牛之鍋

营业中

休息中

今次食左呢間餐廳係性價比超高！晚市放題兩小時，日本料理、火鍋、甜品，任飲任食，7:30前離座，成人只需$198!每樣野都好高質✔️✔️✔️🥗沙律🥗特別推介:日本章魚燒、黑松露牛油粟米、醬汁牛舌、金菇牛肉卷！唔係好多放題店舖會提供！把握機會，食多幾件😂🐟刺身🐟多達九款!有人人必食嘅三文魚、甜蝦、劍魚腩等，好夠冰涷，而且好新鮮，全部都好鮮甜！🪔燒物🪔芝士燒蟹蓋真係有蟹肉絲。燒雞泡魚乾就最啱全場任飲嘅啤酒！雞軟骨卜卜脆！燒菠蘿一定係不可或缺的燒物，好細心會挑咗中間個芯，啖啖肉！🍣壽司卷物軍艦🍣黑松露帶子、火焰芝士蝦、海膽手卷、海膽三文魚，呢啲高級壽司都有得食，最正係飯少料多，好滿足！天婦羅炸物🥲由於要留肚打邊爐，所以冇乜點叫，淨係食咗個榴槤炸彈，外脆內軟層層濃香，榴槤控嘅你一定要試！火鍋湯底揀咗1個清甜椰青湯，1個蟲草花松茸湯！美國極上牛肉肉質柔嫩多汁，油花分布均勻，羊肉、豚肉都有！當然，火鍋少不了的各類火鍋料、蔬菜、丸子、海鮮、泡麵和醬料等重要配角都可以無限次添加，為火鍋增添無限風味。最後唔少得即製甜品！每樣都係mini size，可以試多啲不同款式！今次呢餐絕對冇令我失望🤡👏🏻👏🏻👏🏻👏🏻👏🏻

男朋友生日，佢講到明想食打邊爐，所以就預約咗呢一間牛之鍋。首先環境都幾寬敞，唔洗驚會有打邊爐嘅味道！湯底嘅款式比較少見亦都比較特別，今晚我哋叫咗蕃茄薯仔牛粒湯，清甜椰青湯。一上枱已經好香，蕃茄湯底煲到最後啲薯仔粒溶晒超好味！打邊爐款式超多，有美國極上牛肉、美國牛肉、紐西蘭羊肩肉和豚肉。每一款肉都各具特色，當中美國極上牛肉切得相當平均，雪花唔太多，牛味不太濃！如果想食油脂重少少嘅，濃味小小就推介美國肥牛肉。火鍋配料，無論蔬菜，醬料，飲品都以自助形式去外面自己夾，食幾多夾幾多，其他丸類都係以落單紙寫。特別推介牛筋丸，牛味幾重幾爽口！除咗打邊爐之外，仲可以叫埋刺身同海鮮，當日刺身款式都幾齊，除咗最普遍嘅三文魚，仲有帶子、甜蝦、鮑片、北寄貝同赤貝！海鮮亦都有青口、廣島蠔 、扇貝等等，全部都非常新鮮，而且冇沙無多餘嘅碎殼！店舖內仲有一口嘅壽司，海膽都10分鮮甜！上網睇到好多人讚佢嘅甜品，我都要讚埋一份！宇治抹茶芭菲、扭紋抹茶新地、軟雪糕窩夫、精選綿綿冰、泰式芒果糯米飯、榴槤班戟、仙草芋圓，每一樣都新鮮製作！ 宇治抹茶芭菲，抹茶雪糕非常之濃郁，唔會太甜，而且入邊仲有朱古力脆脆，增加左個口感！另一

等左咁耐,終於可以同朋友出去食返個放題! 揀左銅鑼灣Oishi Shabu 牛之鍋 空間感十足,唔會似其他放題店要同隔離枱坐埋一齊!! 有日式放題 / 火鍋 /甜品幾個組合! 一定要試哂3樣! 因為CP 值超高! 日式放題 選擇夠多基本上平時見到既都會有齊! 刺身夠新鮮, 唔會有一大陣雪味/食落仲係冰 總共點左 2 Round, 夠哂滿足! 火鍋放題 可以選擇1人1鍋 或者 2人1鍋, 貪心想試多款湯底. 所以我地揀左1人1鍋, 方便又衛生 , 湯底選擇多, 實有一款岩你. 蔬菜選擇非常多! 自己出去慢慢揀! 朋友好欣賞佢地既木耳, 口感一流 夠新鮮. 肉類有豬牛羊, 而且仲有得選擇大 & 小碟! 甜品放題絕對絕對不能錯過. 因為佢地甜品既質素比出面既甜品店更出色! 選擇超多!而且基本上其他放題唔會出現. 你會驚訝點解比出面既甜品店更好食由於我地都非常鍾意食甜品, 所以差唔多試哂咁多款. 淨係食甜品放題都抵哂! 欣賞放題店每樣既份量非常人性化! 雖然第1次見到時有點驚訝,每樣既份量都好人性化, 其實除左唔會浪費食物之外,更加可以試多D唔同種類既其他食物! 何樂而不為呢? 所以落單寫份量

有番晚市堂食確係一個好消息，可以像平時一樣咁到處覓食，當然堂食氣氛同外賣食都差好遠，最緊要係即叫即整保証食到熱辣辣嘅食物份外高興，今晚就去了銅鑼灣呢間牛之鍋品嚐一餐食火鍋放題，最吸引之處係配搭了日本料理＋即製甜品，比較少見到呢類放題，一開始先點了多款新鮮爽彈刺身，三文魚、劍魚腩、帶子、北寄貝同有頭甜蝦，係必食首選正，緊接有各款份量十足壽司，鰻魚、黑松露帶子、赤貝同蟹籽軍艦，再食件鮮甜海膽手卷食得滿足，輪到有金黃香脆嘅天婦羅同揚物，入口外脆內軟薄薄的粉漿包住各式各樣嘅食材惹味十足，自己就鍾意食榴槤炸彈、黃金炸生蠔、芝麻雞翼、大蝦天婦羅等，一邊食住日本料理同時間火鍋亦開始，最貼心嘅係可以一人一鍋點心水鍋底，家陣惠顧各種放題兩位起送極上雪花牛小排，入口肉質飽滿脂肪又肥美，落埋火鍋配料又繼續品嚐一番，先有美國極上牛肉，肉味香濃又嫩滑，特選豚肉肉質肥瘦適中，仲有彈牙生猛海蝦，飽滿多汁廣島蠔等，連同韭菜豬肉餃同各式丸類，加埋自助區食得又豐富，輪到即製甜品有十多款選擇有冷有熱，重量級有宇冶抹茶芭菲、扭紋抹茶新地同窩夫，熱食有3.6牛奶燉木瓜雪耳、薑汁湯圓，楊枝甘露、芒果布甸等，食埋甜品已經滿足食慾，

今日有屋企人生日 就一齊高高興興去打邊爐啦 去到銅鑼灣嘅呢間牛之鍋日式放題火鍋店 度食晚餐 夜晚嚟到都唔係太多人 四個人畀咗張六人枱坐得超舒適 可以揀一大煲定係一人一鍋 疫情關係 我哋就揀咗一人一鍋 十分貼心醬料同蔬菜飲品都係自助仲有各式各樣嘅刺身任點任食 有三文魚 帶子 八爪魚 赤貝等等 全部都幾新鮮仲有唔同嘅串燒同炸物都係任點 照釀蟹蓋 幾特別 唔係度度有到咗主角火鍋啦 美國極上牛肉油花分佈好靚 牛肉味濃郁豬腩片食落爽口羊肉片超級蘇 唔係太啱我新鮮海蝦 廣島蠔 都夠新鮮 每次嘅份量都足夠最後記得留肚食甜品 呢間餐廳嘅甜品十分有水準 仲係任食 藍莓芝士杯 芝士味濃郁 忌廉夠滑溜 加上酸酸甜甜嘅藍莓醬 好夾楊枝甘露 同出面甜品舖幾十蚊嘅質素有得揮宇治抹茶芭菲 抹茶雪糕抹茶味同奶味都好足夠 入面仲有紅豆 忌廉粟米片等等 口感層次豐富

近住鵝頸橋附近開左間打邊爐既鋪，專食牛肉同日式料理，出於好奇心同埋肚餓既我，當然要去試試去到發現原來有2個plan可以選擇，我同朋友就揀左plan a，因為咩都可以試到，如果唔食日本料理既就可以揀plan b，兩者都係入座起計食2個鐘頭入座之後二話不說就揀好湯底，叫左一個麻辣湯，一個蟲草花松茸湯，之後就開始揀野食，點菜單成本字典咁厚，我地就一張張睇，有刺身，壽司，串燒，凍肉，海鮮麻辣湯底香辣夠味，好有四川既感覺，蟲草花湯就好似老火湯咁，非常香甜夠味，忍唔住飲左少少美國極上牛雖然較薄，但仍有牛味，而且可以揀大碟/細碟，岩晒咩都想試既人刺身方面款式都多，而且無雪味，好多放題既刺身都有雪味，但呢度就無呢個問題整體黎講呢個價錢又食到打邊爐又食到日本野都真係相當抵食

終於可以四個人一齊出街食飯，所以我哋即刻約咗四人火鍋放題💜佢個火鍋可以大鍋 或者 一人一個細鍋佢有分A B餐放題，因為見唔係差太多價錢，我地就選左A餐放題，可以食埋壽司刺身。我自己就要左椰子湯底，清甜清甜，唔錯。我朋友叫左個蟲草，勁好味，下次我都會選呢個蟲草。蔬菜類就自己拎個碟出去夾，選擇都算多吃火鍋前先吃了兩轉刺身同埋佢地壽司係細細粒，唔驚話太飽，黑松露帶子好肥美。佢上菜速度都算幾快，而且差唔多同一時間送上台，very good❤️前菜都好味，唔會求其最後，好值得大讚既甜品，佢唔係好普通嘅甜品唔係普通一杯雪糕，而真係有水準既甜品。佢個窩夫勁好味，到定要試，真係cafe水準，他布甸、芒果糯米飯、班cake都好味，而且份量迷你，可以share食好多款。我地4個女仔基本上點哂會有興趣既甜品，勁滿意❤️ 藍妹芝士杯勁好味，楊枝甘露都好味，仲有個珍珠伯爵茶奶凍超濃伯爵茶👍🏽

最近我報復式消費，銅鑼灣shopping之後就去咗好耐冇食過嘅 牛の鍋 放題。啱晒年青人嘅口味，就近銅鑼灣時代廣場對面，交通位置都好方便，而且價錢唔貴，二百幾蚊就可以食到好滿足。火鍋湯底可以選擇每人一鍋，乾淨衛生之餘，各人可以品嚐自己喜歡的獨特口味，我就揀咗滋陰保養的 蟲草花 松茸湯，非常足料。火鍋配料極上雪花牛小排而家做緊 社交平台 優惠，Like and share 送一碟真係好讚！美國極上牛肉、美國牛肉我哋幾位朋友都鍾意食牛肉，這裏的美國極上牛肉和美國牛肉都好味到不得了，雪花分布平均，牛的油脂入口順滑，牛肉肉味濃郁，一邊食一邊都讚不絕口。特選豚肉如果唔食牛嘅就可以揀特選豚肉，口味質感有點像日本 shabu shabu!生猛海鮮估唔到海鮮質素都幾好，海蝦、日本廣島蠔、台灣東鮑片、半殼帆立貝、大白蜆；全部都鮮甜可口，冇腥味，爽滑彈牙，推介必食！刺身另一款值得品嚐的就是刺身了，三文魚、劍魚腩、帶子、北寄貝、有頭甜蝦等等，入口肥美，新鮮美味，色澤亮麗，有冰鎮保持冷凍，鮮味彈牙。壽司、手卷、軍艦媽咪就最鍾意每樣食啲，一坐低就問有冇熟嘢食，燒鰻魚壽司、黑松露帶子壽司、芒果吉列蝦卷、海膽三文魚

疫情放寬左有晚市，襯著朋友生日去左銅鑼灣的牛之鍋打邊爐，火鍋+放題的餐廳，裝修好簡單舒服😌選擇左晚市放題兩小時任食，有多款美食包括有日本料理和火鍋配料，超過200款食材，真係好抵食！首先選擇湯底可以揀一人一鍋或簡大鍋，選擇左九州豬骨湯底和皮蛋湯底，味道唔錯，湯底均是真材實料。打邊爐當然唔少得牛肉，點左極上牛肉，肉質鮮嫩有牛味，而且雪花紋很平均，薄薄一片都很有質感。海鮮方面點左日本廣島蠔、蝦、帶子、蜆，款款很新，特別是蠔要再點👍🏻👍🏻壽司方面有很多選擇，我們點了花之戀、海膽蟹子壽司、三文魚壽司及芒果炸蝦壽司、海膽魚子壽司，海膽三文魚子是我最愛點完又點鮮甜滑溜👍🏻宇治抹茶芭菲 綠茶雪糕唔會很甜，有很多配料，十分豐富。榴槤甘露新鮮榴槤肉配上椰汁西米黑糖珍珠，濃濃的榴槤味很香濃細滑，富有口感😋

來到牛之鍋，以為只有打邊爐，原來仲有放題！火鍋配料紙主要3 張，數10 款。應有盡有。有丸類，海鮮，精緻食品等，湯底選擇也不少。我覺得火鍋一定要雙拼，有辣有吾辣。任君選擇。個人就選了麻辣和胡椒豬肚湯底。 打邊爐的精髓除了食材新鮮，湯底就係靈魂。 湯底一滾就即刻嚐下湯底， 係足料湯底， 好味道。 湯底可以選擇一人鍋or 大鍋。疫情間如果擔心衛生就可以選擇一人鍋。想法周到。除了填紙外面有配菜和醬料選擇。 除左有蝦，蜆，青口，元貝等等海鮮之外，仲可以選擇極上美國牛，油脂分布平均，值得一讚！有麻辣湯底就一定要選擇蘿蔔，竽絲，䈑筍，薯粉等可以盡吸湯底味道的食材。意料之外的是蘿蔔，沒有蘿蔔絲所以好爽，好甜。夠水份。放題食物就有6張紙，包括熟食，壽司，刺身，甜品等等。刺身新鮮，可以食得出爽口，完全沒有腥味，顏色都是鮮艷，絕對不是存放已久的貨色。而且種類多，一定會適合你。熟食方面亦有非常多選擇，叫了芝士燒蟹蓋，大大個蟹蓋，裏面真的有很多蟹肉，食幾個已經可以回本！仲有串燒等等，都係即叫即燒，新鮮熱辣！而甜品全部都係即叫即製，雖然要等，但確保新鮮！叫了榴連班戟，上枱外皮還是熱的！最愛甜品的我，一次過叫了抹

這間位於銅鑼灣鵝頸橋的牛之鍋，主要以日式放題為主，可選擇日本料理+火鍋及甜品或只選火鍋及甜品，兩者價錢相差數十元。刺身款式十多款，其中劍魚腩及三文魚都很鮮甜。天婦羅的粉漿都算算薄，炸至金黃香脆。醬汁牛舌彈牙、金菇牛肉卷夠腍。燒菠蘿香甜無渣。火鍋方面有多款海鮮任食，包括了海蝦、廣島蠔及鯇魚腩等，非常新鮮，海蝦彈牙，魚腩鮮甜嫩滑。牛肉方面有兩款，肉質嫩腍亦不算太肥，另外還有羊肉及豚肉，味道不錯，不會有騷味。其他配料主要是丸類、餃子及蔬菜等等，味道不過不失。女士們最愛的主角甜品有廿多款，但眼闊肚窄，只能揀了幾款品嚐一下。抹茶芭菲綠茶味濃，有奶香味，出面食一杯都要$5-60。伯爵茶奶凍有淡淡茶香，奶味出眾。整體款式甚多，價錢合理，絕對是人多聚會之選。

今個星期五老婆慶祝結婚周年紀念日我未試過打邊爐我見到牛之鍋打邊爐是一人一爐的比衛生、安全 請食物種類都比較多價錢亦較大眾化 首先當然要叫佢美國極上牛肉 牛肉油脂分布平均 你會見到好靚嘅油脂係上面 唔似普通肥牛一邊大塊的肥膏 芝士燒蟹蓋啲士燒蟹蓋唔會忌廉很多食滯的感覺用材料充足有口感 味道不錯燒日本番薯仔 味道甜美 花之戀、海膽蟹子壽司、三文魚壽司、及 芒果炸蝦壽司海膽蟹子壽司最為好味 😋海膽鮮甜滑溜，蟹子脆卜卜好有口感這裏的韭菜豬肉餃，灸燒芝心丸，粟米流心丸都好吃 用料充足，彈牙可口 值得一讚這裏的甜品十分好味，比其他餐廳的甜品出色好多 試了三四種甜品。 宇治抹茶芭菲 綠茶雪糕唔會太甜，入面有朱古力脆脆 ，下面還有啫喱在底下 真係一個好正嘅甜品 榴槤甘露 榴槤甘露用上新鮮嘅榴槤肉椰汁西米黑糖珍珠製成，濃濃的榴槤香味撲鼻，椰汁西米滑溜，黑糖珍珠有口感

恢復返晚市，當然要和朋友一齊聚一聚！選了夠哂就腳既銅鑼灣，這間牛之鍋火鍋+放題於一身！餐廳既裝修好簡單利落。選擇左晚市放題有兩個鐘！我簡食最正嘅就係有日本料理再加火鍋同埋甜品，呢個價錢有200款食材，真係性價比好高！首先簡湯底，可以有多種選擇！我選了蕃茄薯仔牛湯粒，另一邊係清甜嘅椰子湯！湯頭都幾濃香，讚！而點餐紙有勁多海鮮，蝦， 扇貝，廣島蠔等等，應有盡有！蝦夠爽口彈牙，廣島蠔飽滿多汁，超級鮮。牛肉方面，極上牛肉色澤紅潤， 雪花紋理非常平均！ 雖然薄薄一片但仍然食到牛肉嘅質感！牛肉嫩滑，再配上青葱，蛋汁！絕襯。刺身方面都做得幾好，赤貝帶海水咸鮮味又夠爽脆！甜蝦幾鮮甜口感細緻！絕對食得過。不得不讚既係甜品項目， 珍珠伯爵茶奶凍，伯爵茶嘅茶味剛好唔會過甜！再配上珍珠質感一流！ 薑汁湯圓黑芝麻味夠香甜！like! 整體非常多嘅嘢食選擇 又夠好食，推介！

朋友介紹，今日（25/2/2021）相約來食番餐，位罝易找。可能剛過午市，未有人拖地，地下好“立”，行起上來，有“吱吱”聲。點了兩個午市兩小時火鍋任食放題，侍應推介可加$28食埋刺身及壽司，或加$28食海鮮，由於唔太肚餓，兩樣都無加。一人一鍋，選了皮蛋芫茜清湯及重慶麻辣湯，麻辣湯偏咸，食完後好口喝。主要肉，除了羊肉外，都有要。牛肉部份好肥，豚肉就OK，雞肉好入味及滑，好食。飲品都有好多選擇，選了綠茶及解茶蔬菜種類不多，但都好新鮮埋單，每人$130，坐咗兩個鐘，又食得飽飽

本身唸住去食放題一人一鍋，但一入到去，見佢放題選擇太少了，只食一人一鍋餐算。即一人人鍋，加一個飲品同一款甜品。叫左個豚肉蝦鍋，但居然lunch都無蝦，咁轉左帶子，加杜庭烏冬。另叫左一個部隊鍋，一向喜歡部隊鍋 ，但個餸料不多，如食一個韓式辣麵係你favor咁都ok，不過我唸我選錯了...最後，甜品就食左一個軟雪糕同一個奶凍。奶凍真係平時食放題細size，反而軟雪糕可出去加配料，如朱古力碎，石頭朱古力等，好味。但整體一個lunch set尚可啦！