牛の鍋日本料理

营业中

休息中

朋友推薦呢間任食火鍋放題今日黎到一試 果然冇介紹錯就算係平日夜晚都全場爆滿可想而知呢間餐廳幾受歡迎呢度可以揀一人一鍋 真係超加分 大家各自揀鍾意既湯底 仲衛生好多添我今次揀咗好養生嘅蟲草花松茸湯黎到見倒咁足料 真係好驚喜我地一班食肉獸都覺得啲肉唔錯極上牛肉 花紋好靚 牛味濃郁 嫩滑多汁紐西蘭羊肩肉 羊肉唔會膻 肉質好嫩特選豚肉 肥瘦適中 亦有豬肉嘅香味除咗肉類 其他火鍋配料都幾出色特別想讚一讚佢地嘅海鮮廣島蠔 隻隻都好飽滿 鮮甜多汁海蝦夠新鮮 食落鮮味 口感彈牙日式料理款式多到令人花多眼亂試咗好多都好高質 下面介紹最鍾意果幾款刺身甜蝦帶子好味到encore咗幾次芝士燒蟹蓋 釀咗滿滿嘅芝士薯蓉 冇得輸燒菠蘿香甜多汁 食到中段食佢 愈食愈開胃紫心香芋丸 外脆內軟 食多多都唔夠喉炸物同燒物都係即叫即整 真係好有誠意最後記得記得記得要留肚食甜品 重要野要講三次!!!!甜品選擇仲多過某啲自助餐 而且大部份都係即叫即整抹荼芭菲絕對係抹荼控必點 茶味夠濃而且好有層次榴槤甘露加入大pat榴槤肉 每啖都充滿榴槤香仲有泰式芒果糯米飯同台式仙草芋圓都好好味真係好想有多個胃 可以試哂咁多款

經過熊貓見到好平火鍋放題....一於入去試下....坐低後開始叫野食...呢到仲係用紙筆落order...呢樣要改善下..唔環保侍應全場得兩個...要舉手好耐先有人理你....食物質素一般....但咁既價..算係咁,牛肉普通....

成行成市的火鍋店，不可不試悅來坊的(牛之鍋)， 除了滿足我可以打邊爐外還有日式料理、甜品 ，一個價錢幾種食法， 人生一大樂事火鍋：八款湯底任你選擇，本人情有獨鍾胡椒豬肚湯底，真材實料， 先點了美國極上牛肉， 牛肉味夠濃，紐西蘭羊肩肉，羊肉挺有口感， 多款火鍋配料，黃金麻吉燒，粟米流心丸， 蟹柳午餐肉響鈴韭菜豬肉餃青口等.....款款新鮮彈牙日式料理： 新鮮和鮮味的刺身，可口的壽司 ，只用一字形容(鮮)天婦羅/揚物： 芝麻雞翼，黃金墨魚餅，黃金炸生蠔，大蝦天婦羅，蕃薯天婦羅，包羅萬有，色香味俱全甜品： 垂涎三尺的甜品也很多選擇， 大讚宇治抹茶芭菲，扭紋抹茶新地， 抹茶味雪糕非常濃郁， 榴槤控必食榴槤甘露， 仙草芋圓 亦是本人推介今晚捧著肚子離開，大滿足

呢間牛之鍋真係好多野食！仲有好多款飲品同甜品選擇👏🏻👏🏻連啤酒都係任飲，真係好抵！第一輪我地叫咗刺身同壽司，三文魚、帶子、甜蝦，都幾新鮮🦐🐟而壽司🍣就揀咗蟹籽軍艦、三文魚腩、花之戀等等，每款都細細件，一啖一口，唔會好飽。第二輪就緊係燒物🍢同炸物🍤啦，個人最鐘意芝麻雞翼同榴槤炸丸😋芝麻雞翼外脆內嫩，面層芝麻好香口；如果鐘意食榴槤，榴槤炸丸係絕不能差過！外層金黃香脆，內裡濃郁嘅榴槤流心，諗返都回味呀！之後就開始打邊邊🥘我地嘅湯底揀咗壽喜燒mix蕃茄。而身為食肉獸嘅我，又點會錯過呢個機會呢？呢到嘅美國牛肉、美國極上牛肉、紐西蘭羊肩肉、特選豚肉都係任食！每款肉類都有大/細碟可揀，我地就每樣肉類先order細碟😋鐘意先再叫大碟！個人最鐘意就係豚肉，佢用咗腩肉部分，肥瘦相間，肉味濃郁，肉質彈牙又嫩滑👍🏻丸腸款式多！最後就到甜品啦🍧🍮好驚喜見到menu 好多選擇呀！多到好似甜品鋪咁😂不過我地食到飽飽嘅關係，只係揀左芒果布甸同楊枝甘露咋！兩款甜品都好味！下次一定要留肚試哂啲甜品😍

喺荃灣悅來坊搵到間日式火鍋放題料理，未加一都係$228，價錢都幾平，一於試下！有得任食日本料理、火鍋同甜品，日本料理有壽司、刺身、天婦羅、一品料理、沙律等等，好豐富！食物都好快送到，份量都跟足落單嘅數目，去到火鍋嗰邊，可以一人揀一鍋湯底，咁我哋就揀咗蟲草花湯底同壽喜燒湯底，蟲草花湯底都好足料，十分有驚喜！火鍋料亦都好多選擇，肉類除咗有牛肉、豬肉、雞肉，仲有海鮮例如海蝦、廣島蠔、青口、帆立貝，除此之外仲有丸類、豆品類、烏冬等等，如果唔夠，仲可以喺出邊拎多種嘅蔬菜。甜品方面都幾出色，超過十款比你揀，全部都係細細份，食多幾件都唔怕濟，味道幾有驚喜，特別係宇治抹茶芭菲，拍得上出面專食甜品既級數！

疫情的關係已經好耐冇出街打邊爐lu🫕最近同事推介左一間火鍋連放題咁的牛の鍋。。。有齊火鍋🫕、天婦羅🍤🧆、燒物🍢、海鮮蠔、蝦、扇貝🦪🦐、壽司🍣、刺身等等。。。。。。應有盡有多選擇到唔知食咩好😙最好就係每樣分量可選1 件，咁就可以試唔同食物餐廳任食任飲2 小時，價錢亦唔貴~仲有分lunch / 730前離座或9點後入座優惠汽水、茶、啤酒🍺🧃🍵咩都有齊而且火鍋湯底也很貼心，可以選1人1鍋/要大鍋衛生得來又多選擇~有麻辣湯、壽喜燒、蕃茄薯仔、胡椒豬肚等等~🤪岩晒三五知己來gathering

🎂生日就是要肆無忌憚的吃呀、喝呀🍻，開心快樂這一天！ 於是到了荃灣熊貓🐼酒店的牛之鍋Shabu Shabub, 有壽星優惠啊！💰 強烈建議食A set ($228 有 剌身、壽司🍣、甜品🍮+火鍋🍲）刺身～三文魚肥美，帶子鮮甜size 也Ok! 🌹花之戀壽司🍣，亦是我的必選，很 Rich的！👩🏾‍🌾🍺晚市還有 Erdinger 生啤任飲，回本無難度💪🏽！主角來了～🥘火鍋底選了辣辣的麻辣鍋，好香啊！🥓美國極上牛肉～ 牛味濃郁、肥瘦適中又唔韌👉🏼吃了2大碟🥳！ 🐏紐西蘭羊肩肉～ 肉質很好，羊有羊味加上少少騷，🤤配麻辣...正斗！火鍋料好多～海蝦🦐、蠔🦪、鷄子、牛栢葉也來了2遍，而且上菜很快！👍🏼很滿足！非吃不可的甜品～抹茶新地🍦，濃濃的、滑滑的、甘甘的抹茶味🍵很足！ 評分：好食、抵食、物超所值的放題！🎏

今日突然好想打邊爐，嚟咗朋友公司附近嘅商場睇到呢間任食火鍋每位$228兩個鐘，仲有刺身食，即刻試下入到去裝修比較舊小小，睇落應該開咗好耐，而食物款式真係好多講下火鍋先，揀咗麻辣湯底，夠辣！有3張配料紙可以揀，仲可以拎個大碗出去自己夾蔬菜，真係應有盡有個價錢仲包括刺身、燒物、壽司、天婦羅、沙律，最後梗係嗌埋甜品。抹茶芭菲好加分!! 即整等耐小小都係值得嘅食得好滿足好飽，比嘅份量唔會好多，唔會浪費食物。另外飲品類別都值得一提，全部都係平時飲開嘅，呢間火鍋真係好啱我口味！

週末忽然興致勃勃 ，想食放題 朋友帶咗我嚟呢間 牛之鍋 講到好多嘢都有得食 吸引吸引 種類真係非常之多 有日本料理🍤🥩🍗 ，火鍋🍲，仲有好多即製甜品添🍰🍧🍦 鍋底我哋揀得健康啲菌菇鍋 😆 湯底味好濃 菌菇非常多 非常足料打邊爐嘅菜，飲品，醬油 要出去自己揀選 其他食物畫畫紙仔就搞掂 🤓🤓 減少接觸 肉類揀咗美國極上牛肉同特選豚肉 極上牛肉，可惜肉質偏瘦 牛肉味可以特選豚肉 ， 油脂分布平均 切得非常薄 食多兩件都吾覺油膩 刺身，壽司 🍣選擇唔算多有九款 ，質素算唔錯 三文魚 切得夠厚 又肥美 😋特別海膽壽司 👍🏻 非常新鮮 熟食 最愛雞泡魚乾 😍😍 出邊成$10-20一塊 呢度可以任食啊 燒菠蘿 🍍，酸酸甜甜非常開胃🥰 芝麻雞翼 同 炸蠔 都值得一試 熱辣辣 ，炸得啱啱好仲充滿肉汁 最愛最愛最愛梗係甜品啦呢度嘅甜品選擇真係非常之多有17種🤩🤩仲要中西合璧既甜品🍮都有 。3.6牛奶燉雪耳木瓜 ，非常清甜滋潤 ~~宇治抹茶芭菲 呢杯唔單止賣相靚，口感仲非常豐富

XXG最近試左間極高性價比嘅任食日式料理放題+火鍋🔥 繁忙時段$228 星期一至四19:30前/21:30後只需$198😱 款式超過200款‼️▪️8/10▫️<< 湯底 >> 選擇好多 揀咗壽喜燒同麻辣～ 壽喜燒湯好鮮甜 可以帶出食材嘅原味 同肉類、豆類好夾🤩 麻辣湯勁濃花椒味 夠辣 落海鮮同丸類岩哂~▪️7.5/10▫️<< 肉類 >> 牛豬雞羊齊哂🤪 一讚美國極上牛肉 雪花紋絡唔錯 肉嫩味香😋 五花肉片肥瘦剛好~ 羊肩肉唔會好羶👀 提議放壽喜燒湯底 肉味超出🥰▪️7.5/10▫️<< 海鮮 >> 主要反卓日本廣島蠔、海蝦、帆立貝同青口😋 幾新鮮 特別係海蝦同帆立貝 好鮮甜😯 廣島蠔夠肥美👅 另有鯇魚片 落麻辣湯底 好夾👍🏻▪️8/10▫️<< 刺身/壽司 >> 基本刺身都齊晒~ 特推厚切三文魚腩 脂香重🤤 甜蝦同北寄貝勁鮮甜 爽口彈牙‼️ 壽司🍣種類好多 海膽三文魚手卷 夠矜貴🤑▪️7.5/10▫️<< 炸物 >> 個人大愛黃金炸生蠔同紫心香芋丸

辛苦完一星期，終於嚟到尾聲，當然要放肆一下，先生物色咗呢間喺屋企附近嘅火鍋放題，俾肚皮放鬆一下。除咗火鍋之外，仲有一般放題常見嘅刺身、壽司、沙律、一品料理、炸物、燒物同甜品，每款種類嘅食物選擇都唔少，特別係甜品，選擇零舍多，而且大部份都係即叫即整。刺身質素唔錯，頗為新鮮，特別係甜蝦同帶子，鮮甜味美。壽司同軍艦質素亦唔錯，蟹籽更加係粒粒分明，入口卜卜脆。炸物即叫即製，上枱嘅時候仍然熱辣辣，特別係芝麻雞翼同榴槤炸彈，香脆可口，食多幾件都唔會膩。食完一輪刺身、壽司同小食，終於嚟到戲肉——打邊爐，湯底方面我哋揀咗豬骨濃湯，湯底香濃，亦唔會好重味精。美國極上牛肉質素好高，切得非常薄，油花綿密，入口鬆化，牛味亦好重，值得encore再encore！海鮮方面質素中規中矩，但勝在任叫，食多幾轉絕對番本。丸類同其他火鍋料質素亦唔錯，特別係左上角嘅粟米流心丸，彈牙嘅魚蛋入面係香濃嘅粟米流心，好似迷你嘅金寶粟米濃湯咁，鮮甜味美。菇蔬類需要自己出去拎，選擇亦唔少，而且擺放整齊有條理，食客亦自律帶上口罩先出去，感覺安心。飲品方面亦係自取，除咗汽水同茶類，仲有啤酒任飲。甜品係最吸引嘅一環，每款份量唔大，最適合貪心

食過幾次 每次都係食夜晚 覺得都幾抵食一個價錢包晒火鍋丶刺身丶燒物丶炸物、壽司🍣同甜品🍮啲嘢食味道都唔錯嘅 最估唔到係甜品！甜品選擇都幾多 仲要都幾高質下比得上坊間啲甜品舖🤣🤣🤣🤣

經過悅來坊，見到有呢間餐廳有得食刺身放題加打邊爐，好豐富，而且價錢唔貴，加上肚餓，於是入左黎😂😂入到去果然無失望，有好多配菜，野飲選擇多，醬料區都好豐富👍🏻👍🏻🌟 胡椒豬肚湯底 x 蟲草花松茸湯胡椒味香濃，豬肚爽脆，湯底煲左好耐，味道都好濃郁😋蟲草花松茸湯，清甜，好香既松茸味道，配打邊爐一流😋🌟刺身x 炸物刺身新鮮，鮮甜，炸物即叫即炸，芝麻雞翼香脆，榴蓮炸彈外層香脆，做到流心效果，鍾意食榴蓮既朋友必點，小弟都食左6粒😂天婦羅都係一樣即叫即炸，粉漿唔會太厚，好鬆脆，必食之一😋🌟美國極上牛肉 x 紐西蘭羊肩肉牛肉新鮮，即叫即切片，牛味濃郁，切得唔會太厚，而且大塊，打邊爐時唔會散哂👍🏻羊肉無羶味，新鮮，有好重既羊肉味，切點😋🌟 甜品：宇治抹茶芭菲抹茶芭菲好多配料，抹茶雪糕濃味，唔會太甜，丸子🍡口感彈牙，雪糕中間有脆脆，最底層有啫喱，好豐富，有去左日本餐廳既感覺😋

天氣涼咗幾日，梗係想打邊爐出街食返餐，滿足下自己😌一個價錢幾樣嘢食，可以打邊爐，可以食和食，仲可以食刺身壽司🍣。出得嚟食，梗係揀個咩都有嘅放題食🥰蔬菜飲品，醬料區都係自助形式，蔬菜類嘅款式都幾多🥦🥬。搞咗個椰子湯底，淥完的菜同肉都有椰子🥥清甜味，幾好😋。肉類切薄片，的牛淥3秒就食得😍，仲有豬都幾好味☺️，食落有層次既口感。仲有估唔到既係炸物😍，真係金黃色架，食落唔會成口油，吉列蠔🦪，不停Encore，香脆可口又creamy，仲有點少得榴槤炸彈😚壽司刺身水平一般，夠新鮮，唔差👍🏻，選擇一定冇日式放題咁多，不過佢有得揀既都唔少架，黑松露帶子幾正😋，花之戀又有❤️到最後可以食返個糖水甜品，超過10款比你揀🤩，一定有一款啱你，我就揀左個湯圓同3.6🍡牛奶燉木瓜雪耳，湯圓細細粒，個湯勁薑👍🏻。

位於荃灣呢一間日式火鍋店地理位置十分方便, 喺熊貓酒店二樓, 之前一直都想試，今日終於有時間同朋友嚟試。 店舖十分整潔寬敞，檯與檯之間有一定距離。午餐時間佢有一人火鍋套餐同放題任食兩種選擇， 同朋友嚟食，當然係揀放題任食。😁 侍應首先會問揀咩湯底我哋揀咗壽喜燒湯底。 然後佢會每款肉都上一份， 肉方面分別有美國牛肉同美國極上牛肉， 紐西蘭羊肉同特選豚肉， 說實在， 以每位118呢個價錢, 有咁多款肉揀, 而且肉嘅質素都唔錯, 真係物超所值。 除咗肉可以任叫之外， 佢出面仲有其他火鍋配料可以自己出去選擇， 款式都幾多， 而且蔬菜類都好新鮮。醬料區域， 可以選擇嘅醬料唔算好特別不過款式都好齊全。 最令我驚喜嘅係佢嘅飲品櫃有三個咁多，而且佢嘅飲品選擇十分多元化， 我好意外佢竟然有啤酒， 雖然我唔飲酒，但係以我所知大部分嘅火鍋店都唔會免費提供啤酒任飲， 個人覺得呢個火鍋店真係好大方。最後不得不讚佢嘅甜品，有榴槤pancake 雪糕之類，雖然我唔食榴槤pancake，不過對於榴槤控嘅人嚟講呢個係一個福音， 至於佢嘅軟雪糕我十分滿意，佢有雲呢拿同抹茶，兩款我都試過，特別讚揚佢嘅抹茶雪糕，抹茶味十分香