熊拉麵 (蘇杭街)

营业中

休息中

雖然香港有好多拉麵舖，我亦都試過唔少間， 但最後我食完熊拉麵之後，我就可以好肯定 咁講呢間係我食過最好食嘅拉麵。 佢雖然細細間， 但係好正宗，中環果然係臥虎藏龍。因為好肚餓嘅關係我叫咗個超級巨熊拉麵 ，一碗有四塊叉燒， 但之後就好後悔， 因為每塊叉燒都好大塊同埋好厚肉， 結果我係食唔曬俾咗一塊俾朋友。 佢連個糖心蛋都好好食， 半生半熟，一咬開啲蛋漿會流出嚟。個湯底好濃郁， 係好香濃嘅豬骨湯， 你會感受到淨係飲個湯都可以飲飽。 可以飲得出個湯其實淆咗好多個鐘。 食完成碗麵你係feel到個嘴好有黏性。 麵條都有兩種選擇，一款係幼麵，另外一款係中幼麵。我就揀左幼麵，因為我自己比較鍾意食。碗麵入面有好多其他配料， 淨係紫菜都已經有四塊，好誇張 。我諗食拉麵都唔需要再去其他，淨係去熊拉麵就夠。

今日係上環影完相，同朋友係附近揾野食。今日試左熊拉麵，一間幾有水準嘅拉麵。店鋪外裝飾幾有日本feel ，所以就入左去。本人係無辣不歡的，所以就叫左赤熊拉麵。配料有叉燒粒、木耳同葱。因為我唔太中意肥叉燒，而叉燒粒就剛好，無乜肥肉。我仲追加左溏心蛋，超正。每次食親日本拉麵我都一定要有蛋，但係本身赤熊拉麵冇，所以我就追加左。湯底一入口有d驚喜，鹽份控制恰到好處唔會太鹹搞到飲唔晒啲湯。枱面仲有得無限添加辣芽菜，超級正，加左勁多。麵質我就揀選左適中嘅硬度，幾有咬口，唔會太林。湯底辣度亦都好夠，辣到我要叫返枝cc lemon。熊拉麵嘅飲品選擇都算幾多。環境方面，都幾乾淨整潔，又有水提供，任客人添加。佢有開放式廚房，坐係到未食，已經聞到陣陣香味。總括而言，拉麵味道不錯，湯濃，不油膩，水準不錯，而且價格不貴，麵條硬度適中，地方不算大，但環境不錯。店員亦好有禮貌，值得一讚。值得再試一次的拉麵店。

中上環平常上/下班時間，最多人來來往往，所以就算明知好多好味食肆，都唔會揀平日來，今晚星期日就，為咗吃這間拉麵而專程過來。想不到星期日晚上七時，這裡居然要等位，証明質素有保證，不過這裡是只收現金，所以記得袋錢💰。店內不算太大，有兩排吧枱，另外兩張六人長枱，坐位空間都算可以，不過吃拉麵，吃完都走啦，所以無所謂。我們點了一個黑熊拉麵80元，另一個超級巨熊拉麵125元。黑熊拉麵，其實係黑蒜油加豚骨湯，個湯的顔色果然好黑，不過味道就好香黑蒜味，叉燒係火炙肥叉燒，所以帶點肥肉，而且都幾厚。超級巨熊拉麵，有一片火炙肥叉燒，三片梅頭叉燒，兩種叉燒都好淋，味道都好香，而且個湯仲好濃郁。兩種拉麵都好好味，如果下次會再試其他款式。

日式拉麵店近年在香港大行其道，熊拉麵算是質素不錯的拉麵店。前日在Facebook，發現到一間叫熊拉麵的拉麵店，朋友亦有推薦過我去，所以就決定去試一試。這次我就專程試了限定拉麵-香魚湯拉麵。湯底是整碗麵最出色的地方。食麵之前先呷一啖湯，魚鮮味在口腔徘徊，直情想將成碗湯飲晒，幾乎忘記咗要吃麵，湯底亦不會太濃膩。拉麵方面，麵質有彈性，配料有好多雲耳，我還追加一份紫菜。它跟其他拉麵店一樣，可以揀選麵的軟硬度、曲或直，可以加購任何配料。但我揀選的限定拉麵不能揀選麵質。價錢我覺得頗合理，比起同區幾家拉麵店這間比較便宜。 環境方面，餐廳寛敞，又乾淨。店鋪亦都很好設有籃給客人放私人物品。枱面上還有好多配料可以任加，還有冰水，設備非常完善。下次去上環一定會再去。

這間熊拉麵，我久不久也會來一次，味道好，湯底濃，一個人吃好味又方便。久不久他們也會有新菜式，這次是香魚湯拉麵。不過我就沒有試了，我今天想試魚介熊拉麵。等了沒有多久，麵來了，又熱又香！我選了角切叉燒粒，麵本身有蛋，麵選擇幼身，軟。麵條雖然軟，也很有咬勁，麵條很新鮮，吃的時候麵粉味很重。角切叉燒粒，是我最喜愛的，這在別的地方比較少有，大部份都是一塊的。叉燒很軟熟，入口即溶化，味道很好。糖心蛋保持水準：我另外再叫了餃子，煎得很香，也鎖住了肉汁。今天不知道為甚麼很高興，少有地叫了一枝蜜桃水。服務員很細心，還給我冰塊。那種淡淡的桃香，讓我吃了麵之後清一清口腔，很好。吃了還不夠，還再加麵，加湯。湯底是豬骨湯，別有另一番風味。埋單要一百六十元，從來沒有在這裏吃這麼多，可能今天真的很肚餓吧，又好心情，就叫呀叫的，吃了很多。我還會再來。

接女友人上環放工，係佢公司樓下等既時候，對面就見到呢一間拉麵店。所以唸都無唸就入左去試下啦！見到有期間限定，好似幾好食就點左呢一個，同剔左 廚師推介而女友人就點左 黑熊拉麵仲有小食餃子香魚湯拉麵 $88首先講下賣相，唔錯既。急不及待就試左個湯先，好香魚湯味，唔會太咸，岩岩好。呢隻麵質唔錯，有咬口之餘，粗幼又適中。唔同佢原本既2種麵質，個人好喜歡呢個。配料有葱同叉燒同蛋，正路野不過不失！我認為呢個期間限定可以放入主餐牌黑熊拉麵睇個名都知道，姐係黑蒜油拉麵，加上肥叉燒，味道比香魚味重，不過個人認為咸左少少，不過肥叉燒d脂肪加肉好香口。留意翻，黑熊拉麵就無蛋既，上面張圖係女友人偷左我個半舊！餃子個餃子同平時食到既大同小異，但係我想介紹既係個醬汁！唔係一般既醬汁，我認為係加左麻雀同小小辣油煮過既，令到餃子個味道完全昇華左！

呢間拉麵店嘅舖面雖然唔大，但勝在有好多bar枱位，而且拉麵一般都好多食完，所以都唔洗點等位😄 枱面每兩位客人就有一大壺水提供俾客人自己斟，而枱面都備有水杯可以自己攞。另外，仲有辣芽菜、梅菜、薑絲，可以自己加落拉麵🍜餐單選擇多元化，拉麵分別有九款，其中一款係期間限定嘅，我去個陣就係香魚湯拉麵。然後可以選擇個人口味，叉燒、麵款、麵嘅硬度、香味油都任君選擇，可以話係自由度偏高嘅拉麵店👍🏻👍🏻✨我同朋友今次揀咗超級黑熊拉麵同埋魚介熊拉麵，加埋$213。選擇個人口味方面，由於我地平時食拉麵都無乜見解，所以都揀咗最common嘅半肥瘦叉燒、中幼麵同埋硬度係普通嘅😋先試湯底，相當濃郁而且好掛湯，一啖拉麵一啖湯簡直就係享受，尤其是個魚介湯，熬得魚味好出。而半肥瘦叉燒嘅脂肪分佈平均，唔會鞋而且帶油香。而個硬度嚟講，剛剛好唔會太生或太熟😁 值得一提嘅係雖然餐牌寫住幼麵比較掛湯，而中幼麵就比較有咬勁、爽口，但中幼麵嘅掛湯力其實都唔遜色，另外，個溏心蛋令我地驚喜，流入得嚟又入味，而且係原隻上，食到好有幸福感🤤🤤

今日同媽咪去上環食好西！我地行過一間日本料理餐廳，係我同媽咪最愛嘅拉麵，見佢價錢唔係特別貴，於是入去試下！入面環境唔錯，格局似日本嘅拉麵店，店員戴著頭巾，似足日本風！佢地仲好有禮貌，我地一入門就上前帶位同大大聲用日文講歡迎光臨。坐位下面有個籃可以擺袋，幾貼心，服務態度唔錯。開放式廚房有得俾我地欣賞下師傅煮野食嘅時候個種尊業，都幾賞心悅目㗎！我試咗佢哩度嘅黑熊拉麵，熱辣辣，湯底濃郁香醇，咁凍嘅天氣飲翻啖真係即刻暖翻曬。值得一讚係佢嘅火炙肥叉燒，肥肉恰得好處，入口即融，好厚身有咬勁，我中意！仲有，我地試咗佢嘅煎餃，大大粒脹卜卜好多料！咬落去肉汁滲曬岀黎，好好食！上環黎講，哩間拉麵價錢唔貴，而且幾岀色，值得再黎幫襯！

今日同朋友去上環影相，順便試下熊拉麵係個度嘅分店，結果又幾有驚喜！哩間鋪嘅裝修似足日本拉麵店，一入門店員已經有greeting，又提供冰水，坐位下面仲有位置可以放手袋，服務質素唔錯。我試咗佢地自家製嘅餃子，剪到金黃色，未食已經覺得好靚好香。咬落去真係嘩咗一聲，入面肉汁爆岀黎，饀料好足！仲要唔油，推薦！終於到主角—黑熊拉麵，湯底係熱辣辣香噴噴！我忍唔住一放低就想試翻啖湯，咸度適中，而且好香濃。我揀咗正常麵底，唔會太硬又唔會太軟，真係啱啱好硬度，爽口彈牙！仲有朋友嘅招牌熊拉麵，我試咗啖佢嘅湯底，味好濃郁，有種香甜。仲有原粒溏心蛋係最令我中意㗎！咬落去蛋黃汁湧岀，入面做到好流心，超正！睇黎短期內我都會經常幫襯哩間拉麵，真心推薦一試！

今日因工事去左上環開會，開完會都差唔多六點，所以諗住係附近食個早飯先返九龍，行吓行吓見到有間拉麵店，個樣都好靚仔，睇埋價錢都幾ok吓，所以就決定俾一次機會佢，等我依個自稱拉麵達人黎測試一下佢究竟係龍定係蟲啦！ 入去被安排坐係宅女專用座(則吧檯)，第一時間瞄一瞄餐牌，見到都有幾款不同拉麵可以揀，而今次我就揀左一款介魚豬骨拉麵試試。 拉麵方面有兩款，兩款都算係幼身果隻，見另外有張紙介紹兩者分別，不過我都冇乜留意就揀左粗啲果款。由於我都好鍾意食糖心蛋，所以就算個拉麵本身已經包左一隻，我隻手都好似失左控制咁圈多隻俾自己。。。 大概等左十分鐘度，服務員已經將我嘅order送上檯面了，第一時間當然要試吓個介魚豬骨湯先啦。一啖入口，第一個感覺就係濃得很，可見湯的足料程度，有少少似之前去福岡食過一間較出名嘅叫博多一X嘅拉麵店。 麵的軟硬度適中，送住一啖啖濃湯入口，ichiban!中間橙色嘅，係少量嘅辣醬，非常醒胃。不過不得不提嘅係檯上放左三樽不同既配菜，其中我覺得超好味嘅係橙色果樽浸醃過嘅辣芽菜，味道有少少似kimchi，我一個人差唔多將半樽清哂，清唔哂都只不過係因為我仲保留返少少女性嘅矜持：p 叉燒

星期六系附近做野，見到呢間拉麵店覺得幾有日本風味，入左去食lunch ！岩岩去到，見到都幾多人排隊！證明真係正嫁！不過好彩唔洗排好耐，好快就有得坐。一入到去，餐廳侍應好有禮貌咁打招呼，服務週到。週圍環境都幾舒服，位置都幾闊落，方便顧客。牆上面有好多標語，提醒大家食飯要專心 ，唔好掛住玩電話，配合埋好得意的公仔，感覺好貼心 。因為得我一個人去，冇得happy share下人地嘅野食！我最後選擇左由餐廳推介的招牌熊拉麵 ，同埋一份熊自家製餃子 。佢地仲會提供 配菜，我迫不及待一路等一路食，消磨時間之餘又有啲野落肚。等候期間，試左少少前菜 ，幾好味 ，有辣有酸有咸，照顧晒不同顧客需要。招牌熊拉麵，份量適中 ，味道唔太咸。個湯好濃郁，好好飲 。因為我中意食硬麵質，所以我都系選擇反較硬的麵，食落去，好有口感，好中意個種硬邦邦嘅感覺。叉燒大大塊 ，好好食。最鐘意都係隻蛋，原隻奉上 。一切開係流心的蛋黃漿，將佢同麵一齊食，感覺一流😍最後，我真係食到一條不剩嫁！熊自家製餃子一份有5隻，大大隻同時熱辣辣又好好味 。個皮煎得好香好脆 ，入面的材料好足料。點埋醬油，更加正！ 呢間拉麵真係好好味 ，之後一定會

坐bar枱位可以望住師傅煮麵、熬湯、調味、上盤，令等待時間好快就過，而且可以欣賞吓師傅嘅技術。先睇睇餐牌，有成六張咁多，有介紹店內提供嘅三款叉燒同埋兩款麵（博多1.25mm細麵、熊本1.5mm中幼麵）嘅分別，有啲資訊性嘅內容，係呢度食拉麵之餘仲可以學到一啲拉麵知識，感覺呢間拉麵店好重視拉麵文化，更想客人可以了解、認識拉麵，好有心思。魚介熊拉麵($88) 我選擇咗梅頭瘦叉燒、中幼麵、軟身。第一啖試咗個湯先，好濃郁嘅魚介湯配合香油味道濃厚，我飲到停唔到口。叉燒瘦得嚟唔會鞋，厚度適中，而且加咗少少蘿蔔蓉，令叉燒味道增添酸甜感。而中幼麵嘅掛湯力並不比幼麵遜色，同樣做到好濃湯味嘅感覺，而軟嘅麵質符合我喜好，唔會太腍。超級黑熊拉麵($125) 朋友選擇咗火炙半肥瘦叉燒、幼麵、硬身。佢就話個湯好香黑蒜油味、香氣十足，另外而佢個碗由於係”超級”黑熊拉麵，所以份量應該係加倍，非常飽肚。

上環的熊拉麵鋪面細細，但門口的日本大燈籠十分吸晴，很容易注意。留意到最近熊拉面新出的香魚湯拉麵，襯期間限定一試。看來這期間限定的拉麵花了不少心思，麵底是選用曲捲麵，肉方面則選了火灸肥叉燒蛋白蔥青蔥筍木魚等鋪在拉面上，看似平平無其，原來禾稈冚珍珠，藏了一塊厚厚的肥叉燒，肉質十分鬆軟，加上肉身上輕輕的火灸，十分香口溏心蛋亦造得出色，筷子夾開後蛋黃汁慢慢的流出來至於湯底，濃郁的湯底散發出陣陣魚香，加上特別選用的曲捲麵十分掛汁，比傳統用的麵底有彈性，值得一試，而追加的麵底亦配上味噌醬調味。是次到訪熊拉麵當然徹底地吃完整個拉麵，碗底亦有店鋪的熊標誌作完全拉麵的「獎勵」。

餐廳唔算大間, 但係都係普通日式拉麵既餐廳格局黎既,見佢有招牌熊拉麵,所以就試一試啦, 因為我驚唔夠食所以加左底,因為有d拉麵店好少麵,有d就好多.加左麵後呢, 佢只會俾張卡你, 唔會即刻加左d麵落去, 食到差唔多叫佢加麵就ok拉麵黎講,麵身有得選軟硬算係唔錯, 最重點其實係湯底到,佢湯底稱得上係好飲,應該落足料, 但係有一個敗筆位, 都係好影響到客人會唔會再黎既位, 就係湯底無得再加,我係正常食麵+小小湯既情況下, 其實根本唔夠湯去食個加底, 所以呢到會出現問題 ,如果真係唔夠食想加底既客黎講, 湯一定唔夠, 咁加定唔加好呢?湯底味道濃, 有好濃既豬骨湯味,  我個人評分係好飲, 基本上最招牌既位就係湯底.肉就中中上半肥瘦來的, 半熟蛋都係幾好食 我特別加左一粒, 如果去試我會建議大家一定要試下佢既豬骨湯底咁樣先叫黎講熊拉麵! 唔夠湯既問題就自己思考啦~服務算係熱情, 價錢絕對唔貴.

喺上環做完嘢，太肚餓就一個人入咗去拉麵店食拉麵入到去坐低，未到七點，都已經有一兩台客人拉麵正常款式唔會好多，都有四五款俾你選擇而我就選擇左期間限定嘅拉麵，香魚湯拉麵試吓餐廳非常細心，會有兩張紙介紹拉麵同埋叉燒嘅種類，等客人知道每種拉麵同肉之間嘅分別枱面中放置左拉麵嘅配料，個人非常鍾意食中間嗰個辣嘅芽菜，唔係講笑，都真係幾辣下，不過非常惹味，而且芽菜好爽口，配埋拉麵一齊食，非常夾叫咗白桃汁，都幾大一罐，仲俾埋一個雪凍左嘅杯俾我，以防飲品唔夠凍，桃味非常濃郁，唔會話好甜，食拉麵飲呢個係一個唔錯嘅選擇終於到咗主角出場，都幾大碗下，有一大塊叉燒同埋一隻半熟蛋，食拉麵先飲一啖湯是常識吧，湯底非常之濃郁，而且好夠熱，飲到好重木魚嘅味道，拉麵我揀咗曲捲麵，個樣有少少似公仔麵，口感煙韌彈牙，我超鍾意，另外叉燒肥瘦分明，肥膏部份入口即溶，肉質好腍，好正。整體黎講，真係唔錯!