牛匠石燒 (已結業)

牛舌combo同鹿兒島A4和牛肩肉超高質，睇吓佢哋啲雪花😍燒完再夾埋個生菜🥬一齊食，可以去油膩。唐揚墨魚咀同明太子脆豆腐小食兩個都新鮮炸起，脆卜卜，再飲埋牛匠彩虹水果🍉茶同桂花果釀四季春，爽呀！個餐仲附有溫泉蛋味素飯、湯烏冬保證夠飽。最後仲有芒果🥭糯米糍😋餐廳離尖沙咀地鐵站只需要三至四分鐘，服務又非常優秀，店員會教客人如何燒肉，仲有部送餐機械人添，簡直係好玩又好食呀！꧁☬小編食左咩☬꧂✅ 牛舌combo✅鹿兒島A4和牛肩肉✅ 明太子脆豆腐✅ 唐揚墨魚咀 ✅ 桂花果釀四季春✅ 牛匠彩虹水果茶(◔◡◔) ♥️ 人均傷害💰：$300♥️

近幾日天氣又涼咗，所以呢日就選擇食吓燒肉🤣呢間牛匠石燒位於尖沙咀，入邊坐得好舒服，最特別嘅係仲有機械人送餐，非常得意🤣牛匠極上盛盒，有齊咁多款肉，一上枱見到真係好滿足😍有封門柳、牛小排、一口牛、牛舌等等。最正嘅係仲有A4和牛肩肉🥰當石板預熱好之後，就可以開始燒肉啦😋牛肉紋理好靚，見到啲油花好吸引！一放上石板輕輕燒吓就已經食得😋亦可以加一份生菜蒜片，平衡返食咁多肉嘅節奏，隔一隔👍🏻味素飯加上溫泉蛋，簡直係一流嘅配搭😛蛋漿融合晒每一粒飯，食到停唔到🤣而烏冬亦非常彈牙👍🏻另外叫咗一份日式海鮮煎餅，煎得好靚，就算切開夾上嚟，都完全唔會散晒😋彩虹水果茶，好足料而且好大杯，非常香甜芝士奶蓋四季春，茶味香濃突岀，同埋芝士奶蓋好厚🥰

天氣又變凍，最岩就係食D有爐或者燒既野暖下。最近就去左尖沙咀既【牛匠石燒】、一個石爐慢慢燒，同fd吹下水又幾好。有時候如果店員得閑、又會幫你燒下。 安格斯牛小排：油花分佈幾靚幾平均，唔會太油膩、一碟有8片。 鷄頸肉：第一次食呢個位置既鷄肉，好嫩滑、不過會偏油少少。一碟分量都好多。 鹽燒原條魷魚：肉質爽口、燒得不錯，外脆内軟。 明太子玉子燒：餐廳推介必食。明太子沙律醬都好多，玉子燒係甜口既而且有加少少葱，幾特別。 味素飯、溫泉蛋、湯：叫燒肉可以追加，味素飯有超級無敵多飯素、一D都唔小氣、而且好大碗。溫泉蛋加落飯好正。味增湯少少偏鹹，不過都ok。 湯烏冬：叫燒肉可以追加，唔會煮得太霖。 彩虹水果茶：超級大杯，而且好多水果，唔會太甜。入面都仲有好多水果可以食。 草莓乳酸：冰有D太多，係士多啤梨+可爾必思+蘇打水，酸酸甜甜不錯。 蒜片、生菜：又係可以追加既，夾埋燒肉一齊食可以解膩。

成日見人食牛匠，終於到我啦，坐低未叫野食已經聽到隔離枱客大讚d牛好正😍😍😍😍😍我地都唔執輸一定要食牛安格斯牛小排：淨睇相都feel到個油脂分布勁正，入口咬幾下已出到好重牛香味雞頸肉：第一次食，仲心諗條頸有咩食，原來好正呀，出奇地多肉，燒耐d,仲有燒肉塊皮嘅感覺，勁脆呀鹽燒原條魷魚：肉質嫩滑，唔會好un 明太子玉子燒：玉子做得好滑，充滿蛋香味味素飯： 超有誠意，分量十足溫泉蛋：蛋香味十足，送飯一流牛匠彩虹水果茶：超級大杯，好多生果，七彩繽紛好吸睛草莓乳酸：唔會太甜，解油一流

今日同女朋友黎到尖沙咀決定食肉，所以就去左呢間石燒店餐牌有好多選擇，有和牛，雞，豬，海鮮等非常吸引明太子玉子燒玉子燒好香蛋味，好軟熟加上明太子醬，味道好夾雞頸肉豬頸肉就食得多，雞頸就真係第一次食！口感好特別，比雞肉口感更豐富比較爽脆雞味好濃郁，絕對值得一試！安格斯牛小排牛小排好高質，油花均勻燒香之後，油香味爆棚再點店家既醬汁食好惹味湯烏冬烏冬爽口彈牙，非常掛湯我中意呢種煙韌既口感鹽燒原條魷魚原條魷魚上，好誇張！魷魚好新鮮彈牙好味道

員工服務一般，環境一般，諗住見到佢嘅價錢以為有返咁上下嘅肉，點知嚟到即係又薄又平嘅肉，菜同蒜頭都好貴下，價錢同質素晤成正比，唯一有特色只係佢依到燒嘅方法比較特別，同晤算大氣味

首先啦 上星期日book左位點知whatsapp我話情人節當天訂位要付200$訂先有位。從來無試過咁 咁節日難book位 人好快就俾左訂留位先到左當天到餐廳後 佢話只可以點情人節餐 里面有海鮮 我咪話我岩岩做完手術 點食海鮮 事先無同我地講 我地一心想食燒肉，然後我翻岀whatsapp 記錄俾佢睇 我話 你就send左張相 就話當日只可以叫一個情人節套餐 後尾個侍應問左人話俾我地散叫燒肉 但人均要400+當日係情人節如果走就好難搵位 只可以硬食，叫左两款肉 一個鰻魚 一杯野飲 一個湯烏冬 盛惠8xx 食物質素一般 食完成身油煙味 個烏冬等左一小時，收野快过人 上菜慢到死無下次

位於尖沙咀金馬倫道嘅 ［牛匠石燒] 主打日式燒肉，燒嘅方法係用石板燒熱加上牛油紙然後放肉上去燒，容易控制火候，不容易燒亁，令肉類保持肉汁👍🏻👍🏻肉類主打日本不同部位嘅高級和牛，牛舌，當然豬肉，雞肉，海鮮都有，熱食有大量非常吸引嘅小食，飯類，最驚喜係有好多特色手搖飲品，重點係食物質素高，價錢非常大眾化👍🏻🥩▪️Kagoshima A4 Chuck 日本A4鹿兒島牛肩肉，非常高質，油花滿瀉，每邊輕輕燒大約30秒左右，口感軟腍，充滿油脂香，超正👅▪️Beef Tongue COMBO 厚切特上牛舌COMBO，分別有厚切牛舌和薄牛舌兩款，薄牛舌輕輕一燒，好快熟，好腍身，配一片蒜片一齊食，好好食，厚切既部份更加正，外層帶焦香，爽口又彈牙🫔▪️Cod Roe Fried Tofu 明太子脆豆腐，豆腐外層超級酥脆，有點像臭豆腐的質感，淋上明太子醬汁，鹹鹹香香🦑▪️Wasabi Octopus $ 58唐揚墨魚咀，墨魚咀超級大粒，肉質好彈牙，唐揚外層薄身，好脆口，配合埋沙律醬一齊食，推介必點小食🍚▪️味素飯，溫泉蛋，湯每份牛肉都可以加$38享用，日本米飯，加上溫泉蛋及店舖自家製秘製醬汁，就咁食已經好好食，配合牛

同事中午行過門口見到外賣餐牌，見$45有主食加小食，決定買外賣返公司食，順便幫多兩位同事買，3份餐俾錢$144，見佢share張單，心血來潮計一計，$45 x 3份 =$135，3個盒 =$3，3個袋 =$3，合共$141，咁仲有$3係乜？同事向職員查詢，職員話收多咗$2退返俾同事，咁即係實收$142，咁仲有$1又係咩嚟呢？再次向職員了解，才得知外賣盒係每個$2，合共$6，膠袋每個$1 (初時收多咗兩個膠袋錢)，即係$45 x 3份 =$135，3個盒 =$6，1個袋 =$1，合共$142。一來提大家買嘢要核對收據，二來，既然佢張餐牌係for 外賣，理應在餐牌上註明額外收費(外賣盒每個$2)，否則應索性加埋入份餐度(因為成張餐牌都係for外賣)，直接寫每份$47，職員回應話不嬲都係$2一個盒，老實講我唔係熟客，你唔寫出嚟，我只覺得似隱藏式收費。補充一句，嘢食正常嘅。

之前下晝黎過食飯 味道都吾錯 今次就試埋石燒牛先🐮 而鐘意食牛嘅我地 當然直接簡左個牛匠極上盛合 乜牛都有🤭🍀牛匠極上盛合A4和牛肩肉 雪花比例都吾錯 入口油脂感滿😍 M9牛胸肉 牛味濃 有嚼勁☺️ 一口牛 好多汁而且好軟嫩🤤 封門柳同牛肋骨肉 牛味香濃 有咬口 都吾錯😉 牛小排同牛胸腹肉 有嚼勁 肉汁都吾少🤩 牛舌 爽口彈牙😛 西班牙黑豚 吾需要點醬料都夠入味🐷 鹿兒島無激素雞頸肉 燒完好香口🐔🍀牛匠彩虹水果茶🌈有好多款水果係入面🤣 仲有三串菠蘿係表面 好甜好好食🍍 仲有士多啤梨🍓 藍莓🫐 百香果等水果 好清新嘅感覺☺️🍀芝士奶蓋四季春茶底清清地幾好飲 加埋鹹鹹地嘅芝士奶蓋更加入味😉

好耐冇飛日本，掛住日本燒肉，所以揀咗「牛匠石燒」止吓思鄉之情🇯🇵店員都好貼心，見到我哋着大褸，馬上遞上圍裙。最初根據店員推介，叫咗二月精選- 英國極黑牛肋骨小排$198, 有大概180gram趁未開始燒，叫咗明太子玉子燒$48，意想不到好味！鹽燒大頭虎蝦$126，可能因為怕石爐唔多大火，虎蝦上碟嘅時候已經燒好，味道剛好👍🏽壓軸係鹿兒島A4和牛肉眼$288, 燒兩下就食得，好林好好食！同之前個極黑牛肋骨小排比，呢個完勝🥇

🍽️ 牛匠石燒📍 尖沙咀金馬倫道34-36A號福僑大廈地鋪值得一贊侍應超級細心，不用說出口，當爐火變弱的時候，就自動幫我們安排換燃料，其實我們根本沒有察覺火勢變弱了，果然專業。👉🏻鹿兒島A4牛肩👍🏻入口即化的口感，口舌生香，牛脂在咀中大爆發，口感一流，還可包上生菜及蒜片，令口感再次提升👉🏻牛舌COMBO👍🏻厚切牛舌不得了，侍應教我們先每邊煎一下，最後中間再煎一煎，簡直完美。口感彈牙爽口，再配上特製醬汁，酸酸辣辣，零捨開胃👉🏻明太子脆豆腐外脆內軟，加上明太子的爽口，相當不錯👉🏻炸墨魚咀墨魚咀炸得非常香脆，熱騰騰的，加上有檸檬汁作點綴，相當開胃👉🏻味素飯,溫泉蛋，湯👉🏻湯烏冬👉🏻牛匠彩虹水果茶大杯多水果👉🏻桂花果釀四季春清甜 解膩好味指數: 3.5/5 性價比: 3.5/5 環境: 3/5

成日放工唔知食乜好，今日想食餐好既慰勞自己，就黎到尖沙咀食返餐高質燒肉！叫左牛匠極上盛合 ($468)裏面有齊牛匠既肉類，包括一口牛、封門柳、牛胸腹肉、A4和牛肩肉、薄切牛吉、牛小排、M9牛胸肉、牛肋骨肉、鹿兒島無激素雞頸肉、西班黑豚肉，呢個set試哂咁多種肉類，唔洗左揀右揀！上到黎d肉既色澤光澤紅潤，已經睇落好高質，d牛肉同豬肉咬落好多肉汁，好煙韌，好有質感。配埋味素飯同昆布烏冬食，簡直係大滿足！野飲方面叫左奶蓋茶同水果茶🧋芝士奶蓋四季春 ($38)奶蓋非常特出，茶味夠濃，估唔到燒肉餐廳都可以叫杯台式飲品，又達到水準，好驚喜🍹牛匠彩虹水果茶 ($68)用左好多水果製成好重料，士多啤梨、橙、西柚、菠蘿，飲落多果肉有熱情果核，好有咬口

天氣凍凍地，就特別想食燒肉🥓，平時食既多數係網燒，今次去尖沙咀既牛匠試試石燒烤肉料理，又有另一番風味。店子頗有日式居酒屋風格⛩️，包廂座位夠濶落，好適合同朋友聚會。石燒爐不太大個，而且相對啲肉無咁易燶，真係可以慢慢嘆，唔洗太趕急。牛匠極上盛盒🍱牛牛造型木盤鋪滿不同種類既肉，琳瑯滿目，一次過可以試晒牛雞豬唔同口味，令人期待。分別有一口牛、牛胸腹肉、A4和牛肩肉、封門柳、薄切牛舌、M9牛胸肉、牛肋骨肉、西班牙黑豚、鹿兒島無激素雞頸肉。最讚一定係A4和牛肩肉🥩，油花極細緻, 厚薄適中，石爐上放上牛油紙，和牛不會太易過熟影響口感。入口即溶，油脂甘香，肉味濃郁，令人回味。另外牛胸腹稔滑香軟，封門柳肉味最濃郁。一口牛和牛肋條嚼勁十足。黑豚肉脂旺盛，而雞頸肉就十分嫩滑美味。燒香後原汁原味都好好食，亦可以加果味燒汁或薑蓉伴吃，更能帶出鮮味。亦可用生菜和蒜片包裹伴吃，減低油膩感。吃烤肉伴飯最適合不過，味素飯加上温泉蛋，齋食都已經可以清碗。昆布湯烏冬十分清淡，配上濃味既肉最適合不過。牛匠彩虹水果茶🍹賣相精美，色彩繽紛，以百香果、菠蘿、橙為主，加入其他水果浸泡而成。另有原塊冰菠蘿3條，有得飲有得食，香甜冰涼好

冬天都係想食返啲熱辣辣嘅嘢食，今次揀咗石燒燒肉，可以一邊慢慢燒，一邊傾吓計。餐廳有送餐機械人，非常現代化。牛匠極上盛合 $468用左牛形狀木板放肉，賣相特別，有齊一口牛、牛胸腹肉、A4和牛肩肉、封門柳、牛小排、薄切牛舌、牛肋骨肉、M9牛胸肉、西班牙黑豚、鹿兒島無激素雞頸肉10款，2人食好選擇，可以每款肉試吓。餐味素飯、溫泉蛋、味噌湯 跟 set+$38湯烏冬 跟set+$38蒜片、生菜 跟set+$28A4和牛肩肉雪花均勻，入口油脂香濃；牛胸腹肉富含油脂，帶咀嚼口感；封門柳肉味最濃；牛小排肉質軟嫩，越嚼越香；牛肋骨肉能吃到骨邊濃郁的牛肉鮮味，M9牛胸肉帶有嚼勁且肉纖維在咀嚼後化開的口感；薄切牛舌口感較有嚼勁；雞頸肉無激素食得放心，肉質具彈性、富嚼勁，非常推薦。牛匠彩虹水果茶 $68超級大杯，色彩繽紛，仲有3串菠蘿做點綴，水果茶飲落去非常清新。芝士奶蓋四季春 $38芝士奶蓋份量好多，質感creamy用料足，四季春飲到輕微花香