄湯同蒜頭雞湯，兩個湯底都唔係太濃郁唔會cum過火鍋料嘅味道。之後所有飲品都係任攞，當然最推薦就係佢哋自己牛大人推出嘅茶，分別有四種，白桃烏龍，桂花烏龍，菊花普洱，同埋洛神花茶，全部都係無糖，但係每種都係有淡淡的香味，啱曬打住邊爐，解下油膩，個樽仔又靚靚，但就冇得

任飲任食火鍋店相信大家第一時間都會諗起「牛大人」，但同時間都係一間大排長龍既熱門餐廳，雖然之前有提供網上預約，但私心建議唔想大排長龍其實lunch time都係一個好唔錯既選擇，今次我11:35已經到尖沙嘴呢間分店，等左一陣，12點準時入座。今次選擇了90分鐘午餐吃到飽，仲有得揀嫩牛、安格斯，和牛set任君選擇。想食豪d就梗係揀極上和牛吃到飽！一種價錢多種享受，食盡和牛同安格斯牛，同埋其他西班牙豬，澳洲M5牛肩卷，墨汁滑等等。食火鍋除了配料，湯底都好重要，今次揀左鴛鴦湯底，揀左招牌紅燒牛骨鍋和牛乳起司鍋。招牌私心推薦一定係牛骨鍋，十分惹味，鍾意食濃味湯底既朋友一定要點。另外新嘗試牛乳起司鍋，相對上就會清淡一點點，都好重牛乳味，起司方面都唔會過多過膩，蓋左其他味。用手機點完配料，可以到外面自助區囉其他配料（包括有多款丸類、蔬菜類、麵食類等）和自助飲品！（當然要飲自家製茶-白桃烏龍+桂花烏龍！）話明食牛大人！當然要講返牛肉啦！以任飲任食既質素黎講，無論係安格斯定和牛，我兩者都比滿分💯。當然和牛就真係好「諗」身，脂肪比例好得，無得輸。而安格斯亦同樣出色，特別喜歡佢既牛味好重，有質感。除了牛，

牛大人！冇錯今日竟然食到牛大人，唔洗多講大家都知道牛大人有幾難book位！我自己就從冇食過既，聽就聽得多朋友/同事既評價 大多數都係好評！話係最正任飲任食火鍋。終於可以一嘗”牛大人”十二點開始入座，但係我1130去到外面已經企滿晒人啦，只好默默地等嗌名啦！好彩十二點鬆啲時間就入得去啦 呢度有分兩邊既，一邊係60分鐘定食，另一邊係90分鐘午餐食到飽 姐係我地今日簡既任飲任食任食都有分三種 咁我唔一一介紹啦睇到仲方便(見下圖)我地就簡咗極上和牛吃到飽 $198湯底就加$50轉做鴛鴦鍋牛大人紅燒牛骨鍋 + 香滑牛乳起司鍋由於疫情關係，全部食物都放咗落盒度非常之衛生！款式都有好多醬料區，有林林總總嘅醬料 梗有一款啱你！呢度仲有供應好多飲料，冷泡茶(冇加糖)之不過我想講既係除咗熱水之外，仲有兩款熱飲 我知道打邊爐好多人都會飲凍野！但係我係熱飲控 紅棗茶非常好飲偏甜紅燒牛骨湯好香濃嘅牛肉味，仲有紅棗杞子配合 幾惹味香滑牛乳起司相比之下就比較淡啲，牛乳味都有既，起司又唔會做得過多令湯底搞到不倫不類牛大人係用QR code點餐，想食幾多就點幾多除咗火鍋配料，仲有熟食台灣特色小食！澳洲和牛M5牛肩卷雖然