牛の鍋日本料理

营业中

休息中

呢間餐廳選擇多, 湯底都好出色, 當中我比較喜歡牛奶湯底,因為睇落滑滑既感覺...野飲都多, 連包裝野飲都有!韓式既都有..係選擇上黎講我覺得呢間餐廳算係多料, 當中連圓粒既芝士腸都有, 丸都有好多, 另外仲可以單叫日式野食, 例如炸蝦!玉米黎講都比出面唔同, 主要係加左黑松露, 我覺得加左之後,香左好多! 同埋味道除左甜之外 仲多左小小淡香味.最吸引客人既地方, 我覺得係甜品, 呢到甜品比較好食,仲可以自制, 如果問我甜品, 同火鍋, 我會覺得甜品更優勝, 呢到甜品材料仲好多, 可以自己加自想要既料入去!

今次係我第二次來呢度食，我一向都係中意有好野食會返轉頭食既，今次帶左屋企人來食，因為性價比高，佢就唔會話唔抵食麻呢度環景都大既，上次我兩個人坐咗沙發位好舒服，因為人流多今次坐雙人枱就唔太大。我地叫既係A餐$208一位包日本料理放題，火鍋， 甜品。當然，都係任飲任食如果覺得太多食唔晒，或者唔好刺身，B餐$168都係一個唔錯嘅選擇總共有八張放題紙選擇，想知有咩野食可以睇上面張圖，包括火鍋配料，刺生，一品料理/沙律，壽司，天婦羅/掦物，燒物，軍艦/手卷同甜品。湯底揀左黑松露龍蝦湯，滾左之後，有好香嘅黑松露味發出嚟，但食落就唔覺嘅。龍蝦湯會浸入火鍋料度，配蔬菜裏比較好，我自己就冇咁鍾意牛肉味被湯底影響咗，不過屋企人鍾意龍蝦味，就覺得幾特別，唔錯。除咗可以點牛肉，豚肉呢D之外，出邊亦都設有自助區係可以比你自己拎配料既，比較推介芝心丸，年糕同腸仔(腸仔就純粹係我鍾意食哈哈) 醬要主要係柚子醋，芝麻醬同豉油。飲品選擇有好多，除咗平時嘅汽水，亦都有韓式飲品，果汁啤酒同紙包果茶。呢一碟係美國極上牛肉，強烈推介薄身而且牛味比較重，入口都易溶美國肥牛就肥膏比較多，無極上牛肉咁軟身，但色澤都唔錯。放題點左好多

秋天來臨，又是時候食火鍋啦！今次我們全家就來到荃灣的牛の鍋打邊爐～這間店在網上也有不少人推介，就連我們到埗時門口也有不少人在排隊等候啦，看來是真的不錯！·飲品種類真的有很多，最特別的是居然有陽光密瓜奶和解茶～這點我們都超滿意!打邊爐飲茶最解膩呀！這是爸媽點的蕃茄湯底和豬骨湯底！如同一般放題一樣有很多熟食和火鍋料選擇～豬肉和牛肉的味道不錯，肥瘦也尚算適中不過不得不說他們的海鮮也很好味～特別是蠔、雖然是冰鮮但大大隻食落都好肥美下～還有海蝦也是爽口彈牙的～除了火鍋還可以點刺生和熟食～刺生也很新鮮呢，如果有需要也可以主動向職員要壽司醬油喔！熟食方面最推介芝麻雞翼，超惹味！最般最後...一定要留返一個胃黎食甜品甜品種類真的算是很多，而且每一款都內外兼備！我點的這個是軟雪糕窩夫～雪糕偏向乳酪質感，而窩夫香噴噴之餘口感也很鬆軟！宇治抹茶芭菲抹茶控必食，茶味超濃！而且賣相仲好用心～以放題價錢可以滿足兩個胃也算是滿抵食的

朋友搵到一間正食店，就是位於荃灣悅來坊2樓的「牛之鍋」 (亦即是熊貓酒店)這間是食日式火鍋放題料理，星期一至四晚市放題任飲任食2小時 (日本料理+火鍋+即製甜品) 都只是$208，好抵食啦餐廳多是方形檯或卡座，人多如我們，就會坐得較迫喇，空間不多。但這間店真的太多人食了，我們入坐時，門口還有好多人等候著因我們一行8人，所以有2個鍋，我們揀了豬骨湯底同濃番茄湯底，清濃各一，任君歡喜但我忘記影相了睇睇自助區有咩火鍋料先 ~~~除了自助區之外，還有其他火鍋料，沙律/一品料理，壽司，刺身，燒物，軍艦/手卷，天婦羅/揚物 & 甜品，可於座位上填好後交給店員們，待會他們就會送到你檯上。因為本人十分喜歡打邊爐的，所以今晚主打就是食火鍋，同埋留肚食甜品喇點都要食得健康D既，所以菜同茹類是不能沒有的。(菜同茹都好新鮮，而且洗得乾淨)仲有........就是海鮮類喇! 我們點了日本廣島蠔和印尼海蝦 。日本廣島蠔 ~~~ 都算大隻，厚身，無腥味。而且淥完後，都沒有變成蠔豉啊(果然有好好雪藏啊)印尼海蝦 ~~~ 新鮮大隻，肉質彈牙 話明是「牛之鍋」又怎能沒有牛呢...........1. 美國極上牛肉色澤紅潤

昨天去了位於荃灣荃華街3號悅來坊2樓202號舖的牛の鍋。這火鍋店，除了食品多選擇外，他們的甜品也非常吸引。除了一般火鍋配料可以任選擇外，還有一些食材值得推介，例如桶蠔，海蝦，斑片，這些海鮮都非常新鮮，而且任點任食。除了火鍋配料外還有刺身放題，和熟食放題，林林總總包羅萬有。非常推介他們的炸雞翼，表面撒了芝麻，增添了麻香味，炸得非常香脆。雞軟骨，雞腎，燒雞皮也不能錯過甜品方面也非常多選擇，有榴槤班戟，芒果班戟，楊枝金露，榴槤甘露，宇治抹茶芭菲，宇治抹茶雪糕等，食物種類多得非一般火鍋店可以媲美。總結:牛之鍋，與一般牛肉火鍋店相比，食材的選擇非常多，甜品也非常精彩，與朋友來食，各人也可以選擇到自己喜歡的食物。

今天好友生日前一天，二話不說請她去生日有“一人半價優惠”的日式火鍋放題，以抵食價為她提早慶生，皆大歡喜~刺身拼盤，三文魚油花分佈平均，鮮味十足; 帶子鮮嫩肉厚; 有頭甜蝦肉爽鮮甜; 鮑片鮑魚味濃，單點這個已值回票價!壽司拼盤， 款式選擇多，個人最愛黑松露帶子壽司，帶子鮮甜細嫩，加上矜貴濃郁黑松露香，滋味無窮; 第二最愛花之戀，蟹籽滿瀉，加上丘比特沙律醬更豐富味蕾~極上牛肉， 雪花分佈均勻，肉質軟嫩，不蘸醬油也肉香味濃，薄切的牛肉不覺飽滯，彷彿入口即化，回味不已!火鍋配料選擇也多，眼見約有約30-40款可供選擇，最後我們選了龍蝦丸/腸仔/魚蛋等等，各食材盡收湯底黑松露龍蝦湯味，鹹香惹味!一口芝士/炸芝士年糕，外層炸得金黃香脆，內層煙靭軟綿的年糕與流心芝士味道襯絕，芝香味濃， 必吃之選!宇治抹茶新地，富醇厚濃香的抹茶味，配搭軟綿的糯米糰子/焦糖香的爆谷/甜紅豆，口感層次豐富，美味可口; 京都豆腐布甸，富微甜的豆香味，輕巧細滑; 楊枝甘露，朋友讚足料，冰冰涼涼，甜度剛好~蘆薈汁，清新微甜，一解日式火鍋及炸物的燥熱。肉質上乘，刺身鮮美，甜品出色，大家吃得開懷~ 用相當滿意的價錢享用相當滿意的生

適逢朋友生日，我地揀左位於荃灣既牛之鍋慶祝生日，原來係生日前後一天惠顧可以享有二人同行，一人半價既優惠，變相更加抵食！牛之鍋主打日式放題＋火鍋＋甜品任食，可以食足2小時，星期一至四成人$208，7:30前離座/9:30後入座就$168。 大多數火鍋配料都係出去拎，都係平時食開既丸類同蔬菜類等，不過佢既蔬菜類幾多款式揀～ 飲品有我最中意飲既忌廉梳打！ 除左肉類之外，其餘既火鍋配料都係出去拎～ 佢地既牛肉、羊肉、豚肉都唔差，雖然係薄切，但肉味濃，以放題質素黎講已經幾好！3款肉都好中意食~ 海鮮有魚片、蠔同蝦。我以為任食既蠔一定麻麻地，點知呢個蠔一D都唔腥，encore左幾次~~ 其實又日式放題又打邊爐，真係唔知食邊樣好，仲要留肚食甜品呀~~佢既芝士丸係比濃味個一款，即刻食多幾粒 刺身要了三文魚、八爪魚、赤貝、北寄貝等，刺身雪味唔重，真心正！  壽司味道不太驚喜~ 燒物中既甜蕃薯唔錯，不過雞軟骨唔夠香脆～ 炸物當中既流心一口芝士好邪惡，不敢多吃；芝士年糕煙煙韌韌，但墨魚餅口感有點鬆散 大蝦天婦羅，但略嫌唔夠味～～ 我最期待既環節就係食甜品喇，差唔多款款都

上次食完覺得好正好抵食，今日約咗舊同事再來聚舊兼大刷一餐7點幾入座都好多人，建議打電話去訂位穩陣啲，侍應安排好座刺生款色都多，味道正常幾新鮮另外燒物炸物都好多，雞翼香口，串燒加埋燒汁都不錯門口位置有蔬菜同丸類等火鍋料，到火鍋我哋要咗豬骨湯底，味到唔淡有豬骨味肉類方面有美國牛肉夠嫩夠腍，而極上牛肉就好重牛味有咬口，仲有羊肉跟豚肉甜品也有十多款，其中抹茶巴菲好好味，抹茶味夠清香有一點回甘，仲有榴蓮甘露都好香濃，必試

上個月同朋友來牛之鍋日式火鍋放題~今日帶屋企人離食,最中意呢度除左有一般火鍋放題既食物外,仲有刺身,燒物,天婦羅,手卷,軍艦,日式沙律,小食,同選擇多高水準既甜品,我地7:30pm時段～A日本料理,火鍋,甜品$208，B火鍋,甜品$168,相差$40就可以食更多的~絕對不能不選A呀～如果在7:30pm前結帳或9:30pm後入座,更有優惠價!!星期四閒日都滿座~上次星期一都系,所以最好訂定檯,唔系突然想去食可能會無位架~~~無酒精飲品17款～有酒精飲品3款,有幾款轉左,幾好呀有新鮮感!屋企人中意飲茶~玄米茶包同烏龍茶包自助沖岩哂佢地菇菌類吸湯力不錯,健康又美味,冬菇,秀珍菇,雞脾菇,金菇~蔬菜新鮮種類多。醬料自助吧,芫茜,蔥花,生蒜,炸蒜,辣椒,可加豉油外仲有柚子醋同芝麻醬。刺身甜蝦,北寄貝,八爪魚,鮮甜口感不錯~螺片,赤貝,帶子更鮮甜,絕對要試!麻辣冬蔭功湯,酸酸辣辣,檸檬葉味都幾濃,好開胃,所以唔覺唔覺食多左d牛肉~呢個冬蔭功湯放咩落去都咁好食,除左菜,個人覺得太吸辣喇,都系食九洲豬骨湯清清地好d~湯底唔鹹又有豬骨味!美國極上牛肉,色澤唔錯~重牛味,切得薄薄的,食多幾片都唔怕喇美國牛

唔係以為酒店入面食野一定貴荃灣悅來酒店悅來坊的呢間牛の鍋價錢平民化晚市放題食足兩粒鐘都只係$208一位超過200款日本料理、火鍋、甜品任你食仲要一啲都唔hea喎！睇個甜品就知啦！幾時見過放題有芭菲 窩夫 斑㦸 綿綿冰 奶凍 慕絲等等等等等超過15款甜品任你食返夠本！日本料理例如魚生刺身天婦羅串燒壽司火鍋就牛羊豬肉各種丸菜瓜麵等等等等湯底都好多選擇 我地就加錢要左鴛鴦鍋黑松露龍蝦湯同北海道牛乳湯 聞落就好香 不過食落味道唔算突出扺讚的係食物選擇夠多 價錢唔貴 性價比高！甜品黎講最高質梗係呢個再Encore的宇治抹茶芭菲啦由底而上係抹茶寒天 Cream 朱古力脆粒 雪糕 再加粒白玉雖然雪糕唔係好回甘味濃個種 但絕對收貨啊！啱晒一大班人黎食啊 仲要連啤酒都任飲🍻

週二晚約左朋友黎荃灣打火鍋，附近其實都幾多選擇，但見到呢間牛之鍋巨多好評，加上俾呢啲嘅甜品相吸引住，唔試唔得。平日晚上7:30pm前埋單，收費係$168，包日本料理、火鍋、甜品放題，價錢好抵；如果唔食日本料理（刺身、壽司等）再平多廿蚊。唔講真係唔知呢個位有間火鍋店，就喺悅來坊2樓，酒樓對面，唔難搵。因為時間尚早，客人唔多，店員好快安排我地入座，坐卡位，都幾舒服，不過唔知係咪都開左一段時間，梳化位都坐到有少少扁扁地。店員先問我地揀咩鍋底，湯底有蕃茄、冬蔭公、昆布、牛乳、豬骨等，我地揀左豬骨湯底，其實都冇乜特別，唔會太鹹收貨枱面上已有紙仔，刺身、壽司、揚物、沙律、一品料理、燒物、火鍋配料（肉類、鮑片、廣島蠔）、甜品等係自己畫紙仔，其餘丸類、蔬菜、菇類、飲品、調味料外面自取。刺身：三文魚、八爪魚、墨魚、帶子、北寄貝、赤貝，點左呢幾款，雖然唔及日本料理咁新鮮，不過都還可以，三文魚、墨魚、帶子等都ok，唯獨八爪魚就有啲唔係太新鮮。其實仲有吞拿魚、鮑片、甜蝦、希靈魚等，選擇都算多，如果鐘意食刺身，一round都抵。壽司：黃金魷魚軍艦、蟹籽、花之戀、北寄貝沙律軍艦、三炙三文魚壽司、火炙芝士大蝦壽司、

難得跟太太來荃灣逛逛街，在同事推介下來了這家牛之鍋。這店名稱雖叫牛之鍋，但竟然除了牛肉之外，很多東西都非常出色，一去之下發現朋友無介紹錯，物超所值。餐廳是以2小時任食方式，任食吃到爆，除了火鍋任食外，餐廳還有提供串燒，刺身，甜品等任食，應有盡有!首先我們點了一個沙嗲拼麻辣的湯底所有蔬菜類配菜都以自助形式，食多少便取多少，不會浪費。而蔬菜選擇多，既新鮮，種種多。飲品選擇都不少，大眾化飲品居多，當然也有提供酒類可供選擇!肉類是以點菜紙方式下單，點的肥牛不論色澤及油脂分布都非常吸睛，未吃已經食慾大增，而牛味濃郁有口感。而粉量也可於點菜紙上以 大，細碟方式來下! 夠貼心。由於我們有在facebook上打卡及分享，所以店長特意送上一碟日本和牛給我們，一看油花就知道是上品，味道略有分別。刺身點了幾款大路選擇，新鮮而且甜蝦夠鮮，有水準。串燒方便除了種類多外，全部都很有水準，不會太燶及太油，而入口有口感，可惜食火鍋已很飽，不能吃太多!海膽手卷既海膽好味，份量略有不足!最後，最值得一讚係呢度既甜品，絕對有大師傅既水準，能媲美酒店嘅級數， 特別係芒果同D24榴槤既甜品，全部都好味又唔會太甜，食到齒頰留香

之前慶祝mothers day 黎過一次, 覺得以放題講水準都唔錯. 不過一直懶得執筆寫食評, 咁岩今次fd 想食放題就介紹呢間比佢, 順便combine 2 次experience 食番篇食評先😂一開始要先選火鍋湯底, 上次就父母口味選左豬骨, 湯底乳白味道帶點咸, 還好 今次揀左比較特別的黑松露龍蝦湯,一上枱已經聞到好香龍蝦湯味, black truffle 味反而聞唔到. 可能比lobster 霸道味搶哂風頭. 食物放入去煮後都會吸左龍蝦湯味道, 特別係蔬菜類, 都唔錯火鍋配料除肉類, 主要自己攞. 款式都多, 菜亦好嫩綠新鮮. 美國極上牛肉一份牛肉都滿滿好大碟,牛肉無咩肥膏,幾滑牛味都唔錯. 個人比較推薦呢款. 另一款美國肥牛真係偏肥, 上次order 有ard 4~5成肥肉, 今次order 有8~9成都係白色肥肉😂實在係無quota 食所以馬上退走左除左火鍋,呢間仲有好多日式放題的食物，刺身、壽司、手卷、天婦羅樣樣齊,仲有唔少款式揀.三文魚刺身幾新鮮，甜蝦肉質爽又甜.壽司細細件,唔會令到咁易飽,可以食多啲野.不過壽司同手卷個人覺得比刺身遜色,少試即可反而天婦羅幾令人喜出望外