牛の鍋日本料理

营业中

休息中

是晚來到荃灣悅來坊的牛之鍋。其實卡米拉來過很多次了，奈何地點真是不太方便，希望將來會開分店吧！雖然上次來到已經近2 年前，很難得它價格沒有太大變化。日本料理、火鍋、甜品放題星期一至四$218 一位，星期五、六、日$238一位另加一服務費。樽裝啤酒要另外收費。環境方面，座位有很多卡位，不擠迫。我們2人也被安排坐4人枱，檯上可以放下很多食物。我們首先點了一盤刺身、手卷和壽司，出餐時間正常。刺身方面的選擇有三文魚、螺片、八爪魚、墨魚、鮑片、帶子、北寄貝、赤貝、有頭甜蝦及希靈魚。我們點了三文魚、帶子、赤貝、有頭甜蝦和鮑片共五款刺身。刺身整體水準不錯，刺身鮮甜，當中比較好的是帶子、赤貝、有頭甜蝦。刺身上碟應有的刺身乾冰也齊備。之後我們還追加了很多回合刺身，水準也是相若。壽司軍艦/手卷方面有十多款，我們只點了海膽手卷及海膽三文魚魚子軍艦。兩者整體質素不錯。火鍋生料區的食物似乎比上次到訪少，仍然以蔬菜為主。其他火鍋生料以點餐紙的形式提供。 火鍋方面，我們選了胡椒豬肚湯底，湯底內有不少豬肚，材料十分充足。火鍋生料方面，我們點了美國牛肉、美國極上牛肉及日本廣島蠔。火鍋生料的鮮味不錯。美國極上牛肉口感滑溜

姊妹約會日，行街瘋狂血拼後超肚餓，我地決定食放題，上網揾左一輪，揀左熊貓酒店食，見到呢個放題係中式火鍋+日本料理已覺得吸引，最吸引我地既係呢度主打既即叫即製甜品，好多選擇，岩哂有2個胃既我地坐低拿拿林揀左湯底先，我地揀左蕃茄薯仔牛粒湯~驚喜係一個濃郁既湯底，牛粒亦軟腍有牛味~肥牛有兩款選擇，呢款肥瘦適中，牛味濃，本身想再追加，但實在太多野食選擇，後來太飽就無再加~羊肉亦不錯~很香~海蝦係新鮮蝦，肥美大隻，好爽，仲要係任食，必點~之後到日本野，揀左幾款刺身試下，都好新鮮肥美~黑松露帶子壽司好鮮甜，必食~不得不提，呢度炸物好唔錯，外層炸得金黃香脆，雞翼最好食，肉嫩多汁，超越放題質素~然後係燒物，呢度既蝦真心靚~最後就係甜品啦~食多幾份已回本~全部細細份，可以試哂咁多款~超滿足~出面仲有菜類自己取~飲品都好多選擇，有我最愛既維他檸檬茶同黑可

上次已經黎過熊貓酒店嘅牛の鍋食放題打邊邊，但上次食完之後，先發現自己冇食到朋友仔推介嘅甜品。今日決定拉埋我細佬食多次~我自己幾鍾意呢到半自助式，肉類丸類或者刺身嗰d就落單叫嘅，而等嘅途中可以自己出去攞左蔬菜類食住先~因為細佬唔太食辣，所以我地今日叫左九州豬骨湯湯底XD呢到嘅美國極上牛肉都幾新鮮，我地都放肆食左好多碟~飲品都係照常喺出面雪櫃自取，三三嘅小貼士：食放題就唔好飲汽水，以免成肚氣食唔得多XD甜品方面，呢到嘅自家製甜品真係唔錯，我特別鍾意佢個豆腐奶凍。記得留肚食甜品！

荃灣不嬲都好小去， 但今日就經過就黎行下悅來酒店， 其實就係成日聽既熊貓酒店。 下面有幾間outlet 同幾層大既aeon都係我想行既野， 行左成日都預左要搵野食。 上到2樓 睇到有間牛之鍋 以半開放式設計， 日式打邊佬任食， 岩晒我里d 餓底。 時間咁早 都已經開始多人。裝修簡單得黎 乾乾淨淨， 而家食肆 最重要既乾淨 佢都符合。入到去坐低 位置都夠寬 凳都夠舒服， 包你坐2個鐘任食都唔會屁股痛。最擔心既 當然係食物既種類。好多款式， 又新鮮 足料刺身 點小得肚餓得濟 一放低已經搶左一半太好味啦我最愛既帶子壽司， 三文魚都好精神， 必食海膽加三文魚子 都有， 點可以唔食。 大量當然仲有打邊爐放題。野食再接再厲， 肥美牛肉仲有好多熟食， 全部熱辣辣， 唔會整定放到凍晒先比人食。點小得蔬菜 同大量飲品。款色多到數唔晒， 就算朋友口味唔同 都有好多其他選擇， 唔會餓親隔離。 好彩今日早黎食， 唔係就排隊排到唔知幾時。估唔到荃灣都有高質放題， 下次一定會再黎 食埋其他未食過既款食先

之前已經黎食過，見好耐都冇黎就心思思想黎食下，順便睇下有無新野，因為驚要等位，咁我就book左8點同朋友去食。首先第一樣野要讚既係呢度比起好多火鍋放題上菜速度都快勁多。一坐係度先寫左五張紙交住先，五分鐘都無就已經上齊晒。 呢度上菜快之餘，食物質素高左，除左佢主打既火鍋，啲刺身熟食都正左，塊塊刺身都又大又肥又鮮，尤其三文魚刺身同壽司。至於熟食拍得住居酒屋質素，芝士雞翼同天婦羅都外脆內軟，調味適中，啲蝦都新鮮彈牙。火鍋唔少得既牛嗌左美國極上牛肉，個人覺得牛係重緊要既火鍋材料，呢樣得先係食緊火鍋，呢度既牛肉薄身易熟，淥幾秒有少少紅咁食最正，鮮嫩易入口，唔會覺得"un"，而且基本打邊爐既材料都有，底湯嗌左豬骨，都非常足料。最後唔少得既係我最愛既甜品，呢期有新推出既仙草芋圓，迷你版，但有齊所有材料，仙草珍珠芋圓紅豆，樣樣都好正，芋圓既口感拍得住啲甜品鋪，所以都嗌左3,4碗食。軟雪糕窩夫都係依舊咁好食，香噴噴又鬆軟嘅窩夫配上香滑既軟雪糕，仲有Oreo碎、棉花糖、椰果等配料可以自助加配，真係絕配。成間店都算大，座位舒適，有自助配料同醬料區，飲品種類多，仲一次過可以食火鍋日式放題同甜品，真係無得頂。

朋友🤝知我心意，知我鍾意無的放矢食到盡🙋‍♂️，便約我於荃灣悦來坊「牛之鍋」🐂任食飯局🍚，我到步後已見朋友坐低向我招手🤚，走埋去看到火鍋滾燙著冒出蒸氣🗯，即時可以攞起筷子就食得。🥢火鍋配料選擇頗多，想食的都有提供，基本豬🐽、牛🐄、雞🐓肉類，也有蠔🐚、蝦🦐等海鮮。 同樣日本料理亦有很多選擇，螺肉、煮蜆、牛肉捲 、鮑魚、赤貝 等🎈， 只怕肚皮唔夠裝💫。鍾意食蝦😄嘅我，今次一次過有3種👈食法，刺身❤、串燒🧡同火鍋💛，3種都好食，而最鍾意火鍋灼蝦💋，因為蝦本身夠新鮮💨，灼可以食到蝦嘅鮮味💬，肉爽，點醬油更有口感😎。壽司🍣外貌不錯，壽司米🍚醋味濃度ok，夠煙韌👨‍🍳。蟹子沙律🥗不會太多沙律汁👌，適中。除了order紙📃，仲有一啲蔬菜☘配料喺出面嘅沙律吧度攞🍴。另外，飲品種類同甜品🍭都多選擇，而我最欣賞係甜品宇治抹茶芭菲🍦，造型係日式系賣相🔴，味道方面，甜味剛好不會太濃烈，反而有淡淡嘅抹茶清香❗，啱曬啱啱打完邊爐個身仲熱辣辣🔥整番杯冰凍嘅雪糕🍦確實係透心涼❄!餐廳尚算舒服，唔會太侷促 😛，平日一至四收168蚊火鍋加甜品😜，如果要食埋日本料理就要收218蚊 🤑，兩小時任飲任食超過200款食物🤤，基本上

今日壽星仔生日，特登帶佢嚟牛之鍋放題料理食返餐，皆因二人同行，壽星仔會有75折，如果四人同行，佢就有半價，若然六人同行，壽星仔25折，終極優惠係8人以上，壽星仔做免費添。一坐埋位，大家便去雪櫃那處拿飲品，見到個雪櫃擺滿曬唔同款式嘅飲品，好似可口可樂、玉泉忌廉、道地烏龍茶、提子汁、蘆薈汁、仲有jolly sandy同獅威啤酒，飲品呢方面冇得輸。食物方面，驟眼睇百幾款冇走雞，肯定食唔足咁多款，所以都係要挑 自己心水嘅食物先得，火鍋料有海蝦、廣島蠔、鮑片、青口、雞仔、豬紅、牛柏葉、土魷、墨魚滑、日本餃子、波波腸 、龍蝦丸、炸魚，仲有美國牛肉、極上牛肉、羊肩肉、豚肉等 ，花多眼亂，味道方面，整體 保持新鮮，質素唔馬虎。我們傾了一陣，食物陸續送到，先來是壽司及手卷，味道是標準以上水平，飯粒微微黏的軟硬適中，醋酸度也不錯，好吃。而炸物方便，炸蠔外脆內暖，豪氣一啖一件絕不手軟。天婦羅也炸得好吃，不會太厚粉咬落更爽脆。日式料理方面，三文魚、螺片、八爪魚、墨魚、鮑片、帶子、北寄貝、赤貝、甜蝦、希靈魚等等嘅刺身，仲有沙律、一品料理、燒物、天婦羅，眼闊肚窄，心中已經諗住留定個肚食甜品。睇見張 甜品 menu

今日同齊阿爸阿媽 一家三口食晚飯 嚟咗呢度食火鍋放題 一入到去佢哋嘅招待態度都好好 詳細咁介紹咗有咩可以食 可以揀外面有雪櫃飲品任拎 亦都有菜吧 可以拎菜你打邊爐淥 幾健康一開始我哋當然係例牌叫一大兜刺身 排列得好靚 食落好甜好新鮮 而且欣賞佢刺身冰得特別凍 食落好過癮呢度熟食炸物可以揀嘅範圍簡直係大到嚇死我 畀阿爸阿媽發現咗呢度有炸榴槤球 佢哋當然唔放過 好瘋癲咁嗌咗三次 亦都發現佢哋嘅質素好穩定 每一次都炸到入心 新鮮熱辣拎出嚟 佢哋食得好高興至於我嘅至愛就一定係芝麻雞翼 因為佢將個外皮炸得超級極度鬆脆 而個肉就好滑好滑 有肉汁標出嚟㗎 oh my god真係好正 講下嗰邊爐 有好多種肉可以畀我哋叫 估唔到嘅係 佢嘅肉片質素都兼顧得非常之好 全部脂肪分佈均勻 顏色鮮豔紅卜卜 好新鮮最後一個超吸引我嘅賣點就係佢勁多種甜品可以揀 佢每種都係細細兜咁唔會搞到一兩兜就食到飽死 可以試好多種 其中一個正正子嘅係芒果楊枝甘露 食楊枝甘露無數嘅我 都畀佢超級龍嘅芒果未打低 超正呀大佬

荃灣任食放題餐廳真係越來越多，令人有種停不了口嘅想食衝動，而今次我們就揀咗間不少好評嘅牛之鍋。餐廳位於悅來商場2樓也算方便今晚就係它$218加一2小時攻掠，入座時揀選卡位，因為餐廳為卡位添加小桌，可滿足我點滿全枱都夠位放嘅慾望飲品種類也多汽水，各類紙包飲品，啤酒同茶包都有醬料區蔬菜什菌區湯底我們揀咗蕃茄牛肉位湯，牛味濃郁，蕃茄清甜，做湯底唔錯唔會搶走火鍋料原有嘅鮮味青衣魚片，蠔，鮑片，海蝦(餐廳職員一直推介，餐廳係用新鮮海蝦，一定要點), 果然無失望肉質彈牙，蝦味鮮甜，火鍋最怕食到霉蝦，呢道絶對唔會，所以最後追加多8隻美國肥牛美國極上肥牛(必點)倆者間，個人比較中意呢個，牛味較濃，厚薄適中，放入湯中漱8-10秒岩岩好而餐廳炸物亦做得比一般放題好，所有食材火喉剛好，而且外皮薄脆，唔會有油膩感，個人推介芝麻雞翼必食，醃味香口，又保留肉汁，好好食。壽司就呢倆款比較出色，火炙芝士蝦同黑松露帶子。燒物另一不能錯過係甜品，餐廳標明係酒店師傅製作，的確比起奶凍杯，啫哩杯，現成和菓子有，總括$218加一cp值高，值得一試

之前一直都想試呢一間餐廳，所以今日同老公兩個人去咗試，一早book定枱，所以去到唔駛等就可以入座，入面環境非常舒適，被安排坐係卡位✌🏻，服務員非常親切有禮，湯底就叫左胡椒豬肚湯，湯底好濃，胡椒味好重👍🏻，但不會太鹹，火鍋配料就叫咗：美國牛肉、美國極上牛肉、蝦🦐，蠔、麻辣牛丸、牛柏葉、響鈴、蟹柳、墨魚滑等等，蝦同蠔非常新鮮夾口👍🏻，而牛肉方面呢，2款肉味都非常濃郁👍🏻，麻辣牛丸非常野味，而其他配料亦非常新鮮，蔬菜方面就要自己出去攞，飲品亦係任飲選擇亦都非常多，刺身就叫左：三文魚、八爪魚、赤貝、北寄貝、甜蝦、希靈魚，所有刺身非常新鮮👍🏻，日式料理食物方面亦非常多選擇，甜品亦都花多眼亂👍🏻，整體來講，120分鐘任飲任食，確係值得一試👍🏻👍🏻

出街食飯，好多因素影響我去幫襯邊間食肆 ---價錢平唔平? 環境舒唔舒適? 好唔好食? 衛唔衛生? 硬件改唔到，所以我較注重食物的素質。刺身及壽司是最能夠反映新鮮程度，光澤十足，就知係鮮。放題的海鮮通常會將貨就價，估唔到呢到係俾鮮蝦。吃過就知冷凍蝦是無法相比的。一同供應的任食生蠔和青口也是肥美肉厚的。肥瘦均勻的肥牛卷，雖未至入口即溶，但嫩滑度十足。墨魚滑非常彈牙，食到我要再黎多round。現場還有很多蔬菜及瓜類配料。火鍋放題嚟講好少有咁多種甜品供應，真係齋食甜品都飽。放入口時還是暖暖的香蕉班戟，相信也是即叫即制的，吃過後滿口充斥著嘅濃濃嘅香蕉味，唔可以錯過。

牛の鍋在荃灣悅來坊，即係熊貓酒店既2樓晚市放題A係日本料理、火鍋、甜品；晚市放題B只有火鍋、甜品我地就揀左多野食的那個~~始終開得起酒店樓下，質素應該唔會差同埋拎起張介紹紙就見到日本料理選擇超多，沙律/一品料理、刺身、壽司、天婦羅、燒物.......湯底係九洲豬骨湯底，好有出前一叮味道，味道超濃郁驚喜的是真有舊豬排骨起底出面有調醬料既地方，火鍋醬汁、壽司、青檸供應飲品甚至有啤酒類，仲有一大個位係自助取火鍋配料其他肉類、丸類、餃子類就需要寫紙仔俾侍應了海蝦、廣島蠔、青口、牛柏葉、土魷魚、墨魚滑日本甜蝦、三文魚、希靈魚美國極上牛肉、美國牛肉、豚肉美國極上牛肉既色澤係比較鮮艷D，新鮮D既海膽手卷、北寄貝沙律手卷自從我同我哥見到個張甜品紙有咁長，仲要即叫即做的關係我地整副心機都擺放左起甜品，同埋留定個肚食芋治抹茶芭菲個白玉超Q彈，綠茶味好強烈同紅豆軟綿，底部仲有脆米，好有專門甜品店水準仙草芋圓芋圓好正，同樣的Q彈楊枝金露較為輸蝕的一款，因為味道係正常街邊食既，同埋厭芒果太少，與其他種類的甜品比下去了芒果雪花冰一半芒果底、一半乳酪底，出面有配料可以自己加，所以一點都不單調~~榴槤金露一定要食、切

荃灣悅來酒店樓下有一個大商埸，沒事都會來一下走走，今天剛好朋友約我們來這裡，他說想帶我們食一家火鍋放題。這家餐廳剛好在酒店樓上，地方很大，可能是因為在酒店附近，所以裡面都是坐滿內地人，人來人往，價錢只有兩種，一種是只有甜品跟火鍋，另外一種多了一樣日本料理，分別只有50塊，我當然選擇全都要，$218套餐。還有湯底的選擇了＂椰子北海道牛乳鍋＂果然裡面有好多椰子，還有幾粒紅棗，煮了一下，上面全部都是泡泡，只要是用新鮮牛奶才可以起泡泡，喝下去真的好濃奶味，一級推薦。你看看食物的款式多到爆，牛肉都有分兩種，還有刺身，壽司，炸物，海鮮，燒物等等，都不夠？不用怕，外面還有好多其他的，菜類，麵類，瓜類等等，多到有選擇困難了，另外還有不同款式的飲料，都是任飲的，性價比超高。最重點來了，真的沒有看過一家放題是有這麼多甜品選擇，有熱的腐竹鵪鶉蛋，薑汁日本蕃薯仔，凍的楊枝甘露，綿綿冰，軟雪糕窩夫等等，最近還有新出的藍莓芝士杯，開心果巧克力慕斯，一直數都有16樣，當中我們叫了薑汁日本蕃薯仔，薑汁味勁濃，日本蕃薯仔特別甜，楊枝甘露的芒果又甜，還有一點點西袖的肉，好配，新出的藍莓芝士杯的藍莓最特別，又不會酸又不會太

跟家人逛完街，上網搵吓有乜好嘢食。 見呢間嘅口碑唔錯，雖然離地鐵站稍為遠左少少，好在質量及選擇都唔錯，尤其是有刺身(啱我)，甜品仲要係即叫即制，總算值得。上乘牛肉是打邊爐不可或缺的，有肉味又嫩口，非常棒!!豬骨腸燒得很香，食過好多次放題，很少見到有供應。炸物之中，我比較鐘意炸生蠔及榴槤炸彈。 生蠔新鮮肉厚，榴槤炸彈味道極度香濃，yummy!!諗住打邊爐點都象徵式叫番少少肉丸及腸，食落個牛丸幾好，夠彈牙而且有少少辣味，所以特別惹味!鹽燒串蝦也有驚喜，咪睇佢外面乾爭爭咁，裡面很 "juicy"的。清酒煮蜆是我的至愛，我覺得味道略淡，但還是不錯。這裏的刺身和壽司的質素， 絕對可以媲美 壽司專門店，也是我覺得這個放題抵食的原因。第一次食榴槤甘露，原來係芋圓同榴槤蓉，好大陣榴槤味，鍾意食榴槤嘅我又點會錯過。