熊拉麵 (蘇杭街)

营业中

休息中

今晚我點了魚介拉麵，個人認為和豬骨湯底沒有太大分別。每款拉麵可選麵的粗幼、軟硬和一種肉類。我選了瘦叉燒，可是口感比我想像中硬，可能煮的時間過長，還有進步的空間。拉麵還配上青葱，木耳和糖心蛋，甜甜的蛋還在流心，為這碗麵加分不少！

呵呵呵，又一餐拉麵… 今次笑得出，說明味道不錯。話說當天搬咗嚟上環但啲煮食爐未送到嚟，就同女友落街逛逛搵下嘢食… 見到喺蘇杭街嘅熊拉麵，諗起幾年前食過佐敦果間冇乜特別。如果唔係門口有張海報寫住有款期間限定「香魚湯拉麵」，湯底用上飛魚、竹筴魚、柴魚、鯖魚同埋沙甸魚，好似幾好味咁… 都唔會想入去試多次。見到店裡面（對比其他拉麵店）罕有地用上幾張6人長枱，我哋2個人就被安排坐喺中間嘅位，左右都係唔識嘅人，同對面嘅女友有種距離感，我就唔太鍾意…我點嘅「香魚湯拉麵」用上曲捲麵條，而且同其他正常選擇唔同，係比較粗嘅麵條，可以吸收大量嘅湯汁。叉燒有3個選擇：梅頭瘦叉燒、火炙肥叉燒同埋角切叉燒粒… 梅頭我怕太瘦有渣，而送飯一流嘅角切放响拉麵入面啲口感又會變得虛無縹緲咁，所以揀返肥叉燒。個湯底雖然好濃味，但魚嘅香味唔係好高… 可能係自己期望過高掛～話雖如此，成碗俾我食哂（麵嘅份量唔少），如果呢碗變成唔係限定，我會長期幫襯嘅。女友點嘅「熊拉麵」，係好正常嘅博多拉麵風嘅豚骨湯底… 呢下就覺得奇怪喇，我仲以為熊拉麵來自熊本添～麵條係典型細至中細麵，湯底亦都係典型湯底，冇乜令人驚嘆嘅味道… 係依家喺香港大行其道

本來逢星期五可以同飯腳出去食飯係一件賞心樂事黎，可惜佢就last day了，今餐就當係個同佢farewell 啦，之後又要回復一個人帶飯食既日子了😪講返正題，呢間係飯腳話要黎既，去到果陣人龍已經頗長下，好彩裡面啲人食得都幾快，等左十零分鐘就入得話明係招牌咁梗係要試下啦！令人印象深刻既係佢濃味既湯頭同煮得軟熟既叉燒，溏心蛋係流心既✌🏿無花無假架至於呢個拉麵係期間限定，湯頭係濃濃既魚香味，一啲都唔腥，叉燒揀左瘦既，雖然乾身左少少，但味道同樣ok 今次既午餐食得幾開心，有機會會再黎食多次，順便祝飯腳返新工順利😬

是夜因為睇舞台劇少有地去上環，6點幾都無咩idea食乜嘅時候就決定鐘入去呢間「熊拉麵」試試！雖然時間尚早，但店內剩餘空位已不多，可見生意不錯。「超級巨熊拉麵」個人口味揀廚師推介，覺得畢竟叉燒、麵款、麵硬度之間嘅最佳配合只有廚師最了解！先飲啖湯係幾好，麵身有咬口。1火炙肥叉燒+3梅頭瘦叉燒嘅配搭高質，蛋都算唔錯，荀就合格水平，整碗拉麵來計都算中上品。飲晒碗湯嘅小驚喜係會見到可愛嘅熊啤啤圖案係碗底！「熊自家製餃子」雖然心有啲怕食唔晒，但係都叫咗哈哈。一食落口果然無叫錯！皮薄、肉汁多、脆邊！令到我即使已經飽飽地都忍唔住一舊接一舊食埋佢！最後一定要讚讚枱面上免費俾客人任食嘅辣芽菜相當高質！！非常爽口之餘，仲索咗大量惹味辣汁！好食到明明唔食得辣嘅我都食唔停口！非常欣賞店家連呢啲細節都咁有心，值得一讚！

星期五既lunch就同同事過左嚟上環依間拉麵店12點左右過到嚟，門口已經有條人龍排緊隊嗰陣就會有人比定menu同筆，提升效率我地一行7人，店員好好咁幫我地安排坐同一張枱掙扎左好耐揀期間限定既香魚湯拉麵定招牌熊拉麵香魚湯拉麵就一定要配曲捲麵，但我想食番普通嗰款，所以就揀左熊拉麵招牌熊拉麵($85)湯底好濃郁，一擺低已經聞到陣陣香味拉麵就揀左1.5mm既粗幼度，食落啱啱好塊肉就揀左火炙肥叉燒原本好有期望，點知食落好”鞋”蛋就流心啦，但味道偏淡整體嚟講，份量偏少，湯底唔錯，服務都幾好係塊肉差少少

🐰專業感想🍜 @snowsnowsound 💮|| #sss_上環 || 熊拉麵🐻營業時間: Mon-Sun11:30-15:00//18:00-20:00//•覓食小得著•中上環地區 其實由細到大都住附近 但竟然冇認真研究過 附近一帶既街道店鋪 直至開始同🦉🦉一齊覓食拉麵 偶然間開始留意四周既地方 實在可笑 香港人平日繁忙既節奏 可以嘗試停落黎一陣 欣賞一下日常生活可能忽略左既事物 珍惜眼前每一日🐰專業感想🍜08 Jan 2018💮|| #sss_上環 || @snowsnowsound//招牌熊拉麵//💰85湯:🌕🌕🌕🌑🌑奶白色既豚骨湯底微濃而不膩 飲左幾啖都唔口渴 中規中矩既味道 混合中間橙色既辣味噌醬更惹味 呢點辣味噌醬亦算係熊拉麵 畫龍點睛之處 今次冇加香味油 後來覺得有啲可惜 下次有機會一定會加//料:🌕🌕🌕🌑🌑揀左梅頭瘦叉燒都偏軟 口感一絲絲 而且望到叉燒既紋好靚好淡 因為瘦叉所以唔會有太多脂肪既分佈 好滿意🥚⭕️佢張poster有切半 黎個時冇 但冇乜大影響 流心效果強👍🏻 食得出有醃製過 (另設有醃紅薑 高菜 芽菜 等配料)//麵:🌕🌕🌕🌑🌑1.25mm幼麵 軟 好滿意

自從在上環上班以來, 經常看見此店排長龍.今天心血來潮, 決定試一試.看了餐牌, 所有拉麵都$80左右,只有一款是$125.細看之下, 發現只有巨熊拉麵有齊其他拉麵配料,便決定試一下!其他拉麵只有一塊叉燒. 配料只有其中一或倆樣.但巨熊是3塊叉燒, 而且有齊2種不同款式的叉燒.所有配料齊全, 而且紫菜有5片.所以覺得還是巨熊比較高CP.等了10分鐘, 便有位子. (因為我一人關係)坐下時, 位置不夠. 服務員用不客氣語氣叫旁邊女生坐過點.那女生事後也非常抱怨, 怪態度惡劣.建議大家在煩忙時間有心理準備, 服務員態度肯定不會很好.拉麵湯底很濃的豬骨味, 如果跟日本比是肯定比不過, 但以香港的比較算不錯.麵質也不錯, 我選了較幼的而麵.紫菜有點硬要泡湯軟身比較好吃.價錢, 比日本貴, 但以香港的拉麵店比較算適中.整體表現一般, 但不建議人多時光顧.

老實說，麵都ok架，但服務員就太差了，我好小公開評論，但實在過份。今天19:30兩人睇OpenRice 黎試一下，點左兩碗麵和餃子，追加木耳，麵到好開心見到牙菜，我哋每人只係夾左一個匙羹，就冇牙菜了，叫服務員加D，他説沒有了，這是限量，我説，為什麼呢？我只吃了一小匙，就是這麼限量？服務員沒有回應就收走啦⋯⋯之後，我再問服務員你真的不俾我嗎？他回答說：沒有，我再問佢為什麼隔離枱會有你又唔比我呢？佢又説：每天只是限量，食完就冇啦⋯⋯。如果當時係十點，我都可以接受，但我看看鐘，這正正是晚飯時間，竟然可以説冇，太過份。我話佢服務態度差，他竟然回應我話自己服務態度好好，真是笑死人。老實說，牙菜咁平，我真係唔想同D小人嘈，小舖兩人埋單都230啦，比小小態度都好吧

是日同事請食lunch 說想試試這家拉麵 好！一起嚐新！1半以後去到 等左兩張枱就進入了～～安排坐bar枱也算舒適～～除剔剔紙外 也放有餐牌解說麵類連配上的叉燒都有得揀 這個有驚喜熊自家製餃子 $38 店子名物之一 餃子飽滿肉香美味 加上滿滿的葱 整個罪惡而滿足招牌熊拉麵 $85 友人點了這個 配火炙肥叉燒 麵普通硬度 我只偷吃了一口湯頭 濃郁不油膩 味道據友人說是好味的廣島蠔豚骨湯拉麵 $105 可選2隻蠔$95或大滿足4隻蠔$105 蠔控表示4隻蠔不可失配上火炙肥叉燒 普通硬度的幼麵 豚骨湯濃而不稠 廣島蠔肥美 麵質也爽彈 特別喜歡那叉燒 油脂比例均勻 火炙也帶出豚肉香離席時 外面排著好幾位日本人呢 我不懂分辨所謂地道地宗的好拉麵 但我愛吃就是了

拉麵份量頗多，未試過咁好味的湯底，見到身邊的人連湯都喝完! 蛋也是重點之一，well.. 除了流心，唔知點解我覺得特別有蛋味! 之前看到很多好評，看圖片可能覺得外表平凡，但試過真係一試難忘!

夜晚嚟食拉麵🍜個蠔拉麵湯底除咗好香豬骨味仲好濃蠔味😍而啲蠔本身都好鮮味，仲有4隻咁多！鍾意食蠔叫呢個一定冇錯👍🏻😆拉麵叫咗要偏硬，但好似都係冧咗少少🙈同其他拉麵店一樣，都有好多拌菜，芽菜辣得嚟好香，放落湯令個湯都辣辣地仲好味😋食咗一碗麵冇加其他嘢已經好飽🍜去嗰陣天氣凍，鋪頭又比較細，太多嘢拎會好迫，店員都好貼心幫我哋掛起件外套先；地下仲有個籃可以擺袋，坐都坐得舒服啲，可以慢慢享受碗拉麵👍🏻

食過咁多間拉麵，熊拉麵可以話係我勁推嘅其中一間。今次我又叫左我嘅例牌－黑熊拉麵，要中幼麵同普通硬度。不過就唔再要叉燒片，試下佢地嘅角切叉燒粒。等左一陣，熱辣辣嘅拉麵上枱。先黎啖湯，唔好睇佢有油係面就以為會好膩。飲落去卻係比起其他拉麵店嘅湯底清，但不失香濃，鹹味慢慢滲出，味道適中，黑蒜嘅香味最後係口中徘徊。之後再加埋麵一齊食，麵身煙韌可口，夾埋湯梗值係爽！食左一兩啖麵，試下啲叉燒粒。每舊都啖啖肉連住少少脂肪，肉味濃郁，夾埋麵一齊食，更加添油香味，味道層次豐富。除左個湯底，我自己仲好欣賞佢地係配菜，令碗麵錦上添花，盡顯師父嘅誠意。木耳絲非常爽脆，帶有微微嘅醋酸味，正好中和油膩感。葱花亦切得好細緻，很新鮮，令每一啖都更清爽。面上嘅蟹子更帶出另一種魚鮮味，粒粒都係脹卜卜。朋友就叫左白熊拉面，要梅頭瘦叉燒。呢個湯底就會更濃，啱曬中意傳統豬骨濃湯嘅朋友。不過放心，同樣係鹹淡適中，唔會過鹹過膩。呢碗麵本身仲包一隻玉子蛋。蛋白嫩滑，蛋黃仲係流心，黃味好濃，是為上品！最後我地兩個唔夠喉追加左個熊白家制餃子。睇得出係即叫即煎，上枱時仲有啲熱氣霧出。咬落去外面脆卜卜，內面被餡料塞到滿滿的，好juicy。另外

呢排比較凍，都想食一啲熱辣辣嘅嘢！黎到上環，我都想試朋友一直都推薦嘅熊拉麵！一入到去就嗅到有好香芝麻味。餐廳環境好乾淨，前面係開放廚房，而且播住日本歌，成個氣氛好好。朋友話熊拉麵有一個特色，就係佢哋有期間限定拉麵。今期就係黑芝麻擔擔拉麵！我每次有見到期間限定嘅字眼，就會覺得一定要試下。所以就點左一個。熱辣辣嘅拉麵上台之後，即刻聞到濃濃既芝麻同花生香味。本身以為辣肉醬會得少少，原來份量都幾多！啲辣肉醬對我黎講有啲辣，但好香，忍唔住邊食邊飲水。流心蛋好值得追加！食落好香蛋味，好滿足！OpenRice 寫 a2出口，但我覺得b出口仲近，直行轉個彎就到。限定最大既魅力係食完唔知幾時先可以再食多次，真係又愛又恨，好期待下個月既限定拉麵

近年越來越多日本拉麵店在香港開業，對於我這個拉麵控來説，簡直係天大喜訊，因為我去日本旅遊時，差不多天天吃拉麵，而我喜歡光顧小店，而不太喜歡連鎖店，因為連鎖店太機械化，而小店比較人性化。在網上看到這間拉麵店好多好評，專程在星期日來到，這間面積不大，約可容納30人，所以很多客人吃完就走，等位也不會太久。太太要黑熊拉麵$80，我要超級巨熊拉麵$125，加$3香味油。黑熊拉麵，黑蒜油加落豚骨湯，所以湯的顔色好黑，黑蒜味好香，至於火炙肥叉燒上面有一些紅色的調味，令到叉燒更好味，帶點肥肉又淋又厚。超級巨熊拉麵，包含一片火炙肥叉燒，三片梅頭叉燒，兩種叉燒各有各好味，我比較喜火炙叉燒，因為叉燒經過燒一燒，之後更香，個豬骨湯仲好香好濃郁，中幼麵都有嚼勁，溫泉蛋好流心，我推薦這個拉麵👍👍👍👍這間拉麵好正宗，下次再試其他拉麵🍜🍜

雖然香港有好多拉麵舖，我亦都試過唔少間， 但最後我食完熊拉麵之後，我就可以好肯定 咁講呢間係我食過最好食嘅拉麵。 佢雖然細細間， 但係好正宗，中環果然係臥虎藏龍。因為好肚餓嘅關係我叫咗個超級巨熊拉麵 ，一碗有四塊叉燒， 但之後就好後悔， 因為每塊叉燒都好大塊同埋好厚肉， 結果我係食唔曬俾咗一塊俾朋友。 佢連個糖心蛋都好好食， 半生半熟，一咬開啲蛋漿會流出嚟。個湯底好濃郁， 係好香濃嘅豬骨湯， 你會感受到淨係飲個湯都可以飲飽。 可以飲得出個湯其實淆咗好多個鐘。 食完成碗麵你係feel到個嘴好有黏性。 麵條都有兩種選擇，一款係幼麵，另外一款係中幼麵。我就揀左幼麵，因為我自己比較鍾意食。碗麵入面有好多其他配料， 淨係紫菜都已經有四塊，好誇張 。我諗食拉麵都唔需要再去其他，淨係去熊拉麵就夠。