牛の鍋日本料理

营业中

休息中

早幾年已經開始幫襯，因為價錢合理有得打邊爐同時又可以食日式放題，第一次黎真係驚為天人，材料新鮮，種類繁多，服務細心，唔吹交枱。幾年後嘅今日再幫襯，野食款式小左，以前有墨魚滑，鰻魚天婦羅。。而家反而甜品款式多過以前，但啱食嘅野小左。今日頻繁出現漏單情況，例如金菇牛肉卷寫左幾張紙都未出到，最後影都冇，芒果炸蝦卷要遞第2張紙至出等等。。一開波盤魚生刺身以前擺靚靚，而家超hea, 甜蝦亦唔新鮮，三文魚刺身以前大塊厚切，而家細左一半都算，仲要質素差左好多。打邊爐嘅蝦5隻霉左2隻。牛肉只能叫極上牛肉，否則俾碟核核突突嘅肥牛黎，嚇親。生意艱難明白嘅，但唔好入劣質食材降低水平囉。甜品款式多仍然係佢嘅賣點，好彩甜品質素仍然保持到。

上菜速度良好。但是餐具頗污糟，我建議大家千祈唔好用嗰啲杯，淨係飲包裝飲品，因為嗰啲杯真係好污糟。我飲完個蘋果汁，見到杯底有滑潸潸嘅污跡🤦🏻‍♀️可能是因為放題，所以成日都落錯單。肉類啲肉好薄，啲燒物超難食，最好食嘅係甜品。總結：唔抵食

係ig見到呢間放題嘅甜品竟然有芭菲😳睇落好吸引而我又好耐無食過放題，一於book位試下❤️晚市有兩個選擇，火鍋加甜品$198，我地食日式料理+火鍋+甜品$248，價錢同市面其他放題店大同小異。星期一至四或者19:30前21:30後呢d時段會較優惠火鍋湯底選擇都幾合我口味，最後揀左蕃茄薯仔牛粒湯。火鍋料同日式放題食物係填紙字寫數量，蔬菜類同飲品就以自助形式取用整體食物質素個人覺得一般，首先任食肉類有5款，選擇較單調，而且唔額外加錢的話，牛睇落都唔係幾靚🧐見到有提供鴨血本來好興奮，但咬落去無味嘅😂相較之下，刺身、壽司、炸物等日式料理放題表現較好食到尾聲當然要叫番幾款甜品作結，反而幾有驚喜😳宇治抹茶芭菲絕對係必叫，抹茶味意想不到咁香濃，口感又滑，下面仲有朱古力脆米🥰其他甜品都幾特別，比其他放題款式突出雖然甜品挽救左d分數，但火鍋料對我黎講至關重要！不過有時一大班朋友求個地方任食大家開心下，又未必會太著重質素，而且佢有啤酒任飲，都有佢吸引之處😝

一心被榴槤吸引 所以在OpenRice用優惠購買餐飲券.之前啲平價刺身好新鮮 但去到有點失望 北寄貝沒有光澤 甜蝦和帶子無味的。最出色已經係打邊爐嘅極上牛肉和牛舌。千祈唔好食炸物會中伏 炸粉厚過隻蠔 唯一好食就係榴槤炸彈（炸物）。甜品雪糕嚟到已經溶溶地 榴槤班cake有驚喜 其他一般般。環境就比較黑同埋污糟唔係好適合小朋友去。服務態度啲阿姐顧住傾偈唔做嘢 落單算快但係叫10件比五件 我落咗三次單先落到想要嘅嘢。結論所有嘢一般般唔會再encore

哇真係人生未試過食咁差既火鍋放題以為咁多好評至少正正常常點知啲職員好似無聽力，明白忙但係唔係一直叫人都無人serve ，只係落個湯底姐，等就時間照計最過分係檯面有隻勁大蟑螂經過，直接叫佢都當無事聽唔到？咁衛生真係好咩，衣個價錢寧願食牛大人或者其他扇火鍋or但馬屋好過完全唔知點解咁多好評🙄🙄🙄🙄一定唔會再食囉唯一好少少就係甜品比較多選擇囉，衣個價錢黎講既話🙄🙄🙄🙄🙄🙄🙄真心極度需要⋯⋯⋯

生日前三天打去了book枱，當時已問生日優惠，4人去壽星仔半價，跟住就book埋5點半食$218，去到入枱前再confirm生日優惠，仲話埋單時出示證明，到叫湯底時有個女待應就話5點半無生日優惠，要每人$218咁點解答book枱同入枱都無講清楚， book枱講咗冇嘅，我就用openrice嘅$175卷啦食物方面一般，無呢度啲相咁新鮮咁靚囉，打邊爐嘅牛都可以，甜品都無呢度講得咁好食，失望，只係種類多，又可以一人一鍋打邊

看到很多的報導，都講得很好。但食了後，覺得都是一般。魚生刺生，沒有好多食評講咁新鮮，我覺得和很多講新鮮，有一段距離。火鍋好似好多選擇，但都是一些大路野。雞肉都不見得很吸引。菜也很快沒有供應。

之前晚市到6點時去過食火鍋放題，覺得性價比唔錯，見今期$197(已包加一)有火鍋+日式放題，所以即刻去試下。首先佢既食物種類一定唔會夠剩係食火鍋或日式放題既餐廳多，但勝在應有同大路既食物/飲品都有，而且食物質素算中上。肉類、魚生解冷好好同新鮮，唔會有雪或一pat pat；壽司、炸物同其他火鍋食物等都好正常。另外，我覺得佢既甜品好好食，特別推介綿綿冰及抹茶巴菲。最後，我特別想讚下呢度既員工，佢地全部都好有禮貌同勤快，好少漏單，就算有都好積極同你跟進，確保唔會重覆俾食物你，值得一讚。個人覺得呢個價錢有火鍋同日式放題絕對超值，無諗過可以食得咁高興，再加埋服務好好，我絕對會再去

自從限聚令放寬，可以四人同台，剛剛好我們一家四口，就鍾意四圍搵好野食。平時係屋企都會打下邊爐，自己街市買野食都唔少錢。唔想麻煩唸買咩，又要出街買宋同洗碗洗爐，鍾意打邊爐既我們就有好介紹。今次來到荃灣牛之鍋，簡直係打邊爐發燒友既好去處，呢度人頭228 免加一，如果7:30 前埋單仲便D, $198 人頭一位，如果長者同小朋友就再便D。呢度仲有好多野食揀，牛之鍋故名思義牛肉出名，岩晒我地成家食肉獸。除左牛肉，仲有豬同羊，口感同肉質都吾錯架。呢度仲可以點海鮮，例如蝦，蜆。打得邊爐都點會少得丸同餃子，真係任君選擇。差點唔記得，仲有炸物同魚生，如果日本放題食魚生為主的話，呢度一個價錢就兩個放題選擇，又有魚生又有得打邊爐。最後甜品也是款式多多，包羅萬有，食完真係捧著肚子回家，好抵食好開心滿足。

平民邊爐+放題, 食左咁耐都係咁旺, 平價放題來講D 熱食質素都ok唯獨係可能經濟差左, 靜悄悄已把海膽手卷同海膽軍下左架, 但無損抵食度($300有找嘅質素都算ok 啦)

預早兩星期的電話預約，竟然去到話冇位😡原因係因為要個客自己打電話去再做確認，我每個星期都出街食幾餐，從來都係店長致電客人確認。這間食肆簡直令我嬲到爆🤬💥。

突然想打邊爐，就搜尋下屋企附近有咩打邊爐既地方，係OpenRice見到哩間邊爐放題見佢評價唔錯，價錢都okay, 就二話不說黎試下。一黎到感覺已經十分良好，因為門口侍應哥哥都好有禮貌，介紹好曬有咩食同點樣點餐。仲有我帶埋小朋友佢都安排左個方便既位比我，出街食野唔止享受食物，享受服務到緊要，哩一點值得讚呀！另外要讚既係上菜速度呀，快又準呀！食放題成日怕漏單，哩個情況完全冇發生，唔洗點完又點，十分好！哩度d野食都好新鮮，我地叫左蜆同埋蝦你都唔會話覺得佢係擺左好耐，唔敢食既。d蜆都係鮮甜同大隻既！另外想讚既係d壽司，通常去食火鍋放題d壽司都唔係幾掂，哩一間就唔同，係very okay既👍 最後甜品仲有好多選擇，估唔到仲有芋圓，我地叫左芋圓、布甸、同埋宇治雪糕🍦。為今晚突如其來既邊邊放題劃上完美既句號。

係咪見到個標題都飽飽地呢😂冇錯呢一間唔可以叫做邊爐舖或者放題店，因為佢同時有日式放題🍤🍣+打邊爐🍲🥘+甜品🍦🍨🍰+啤酒🍺任飲任食‼️然後出乎想像地每一樣食物都有返咁上下質素，冇揸流攤😍😍首先湯底方面可以揀大家一齊share或者一人一鍋，我哋就揀咗一人一鍋，包括左係胡椒豬肚湯同埋芫荽皮蛋湯，胡椒豬肚湯就咁飲都好好味🍲🥘真係有豬肚係入邊，芫荽皮蛋嘅芫荽就似乎唔夠多，但唔緊要可以喺出邊調味料區狂加🤣🤣肉嘅部份我哋試咗極上牛肉同埋豚肉🥓🥩坦白講啲牛肉肥瘦適中，切得超級簿，肉味香濃真係唔差👍🏻👍🏻海鮮方面都有日本廣島蠔、生猛海蝦🦪🦐刺身壽司都有廿幾款🍣仲有我最鍾意嘅帶子刺身，鮮大大粒，壽司飯好迷你，啱晒大家留肚食其他嘢，因為佢嘅甜品好出色，嘢飲方面，晚市係會送啤酒放題🍺🍻🥂唔飲啤酒嘅都有10幾款飲品俾你揀🧃🥤甜品唔係啲不知名牌子嘅雪糕🤣而真係幾有特色，包括左幾款榴槤甜品，我自己最鍾意就係榴槤甘露😙一下子食咗幾杯，仲有芒果糯米飯🥭、芒果綿綿冰🍧、宇治抹茶芭菲🍨、珍珠伯爵茶奶凍都好有水準，建議大家一定要留肚食甜品啊！

天氣變熱後，已經好少打邊爐。但其實打邊爐鋪癮長期都係度，所以難得人齊，全家人就去附近打邊爐。老婆上網見牛の鍋好評如潮，價錢又唔貴，再加埋放題好似多啲選擇，就去試下！未講食物之先，先欣賞下佢可以一人點一鍋嘅設計。第一，避免平時鴛鴦湯底, 辣個邊總會沾到清湯嘅麻煩! 其次係咁嘅擺法，令到我兩個仔女前面可以有位食野之餘，又唔使太擔心佢地唔小心被熱親。 😎老實講，我對放題無乜要求，任食嘅野唔好太差就得。但牛の鍋真係唔錯，雖然打邊爐嘅配料唔算特別多，但湯底味道鮮甜、食材算得上新鮮，就已經好夠啦。特別推薦極上牛肉，薄薄一塊，更加刺激食慾, 而蝦、蜆都幾新鮮。個人覺得有日本大蔥都幾加分！ 放題我主要食串燒，特別欣賞燒日本甜薯、雞泡魚乾，全家人都覺得好好味，仲要重複落單幾次。而最驚喜係甜品嘅選擇之多, 仲要每款都幾吸引! 我地叫咗綿綿冰、榴槤甘露、芒果布丁、仙草芋圓, 都幾有水準。 (榴槤甘露我仲encore一次添!)牛の鍋絕對係CP值高嘅一間餐店, 附近嘅朋友可以考慮考慮!

火鍋一直是我的最愛，今日剛考完試，想好好慰勞一下自己，便與家人提議去荃灣悅來坊二樓日式放題“牛之鍋”放松。平日一至四七點半以前有優惠！餐廳座落在商場裏的店鋪其實面積並不小，環境寬敞衛生，各種菜品、飲料擺放整齊。湯底就有好幾種，我們點的是豬骨湯＋椰汁湯底，火鍋碗料可根據自己的口味調配，各種菌類、蔬菜、豆制品和飲料則都是自助的。三文魚、八爪魚、鮑片、北寄貝、甜蝦等應有盡有，新鮮質優。美國極上牛肉、紐西蘭羊肩肉、臺灣鴨血、紐西蘭青口、日本廣島蠔、花膠、豬肚、牛栢葉等花樣繁多，味美可口，火鍋海鮮類基本是每桌必叫，鮮味十足！燒物都種類很大推荐燒蟹蓋和雞軟骨，非常美味！甜品楊枝甘露、芒果糯米飯、仙草芋圓等軟糯香甜，口感細膩，質素很高！Staff亦都非常nice忙前忙后招待每枱客人，聽介紹“牛之鍋”在香港有好幾家分店，下次會去其他分店試下～