牛之鍋

营业中

休息中

牛之鍋銅鑼灣店→未寫過食評章 呢間係唯一一間難道可以令我寫食評嘅垃圾餐廳落單：落單28分鐘才來第一盤刺身 漏左2份甜蝦落單時間17:57 來到時間：18:051開始亂比牛肉 落3碟 黎6碟 亂比炸芋泥球：17:41落2粒 18:43落2粒 19:03 1次黎4粒第一round嘅咋嘛，個幾鐘先嚟所有嘢食我兩個鐘入邊已經吹左四五次味道：三文魚：正常 味淡only 小三文魚味蝦串燒：食💩 d肉係梅既 啲殼粘着晒啲肉雞軟骨：粉黎 炸蠔：D粉硬過花崗岩 個號已經唔係細嘅問題 已經係搵唔到嘅問題燒菠蘿：終於有樣係正常炸芋泥球：八成粉 20 ％芋泥環境：正常吧 正常放題位 食早場五點幾成個湯坐得一半位 嘢食都可以嚟得咁慢 唔知個廚房係咪係呀喺度瞓緊覺 吹單個陣不停同我講多單 跟住我話你邊個場啊，坐得一半咋wo 跟住店員就冇理我總體來說：甜品真係無敵 冇得講 好食嚟得又快🔥🔥🔥🔥不過其他可以去食💩食💩都算啦，啲💩仲要黎得慢 你話嬲唔嬲

係Ig 見到條片特登嚟試吓，特登上埋OpenRice 睇食評，明明條片杯芭菲好靚，啲人影上嚟啲相都幾好，結果我琴晚去食個賣相差到唔開胃😕，同一樣野我知味道差距不大，但其實係咪冇時間做員工培訓先可以樣衰到咁到攞出嚟俾客食？差唔多只要有雪糕都樣衰到見唔到客，我去自助嗰啲都唧得靚過佢。肉同海鮮不過不失，可能見大家都對甜品讚不絕口，令我錯誤地抱有過高期望，啲賣相真係求其得濟，只能夠講冇下次都唔會推薦朋友去食，M記d𡃁仔唧雪糕都好過佢，建議老細做好員工培訓先，杯野真係見到都唔開胃

實在太耐太耐無食火鍋放題，老公話試過呢度覺得幾好，咁我都要試吓先得呀！餐廳唔算好大，但好乾淨又唔會焗，我哋咁啱坐到卡位，更加舒服😍我哋揀咗$278/位嘅B餐，除咗基本肉類同火鍋配料，仲有埋刺身、壽司、燒物、同炸物。由落單起計2小時任叫任食。我哋2個食肉獸緊係第一時間叫晒D牛嚟試，呢度牛肉都有幾款揀，海鮮有蝦、蜆、蠔同青口等，全部都係我最愛😍，D蝦都算大隻同好甜，我食咗勁多。蔬菜、飲品、同醬油就自助，菜類都好多選擇，飲品我好推介白桃烏龍茶，解渴又解膩👍🏼呢度嘅炸物都唔錯呀，最愛紫心香芋丸同芝麻雞翼，香芋丸煙煙韌韌，雞翼好香口仲啖啖肉。燒物入面嘅鹽燒海蝦好大隻，蝦肉一樣咁甜。最surprise係呢度嘅芒果布甸，唔會好甜好好食仲有芒果肉，食完一杯仲想再叫，抹茶雪糕都唔馬虎呀，杯底有紅豆蓉，再有cream同方塊脆脆，今餐真係好滿足！

又到星期四，今次去左銅鑼灣打邊爐，念住夏天去會少人d，但夏天原來阻擋唔到香港人打邊爐因為呢間真性價比極高，放題仲有高質甜品今次食左B餐$278包括有海鮮，甜品，刺身，炸物，壽司，沙律，燒物，牛肉刺身size 比較細，前後食左3次牛肉好靚，兩個人食左7碟極上牛肉最靚，厚度適中，牛肉香濃美國肥牛肉肥瘦適中，口感軟滑牛肩胛肉眼，牛肉味最重，口感最好海鮮有日本廣島蠔同海蝦,各x10 ，真係好抵食，日本廣島蠔好香蠔味，蝦顏色靚偏橙紅，蝦殼較硬身，蝦肉好實淨甜品真係好好味好高質，完全好味過係甜品店食，尤其係宇治抹茶芭菲，抹茶味濃，配料多，有紅豆，脆脆，啫喱，蒛餅仲有楊枝甘露，芒果布甸，木瓜雪耳糖水一次過滿足我所有願望

一早幾左朋友去銅鑼灣食放題，佢搵咗呢一間牛之鍋試。到左都幾full下，我地選擇咗食B餐（$238）。哩個價錢都幾平下，但係個質素都好重要😀除火鍋之外，仲可以食好多款唔同嘅刺身，同埋燒物炸物。我地哩個餐係包咗牛肩胛肉眼，牛舌，肥牛，雞件同埋羊肉等等唔同嘅肉類。我自己就最鐘意個牛肩胛肉眼，因為個肉真係唔錯，冇因為佢係放題就將個質素降低。我同朋友一共都食咗十幾碟😛刺身壽司都係回本之選，首先佢哋嘅種類好多可以揀，包括三文魚，帶子，甜蝦，泰式生蝦等等不能盡錄。質素都唔錯㗎，所以我同朋友都食咗2rounds 。壽師都有好多款，我自己就最鍾意花之戀壽司同埋蟹籽壽司。但無論選擇咩餐都好，都有大量任飲嘅飲品選擇，就算連啤酒都有。種類選擇都幾多，我自己就比較鍾意飲個凍泡茶。除左任飲區之外，仲有大量嘅蔬菜同埋火鍋配料可以選擇，例如有唐生菜，白菜仔，芋頭等等多種配料任食唔嬲。唔好唔記得呢度嘅甜品都係非常值得一試，首先總會非常選擇。佢有幾款都係有榴槤嘅味道，鍾意食榴槤嘅我絕對唔會放過。有榴槤班戟，榴槤芭菲。唔食榴槤嘅都有焦糖燉蛋同埋個窩夫，楊枝甘露等等多款唔同嘅甜品！記得留肚食呀😁呢個價錢喺銅鑼灣晚市食到咁飽，

今日我同朋友去牛之鍋打邊爐，入到門口都已經見好多人進餐中 ，環境乾淨舒適衛生，只係燈光較暗沉，但帶點日本裝飾打電話我的酷狗音樂有咩音樂啊正常，感覺唔錯 ，服務員態度有善，送餐效率快，完全冇漏單👍湯底選擇都唔少，有成十款咁多，有幾款都好想揀，例如重慶麻辣湯，三鮮豬骨湯，壽喜燒，香檸藤椒金湯，花膠豆香魚湯！最後我揀左香檸藤椒金湯同花膠豆香魚，採用新鮮香檸同藤椒，帶出湯底清新，開胃又香辣的， 花膠豆香魚湯，花膠配香滑豆腐，真係好好飲之餘又滑，無口渴，感覺冇味精！飲品方面，我拎左白桃烏龍茶，而且無糖同真正茶葉沖，飲一啖已經令我心曠神怡😍 另外有汽水，嘉士伯 ，蘋果茶等等，多選擇！我地加錢食升級食佢嘅C餐任食，有幾款升級靚牛都係任食，例如雪花牛小排，澳洲M5和牛同澳洲手切牛，幾款都有濃郁嘅牛肉味同埋入口感覺軟綿，平時屋企打邊爐真係唔捨得買咁多貴牛，今次真係食返夠本！除左邊爐食材之外，我地都叫其他食物，例如壽司及多款刺身，質素都唔錯，比得上壽司店質素，仲有大家都鍾意食嘅帆立貝，十分肥美👍 串燒我地當然唔會錯過啦！我叫左雞皮餃子，真係好特別 ，用雞皮包住雞肉，整到餃子形狀 雞肉好鮮甜，炸蝦天婦羅十分

話說今日我響銅鑼灣店舖返工，同事話留意到公司附近有間叫牛之鍋嘅火鍋店好抵食，即興約今晚打個邊爐，好彩仲有位。佢有幾個套餐，我哋揀咗$348餐。湯底有多款選擇，包括香檸藤椒金湯，濃香番茄湯，皮蛋芫荽清湯，胡椒豬肚湯，花膠豆香魚湯，椰香沙嗲湯，蟲草花松茸湯等等十款湯底。其實$218個餐已經好抵，依個價錢可以任食草飼牛舌，澳洲牛肩胛肉眼，美國極上牛肉，澳洲羊肩肉等等高質肉，我地依個餐仲有升級雪花牛小排，澳洲M5和牛同澳洲手切牛肉，雖然係雪花，有啲入口即溶的感覺之餘，又唔會太過肥，幾款牛肉嘅牛味都好夠濃，各有特色！飲品方面，有多款經典飲品,同冷泡茶！其他精選配料有日本廣島蠔，帆立貝，海蝦，八爪墨魚滑，台灣東鮑片等等海鮮～都好新鮮同埋無腥味，啲廣島蠔隻隻size都唔細，而且任叫，加埋墨魚滑，蝦滑同我哋至愛嘅台灣鴨血真係食唔停，十分盡情！一餐嘅重點除左火鍋之外，當然係甜品啦！宇治抹茶芭菲一定係大家嘅首選！軟抹茶味濃，一啲都唔hea!窩夫外脆內軟，食落裏面有陣香味擁出嚟，大家一定要點吖！仲有推介大家食嘅就係咖啡奶凍，除咗咖啡味濃之餘，仲有黑糖珍珠響面，好有口感！依度除咗火鍋之外，飲品，炸物同甜品都一

今次嚟到銅鑼灣，哩度有間火鍋刺身放題，任飲任食兩個鐘🥳啱曬我同豬仔咁大食😝一於試吓😎🤗上菜好快！而且落單數量准確👍🏻餐廳出面有自助火鍋料、飲品、醬油，大家可以出去拿😆我地選擇B餐，已經有超過100種嘅食品選擇😍花膠豆香魚湯真係有花膠係湯底裏面‼️皮蛋芫荽清湯，皮蛋一大個，清熱降火一流👍🏻一人一煲好方便，真係好鍾意🥰🌟特別推介：牛肩胛肉眼、封門柳牛肉🐮🐮牛味較香濃，油花分佈好靚😍🌟大白蜆超鮮甜！一啲沙都冇😍大大粒！🌟生蠔大大隻好飽滿！好鮮甜😍必食三文魚、帶子、甜蝦✨刺身好鮮甜，新鮮！一定要試吓😋😋😋🔥三文魚親子軍艦✨三文魚非常鮮甜，入口即溶😋肥瘦相間，配上鮭魚卵好鮮甜😋咬口十足😍🔥串燒雞軟骨、串燒雞肉、燒菠蘿即叫即燒！熱辣辣！風味十足🤗🔥芝麻雞翼超香脆！芝麻好香，雞肉超滑😍即叫即炸✨甜品🍮哩度簡直係甜品控既天堂👼咩甜品都有齊😍今次豬女終於可以嚟一個甜品大全，差唔多每款都食曬😋款款甜品都好好食！🔥宇治抹茶芭菲呢個必點‼️🍵抹茶味偏濃，帶甘香！混合朱古力脆脆，加上紅豆同忌廉🤩一啖食晒🤪🔥榴槤芭菲真材實料，榴槤雪糕味好濃，仲有新鮮榴槤喺面頭，仲有朱古力脆脆、蒟蒻😍好多層次🔥軟雪糕窩夫🧇即叫即做嘅窩

牛之鍋，可以話係我近期食過最好食嘅一間打邊爐餐廳，估唔到而家仲有餐廳可以做到咁低價，咁高質素。我哋一打開個電話諗住落單，估唔到佢有咁多嘢食，佢嘅數量係比一般嘅餐廳多一倍以上。而家好多打邊爐嘅餐廳偷工減料，夜晚食飯只係得幾樣嘢可以叫，而且價錢一啲都唔平。而且可以食夠兩個鐘，慢慢食，消化完再食。食物嘅質素亦都非常之高，佢有好多種唔同嘅海鮮可以俾我叫，嚟到之後，你可以見到有部份嘅蝦仲識得郁，啲貝類海產都係非常之大隻，而且仲可以任叫任食，墨魚滑入面真係有大大粒墨魚。之後我哋叫咗唔同款式嘅牛肉，而家好多餐廳都係將啲說到硬晒嘅牛肉直接放上枱，賣相都已經唔好睇，但係呢度嘅牛肉，全部都紅卜卜，好飽滿，睇落係非常之新鮮，食落去都好多肉汁。除咗打邊爐嘅配料之外，亦都有好多熟食，各種唔同嘅小食都應有盡有，一定會有啱你食嘅。有時帶埋老人家嚟食，佢哋唔食生冷嘢，都有好多熟食可以即刻食，唔使佢哋等肚餓。甜品方面都係，款式實在太多啦，根本冇可能食晒咁多款。我哋最後揀咗同榴槤有關嘅甜品食，例如有個榴槤雪糕，佢真係有大大嘅榴槤肉喺入邊。仲有個榴槤pancake，一切開入邊，忌廉同埋榴槤肉嘅比例係一比一，你可以想像下，佢

打邊爐香港人個個都鍾意，我都成日去打邊爐，但係因為疫情之後，好多公司都因為成本同埋人手嘅問題，生意受到影響。繼而會將食材嘅質素下降，種類方面都會減少好多。但係銅鑼灣牛之鍋，係呢一期我食過最好食嘅餐廳之一。首先佢係兩小時任食，基本上喺市面上所有邊爐餐廳最長都係90分鐘任食，但係佢哋可以食120分鐘，真係好貼心，可以慢慢食。另外佢嘅食物款式都係非常之多，呢一個價錢可以食到好多款海鮮，而且仲可以任食，真係值回票價。而且呢啲海鮮全部都係好新鮮，望住個餐牌，咁多種類，未能夠每樣都食一次，已經飽曬啦。我最鍾意食係牛肉，因為一般打邊爐嘅餐廳，佢都係比啲好低質素嘅雪藏牛肉俾你，但係呢度竟然有封門柳食，出邊嘅餐廳完全比唔上。其他各樣嘅食物都真材實料，淨係睇我影嘅相已經知道佢好新鮮。食落肉質好嫩滑，好重牛味！炸物即叫即炸，新鮮熱辣辣！刺身新鮮甜美！另外喺甜品方面，選擇都非常之多，樣樣特別同好味，出面果啲放題無得比！仲有呢個季節最好食嘅榴槤，榴槤pancake入邊，真係好多榴槤肉，真材實料，啖啖肉。下次再食打邊爐，應該只係會考慮呢間牛之鍋。誠意推薦。

餐廳提供ABC餐三個選擇，我選了最頂級的C餐，湯底有十多款選擇，我選了重慶麻辣鍋底。 C餐可以吃勻所有牛肉選項，包括雪花牛小排，澳洲m5和牛和澳洲手切牛，牛肉口感不錯，喜歡吃口感的可以試試手切牛，厚切中間帶筋但不韌💓值得一試~喜歡牛肉片的可以試試雪花牛小排，也好吃當然除了牛肉之外，餐廳還提供各種壽司🍣/刺身/牛舌豬肉羊肉等火鍋肉片/炸物/燒物/沙律/海鮮/豆製品/澱粉....各種火鍋配料應有盡有，除此之外還有兩個冰櫃放著各種蔬菜等可以自己拿，飲料方面，外面三個冰箱，包括各種汽水，飲料，和餐廳自己做的冷泡茶和🍺隨便喝，反正我是眼睛想吃但肚子容不下那麼多好吃的必須推薦幾樣我覺得物超所值又好吃的東西首先餐廳刺身隨便吃這點已經很優秀了，火除了牛肉外，我最推薦的火鍋料是生蠔和墨魚滑蝦滑，很新鮮很好吃很彈牙寬粉，蔬菜，豆製品放進重慶麻辣鍋底一流食完還有幾款甜品可以歎，抹茶雪糕都非常有誠意，還有榴蓮炸彈可食，又是滿足的一餐喜歡選擇多的朋友可以來一試

好多朋友都仲係好鍾意去食放題壽司店，竟然俾我搵到一間集合了日式放題店和火鍋，位於銅鑼灣的牛之鍋，靠近時代廣場附近，裝修稱不上精緻，但係食物質素有驚喜，食物種類豐富，整體質素屬於中上，壽司、刺身、天婦羅、串燒都有齊哂，味道也認真唔錯，值得去試下，由A餐$208-C餐$328，今次我就試咗中間級數的B餐$268店員介紹可以選擇一人一鍋，或者鴛鴦鍋，可以試吓麻辣湯底或者胡椒豬肚湯，都係非常人氣！最難得係這裡的刺身係好新鮮，三文魚、甜蝦、帶子、北寄貝樣樣都有，最緊要係食材有質素，刺身質素真係唔錯的，秒殺唔少日式放題店肉類方面必點包括雪花牛小排、封門柳，好多唔同品種靚牛，上枱速度快，無乜漏單，雪花紋超靚，質量控制方面都要讚，海鮮方面，大蝦、海蜆和生蠔也不錯，超易回本飲品自助區有自家製嘅樽裝白桃烏龍、桂花烏龍外，亦有提供各款罐裝飲品，例如荔枝烏龍茶都係幾好飲，如果食麻辣嘅話，乳酸就非常解辣，好適合打邊爐飲甜品方面很多選擇，抹茶芭菲杯唔會太甜，同壽司郎有少少似，完美！最後，榴槤控一定要試吓榴槤班戟🥞 仲有數唔到嘅甜品，焦糖燉蛋和楊枝甘露，食唔停口！—————————————————牛之鍋 (銅鑼灣)

😛有冇人好似我咁對打邊爐好有癮最好就任食啦 爽D嘛😆見呢間牛之鍋有d餐平平地二百零蚊有交易呢度係用手機落單嘅📲食物種類選擇好多日式裝修 都算企理 ✨🌟熟食雞皮餃子～即炸好新鮮 外脆內軟 雞皮炸過好香炸蠔～超贊！調味好，唔油膩，蠔味鮮芝麻雞翼～大大隻又多肉 香脆！湯底叫左黃金湯同花膠豆乳湯🌟火鍋配料牛肉有幾款 當中美國極上牛肉最好食肥瘦適中 牛油味充足 肉質軟滑仲食咗炸魚皮/ 鴨血/丸類自助櫃 仲有唔同嘅蔬菜/麪食架🌟刺身及冷盤三文魚/北寄貝/甜蝦/ 泰式生蝦質素平均唔錯，提下大家泰式生蝦個汁自助吧有得拎架而自助飲品櫃有自家制嘅茶飲，汽水，紙包，啤酒等整體平均唔錯，二百零蚊ok啦！

我個人好鐘意食野，最好一餐食好多唔同既野，平時去開日式放題，估唔到呢間主打火鍋既餐廳都有放題野食。湯底揀左濃郁既魚湯同蕃茄湯。個餐d澳洲M5同牛小排超正，脂肪分佈好平均，又唔會過肥，食落又好香口，好正。另外個豚肉都好有豬肉味，本來以為得一種豚肉，只係叫一碟過下口引，點知原來好有豬味，食完再叫。仲有叫左蝦滑，豆腐，鵝腸等等。蝦滑有蝦味，鵝腸係真鵝腸唔係雞腸。除此之外，叫左d魚生食下，款款都有d，質素都可以，食得幾開心。又叫下芝麻雞翼，炸蝦，炸蠔，好滿足。飲食可以飲打邊爐必需既啤酒，仲要係純滑嘉士伯，朋友就鐘意飲冷泡茶。食飽飽有多種甜品揀，我揀左軟雪糕，好有奶味但甜左dd，食咁多野飽晒。下午套餐好似都抵食！

銅鑼灣美食攻略2023超抵食火鍋放題專門店晚市最平212起,派左消費券超多客午市171,好抵食,可選一人一鍋或大鍋一湯底,各有各好,仲有好多唔同熟食同刺身供應環境舒適,都係坐卡位唔會好迫,服務好快又送菜快,用電話下單,唔會點漏單,基本上都送齊,外面有自助吧,醬油吧湯底有多款選擇,個人喜歡椰香沙茶同壽司燒,突出食材味道,唔洗再另外點醬食飲品有多款供應,仲有啤酒!!冷泡菜~另外另外,肉有美國牛,極上牛肉,豚肉等選擇,牛肉偏濃肉味,唔錯,少油脂多款前菜類,有去骨鳳爪,爽口,仲有刺身任你選擇~自助區有多款新鮮蔬菜同麵食,自助自食免等牛肉質素唔錯,封門柳更加好味,很嫩滑,牛肉油花滑,肥牛唔錯刺身厚切鮮度夠,仲有多款壽司八爪魚,三文魚,帶子,甜蝦等等小食以炸雞翼最出色,炸物類都係唔錯甜品都係主角,估唔到呢,有中式西式日式,焦糖布甸最好食,另外仲有新地雪糕,夠大杯!!平均消費$250評分8/10銅鑼灣堅拿道西10號冠景樓2樓A號舖Shop A, 2/F, Top View Mansion, 10 Canal Road West, Causeway Bay #牛之鍋 #火鍋放題 #銅鑼灣美食 #開心香