燒鬼 (已結業)

之前係OpenRice 見到食評唔錯，相裡面s牛都好靚所以黎試吓，仲叫左應該係最好嘅和牛餐。首先，我地8點果輪，本來就只得2個鐘頭食，唔係好夠時間。d野食上得好慢。第一輪叫嘅刺身，要追兩次先到，果陣已經過左成個鐘。到左果陣仲同我講要last order????我地頭一個鐘真係慢慢燒，因為d牛未解凍，要等大約15分鐘。我地好幾次係檯面無野食。之後last order 完左d嘢突然黎曬，多到張檯無位擺要食得好趕！主角和牛真係一般，第一輪有一兩舊都仲算好少少。之後果d 真係2/3係肥肉，最後真係好濟，因為成肚油。其他野食都好普通。環境方面，周圍好嘈。兩個人講野經常聽唔到對方講咩...總結係，之前睇上好好嘅評論同相對比我今次嘅經歷真係差好遠。一係，佢越做越差，一係，果d都係鮮稿。