牛の鍋日本料理

营业中

休息中

今日約左朋友去荃灣，行左陣見肚餓，係悅來坊入面搵野食。成日無點食過野既我就提議不如食放題之類，行過牛之鍋𥄫下個menu好似幾好，乜都有得食，$208可以打邊爐食日本料理仲有甜品，咁係幾吸引，所以入左去食。個時8點幾，要㩒飛等一陣，不過10分鐘內都入到去。坐底第一樣野就係揀湯底，menu上可見有六款，選擇都較大眾化，而我揀左比較少見既黑松露龍蝦湯，我自己就覺得湯底偏淡，不過醬料我覺得豉油好過芝麻醬，因為芝麻醬較稀，好似仲有個柚子醬汁不過無試度大家可以去試下。大部分配料都係自己出去攞，除左肉類要落order，一份都幾多下，我同朋友叫左極上牛肉同精選豚肉，攞左丸類生菜響玲等等，全部味道都正正常常。最吸引我既反而係佢日本料理同甜品！好多選擇又高質。我推介三文魚壽司(有啲似三文魚魚腩、花之戀(迷你一口食得哂)、大蝦天婦羅(新鮮熱辣辣)、芝麻雞翼(惹味)，全部都好有水準！到甜品部分仲正！我差唔多樣樣都有試，全部都迷你版，唔洗驚會食到好飽，試左五樣都覺得幾好！特別推介精選綿綿冰(今次係芒果，賣相同味道都100分)、日式乳酪(表面有士多啤梨粒同栗米片幾match)、芒果班戟(芒果肉同皮都正)同楊枝金露

早幾日與友人黎食晚飯食火鍋加刺身 火鍋嗌左豬骨湯底 幾香係唔錯既 出面亦有火鍋自助bar佢既魚蛋幾好食 有款丸中間係韓式年糕 又幾特別食落都唔錯 烏東十分滑同軟 唔係硬身個d刺身方面我覺得帶子同甜蝦都幾好食 三文魚就好細件 無咩三文魚味串燒個d都黎唔齊 沙律嗌左就無出現過但佢既炸榴連同炸薯仔蝦係唔錯既見有人推介炸墨魚餅都嗌左試下 呢個都ok 值得一試另外佢甜品既種類比一般嘅日式放題多 嗌左抺茶芭菲、鬆餅同雪梨蔘茶都幾好味唯獨扣分既係佢熟食黎唔齊 其餘都唔錯 值得一試

已經很久沒見一班朋友，希望聚舊之餘又吃一餐好的。大家都有不同意見，包括魚生、打邊爐、放題、自助餐等等。剛好其中一位想起這一間可以滿足眾多人願望的餐廳，就來了這裡。果然沒令我們失望﹗牛之鍋有刺身、放題、又有火煱、而且全都是任點任點，好正。我們一坐下，就可從六個湯底裡面點兩個湯底。我們柯打了北海道牛乳湯及鮮蕃茄濃湯。等緊湯的同時我們就衝出去取食物，食物款式好多，主要都是瓜、菜、丸煩之類。因為我們女仔多，都喜歡食菜，取了好多，大體好多都好新鮮。而且我們見住餐廳不停refill ，所以唔怕攞唔切無哂的。打邊爐必定要食牛啦。這店可加$118 食澳洲和牛，或加$178 食日本黑毛和牛肉，但我們都沒加喲，只食不用加錢的極上牛肉，任食來說我認為質素不錯。我覺得如果很喜歡吃濃味牛的人，都可追加一吓升級牛肉的。剌身款式來說，比較專做放題的，必定沒那麼多，但勝在都算新鮮。況且，其實我食來食去，都是大路的魚生，呢度都有，所以都覺得好滿意。甜蝦 帶子都幾新鮮～ 不過最令我滿意的，是這家的甜品。真心比出面放題的還要好。不是到出面拎的，而是即叫即刻每一件整。上枱時我都哇一聲，無唸過咁平的放題都食到呢個質數。抹茶芭菲

今次來到牛之鍋食放題、 比想像之中更有驚喜！ 今次同 daddy媽咪三人行一齊食放題、 一行到門口已經見到大量嘅食材放喺中間。入目以來全是蔬菜、 係我媽咪嘅至愛。 雪櫃有任飲啤酒、 啱曬我哋胃口。呢度嘅放題除咗火鍋之外亦有串燒、炸物、刺身、壽司 。種類豐富 ，一啲都唔欺場。除了食物、我必需讚揚呢度既服務態度！侍應生的笑容加上有求必應的態度、是食客們的另一種感動。

經過幾許風雨既8月, 黎到糧尾日子又想食餐豐富既, 搜尋過後, 約埋朋友黎試下荃灣悅來坊性價比高又出名掂既牛之鍋刷番餐先!!早到左都可以係樓下行下商店, 消耗下能量, 準備大快朵頤揀平日, 晚市A套餐: 日本料理, 火鍋, 甜品 ($208), 因為比多40蚊有埋刺身,日本野正好多!一坐定, 望一望個凍飲櫃, 各款罐裝汽水, 綠茶, 啤酒都有齊既。喜歡新鮮既又可以加$28 飲Asahi生啤多重享受好喇, 到湯底方面, 揀左黑松露龍蝦湯, 同九洲豬骨湯, 聽落好似口味重, 但滾第一輪野食都唔算, 起碼冇雞鍋甘勁。調醬配料基本有4~5種, 比較特別既係有青檸仔, 同柚子醬汁, 加少少酸酸甜甜, 令人開胃d架!各式各樣既蔬菜, 丸類, 烏東麵, 白飯都係出邊既自由添加~出左去巡左轉, 返黎時岩好就有最愛既日本野啦, 我唔客氣開動先啦三文魚肥美, 帶子嫩滑, 甜蝦帶有甜味好正, 北寄貝, 鮑片,揀左鍾意既都試下, 加埋必食之選 - 海膽手卷, 花之戀海膽好鮮甜不腥，要點多次。呢頭都未食完, 又上左小吃: 燒牛舌較腍身, 串燒雞腎好爽口, 芝麻八爪魚好惹味, 佐酒一流!!食時遲，上菜快，肥牛都好

"火鍋+刺身+甜品 = 牛之鍋讓人一次過滿足三個願望~-- 羊肩肉,比起其他部位肉質更美味,亦較特別!-- 廣島蠔-- 火鍋配料海鮮選項多!-- 驚喜的是這裏除了主打火鍋外,還有任點任食刺身提供!更驚喜的是刺身新鮮並非劣質食材,尤其三文魚,帶子,甜蝦,新鮮鮮甜!-- 除點餐紙食物外,店內還有自助吧,提供了林林總總的食物,飲品,雪糕等等!-- 蔬菜清洗潔淨,沒沙泥!-- 自助吧的蔬菜雜丸配料等等,見到食物補給充足不會有短缺的情況。-- 燉奶細嫩入口即溶!-- 榴蓮班戟,榴蓮迷必食之選,榴蓮份量似要快迫爆班戟皮,很誇張!陣陣榴蓮味齒頰留香!

聽朋友介紹呢到幾多款同埋啲甜品特別所以訂位試下Book咗禮拜三六點半早左少少到佢哋都俾我哋早啲入去個職員好好咁提我地火鍋配料有邊幾隻款系要寫大或者少其他就寫數量咁就方便大家唔會落錯單刺身同壽司就可能比較普通同埋每件切得唔係好平均兩個鐘任食個火鍋湯底有最鍾意嘅蕃茄濃湯火鍋啲肉我哋就揀咗美國牛肉極上牛肉同埋豚肉個人就比較鍾意食豚肉出面可以拎嘅火鍋配料種類都幾多有個女職員好好見我地冇咩湯都會主動幫忙加佢哋嘅炸物都幾好食食咗個炸蟹柳同炸大蝦食緊嘅途中已經心思思想食甜品因為見佢有窩夫嗰啲驚佢整得耐但點知都係等左一陣就有得食軟雪糕窩夫最後係追加左兩個 太誇張超好食梳乎里蛋多士可以一試

食物都ok，令人滿意，但果日我生日，一家四口，2大1個5歲及1個兩歲小朋友，兩歲唔計錢，另外果個小朋友好似係半價，佢有生日優惠2人同行1人半價，但個半價竟要係小童價到減，如果係小童生日我覺得合理，但生日果個係大人，檢查晒身分証、落晒單先講，真係好cheap囉

今日姐姐帶我地成家去食火鍋放題.話呢度既甜品好正,一定黎食悅來坊黎得多,估唔到開左間火鍋放題,坐位都幾大幾舒適...我地揀左A $208/位,可以食2小時凍既飲品有好多選擇,紙包+罐裝既大約17款左右...仲有2款熱飲既茶,另外可加$28任飲Asahi生啤...火鍋配料都有好多選擇,有30幾款以上...山根吸收晒湯汁,真係打邊爐必食...仲有我至愛既菇菌類,有秀珍菇,雞脾菇,金菇,冬菇...呢度仲有響鈴,放落火鍋5秒左右,又脆又吸收晒D湯汁,真係不得了另外仲有丸類,同樣好多選擇,每款都揀左少少黎食...當然唔少得蔬菜啦,都幾新鮮,媽媽最鐘意,出去夾左幾次,好滿足火鍋湯底有六款:九洲豬骨湯,黑松露龍蝦湯,鮮蕃茄濃湯,北海道牛乳湯,麻辣冬陰公湯同干貝昆布清湯...我地揀左黑松露龍蝦湯同九洲豬骨湯...豬骨湯無咩特別,黑松露龍蝦湯黑松露味唔太重,蝦味都幾突出...另外肉類同海鮮既火鍋料都要填點餐紙精選豚肉:比較薄身,肥瘦平均,豬臊味比較重,口感軟嫩美國極上牛肉:油脂濃香,牛味係口腔內四散,真係一片接住一片咁食美國牛肉:濃濃既牛肉味道,脂肪唔多,肉質紮實有嚼勁印尼海蝦:好大隻,有蝦味,非常爽口

又到家庭日，今晚同家人一齊食日式火鍋放題，仲可以追加日本料理放題，連甜品都超高質好味。又可以滿足我地食刺身壽司，又滿足父母食熟食的火鍋，更有阿爸要求的啤酒，仲滿足到我愛食甜品。晚市分別有A及B價錢，前者是火鍋、料理、甜品放題，後者即只有火鍋及甜品放題。我地當然揀A $208，放題兩小時。火鍋配料超多，放滿三張枱，有30-40款，全部自己選擇自己夾。飲品有15-18款，還可加$28任飲朝日生啤，自己出去添好正。日式料理放題有六款點餐紙，跟一般放題點餐一樣，種類都頗多，好吸引。我地先點火鍋湯底，再去夾配料，而同時點刺身、壽司、前菜等等。等緊火鍋湯底時，可以先食刺身。三文魚厚身肥美，甜蝦好嫩好鮮甜，帶子柔軟不腥好好味。北寄貝和赤貝都好爽口。我地再點多round主力食三文魚、帶子同甜蝦，連父母平時唔食生野，今次食左少少都對刺身改觀，睇黎下次可以帶仍地食刺身。花之戀個個都讚，再點多兩round，因為舊飯夠細，所以食多兩件都得。海膽三文魚籽估唔到咁好味，完全不腥，海膽味濃又鮮甜。所以我地決定點埋海膽手卷，超正的也是飯量少，一大片海膽好甜美，紫菜也脆卜卜。火鍋料也有點餐紙，是點肉類海鮮，我地先揀湯底

朋友飯局, 又想打邊爐, 又想食刺身壽司串燒, 仲想食埋有質素有驚喜既水準甜品。牛之鍋係一個不錯既選擇。湯底叫了豬骨湯底, 牛肉選擇了美國肥牛同羊肩肉, 一路吃羊肩肉, 竟覺得肉水準如小肥羊, 嗜羊肉的值得一試。牛肉當然並非如手切肥牛水準, 但看見油花分佈和肉比例平均, 顏色鮮紅, 可以在放題打個邊爐全餐, 不錯! 另要稱讚服務, 放題漏單是常識吧！但在牛之鍋, 沒漏單之餘傳菜速度令人驚歎! 刺身新鮮, 天婦羅有水準, 串燒尚可。本餐最驚喜是甜品, 窩夫拍得上風月堂質素! 想來個邊爐日式自助餐, 呢度完全滿足到你既要求~!!

再一次幫襯牛の鍋。一大班人gathering 打邊爐最好不過 選荃灣區 方便大西北的朋友 牛の鍋係不二之選 勝在價錢優惠得黎 有刺身炸物燒物 又有火鍋 仲有即製甜品 滿足不同人的需要！湯底～ 鮮茄濃湯我至愛～ 酸酸甜甜 無論烚菜定肉類 都好配搭出鮮味! 另一個揀左麻辣冬蔭功 嗜辣朋友喜歡 我無試。朋友話幾有新鮮 麻辣得來有冬蔭功的酸 好開胃。刺身～ 推介甜蝦 帶子必吃。鮮甜 口感不錯。我仲將帶子輕輕淥幾秒再食 兩種食法！炸物&燒物～ 選擇都唔少。但我重點想打邊爐 所以試左幾款only! 推介天婦羅大蝦 幾大隻 新鮮即叫即炸。芝麻雞翼惹味 香脆又入味。登登登登～ 火鍋必吃 極上牛肉：）唔會太肥 肉質幾滑 牛味都不錯 放題來說 確實算幾高質！印尼海蝦 廣島蠔 encore無限次！雖然係急凍 但用來打邊爐都好好味 唔腥 冇雪味 都帶點鮮味 唔錯架。火鍋配料多不勝數。蔬菜 丸類 麵食 多到你唔會食得曬! Yeahyeah! 甜品時間 上次榴連甘露太搶手賣曬～ 今次終於食到 呵呵。榴槤肉有一大啖 甘露有西米 有咬口得黎又有濃濃榴槤味 正！ 窩夫每次必食～ 即叫即整 外脆內軟！放題食到即製窩夫 都

8pm已經Full晒，無book位係會無位架!!分兩款價錢：A-日本料理、火鍋、即製甜品$208。B-火鍋、即製甜品 $168。兩個plan差$40，但A餐多好多好多食物的選擇！我地呢D甘大食既人，甘當然係揀A啦~湯底有好多選擇，豬骨、黑松露龍蝦、蕃茄、北海道牛乳、冬蔭功、昆布清湯。  揀左黑松露龍蝦，水滾個時聞到好香，不過食落個味唔濃火鍋當然主角係牛肉！有「美國牛肉」及「美國極上牛肉」美國極上牛肉個個勁好味，厚落適中，只有少量的肥紋，但唔會好易滾到un。有少量海鮮可以選擇，包括蠔。隻蠔唔算太大，一般JA~另外，大家可以係自助區揾自已喜愛的火鍋料，當中包括多種蔬菜、腸丸類、粉麵類、豆製品。已經包包括香港人打邊爐的基本所需。另外仲有日本料理放題，刺身、壽司、手卷、軍艦、沙律、燒物、天婦羅乜都有~刺身都算厚切同幾新鮮。燒物>>燒日本蕃薯仔 好味 燒到香香地。天婦羅/揚物 >> 炸芝士好好味，叫左兩次，出到枱都係好熱辣辣好新聞。飲品有酒精同非酒精的飲品選擇，當中包括盒裝道地茶、果汁、汔水、JollyShandy等。加$28仲可以任飲生啤！好有heart的即製甜

一班人食飯，都離唔開食小菜，打邊爐，韓燒，日式放題等等，今晚我都唔例外，朋友帶左我地去間日式火鍋料理放題，除左多選擇，價錢抵之外，仲要係高質架，特別要推推佢d甜品呀，即叫即整我講緊呢間性價比高既日式火鍋放題係係荃灣悅來坊2樓，由大窩口地鐵站行去都係8分鐘路程，地點易搵。入面地方寬敞，裝修簡約，環境舒服。Menu呢度主打日式火鍋放題，價錢由168起，食埋日本料理，都只係208，真係超抵食。呢度除左有一般汽水、果汁、紙包飲品、茶同啤酒之外，仲可以加錢任飲生啤tim至於食物方面，款式真係多到食唔晒呀而呢度既肉類亦唔會將價就貨喎，肉質鮮嫩，有光澤，牛有牛味，豚肉亦一d都唔un仲好大碟tim。至於日本料理方面一d都唔弱，刺身新鮮爽口，壽司又多選擇，炸物串燒咩都有，我真係飽到唔能夠款款食晒，但係我真係覺得佢既芝麻雞翼炸得香口好味另外，甜品真係爆肚都要食，即叫即整已經夠新鮮，而且一d都唔馬虎，除左有賣相，味道仲好好。呢杯宇治抹茶新地，香濃抹茶味，雪糕軟滑，再配埋爆谷、紅豆、啫喱同煙韌丸子，口感一流，質素比得上出面雪糕店買既仲有呢個梳乎厘蛋多士，賣相似厚多士，外面煎得香脆，入面軟綿綿，而且蛋味香濃，配