牛の鍋日本料理

营业中

休息中

冬天最好是打邊爐。平時去快餐店打邊爐就住吃都差不多100元1位。吃日式刺身天婦羅也不便宜。因為防疫，政府宣佈於十二月十日起晚上六時後再禁堂食。我和朋友决定在禁令前去牛之鍋痛快的吃一頓日式刺身放題，預早慶祝聖誕。火鍋每人一鍋好衛生。火鍋湯底和火鍋料選擇多。九州豬骨湯鮮甜，麻辣湯正。湯料選擇多又有質素。我吃了很多牛肉，羊肉，豬肉和蠔。極上牛肉尤其美味。蔬菜也新鮮多選擇。好味。朋友讚三文魚生和甜蝦好正。我比較喜歡炸物，尤其是黃金炸生蠔和黃金墨魚餅。榴槤炸彈，紫心香芋圓，番薯天婦羅，芝士春卷，炸大蝦，芝蔴雞翼也很有水準，我吃不停口。燒雞泡魚乾第一次吃，幾特別。甜品都好多款式。我最愛宇治抹茶芭菲。楊枝甘露，芒果布甸，藍梅芝士杯和榴槤班戟都好味。吃到勁飽勁滿足! 兩個人每人消費约250元，超值。

第一次到荃灣牛之鍋打邊爐🍲，確實無來錯，位於悅來商場裡面的自助火鍋店牛之鍋，一個價錢可以食盡所有火鍋配料，任飲任食真係好正。這裡有如放題，放題有魚生同壽司，這裡都有，比如壽司，手卷，軍纜，還有一些日本燒物，天婦羅，炸物都有。另外火鍋料有丸子，例如有多人選擇的牛筋丸，墨魚丸等，海鮮有生猛海蝦，日本廣島蠔，半殼帆立貝等等，另外肉類有牛肉/豬肉/羊肉片，都是靚料的肉類，好正。呢度蔬菜類就自己夾，有好多種款任君選擇啊，例如蔬菜🥬，瓜類及菰類，我就最喜歡萵筍同金針菰，仲有冬瓜南瓜🎃芋頭,都係超級不錯選擇。牛之鍋真係一個具備放題同火鍋🍲的好地方，大家可以來試試。

天氣涼左突然好想打邊爐，朋友就選擇左荃灣悦來坊既牛之鍋食午餐。湯底方面有四個選擇九州豬骨，麻辣湯，蕃茄薯仔牛肉粒仲有壽喜燒。我哋就選擇左九州豬骨湯底。肉類方便一共有四款選擇美國牛肉，美國極上牛肉，紐西蘭羊肩肉，同埋特選豚肉另外仲有任食蔬菜同埋丸類同甜品。首先我哋每樣肉類都叫咗一份，牛肉非常薄切，雪花均勻唔會好肥，牛肉味好濃，非常高質。羊肉方面比較普通，豚肉方面油脂比較多，一樣都係非常之薄切，口感嫩滑。飲品吧有成兩個雪櫃都係任飲而且估唔到出邊要加錢嘅啤酒佢呢度都係免費㗎！蔬菜自助吧都有非常多選擇，不過其他丸類配料就比較少選擇。打完邊爐最後我哋仲叫咗甜品，我自己就最鍾意芒果布甸。每人只係118就可以任食兩小時，雖然選擇唔算好豐富，不過性價比都算高啦。

這個星期的天氣正式轉冷了，那當然先去吃個火鍋曖一下身子才有動力去撐過這個冬天吧？這次就去了朋友公司附近這間牛の鍋，聽他說這間很特別，有很多東西吃，所以就來試試了！這次就選了套餐Ａ的放題，包括了日本料理，火鍋和甜品，一次過滿足了你的三個願望。外面的自助區也有很多不同的蔬菜選擇，其中最特別是有生雞蛋，應該可能是配搭壽喜燒湯底吧，但你也可以隨便拿！飲品種類也有很多，有啤酒，汽水，紙包飲品等，還有生啤任飲！而自助餐牌亦有很多選擇，差不多正常日式放題有的，這裡都有，選擇真的很多。還有火鍋配料，也有很多海鮮作選擇！最後是最特別的即製甜品，有超多款選擇，很多意想不到的也有，真的超滿足！這次湯底就選了超級濃味的麻辣湯，這個湯底真的很少見到放題會有提供，所以就點了來試試，湯底真的很濃，基本上下了材料後都不用再沾醬也很夠味，辣度方面就沒想像中的辣，我不太能吃辣的也可以接受。而朋友就選了清甜椰青湯，味道清淡，帶一點甜味！牛肉方面，這裡提供了二款牛肉可選，分別是美國牛肉和美國極上牛肉。美國牛肉會普通一點，肥的比較多，但吃起來有油香！美國極上牛肉就應該是牛肩肉來的，因為看到有一條半透明的身，吃起來會比較嫩滑，有

香港既冬天雖然唔凍, 但係商場冷氣都好夠凍, 所以都好鍾意打邊爐, 今日就去到荃灣悅來坊呢間牛之鍋食個火鍋放題, 呢到唔淨止係火鍋, 仲會有刺身/壽司我地叫左清湯椰青+麻辣鴛鴦鍋 椰青湯底非常清甜, 用黎煮菜食就岩哂! 而麻辣湯用黎煮肉就更好食!火鍋料:美國極上牛肉紐西蘭羊肩肉份量都唔少, 岩哂食得多既人, 肉質都唔錯, 平價火鍋放題而且肉都唔差真係好抵火鍋配料選擇唔少, 而且上菜既速度都好快!刺身同壽司出奇地新鮮, 不過如果凍D會好D天富羅/揚物芝麻雞翼榴槤炸彈即製甜品宇治抹茶buffet呢個係必食!!!!! 精選綿綿冰

放假去咗荃灣行街，順路食放題做晚餐，但其實「牛之鍋」並非一般嘅任食，因為呢度同時有得打邊爐㗎🍲。餐廳喺悦來坊入面，面積大兼多位，坐得舒服😌。收費方面，星期一至四晚正常時段成人每位$228，早啲埋單或者遲啲食就會平啲。我哋坐低第一時間梗係叫一轉嘢食先啦😆，食物種類繁多，包括火鍋配料、壽司刺身、沙律、一品料理、天婦羅、燒物同即制甜品等 火鍋湯底有十款揀，雙併加$18，我哋要咗壽喜燒湯併🍅蕃茄薯仔牛粒湯，前者濃味啲，我比較鍾意，後者就微酸。我哋枱係一大個鴛鴦鍋，不過隔離枱好似係一人一鍋，唔知點解呢，但無影響👌。我認為全晚淨食牛肉都夠飽夠回本🙈，完全冇諗過放題嘅火鍋牛肉會咁高質。肉類有四款，包括兩款牛肉、一款羊肉同一款豚肉，呢幾款肉有得揀份量，大碟或細碟。我哋諗住得兩條友就叫細啦，點知嚟到發現細碟都勁大碟，起碼有十大片😍，正。美國牛肉同美國特上牛肉我哋都有叫，兩款肉嘅紋理唔同，但都無出現黑蚊蚊或者有肥冇肉嘅情況🥩。睇名會以為特上牛肉應該正啲，但食落我哋一致覺得另一款普通美國牛肉更啱味蕾，🐮因為牛味濃啲，而且每片大大塊兼夠厚，口感更佳。你睇下真係超大塊㗎‼️，由於份量多，又要食其他嘢，我哋最終只能

Lunch想來個任食火鍋平。靚。正之選，可以來「牛之鍋」每人$118，就能任食兩小時，性價比很高👍.四款肉類，有美國牛肉，美國極上牛肉紐西蘭羊肩肉和特選豚肉我們選擇了極上牛同豚肉.極上牛肉色澤呈鮮紅，賣相吸引薄切令口感度增加，牛味濃郁帶油脂香，很高質！而豚肉的油香更是豐富，口感嫩滑，肉味濃.湯底方面，亦有四款口味九州豬骨湯，壽喜燒，蕃茄薯仔牛粒湯和重慶麻辣湯作為無辣不歡者，當然是選擇麻辣鍋😈麻辣鍋的辣度相當強勁而且愈煮愈辣，真是非常過癮😎.火鍋配料和甜品是用餐紙落單配料有十四款，如韭菜餃，牛丸，烏冬等另外，有自助吧，擺放的種類更多有金針菇，南瓜，年糕，蘿蔔，香菇等至少有二十多款呢😋.賣完肚後，甜品胃亦要得到滿足😎珍珠伯爵茶奶凍，口感滑溜，伯爵茶香突出其實還有芒果布甸，榴槤班戟，藍莓芝士杯等樣樣都想食，但因為太飽而放棄了😂

天氣涼兩地，梗係要打返個邊爐，今日我哋lunch time就去咗荃灣嘅悅來坊打邊爐，午市兩小時火鍋放題都只係百幾蚊，任飲任食，幾抵食。飲品選擇都幾多，除咗基本嘅可樂汽水之外，亦都有韓式飲品、烏龍茶、啤酒、紙包飲品等等，應有盡有。豉油同埋醬料等等都係自取，基本嘅蒜蓉、炸蒜、辣椒都有。蔬菜、菇類都係自取嘅，食幾多攞幾多。全部都幾新鮮。午市嘅火鍋配料主要都係一啲丸，但係都有幾多選擇。而肉類方面就係直接同店員落單，牛肉、羊肉、豬肉片都係任食嘅牛肉質素唔錯，唔會太肥，而且都幾重肉味。羊肉就唔係間間火鍋店都有得食，冬天食羊就啱晒啦豬肉片就正常水準，可以揀嘅話都會先食牛肉同羊肉。最後仲有甜品可以叫，都係任食嘅，而且都有好幾款選擇，每款都係細細杯，試多幾款都冇問題。自己就覺得芝士杯係最好食嘅，芝士夠濃夠滑，加埋仲有啲餅底一齊食，口感豐富。

荃灣熊貓酒店商場有間午市任食放題 價錢$118美國牛肉//美國極上牛肉//紐西蘭羊肩肉//特選豚肉任食有配料同自家製甜品蔬菜飲品吧仲有四隻湯底可揀一人一鍋或者一個大煲老實講裝修好平實；本來我唔係好抱 好大嘅期待但係結果竟然超出預算好抵食！！！性價比超高啱曬牛魔王食肉獸我哋叫咗一人一煲揀咗重慶麻辣湯//九洲豬骨湯豬骨湯夠曬濃 重慶麻辣湯超好味又辣又麻又夠濃味✅必點美國極上牛肉油花超靚又唔肥冇雪味 牛味100分我叫咗五碟全部大大碟 任叫 性價比超勁高😂😂特選全肉羊肩肉牛肉我都有試全部都高質 肉味濃又花靚 真心性價比高食一碟都已經回曬本重要任食冇漏單好抵呀！！✅飲品有兩個大雪櫃 有汽水茶類啤酒飲✅蔬菜bar冇乜特別 應有嘅都有✅甜品最神奇係自家製甜品通常都畀人覺得係雞肋呢間嘅甜品竟然整得好高質特別推薦芒果布甸 真係粒粒芒果肉另外有個藍莓 moose 都好好食藍莓味香 芝士味濃.侍應普遍都有禮貌 上菜快冇漏單最緊要係 d牛肉勁高質 勁快回本 真心超抵 仲要唔貴。。.🎀牛の鍋Ushi Shabu🎀荃灣荃華街3號悅來坊2樓202號舖

午市$118一位就享有兩小時任食火鍋，而且佢嘅肉類都多。有極上牛肉、美國牛肉、羊肉、豚肉，仲有多款不同配菜。有蔬菜🥬丸類等等，其實非常豐富，選擇亦都好多。鍾意呢度係一人一鍋，可以揀自己鍾意嘅湯底。我哋揀咗豬骨湯及蕃茄牛肉湯。呢度任飲任食仲有甜品。想講一講呢度嘅肉質相當唔錯，呢個價錢其實我真係覺得佢性價比非常高！極上牛肉及美國牛肉亦都好好食、完全唔似放題質素。豚肉亦都夠林，羊肉亦都夠香，所以非常有驚喜！呢個價錢真心抵食！

自己一直都好鍾意食火鍋放題，但平時食開嘅都係連鎖店，所以今次都想搵一啲平民啲嘅地方食下野。我覺得兩個鐘頭對於我哋來講已經好足夠，所以都唔介意。加上呢度二百幾蚊就可以食完一餐飯，其實都算性價比高。餐廳喺悅來坊入面，裝修都算好，特別想提嘅係，呢度嘅店員都好和藹，都應該係街坊嚟。我哋一開始叫咗碟牛肉，牛肉非常嫩，好過連鎖店。重點係，牛肉真係有牛味。唔係只係得雪藏味。呢度嘅豬肉亦都好好食，黑毛豚肉，應該成本一啲都唔平。我亦都叫咗其他嘢食，包括呢個黑松露牛油粟米，牛油粟米加咗黑松露，雖然唔係話好特別，但都算有新鮮感。刺身亦都唔差。火鍋湯底，店員建議我哋可以揀鴛鴦鍋，我就揀咗呢個椰青湯底同埋壽喜燒。壽司亦都係我嘅嘗試，呢度嘅花之戀亦都唔失禮。都算好食。雖然唔好話係高級日本餐廳嘅質素，但以街坊嚟計，絕對係交到功課。海膽手卷都值得一試，都算重成本。雖然紫菜唔係特別脆，但真係已經算唔錯。建議佢哋可以好似其他日本高級餐廳咁樣，如果有火槍嘅話，可以先火炙一下。

今日請假休息，去左老公想去既牛之鍋，本來都知佢晚市甜品好得，但打去問職員，佢話午市得雪糕。。。結果去到，原來都有6款甜品 （哈哈，我係甜品怪，熱食唔太熱衷）熱食有任拎既幾款業菜、有年糕、幾款菇、冬瓜豆卜，野飲有嘉士伯生啤、jolly sandy、道地解茶、韓式飲品等等，基本上飲幾樣。肉有極上牛、羊、普通肥牛、豬肉。我地2個食左9碟肉，羊係有麻醬點，好正。甜品食左9樣，我一個都食左7個，雲呢拿同綠茶雪糕都好味，綠茶好濃，偏苦，我再加左啲oreo餅碎同朱古力+棉花糖topping, 個珍珠奶茶奶凍又係好濃味，食左2杯，榴蓮pancake我都食左2個😂 仲有藍莓芝士蛋糕又係x2 , 似木槺布甸, 藍莓醬如果再多啲就正，另外芒果布甸係有芒果肉，呢個價錢食到飽飽加咁質數既甜品，好滿足

Maybe it was my first time to dine in Tsuen Wan. Got something to do here and saw this all-you-can-eat Japanese-style hotpot. We really couldn't remember when we had our last all-you-can-eat Japanese-style hotpot.  Given the cooler weather, so why not?Price was quite cheap at just $118+10% per head for two hours of all-you-can-eat Japanese-style hot pot, including unlimited 美國極上牛肉, 紐西蘭羊肩肉, 特選豚肉, other hot pot items, veggies, desserts and drinks. Choices were quite a lot!BrothThere were four choi

太難食啦第一次試、完全係無水準、最理想的應該係啲炸嘢、其他嘢都好唔掂！唔知點解會有人入去食！總之就係好難食！總之就一啲都唔好食最好就係去食佢lunch平嗰啲!千祈唔好食正價!一啲都唔抵食！千祈千祈唔好再入去食啲三文魚又難食啲壽司又難食啲牛仲難食！總之冇嘢好食！千祈千祈唔好再幫襯！因為真係好難食！最理想嘅應該就係嗰啲菜其他都好難食！食食吓都想嘔因為啲牛真係好難食！啲湯底又唔掂!就算係一人一鍋都跟住完全唔新鮮!所有嘅嘢都好難食!

Book 17:30, 早到了，也請我們入座等，店員禮貌十足，值得讚揚，帶子甜蝦赤貝刺身味道也可以，不過下單多少也總是會俾少的，但每次入紙上菜速度真的很快，待應也經常前來收碟，美國肥牛也很好吃，比另一款較好吃，廣島蠔，元貝，鮮蝦就麻麻了，甜品有多款式的，細細杯有驚喜美味，可以柯打叫多幾款試不同味道，窩夫做得好出色，鬆脆內軟，我19：30前結賬，成人$188，小童$128，另加一，我覺得呢間食物質素可以而且價錢抵，必定會再次惠顧