牛之鍋

营业中

休息中

這間位於銅鑼灣的火鍋店，主打一人一鍋任飲任食火鍋放題，價錢超親民，任食配料選擇超多，性價比高，帶埋一家幾口一齊吃也不肉赤。晚市兩小時全飲任食任食火鍋套餐低至$188位起，我選了$248 套餐，超過200款日本料理、火鍋配料及即製甜品。湯底共有９款選擇，我選了蟲草花松茸湯，朋友則選了壽喜燒湯底，蟲草花松茸湯幾清甜，壽喜燒湯底甜甜地配牛肉一流。極上牛肉，牛味濃，牛魔王首選推介；封門柳脂肪低，富嚼勁；牛舌切得如紙薄，快滾五秒即食。任食刺身有三文魚、希靈魚、赤貝、北寄貝、甜蝦、赤貝、八爪魚、生蝦、帶子等，一品料理有沙律、燒物、天婦羅、揚物等，還有多款火鍋配料，自助蔬菜區及自助汽水啤酒區，2小時任飲任食一定吃到飽。 一人一鍋，可以揀自己喜歡的湯底，乾淨又衞生。QR code手機落order好方便，還可以逐件逐件單點，每款都淺嘗一下，不怕浪費食物，抵讚。最欣賞餐廳甜品款式超多，有綿綿冰、抹茶芭菲、抹茶雪糕、榴槤芭菲、榴槤班戟、榴槤甘露、芒果糯米飯、仙草芋圓、焦糖燉蛋、咖啡奶凍等等，樣樣都細細杯，一次過可以試多幾款。抹茶雪糕好好味，抹茶控記得留肚吃。

今次同朋友去銅鑼灣食$308任食刺身，壽司，火鍋~1.環境舒服，有卡枱，枱可以選擇共爐或獨立爐，十分細心！2.服務侍應們十分有禮貌，服務速度快！3. 食物壽司，刺身：種類都算多，而且新鮮。火鍋：湯底都有9 款，非常豐富。我揀左壽喜燒湯，唔會太咸，味道剛好~牛肉：肥瘦均勻，口感不錯， 而且每款牛肉都有紙條標明是什麼肉，十分細心！飲品：種類繁多，每人都包有一支酒，非常開心！甜品：記得要留肚食甜品，甜品都好多選擇，我最愛奶凍！其他火鍋食材都包羅萬有，熟食亦有多款選揀，味道ok! 總結：$308任食，選擇都非常多，食材都吸引，性價比高，值得推薦！

真心：改名做大腸桿菌樂園算啦,食兩舊即刻感覺唔對路, 煮幾耐都係搞到我食物中毒,食左幾舊就出左去出面樓梯休息(因為比左個又窄通風又差既位我地，透氣都難）我有唔妥之後冇再食,都係逃唔過又痾又嘔既命運。另外,野食無論外貌定係質素都係低到冇得再低,叫牛肉片係比牛肉碎,比D沙硯同死硯我地食。服務差，環境差，仲好意思收一個人兩舊幾水。奉勸大家去食D正路D既放題算，再唔係有可能似我依家一樣肚痛到訓唔著。二百幾食垃圾真係呃錢, 奉勸大家去食正常 D既放題算, 無謂有買難受既風險。

今日去完 銅鑼灣SOGO 用埋d coupon 就黎到期， 剩係諗點使左佢 都諗到頭都爆， 我個fd仲要我諗今晚食咩好， 個腦只係諗住 食d咩係可以唔使煩。 唯一出現係我腦海既 就係打邊爐放題。上網睇左睇 發現原來除左荃灣之外， 牛之鍋係銅鑼灣都有分店， 咁點可以阻止到我里個咁懶得諗食咩既人， 加上疲累嘅身軀。 諗都無諗就去walkin簡潔嘅裝修 實用大於花巧， 位置寬敞 唔使驚同隔籬枱會好迫好接近。 整體上來講都係舒適，傾偈都唔會驚隔籬枱聽到。 時間關係，我已經即刻落咗湯底， 晚市一共九款湯底 一人一鍋， 我就梗係要兩隻味都想試。 我自己就叫咗胡椒豬肚湯， 我朋友就叫咗重慶麻辣湯。 十分足料， 以為返左屋企飲呀媽d湯咁勁多款牛肉任你揀 我就咩都叫咗一d黎試， 當然唔少得嘅就係刺身啦。 非常之新鮮 帶子三文魚，甜蝦， 應有嘅水準都有當然點少得軍艦同埋壽司 仲有一大堆串燒同埋炸物 自製嘅烏龍茶 最意外嘅就係佢竟然有佢哋自製嘅甜品俾你揀， 咖啡味珍珠布甸， 綠茶紅豆麻糬雪糕。鮮奶布甸好精緻既焦糖布甸仲有我10分推介嘅軟芝士蛋糕 必食雖然我哋今次唔係最貴嘅餐， 但都足夠令我試晒咁多嘢之餘仲食

唔知你有冇一啲朋友，想一齊dinner嘅時候，又唔知食乜，就會揀去打邊爐 （因為乜都有唔使諗😂），我諗牛之鍋應該係一個幾好嘅選擇。其實佢個地理位置係近銅鑼灣站Times Square，係Tiffany嗰邊個出口出，一過鵝頸橋就係。喺地下嗰度左邊係樓梯右邊玻璃門一推入去，其實係lift嚟嘅(我以為係住宅入口，所以行樓梯），大家可以留意返。晚市兩小時任飲任食放題，有ABC三個選擇。因為係星期一夜晚，有啲Monday Blues又唔算太肚餓，所以揀咗保守的B餐，但其實都係極多嘢食好豐富。湯底有10款，我地揀咗麻而不辣嘅香檸滕椒金湯，同中女最愛蟲草花松茸湯（可揀一人一鍋或兩人一大鍋）任食嘅肉類用手機，丸丸同埋菜個啲，可以喺出邊凍櫃任揀，啲嘢多到我都唔知點講，大家可睇圖🤣 任食嘅牛肉肉，我強烈推介牛肩胛肉眼同埋封門柳，質素高，有牛味，肉質唔會韌。 凍櫃有好多唔同種類嘅菜，值得一讚嘅係佢有豆苗同蟲草花！！！好少打邊爐嘅地方，會有豆苗俾人揀，夾咗勁多嚟食，好滿足。 除咗火鍋配料，佢都有魚生串燒，仲有佢嘅甜品，一定要嗌佢個鮮奶燉蛋白！唔好睇佢好似唔打卡able，但其實超好味！

哩一間銅鑼灣嘅火鍋🥰放題幾高質，除咗可以任食牛肉，同埋各種打邊爐嘅配料之外，仲有好多日式料理😙和甜品！今晚同朋友嚟食🥩buffet，佢都都大贊哩一間的甜品好多款式~放題採用每人一個🔥細鍋嘅方式，可以同朋友各自打邊爐，我都幾鍾意呢種方法。🥘可以食得更加方便，又衛生。🐮肉類方面，我哋試咗美國肥牛肉、封門柳、牛肩胛肉眼等。而壽司，原來仲有🍣花之戀，創意卷物，軍艦等等。佢哋嘅炸物，🍢揚物都好出色，記住試埋呀！

深夜來個美食炸彈🤭上星期終於可以同老公打邊爐發現鍋鑼灣都係抵食火鍋+放題講緊係多達百幾款任食😧都只需$268所以誇張到我要拍片分享😂先從湯底講起 一人一鍋 有10款可選多人嘅話 可以個個唔同 我就要蟲草花松茸湯香味幾濃 味道都鮮味 自己可以再放啲菌類火鍋配料都好多種類 我自己推薦👇🏻美國牛肩胛肉眼 八爪墨魚滑至於放題方面 刺身壽司炸物 樣樣齊我最滿意係酥炸廣島蠔👍🏻皮薄 夠酥脆🙌🏼最後甜品有我最中意嘅榴連😹 芭菲好味😋每樣都細細份 但最重要係試到好多款滿足哂想咩都食啲嘅我🫶🏻

銅鑼灣其實任食打邊爐又似好少，有都好貴。今日去左一間好抵食，CP值激高嘅打邊爐x刺身壽司炸物放題x甜品放題。。呢間餐廳係無意中發現，因為有日係鵝頸橋底等巴士去朋友屋企而見到😂今晚就同朋友試一試。我地6點左右到，已經有幾枱客人食緊。餐廳環境好舒服，有卡位坐，仲有好多梳化位，一啲都唔迫。。。入座侍應會問食邊個餐同要咩湯底，我地揀左B餐同豬骨鍋。B餐基本上乜都有，刺身壽司炸物樣樣都齊哂！自助區有飲品同蔬菜，推薦自家制白桃烏龍茶，清香好飲！唔好諗多，乜都點啲食下先，好肚餓！基本上無漏單情況，寫幾多件都係俾足！刺身😍😍勁多款刺身！好推薦大家食帶子，鮮甜好味！仲有希靈魚脆卜卜！壽司🍣我地乜都嗌啲試下，花之戀勁好食！壽司飯細細件，仲有火炙芝士三文魚同蝦，好味！朋友話鰻魚壽司好正，一口氣食左6件😂😂炸物串燒即點即炸，上枱熱辣辣，芝麻雞翼好juicy，天婦羅唔會一舊粉，酥脆好味😋串燒雞軟骨串必點，加左孜然粉好香口。仲有仲有香芋丸同榴連炸彈，煙un又好味架！打邊爐材料有牛肩肉，封門柳，仲有牛舌，好少見。全部牛都有張紙仔，餐廳好薄切，咁樣淥幾秒就食得，好濃牛味好淋滑。。意想不到係有海鮮，魚片，蜆，青口，蝦，

今日行過銅鑼灣鵝頸橋附近，記起冠景樓雲集美食嘅了，今次試了其中一間火鍋放題☺️ 我哋叫咗B餐：$248湯底揀咗蟲草花松茸湯，味道濃又健康 套餐主打，牛肉澳洲M5和牛、手切牛、澳洲牛肩胛肉眼🐂 同美國封門柳，各有特色而且質數幾穩定👍，另外亦幾款海鮮供應，例如蝦、青口、蠔、沙白蜆，亦有雞肉、豚肉、羊肉，十分豐富！ 另外套餐仲有，甜品、刺身、沙律、燒物、壽司、手卷、軍艦、天婦羅、揚物及多款火鍋配料，仲有多款汽水啤酒供應🥤🍻 2小時任飲任食好滿足🤤牛之鍋銅鑼灣堅拿道西10號冠景樓2樓A號舖 #牛之鍋 #打邊爐 #火鍋放題 #銅鑼灣 #冠景樓 #hkfoodieclub

今晚和朋友去到銅鑼灣呢間牛之鍋食火鍋放題，一個價錢兩小時任飲任食就是爽。電話掃QR code下單，同時提供自助蔬菜區，z飲品區，十分方便。湯底方面多達十款可以選擇，今次揀了一人一鍋上，咁就可以食到兩個湯底，分別是香檸藤椒金湯和花膠荳香魚湯，前者帶點微微酸辣，後者香滑清甜，各有千秋。等火鍋湯滾的另一邊廂，食物陸續到了。一開始各點了美國封門柳牛肉和澳洲牛肩胛肉眼，牛味較重，而且好腍身，之後也點了幾碟牛。草飼牛舌相信大多數人很少火鍋食牛舌，但其實薄薄一片，只要掌握時間，火鍋同樣好食。另外也點了澳洲羊肩肉和特選豚肉，鍾意食肉的朋友要叫多幾碟。呢個餐原來也可以點海鮮，即刻點了大蜆、生蠔等，十分新鮮。其他火鍋配料也點了魚皮餃、鵝腸、蟹棒、豆腐、皇帝菜和稻庭烏冬等，選擇多多。話明放題又點止火鍋，刺身、壽司和熟食也有提供。熟食特別鍾意炸芝麻雞翼，炸到金黃色。最後，甜品是必須的，毫不猶疑點了焦糖燉蛋和蛋白燉鮮奶，夠曬養顏。下次食火鍋放題又多一個好地方選擇了！

牛之鍋 - 火鍋放題甜品專門店今日嚟到銅鑼灣一間火鍋專門店，主打火鍋、放題和甜品三合一嘅套餐，可以食盡多達200款以上嘅食品，仲可以食足兩個鐘添！晚市分為三個套餐，豐儉由人。B餐：$248/位最後我哋揀咗中間級別嘅放題套餐，因為可以食勻火鍋、日本料理同甜品。如果覺得唔夠喉，可以升級去到C餐，有更加多款升級刺身、再高級別嘅牛肉同埋朱古力火鍋。首先湯底係一人一鍋，多達10款湯底任君選擇，唔需要遷就人，自己鍾意邊款湯底都得。火鍋之前可以叫一叫放題嘅食品，例如款式都齊全嘅新鮮刺身、仲有多款壽司，推介三文魚刺身，啖啖肉又新鮮。到咗火鍋時間，牛肉就推薦澳洲牛肩胛肉眼同埋美國嘅封門柳；另外就係海鮮，有海蝦、青口同埋廣島蠔；最後就係火鍋必備嘅餃類、丸類。食完第一輪火鍋之後，可以叫埋日式料理，一般放題嘅炸物、燒物都一應俱全。最後當然要試吓甜品啦，有10幾款甜品選擇，唔會剩係得雪糕咁單調，一定要留肚食甜品啦！

2月7日下午3點幾去到，入面得3-4枱客，要左B餐，第一輪要左6粒帶子刺身，只來4粒，之後要要2-3次刺身，都係要4-6片三文魚，帶子同鮑魚片，但全部無來到，其他來唔齊同無來既就唔一一講啦，最後問職員點解刺身一直都無來，先開始再比，另外，食物選擇少，質素差，200幾元比佢好既選擇好多，呢到唔會再有下次😓

朋友仔想食放題， 但天氣又忽冷忽熱啱啱又開始轉涼， 病食啲暖笠笠嘅嘢就揀咗呢一間 火鍋放題， 又可以食刺身/🍣 壽司，🥘打邊爐🥢，串燒🍢🍡，炸物🍤仲有驚喜甜品🍦🍧🍨🍰🍩🍮🥧， 因為唔少放題都有甜品都係叫番嚟嘅切餅，冇乜誠意但呢度就零捨不同， 甜品真係非常出色， 而且火鍋嘅肉都唔錯， 雖然冇好豐富嘅刺身， 刺身不過不失甜品款式真係好豐富宇治抹茶芭菲😍外型一啲都唔馬虎， 幼滑香濃嘅抹茶雪糕配唔同嘅脆脆， 多重配搭有唔同口感榴槤金露雪糕， 上面竟然有好大嚿榴槤肉， 榴槤雪糕味濃郁，奶味唔會過重 🤩仲有窩夫 / 泡芙 / 燉奶 / 木瓜糖水

在openrice 買了早鳥時段的優惠券就嚟到期，所以今日嚟用左佢。湯底叫左1個蟲草花松茸和1個壽喜燒，2個都不俗，尤其壽喜燒用嚟灼牛類，真係幾夾，而且牛舌、牛肉水準都吾錯，刺身泰式蝦新鮮彈牙，帶子就細粒左d，炸蠔好香口，三文魚花之戀幾好味不過真係比較迷你，芝麻雞亦個皮脆卜卜。天婦羅炸蝦個皮比較厚，雞肉串個汁好似多咗啲，令人覺得個串燒吾新鮮。甜品雪糕窩夫嘅雪糕叫勁濃，窩夫應該系即整，因為系熱嘅，焦糖燉蛋和燉牛奶也不錯。

小妹自己都係做餐飲，平時出街食飯都會明白餐飲員既辛苦，所以一間餐廳有幾差都唔會發表任何意見，但今次既體驗真係唔係常人能接受，令到出現我第一編既食評。係openrice見到依間邊爐幾多好評就諗住試吓，點知….伏到一個點。一開始係門口等左半個鐘左右，其間我見到有個社交媒體網站分享間餐廳就有份手切牛肉，咁我就問佢分享完可以點拎，佢就叫我坐低咗同店員講就有。咁入到去，就有個妹妹指一指張櫃就走開左，咁我就自己坐低左就開始舉手(因為等入座既時候已經揀好哂)大概5分鐘左右就有人見到我地(我地坐係收銀，出餐位中間既枱，應該係最易望到既櫃)咁可能佢地太忙所以冇咩所謂。有個短頭髮姐姐過左黎，咁我就同佢講要A餐同埋揀湯底襯佢未走就即刻拎住分享左果頁問佢係咪會送，佢望一眼冇講嘢就走開左，過多10分鐘左右短頭髮姐姐又再過嚟放低QR code個牌叫我落單，咁我就順勢問多一次係咪有得送，佢就好似心情唔係咁好咁講左句 : 係 。咁我就掃code叫嘢食，點知望真啲發現佢寫我係B餐，咁我就舉手問清楚，今次都係短頭髮姐姐，我就話 : 我係叫A餐唔係B，佢可能個人比較冷淡，咩都冇講就拎住張單走開左，過咗大概半個鐘終於可以開