牛之鍋

营业中

休息中

午市放題？ 你叫三碟牛，每次嚟得一碟..重要每次要等成10分鐘..重要次次叫，我係嚟消費同食得開心架，唔係下下嚟chur單架，另外 想要叫丸類 ？明明叫左幾多粒..都係嚟得每人一粒，食到成肚氣，最後個甜品？每人食一份 都可以嘅，再叫多份品質就會變差，連牛肉都係甘..最後果幾碟..牛肉重溥過報紙..唔好指望放題 佢會好大方，比你食好多野..請我都唔會再去！建議：如果做唔到甘抵既價錢 就唔好做午市放題吧，客人嚟食放題都唔會一碟起二碟止啦！

呢間火鍋放題好！有！驚！喜！除咗有任食火鍋配料之外，仲有任食日本料理同即制甜品，而且仲要好高質，有別於一般放題質素！仲要價錢其實同一般放題差唔多，甚至仲平，所以真係好抵食！入座後，店員好貼心呀！送上佢哋自家出品嘅口罩套，仲幾靚添😙火鍋湯底方面除咗可以叫一人一鍋，或者可以要個鴛鴦大鍋。湯底有8款：九州豬骨湯、壽喜燒、蕃茄薯仔牛粒湯、清甜椰青湯、皮蛋芫荽清湯、麻辣湯、胡椒豬肚湯、蟲草花松茸湯。呢晚我地就叫咗個麻辣湯同蕃茄薯仔牛粒湯雙拼。麻辣湯麻香十足，味道香辣，食食下都有啲出汗，好正！啱哂冬天食啦！蕃茄湯茄味濃郁，酸甜開胃！外面有自助蔬菜區，蔬菜乾淨新鮮而且都有唔少嘅選擇！除咗菜，仲有菇類、枝竹、芋絲、生根、南瓜片等等。飲品同醬油一樣係自助，飲品除咗罐裝汽水同紙包飲品外，仲有啤酒任飲！肉類方面，有美國牛肉、美國極上牛肉、紐西蘭羊肩肉、特選豚肉都係任食嘅，仲有大細碟size可以揀。我地點咗兩款牛肉同豚肉，全部都色澤亮麗，睇賣相都知質素唔錯！美國牛肉肥瘦適中，肉質嫩滑。美國極上牛肉肉味香濃！海鮮方面都好新鮮，最鐘意食蝦，肉質鮮味彈牙，大白蜆都好，冇沙兼飽滿！呢度嘅丸類亦都係高質丸，特別推介佢哋

之前喺荃灣食過 牛の鍋 感覺良好，最近發現銅鑼灣都開咗分店，一樣咁抵嘅價錢喺銅鑼灣食日式火鍋放題料理來講，CP值真的超高。牛の鍋 銅鑼灣分店地點非常便利，就在鵝頸橋附近，新裝修乾淨衛生，晚餐特價時段埋單不用 $200。一次過可以品嚐日本料理、火鍋、即製甜品超過200款，兩小時任飲任食真是滿足到不得了。火鍋湯底仲可以揀一人一小窩火鍋湯底，自私食唔驚互相感染，安全又衛生。我首先揀了麻辣湯底，配牛肉吃最惹味。沙律/一品料理蟹子沙律最開胃，芝麻八爪魚、螺肉、醬汁金菇牛肉卷；這些一品料理平時都要幾十蚊一碟，現在任食真係抵！刺身天氣開始涼食少左刺身生冷野，但仍然忍不住要吃三文魚、包片、甜蝦、希靈魚、帶子等等的刺身，肉質非常新鮮，味道鮮甜，質素不錯，推介一吃。燒物我個人覺得一定不能錯過芝士燒蟹蓋、燒雞泡魚乾。 芝士燒蟹蓋：蟹蓋上鋪滿芝士味道濃郁，淡淡蟹肉食得開心。燒雞泡魚乾送啤酒一流。壽司估唔到壽司質素非同凡響，一啲都唔似放題質素的壽司。赤背、黑松露帶子必食之選。天婦羅/揚物芝麻雞翼不得不吃，外脆肉嫩又多汁。黃金炸生蠔，鮮甜又唔腥，入口creamy。當然唔少得大蝦天婦羅啦！蝦肉彈牙爽甜，真心好味沒法

火鍋放題大家都應該有食過，而且都有不同種類美食提供，其實仲可以加入特色美食增加吸引力，今次同好友一同去咗銅鑼灣呢間日式火鍋放題料理店品嚐一餐，焦點之一係有呢款全新放题，日本料理+火鍋+即製甜品，計埋有200多款食物，俾大家享用兩小時任飲任食放題，先點咗湯底有8款口味咁多，而且每人都提供一人火鍋又夠衛生，再點埋火鍋配料一陣備用，當然先品嚐各款日本料理，刺身係首選之一，一次過點晒全部刺身夠晒豐富，三文魚肉質肥美飽滿，再食件北寄貝同赤貝又有一番風味，接住有多款壽司逐個一享用，黑松露帶子壽司、火炙芝士蝦壽司、赤貝壽司、燒鰻魚壽司都係我必食心水之選，食完一輪日本料理又到火鍋，一碟碟美國牛肉同極上牛肉，大大啖入口食到香嫩肥美牛肉，滿口滋味肉汁正，又繼續一邊食其他海鮮配料，生猛海蝦、日本廣島蠔、帆立貝等鮮味十足，同時又一邊品嚐多款即叫即炸天婦羅同燒物，食得相當滿足，最後一定食番幾款即制甜品，我就食咗榴槤班戟、榴槤甘露同扭紋抹茶新地再加個薑汁湯圓，咁又品嚐完一餐日式料理火鍋。

5:30嚟到唔使排隊因為訂咗位 今日入座率有七八成職員好快咁問我哋要咩湯底同埋揀要刺身定係唔刺身嘅set醬料區好齊全 蔬菜亦都好新鮮 有大路嘢 例如粟米翠玉瓜金菇雞髀菇等等日式炸物有香芋波 榴槤炸彈同埋一啲雞肉串雞泡魚光雞軟骨章魚小丸子等等叫咗兩碟極上牛肉都唔錯 質素都唔錯有牛味 但係略為薄身 不過不失甜品方面最愛佢嘅綠茶巴菲特 同埋藍妹芝士木糠 不過最好食係佢嘅窩夫好脆 同埋朱古力慕絲都唔錯 佢嘅雪糕普遍都係高質嘅唔會太甜 無論係雲呢拿定係抹茶都係好滑 可以食好幾杯刺身都好鬼新鮮三文魚同埋帶子係要encore 總結：-地理位置近銅鑼灣時代廣場-$218包埋刺身免收+1性價比算高-食物種類都算豐富一定飽肚-值得一試

約咗個朋友去打邊爐 揀中呢間牛之鍋 經店員介紹幾款湯底之後 就揀咗蟲草花湯底 聞落幾香 有啲啲藥材味 即刻叫左碟極上牛嚟試 碟牛就咁望落已經唔錯 食落好夠牛味同埋有幾均勻嘅油脂感 佢仲有多款壽司刺身 呢樣就以火鍋店嚟講算唔錯 期間都叫咗火鍋嘅其他配料 都一啲唔差 魚彈肉丸唔會係一般麵粉頭嘅口感 而係夠味彈牙最後同個朋友每人叫咗六種甜品share 每樣唔算話好好味 但就比你試到果種甜品應該有嘅特色 同埋每樣唔會好大杯好大碟 絕對過到口癮

原來牛之鍋開店開到黎銅鑼灣，今次同朋友專程上黎捧場!因為新開業，整體乾淨整潔，燈光偏柔和，唔會太光猛自助區好多野揀，飲品更加任飲，最緊要係有生啤任飲，鍾意生啤既人一定岩飲!!醬料區正正常常，最緊要佢有生雞蛋提供!! 打邊爐最緊要係要有生雞蛋食物方面有整整八張紙既選擇，真係令人花多眼亂，最開心係海鮮，蝦、蠔、青口、蜆任點任食，除左任食牛，海鮮都好吸引同朋友點左椰青同松茸湯底雙拼，味道都偏清甜，鮮海鮮同肉就岩哂!!!佢既刺身都好迎鮮，最緊要係甜蝦無任何沙，食得開心又安心，值得encore未食肉之前食D菜打下底，佢既生菜氾得乾淨又新鮮，好食!海鮮都同朋友點左好多，蠔、青口同蝦最值得encore，青口夠甜；蠔味道夠濃；蝦夠新鮮夠彈牙，整體都無伏野兩種牛一種豬，美國牛肉脂肪最多，油脂味較香；美國極上牛肉，脂肪較少肉味較濃如果唔怕肥，我最推薦佢既特選豚肉!!! 佢真係一半脂肪一半肉，入口軟滑，油脂香同肉味都好均勻，入口即溶咁，超正!燒物、一品料理同炸物方面水準都唔錯，但串燒有點乾，一品料理既牛舌好正!另外都試左佢既其他火鍋配料，佢既丸類比較出色，尤其係墨魚丸同牛筋丸韮菜餃比較有舟色，推薦大家試虐，

今日下班去了銅鑼灣行街，希望用咗SOGO的禮品券。然後去一間新開的火鍋店食晚飯，火鍋店位於堅拿道橋底，如果要搭lift的話入去要按密碼，去到餐廳已經被那個可以飲draft beer的啤酒機吸引。去到見到餐牌有魚生食然後又有日式放題及火鍋等食物令我十分驚喜，我們點了油甘魚帶子及鮑片等魚生，然後各自叫了一個湯底。因為枱面上的電池爐可以分開湯底也可以合併當睇感覺很創新。這裏的牛肉及羊肉都很好吃我們點了四至五碟羊肉。另外也送了一個塑膠口罩套給我們。感覺很溫馨，餐廳很為人設想服務員也很好，下次一定會再去。

最近見到牛之鍋 午市二小時火鍋任食放題 $118 好抵食🤩新分店仲要喺銅鑼灣好方便就去試下🤔.火鍋湯底(2 客)🍲重慶麻辣湯，小辣中麻🌶放肉落去滾一陣已經好入味😬蕃茄薯仔牛粒湯🍅入面本身已經有少少湯料🥔蕃茄湯底滾蔬菜就啱曬😌.美國極上牛肉、美國牛肉🐄特選豚肉🐖紐西蘭羊肩肉🐑美國極上牛肉油脂少啲，都幾嫩滑😗美國牛肉油脂含量多啲🐂油脂感重啲😆特選豚肉係五花腩薄切，都幾好🤤.午市火鍋配料🥢比較推介麻吉燒🔥芝士波波腸🧀龍蝦丸🤗麻吉燒 QQ 得尼有魚味🐟絕對有驚喜😋.自助蔬菜吧、醬料區🥬有多款蔬菜🥕🌽豆製品、麵食🍜菇菌🍄南瓜🎃另外可以自行配搭醬汁😉.自家制甜品🍮榴槤班戟個皮唔錯👍🏻入面嘅 cream 唔會太甜，榴槤肉香濃😝芒果布甸入面有粒粒香甜芒果🥭同伯爵茶奶凍🥛茶味超濃😜鍾意伯爵茶嘅人士不能錯過🤎幾高質㗎.自助飲品吧🧃🥤有啤酒、酒精飲品🍻紙盒包裝嘅茶飲🍵汽水🥤蜜瓜荳奶🍈仲有韓國人氣罐裝飲品

秋風起，最啱打邊爐，餓底這天相約大食又食極唔肥朋友來到牛之鍋 ，準備擦餐勁！ 午市放題好抵食，有齊牛肉羊肉豬肉，四大碟肉！兩個人份量，也太誇張了吧，大食朋友都嚇親！哈！ 蔬菜方面，是自助的，有廿多款，看上去都幾新鮮靚仔，飲品櫃選擇也多，正當餓底想找有沒有丸類，就發現有張紙是點丸類的，yeah! 湯底方面，有四個選擇，叫了兩個個人鍋，分別是壽喜燒及蕃茄牛肉湯，湯鍋細細，一人一鍋幾好！ 最後仲有甜品可以叫，餓底食左個奶茶凍(唔記得影相)同雪糕，好滿足！呢餐放題超多野食，仲唔貴，性價比贏晒！

食火鍋最緊要有靚牛肉，但係出去任食又要有靚牛肉真係唔容易，依間係銅鑼灣新開既日式火鍋就做到😆依度既午市火鍋放題只需要$118就可以食到可以無限追加既美國極上牛肉。湯底有四款選擇，九州豬骨湯，壽喜燒，蕃茄薯仔牛粒湯同重慶麻辣湯可以揀。今次我地就揀左甜甜地既壽喜燒。除左牛肉，出面仲有自助蔬菜吧可以自取。飲品方面亦都好多選擇，仲有啤酒機可以自己斟😍😍依度既牛肉質素真係唔錯，極上牛肉好嫩滑，一d都唔韌，而且好有肉味，壽喜燒湯底再點少少蛋漿食好好味。豚肉既質素亦好高，肉質比較爽。甜品有榴槤pancake同芒果布甸😍😍😍$118可以食到咁多野揀直係超值！！

閒日$228 任食2小時，新張優惠仲有9折！姐係$205咋！！有刺身、火鍋、日式料理、飲品、甜品，真係抵到不得了.首先湯底有好多料好夠味，麻辣堅辣，肉類好薄切，食落唔會鞋，美國牛肉係好食過美國極上牛肉，油脂分布均勻好嫩滑，最好食都係特選豚肉，用五花腩薄切，配麻辣鍋一流👍🏻.刺身全部都好新鮮，三文魚係正常超市買到嗰種，唔會比啲邊位/黑晒連皮，比一般放題店仲好食.炸物都冇令我失望，好多放題店都會比凍哂又厚粉，呢間我強烈推介芝麻雞翼、墨魚餅，熱辣辣又脆卜卜.重點來了！呢度甜品係好食過出邊嘅甜品舖好多，令我懷疑呢間野其實係主打甜品，竟然有綠茶雪芭杯，淨係呢杯都值$40up 呀！窩夫係即製，外脆內鬆軟熱辣辣，可以稱得上係我食過最好食嘅窩夫🤣伯爵茶奶凍超濃茶味，仲有啲彈牙珍珠😋.另外可能由於新開張人少嘅關係，店員服務態度都好好，希望keep到🤣

今次去呢間火鍋店同同其他主流放題餐廳唔一樣，地址都幾偏，都無好顯眼嘅大招牌，如果唔係上網搵，都唔知新開一間放題加火鍋餐廳，地方闊落，張枱又夠大，放再多野食，人再多都唔怕👍🏻－－－－－－1. 麻辣湯呢度既麻辣湯做得非常出色，辣得黎又帶香味，平時食放題叫麻辣湯都係淨係見到湯無料，但呢次係可以見到個煲既湯料非常足，唔怪得咁夠味！2. 刺身我地叫左幾款刺身，都唔錯，特別係帶子刺身同埋甜蝦刺身🤤另外食物都算多，而且質素都可以，最值得一讚係員工服務態度非常好，又夠親切另外價錢都係一大賣點，比起好多放題餐廳，呢間價錢真係好平，性價比都唔差，如果一班朋友去食，都非常值得一試

牛之鍋開到去銅鑼灣🎉！有食過牛之鍋荃灣分店既朋友應該都知道佢地幾高質，特別係佢地個甜品section，係即叫即製比一般放題店有heart得多💓！今次去到佢地既銅鑼灣分店，座位都好闊落，而且可以選一人一鍋，疫情時期下可以更加衛生🤗~入座仲會比埋口罩夾，好細心😃湯底有蕃茄薯仔牛粒湯、清甜椰青湯、蟲草花松茸湯、麻辣湯等等，幾有特色😄；飲品種類亦有好多，除左一般既汽水、茶之外，仲有枝裝同罐裝啤酒🍻！ 係等個爐熱既時候，可以食啲刺身、壽司、沙律、日式料理、炸物、燒物開開胃😆，啲刺身新鮮鮮甜；壽司方面必食海膽三文魚籽軍艦同芒果吉列蝦卷😉！日式料理既日本章魚燒同醬汁金菇牛肉卷熱辣辣，都好好味吖😘。炸物就有黃金炸生蠔、榴槤炸彈、芝士春卷、紫金香芋丸等等，真係樣樣都想試下咁吖😎！ 至於打邊爐既蔬菜類就可以係出面自助區度拎，大路既種類都會有，至於丸類、肉類呢啲呢就要寫放題紙啦(店員話遲下會有返QR CODE落單，咁都幾方便~)愛牛人士千祺唔好放過佢地既極上牛肉😝，K叫左三盤，三盤質素都好好，油花好靚而且厚薄切得岩岩好，輕輕碌一陣就食得🤤🤤~火鍋料回本位仲有海蝦、青口、半殼帆立貝、日本廣島蠔等等既海鮮😌；唔

牛の鍋 - 抵食任食日式火鍋荃灣的總店一向都想試試，但不是荃灣人，很少機會，最近知道分店進駐銅鑼灣，終於可以食到了！湯底選了壽喜燒和九洲豬骨湯，一人一鍋超級正！鮮肉類、海鮮類美國極上牛肉、羊肉片和特選豚肉，海鮮有帆立貝、廣島蠔，最愛極上牛肉片，肉味濃，油脂又多。丸物火鍋配料類丸類比起一般的火鍋店特別，有粟米流心丸、黃金麻吉燒和芝士波波腸；經典的芝心丸、墨魚丸、牛丸和貢丸也可選擇。刺身、壽司類刺身、壽司、卷物、火炙和手卷都有提供，有燒鰻魚、三文魚腩、黑松露帶子，更有最愛的海膽！燒物炸物燒物有爽口醬汁金菇牛肉卷、腍身醬汁牛舌、日本雞軟骨和放題必食的燒菠蘿，熱騰騰的黃金炸蠔、各式各樣的天掃羅。甜品類即叫即做系列，款式選擇多，芭菲，雪糕窩夫、綿綿冰、芋圓仙草、慕絲，應有盡有，推介宇治抹茶芭菲！