燒鬼 (已結業)

今日我哋去咗銅鑼灣燒鬼食午餐，餐廳位於銅鑼灣廣場後面，地點便利入到餐廳，餐廳嘅風格好日式居酒屋，好有日本嘅感覺呢一間餐廳主打係放題，屬於精品放題，燒肉質素非常高，全部食物都係即叫即做，所以特別新鮮同埋熱辣辣呢度嘅放題食物選擇都好多，我哋坐低就叫咗前菜開個胃先。熱辣辣嘅枝豆，真係特別好食，鍾意食枝豆嘅朋友，都知道越熱嘅知道就越好食另外我哋仲叫咗中華海蜇同埋泡菜豆腐，件件都好似精品一樣，賣相十分之靚刺身方面我哋叫咗五款刺身，包括三文魚、鰹魚、甜蝦、帶子同埋榮螺片山葵漬，刺身非常新鮮同鮮甜，估唔到放題都有咁好嘅質素放題我哋就唔食咁多飯，所以淨係試咗兩款壽司，分別係柚子醬油和牛壽司同埋明太子醬帶子炙燒壽司然後主角燒肉嚟啦，全部都係和牛級別，包括上小排肉、橫隔肌、腹骨、內側腹肉除咗燒肉之外仲有海鮮，包括海蝦、香蒜牛油帆立貝同意式香草醬廣島蠔蔬菜類有迷你日本番薯同埋牛油雜菇最後好推介嘅係三文魚茶漬飯， 冬天食完暖粒粒，而且份量啱啱好滿足到我想食少少但又唔會太飽嘅感覺