燒鬼 (已結業)

之前係OpenRice 見到食評唔錯，相裡面s牛都好靚所以黎試吓，仲叫左應該係最好嘅和牛餐。首先，我地8點果輪，本來就只得2個鐘頭食，唔係好夠時間。d野食上得好慢。第一輪叫嘅刺身，要追兩次先到，果陣已經過左成個鐘。到左果陣仲同我講要last order????我地頭一個鐘真係慢慢燒，因為d牛未解凍，要等大約15分鐘。我地好幾次係檯面無野食。之後last order 完左d嘢突然黎曬，多到張檯無位擺要食得好趕！主角和牛真係一般，第一輪有一兩舊都仲算好少少。之後果d 真係2/3係肥肉，最後真係好濟，因為成肚油。其他野食都好普通。環境方面，周圍好嘈。兩個人講野經常聽唔到對方講咩...總結係，之前睇上好好嘅評論同相對比我今次嘅經歷真係差好遠。一係，佢越做越差，一係，果d都係鮮稿。

情人節個仔生日我哋1行五人上到去食，安排中間位置兩位兩位夾住板。其實坐中間真係好逼，其實上咗兩碟野張枱已經冇位擺野，現場座位不多坐滿應該最多隻可以坐五十人左右。現場比我想像中細好多不過唔緊要啦最緊要啲嘢好食啦。因為生日關係所以冇問，就直接加左98元去A四和牛任食。和牛任食係唔可以手機落單，每次都要搵侍應落單，飲品亦都係每次要搵侍應落單，呢一方面真係要反映一下。我叫第一碟牛係等咗20分鐘先上個夥計完全做唔切，因為當日係年初三又係情人節關係所以係滿座。現場所見得一個侍應係熱心工作同做嘢，一個人做曬啲全部人嘅柯打。我見佢都好忙但係我每一次都要搵佢噶和牛同加飲品我自己都覺得自己好煩。，但係留意返其實間野唔係無其他伙計，現場好似仲有兩個經理同兩個侍應，但全程都唔見人，只係見一個好落力嘅侍應幫我哋。其實野食我覺得呢間野真係唔錯，和牛好味，刺身新鮮，小食亦都好好食，但係得一個侍應做嘢真係唔知點講好，又唔係冇人嗰個經理係完全唔做嘢。淨係見到佢埋單。仲有一個侍應全程蛇王，我等因為得一個廁所，我等廁所等咗半個鐘，原來有一個侍應喺入邊煲煙煲足半個鐘。雖然間野真係幾好食，但我諗我唔會再幫襯。

見到openeice嘅評分大部份都係好正面，所以就book咗呢一間燒肉同屋企人嚟食。雖然係用電話scan QR code 嚟落單，但神奇地每一輪都會漏嘢食 (e.g. 諗住叫魷魚筒仔嚟燒下，由第一輪開始點，落左幾輪都唔見蹤影(可能仲係海中暢游緊🦑)，要特登問服務員，先上兩條俾我地。之後想再要魷魚筒時，就話冇曬。)。而嚟左既又唔係跟住你落嘅數量嚟俾。不過，啲飽肚嘅食品例如飯，麵，同烏冬就每次都好準時咁送到黎。(可能係驚我哋食唔飽🧐)座位同座位之間的空間唔算太迫，但個爐嘅火好細，啲嘢要燒好耐先至熟。食物質素普通，喺銅鑼灣，$3xx可以有其他好啲嘅選擇。

肉類又多筋又唔滑，連所謂的和牛都好難食，食落去好韌，咬到牙都攰埋，見到有好多人話佢d肉好高質好好食，應該1000%係打手😀加上放題的肉有d款係無貨無得叫，食少左款肉但又要比同樣價錢.其他食物例如刺身同小食都ok，無唔新鮮同唔熱的情況出現，刺身反而食得開心多過燒肉。食完有一盒雪糕當甜品，唔知咩牌子，而且都幾細盒，一啖就食完，雪糕冇得放題🥲.呢間燒肉overall真係唔抵食🙅🏻‍♂️當時週末夜晚去差不多4百幾一個人埋單，主要係性價比真係好一般。

呢間日式鬼怪風燒肉店，9月岩岩開業冇耐嘅時候，作為食肉獸嘅我地，就去試咗啦😚▪️兩小時A4和牛放題▪️$298+98正常$298包普通牛肉同好多小食，而加多$98就有埋和牛同汽水果汁放題。和牛🥩放題一開始會上哂4種款式，俾人試食，睇下鍾意食邊個部位，之後就可以專揀某個部位黎食啦😋除咗牛，仲有好多其他野食，包捨刺身、前菜同一般燒肉有嘅野，但當日食嘅甜蝦🦐同元貝都麻麻地，冇咩味😕畢竟都係專攻牛🥩，佢嘅和牛都係juicy，但入口即融定有咬口就好睇自己燒肉嘅技巧，表現正常嘅和牛🙃不過同食邊爐唔同，燒肉食得多和牛都相對比較膩，戰鬥力會比較弱😂🤩鬼怪嘅design係幾得意，比較吸引我眼球嘅係佢係旁邊用燈光同煙整嘅火🔥，真係幾靚。📌設計上比較不足嘅係，佢吸油煙嘅煙通同烤爐距離比較近，而且仲冇得調節，燒肉燒起黎麻煩，仲容易掂到煙通嘅污跡，有d唔衛生😕#foodtaster日式

啲肉未解凍，多根而且唔太靚，唔知點解會咁多好評，而且價錢唔平，我係去食生日飯，好失望...求其食牛角嗰啲都好過佢好多...兩個人每人三百幾食個lunch都咁既質素，個炸雞仲要唔熟，而且選擇都唔多...唔知點解啲肉睇上去好食落會咁大分別...其實呢間餐廳最重要嘅係食物質素，其他嘢都係門面野，唯一欣賞嘅係佢哋播既歌都幾有taste...希望佢哋可以好好咁改善食物質素挽回食客信心啦，其他宣傳好評呢啲都唔會令到間餐廳站得住腳...

🌟燒鬼🌟位於銅鑼灣，主打日式燒肉食放題！9:30後，Sapporo 啤酒 🍻只需要$18/杯！勁抵飲呀！即刻叫左兩杯，啤一啤！💕牛鬼拼盤 🥩餐廳會贈送每枱一個牛鬼拼盤💗，有八個唔同嘅A4和牛部位，和牛顏色粉嫩，雪花分佈平均，賣相吸引！🤩💕刺身三文魚及帶子，款新鮮甜美！🥰💕壽司炙燒帶子壽司🍣、和牛壽司，味道都不錯！😚💕海鮮帆立貝大隻厚肉，鮮味十足！👍🏻💕飯三文魚茶漬飯加少量Wasabi，更加滋味！

疫情下冇得去日本呀，咁就去食和牛滿足下自己啦。呢一間放題店，係喺銅鑼灣地鐵站附近嘅樓上店。感覺上呢度座位唔多，但係氣氛唔錯，仲會有識着火嘅裝飾。呢度嘅服務質素都幾貼心，會介紹唔同肉嘅部份，食物質素呢都好唔錯！咁我最鍾意食嘅呢就係佢嘅三文魚茶漬飯。因為食完呢個真係好適合去解膩啦。佢刺身呢方面都係質素唔錯，好新鮮。至於和牛拼盤呢，佢就用咗一個好有得意嘅盤present 出嚟😃 我就比較鍾意肥瘦比例適中嘅上小排肉。另外呢都鍾意佢嘅日本番薯，非常迷你，煙靭有咬口，又夠sweet. 💖 值得推介呢間放題店啊💕

燒肉、海鮮、刺身, 成日都好想同一時間食哂咁多樣野, 呢日黎到銅鑼灣既燒鬼, 一次過滿足哂我3個願望! 呢個餐都真係幾多野食! 性價比CP 值相當高! 前菜有枝豆、豆腐、牛蒡海蜇, 仲要樣樣都高質新鮮, D 枝豆粒粒都好飽滿翠綠,個皮唔會話帶黑~ 刺身就有帶子、甜蝦、北寄貝、鮑魚同埋三文魚,魚類超肥美! 食完一舊接一舊停唔到口! 甜蝦都係肥美個D! 食落好有鮮味! 好吸引! 壽司都有唔少選擇, 而家夠哂高質, 柚子醬油和牛壽司、明太子醬帶子灸燒壽司, 帶子食落勁肥美! 和牛壽司超正! 又係食到停唔到口! 和牛方面都有好多選擇! 最正梗係上小排肉! 食到我lam lam 利! D 菇同埋蠔既調味都好正! 放入去慢慢燒慢慢食! 感覺好滿足! 食埋個三文魚茶漬飯真係大滿足! 放題黎講呢間既服務相對貼心! 好食!

位於銅鑼灣駱克道459至461號 The L Square 9樓的燒鬼 Yaki Oni ，主打日本燒肉放題。整體來說，餐廳的食物種類十分豐富，能滿足筆者和朋友對日式燒肉放題的期望和慾望。。餐廳桌面的位置明亮，吃東西的時候不需要摸黑。餐廳的路線也是走型格風。前菜的份量不會太過多，可以多試幾款口味。點了三款前菜：枝豆 Eda Mame、 泡菜豆腐（豆腐鬼）Bean Curd with Kimchi 、中華海蜇 Jellyfish朋友最愛吃枝豆，即點即烚，上桌時還是暖暖的，夠新鮮。刺身則點了五款：榮螺片山葵漬(榮螺鬼) Whelk Slice with Shem Wasabi Cut帶子 Scallop甜蝦 Ama Ebi鰹魚 Bonito三文魚 Salmon刺身質感爽口、冰凍，可見用料新鮮，朋友最愛吃鮮甜的甜蝦。柚子醬油和牛壽司 Wagyu with Yuzu Soy Sauce Sushi明太子醬帶子炙燒壽司Roasted Scallop with Mentaiko Sauce Sushi兩款壽司都是較為特別的款式，個人較為愛吃後者的炙燒壽司。用火槍微微燒過的帶子肉味道相當不錯，外面燒

燒鬼平身做開燒肉放題🍖🍗🥩，但由於疫情嚴重😷，最近為燒肉控推出外送套餐🥡，燒肉crossover日式松葉蟹腳火鍋🤤，佢哋會提供埋個燒烤爐同火鍋，等大家可以「一爐兩食」，完美演繹咩叫三心兩意🤩。.首先講講燒肉部分🥩： 肉類方面有齊A4和牛上小排、胸腹肉、牛冧肉、中腹肉、醬油牛小排、牛肩、香草豚肉腸、雞肉同豚肉🐥🐷。海鮮有廣島蠔🦪、帆立貝、海蝦同BB魷魚🦑。另外仲有咖喱餃子🥟同刺身：三文魚🐟、甜蝦🦐、帶子、北寄貝。.跟餐仲有白飯🍚同三文魚味增湯🥣。份量對於二人來說剛好🤤，燒肉質素唔錯😍，油脂分布均勻🤩，入口軟滑👍🏻。另外，刺身同餃子都好食，不錯喔！.如果大家唔夠食可以叫埋日式松葉蟹腳火鍋（+$188/2人前）🍲，火鍋配料有松葉蟹腳150g🦀、生蠔X2🦪、帶子X2和海蝦X2🦐、牛肉同野菜拼盤🥩🥦。松葉蟹份量雖然唔多，但蟹腳食落都微甜😎，一爐兩食好滿足💋！.食完後餐廳會安排返收返啲用具同爐，所以就算屋企本身冇呢啲用具都唔使怕啦🤗！.

今日我哋去咗銅鑼灣燒鬼食午餐，餐廳位於銅鑼灣廣場後面，地點便利入到餐廳，餐廳嘅風格好日式居酒屋，好有日本嘅感覺呢一間餐廳主打係放題，屬於精品放題，燒肉質素非常高，全部食物都係即叫即做，所以特別新鮮同埋熱辣辣呢度嘅放題食物選擇都好多，我哋坐低就叫咗前菜開個胃先。熱辣辣嘅枝豆，真係特別好食，鍾意食枝豆嘅朋友，都知道越熱嘅知道就越好食另外我哋仲叫咗中華海蜇同埋泡菜豆腐，件件都好似精品一樣，賣相十分之靚刺身方面我哋叫咗五款刺身，包括三文魚、鰹魚、甜蝦、帶子同埋榮螺片山葵漬，刺身非常新鮮同鮮甜，估唔到放題都有咁好嘅質素放題我哋就唔食咁多飯，所以淨係試咗兩款壽司，分別係柚子醬油和牛壽司同埋明太子醬帶子炙燒壽司然後主角燒肉嚟啦，全部都係和牛級別，包括上小排肉、橫隔肌、腹骨、內側腹肉除咗燒肉之外仲有海鮮，包括海蝦、香蒜牛油帆立貝同意式香草醬廣島蠔蔬菜類有迷你日本番薯同埋牛油雜菇最後好推介嘅係三文魚茶漬飯， 冬天食完暖粒粒，而且份量啱啱好滿足到我想食少少但又唔會太飽嘅感覺

🌟久違有質素的燒肉價錢都偏合理的銅鑼灣餐廳可睇下面👇總類都好多的選擇😍由燒肉（牛.雞.豬.海鮮）仲有前菜·沙拉·壽司·天婦羅·蔬菜🥰前菜都十分醒胃三款都值得一試😆牛的等級更有細分🤤🤤燒肉的質素都極有質素👍👍👍每塊牛咬落的質感都好唔同個人就鍾意牛冧肉咬落去完全入口即溶☺️柚子醬油和牛壽司明太子三文魚炙燒壽司壽司都極為推薦特別係和牛壽司✨食落牛味極濃而且好新鮮柚子醬油的配合更加清新刺身亦係另一推薦👍👍因為十分新鮮🤤而且每塊刺身有返一定的厚度😍帶子同蠔已經調味帶子係一個青醬一個經典牛油蒜香蠔就亦都係經典味道兩者食落都好鮮甜☺️只係青醬味的帶子就被搶左味..蝦就不過不失最後的茶漬飯看似普通卻係食到停唔到口即使已經飽😅整體睇落好似好少野但食食下就突然飽左而且係十分滿足🥰🥰

中午約朋友到燒鬼吃午餐😋，位於銅鑼灣駱克道459-461號The L. Square 9樓， 地點方便， 這裏主打高品質和牛燒肉的日式燒肉餐廳， 賣點是不同部位的日本A4和牛燒肉和特色單點美食。 店內裝修全黑，以東瀛鬼怪故事為主題。✨ 午市放題$298一位加一， 食物種類多，前菜、 刺身壽司、和牛拼盤、海鮮、蔬菜和三文魚茶漬飯。✨牛鬼和牛拼盤:主角出場，前胸肉、上小排肉、腹脅和內側腹肉，四款入口即溶，上小排肉的口感比較豐富，牛味較為濃郁，食得好滿足。海鮮:除了和牛之外， 還有海鮮類，香蒜牛油帆立貝、 意式香草醬廣島蠔和海蝦， 帆立貝味道鮮甜， 廣島蠔肥美多汁， 海蝦味道甜美。蔬菜:迷你日本蕃薯和牛油雜菌都唔錯， 日本蕃薯細細粒甜甜的， 雜菌吸了牛油的味道， 特別好味。刺身:有榮螺片山葵漬、 帶子、甜蝦、鰹魚和三文魚， 幾款刺身都很新鮮。榮螺片山葵漬，爽口兼有淡淡山葵味。帶子肥美， 甜蝦鮮甜，三文魚和鰹魚新鮮好味。壽司:壽司🍣我喜歡柚子醬油和牛壽司和明太子醬帶子炙燒壽司， 鮮嫩的和牛配上柚子醬油，兩者味道好夾，明太子醬帶出炙燒過的帶子鮮味。前菜:三款開胃前菜枝豆、泡菜豆腐和中華海蜇， 枝

和牛人人都鐘意食 但係價錢比較貴 成日都唔夠喉😆 今次要介紹既呢間燒鬼係以精品放題出名既和牛燒肉放題 性價比相當高😍 以放題黎講服務貼心今次我地唔同類型既食物都有試下 前菜就食左泡菜豆腐同中華海蜇😬 好開胃 海蜇好爽口👍🏻 刺身就試左三文魚 帶子 甜蝦 鰹魚同榮螺片山葵漬 甜蝦好大隻丫🤩 三文魚好厚切 鰹魚都幾特別架 出面比較少見👅壽司就試左柚子醬油和牛壽司同明太子醬帶子炙燒壽司🥰 令人好掛住日本既和牛壽司丫😢 明太子醬帶子炙燒壽司燒過帶子更甜更好食👅終於到重頭戲既和牛燒肉啦 今次就食左內側腹肉 前胸肉 上小排肉同腹脅🤩 每一塊都好肥美 油脂分布好靚好平均 最好食係上小排肉 好腍好juicy😋除左燒肉 仲有燒海鮮同蔬菜 包括帆立貝 海蝦 廣島蠔 迷你日本蕃薯同菠蘿🍍帆立貝都幾大粒 調味好夠味丫👍🏻 最後食埋個三文魚茶漬飯 暖立立 好滿足🌟