熊小館

营业中

休息中

這間位於mega box 的熊小館真的非常可愛，是一間適合大小朋友，一家大細，男女老友來聚餐的好地方呢！你能看見嗎？餐廳的什麼地方都看到大熊小熊的身影，彷彿好像走進熊的家！小朋友來到，一定不想走呢！女孩子來到更可以不停拍照！餐廳裡還有一個區域可以讓小朋友來玩耍的，而且可以選擇不同大細的熊公仔來陪你用餐拍照呢！雖然我覺得餐廳的菜式選擇不多，但是價錢非常親民平宜！無論是前菜主菜甜品飲品，是非常親民的。這次我們點了不少東西來試一試，前菜就有炸雞翼，忌廉炒青口， 薯蓉焗田螺。雞翼一共有四隻，而且配上的沙律醬也是非常好吃，小朋友別愛的！忌廉炒青口是我本人最愛的菜色，更是這次用餐我最為欣賞的菜色，青口大大隻，而且份量也多，最出色的是他的忌廉醬汁，我連雞翼也沾著吃呢！薯蓉焗田螺，田螺大大隻的，而且份量也很多，唯一覺得可以進步的時候可以加多點醬汁。今次的主菜我們點了兩份來試試，第一份是蜜桃雞扒飯，第二份是鐵板芝士大雞扒。蜜桃雞扒飯，我覺得有點兒普通，就是你能想像出的味道。二鐵板芝士大雞扒，則非常滿足你視覺的享受，大雞扒真的非常大呢！吃這一個鐵板芝士大雞扒真的非常滿足！雖然這兩個主菜的調味沒有非常之特別

今日男友人生日就係megabox UA睇戲，睇完好肚餓咁岩見到有隻好可憐揸指示牌揸到恰著左既熊仔.憐憫與好奇之下就去左試下呢間熊小館啦。間鋪地方都好大好多熊仔既擺設.好得意哦.完全滿足到我哩位童心未泯既小妹妹。 佢入面d熊仔好靚架，大大隻坐係度， 好furry好cute.  嘩嘩嘩仲有個兒童區域添啊。 講返食物先，我地今晚叫左黑松露忌廉汁三文魚天使麵$92 個汁好creamy 濃厚不過有d 濟要麻煩男友人執手尾。蘑菇紅酒汁牛柳$158. 對於大食既男友人黎講竟然剛剛好.肉質鮮嫩厚實，牛香濃郁。兩個主菜分別都加左餐湯同野飲$28. 最後叫左個生日甜品8$48佢真係鋪得好靚哦， 好有生日應有既氣氛，有埋小白熊既陪襯，男友人好滿意丫。

Megabox人流越來越多，帶旺餐廳越開越多，質素亦越來越好。這晚看戲後在同層發現了一間以小熊為主題的新餐廳，無論環境、服務以及食物質素都大有驚喜，絕對值得推介！餐廳佔地很大，空間感十足，環境更一流，店內裝潢設計超有心思，到處都是可愛的小熊公仔、精緻擺設和漂亮掛畫，還佈置成小城堡般，好像走進了小熊王國一樣，被小熊們包圍著，連大人都會感受到一股歡樂，很令人放鬆。餐廳有大量軟座卡位，寬敞舒適，無論一家大細、大班好友或是情侶約會均非常適合。想不到新開張不久已人客眾多，很多大大小小的家庭，氣氛熱鬧。餐廳還設有遊戲角，放有不同玩具和圖書讓小朋友自由玩樂，看著孩子們玩煮飯仔玩得樂而忘返，也感染了不少快樂。餐廳服務亦佳，殷勤有禮又效率高，店長經理叔叔更是非常親切，笑容滿面，招呼周到。小熊餐牌設計精美，菜式及飲品的選擇頗多，意想不到的是價錢非常親民，在這種環境及服務皆屬上等的餐廳裡吃個意粉飯類竟然六七十元起便有交易，食物質素還是好有水準，完全是良心小店。落單後食物很快送上。套餐包是日餐湯、餐包和飲品，好豐富。羅宋湯好足料又香濃，不會好稀。蒜蓉多士烘得香脆可口，蒜香味濃郁，吃得滋味。蘑菇紅酒汁牛柳伴帶子

yeahhhh 2018 終於要結束la今晚同frd子去左一間好得意既餐廳食晚飯餐廳有好多啤啤熊擺設叫左兩個set dinner set dinner 配青口忌廉湯同蒜蓉包另一個set 除左有湯同包之外仲有沙律黑松露蟹子帶子risotto 飯有口感同埋香濃既松露味天氣凍咁梗係叫熱飲laaa叫左個豬肋骨嘩好大塊下重點係焗到剛剛好軟淋淋同香噴噴另外再加$叫左個心太軟lee 個心太軟好特別係配cream 而個cream 係扮雪糕好盞鬼依家餐廳係適合有小朋友嘅家庭黎食

今日黎左 megabox睇完戲就周圍睇下有咩好食，就係戲院個層發現到有一間好可愛，以熊仔為主題既西餐廳🐻周圍都放滿了不同的熊公仔同熊仔既畫，好得意。原來呢間係新開既主題餐廳黎。餐廳裡仲有個小朋友玩具區，放左好多玩具俾小朋友玩，見到佢地玩得好開心！岩哂一家大細黎😬我叫左兩個主菜，加錢升級為套餐。有湯，蒜蓉包，餐飲，同新開張送既火雞沙律🥗個野菌忌廉湯 好飲，好濃郁飲落creamy。蒜蓉包沾少少湯黎食，更加好飲！火雞沙律好少有，聖誕節食到更加點氣氛。沙律菜好開胃清新。😋磨菇紅酒汁牛柳伴 帶子煙肉露筍賣相靚靚的牛柳，選擇了5成熟，牛肉味重同嫩肉，食落好juicy，配上磨菇紅酒汁更加惹味。香煎過的帶子，食落爽口鮮味。煎到好香。煙肉露筍既配搭很match,露筍中和了煙肉的鹹味。😋再配上又多又長的粗薯條，真係食唔停口😛特濃芝士鐵板雞扒🐔幾好味！熱辣辣鐵板上菜，雞扒煎到好香，加上超多溶化左落雞扒既芝士，真係好滋味。雞扒又幾嫩，唔洗沾醬汁都好夠味道。佢既咖啡都幾好飲，幾濃味，不錯。特飲：士多啤梨橙汁，飲落甜甜地，幾香水果味，唔會好似飲緊糖水咁。🥤大大杯。最後加錢叫左 甜品🍫心太軟。呢度既心太軟幾好味，超

想約有小朋友既朋友食飯真系吾容易，特意揀呢家同佢安樂地共享晚膳。以熊仔來做主題嘅餐廳，周圍都系熊仔既擺設，有個area比小朋友玩，有得玩煮飯仔、車仔，仲有圖書睇，系兒童小天地，放佢地系到玩，大人有短暫冒時光傾下計。大大個可愛嘅熊仔影相打卡，都好岩少女們。熊小館睇得又食得，環境舒服有特色外，食物都唔錯。白酒忌廉煮青口 $68，青口邊位爽脆，size比較細小，但肉質飽滿，醬汁特別，似有加左芝士同菠菜，一點都吾單調，食落又吾膩。磨菇紅酒汁牛柳 $158，7成熟既肉內裡粉紅，肉質軟淋，配料有筍、茄子、椒同薯條。粗薯條系最好食冒薯條，香脆既表皮包裹住粉粉地既薯肉，馬上炸好再加鹽，唔洗加茄汁都已經好好食。意大利魷魚墨汁意粉 $82，魷魚輕輕煎過，帶出鮮味，意粉Ｑ彈有嚼勁，乾爽冇乜醬汁，食落有陣陣既獨特香料味，必試！upgrade +$28有蒜蓉包，羅宋湯飲品 +$29心太軟，甜得黎有濃郁既朱古力苦澀，個cream好滑好香，就連平時少食甜品嘅我都忍唔住食多幾啖。仲有一間歐陸風格既房間，小朋友生日可以系到慶祝！

今日同啲小朋友們一齊去 megabox 玩耍，晚飯時上到9樓睇下有咩食。經過一間餐廳裝修好靚好別緻， 出面仲有好多熊啤啤 ，小朋友們就好開心好雀躍咁話一定要去裏面食 。 見佢裝修咁靚, 就入去熊小館食啦!裏面嘅裝修好靚好多熊啤啤， 好可愛有個reading corner小朋友可以入去睇書， 牆上都有好多熊啤啤嘅話童裝飾 。非常別緻。我哋叫咗沙律意大利粉 ，芝士烤汁雞扒， 華都夫沙律, 同埋兩個甜品。華都夫沙律裏面有烤雞同沙律菜。西芹同其他蔬菜好爽口新鮮，跟沙律醬好清新。主食煮咗意大利肉醬意粉，上面有焗既芝士 ，撈埋一齊好惹味， 仲有羅勒葉所以更加香! 個份量都幾多, 一個人食就會好飽, 大家share 就啱啱好。另外叫咗個 芝士鐵板雞扒上面淋上燒汁 ，芝士包住雞扒。 鐵板上幾香。另跟薯條同配菜，都好豐富。 雞肉 嘅味道醃得ok，多d芝士更好。最後個重點就係叫咗 2個心太軟 同一個特級芝士餅 ! 切開個朱古力蛋糕 ，朱古力醬就流曬出嚟! 好香超级好味。 我哋唔使一分鐘就分曬個心太軟啦!芝士餅的的色色 ， 味道也可以。今餐晚飯大家食得好開心， 除左有靚靚嘅 熊啤啤之外 ，個reading

其實我本人對熊bear bear 就有d情意結嘅所以當見到有餐廳以bear bear 做主題就當然要即刻試下啦一去到 真係成間餐廳都係熊仔仲要每枱都有一隻添即刻變心心眼不過點心心眼 都要食飯嘅睇下有乜食先都算多選擇最後叫咗一份ribs 一個焗飯 兩個都轉set 當然唔少得甜品加咗個心太軟 🤤先上是日餐湯 酸酸地 帶微微辣 重點是 好足料!!!!所以好夠味亦唔會好稀麵包微暖 亦好鬆脆應該係烘或焗過芝士焗忌廉波菜龍脷魚柳飯好大份醬汁份量恰到好處唔會令飯過濕 味道亦濃而不膩龍脷柳好大塊 啖啖肉得黎入口亦好滑蜂蜜味bbq燒豬仔骨好香好香一上枱勁香bbq味Cooking time 控制得好好無過熟肉質鬆化兼離骨而且仍然juicy 唔會乾爭爭伴碟嘅薯條亦熱辣辣脆卜卜內心真係好想食晒但好驚熱氣😂最後到咗一餐最重要嘅甜品環節係心太軟🤤🤤🤤新鮮焗起熱辣辣充滿濃濃嘅朱古力味但又唔係好甜最重要係係真係心太軟 無焗過籠變成心太硬配合埋桃肉同忌廉仲有d由心太軟流出黎濃郁嘅朱古力醬連我那個口裡說不身體卻肯誠實的朋友都食咗我半個心太軟😒今晚好滿足值得一讚係d服務好好我要茄汁要碗要加水要紙巾要乜都無黑面無托手㬹環境舒

平安夜，同老闆去拍下拖，因為嫌倦左旺區過多嘅人流，所以最後決定去遠少少嘅mega box 食飯睇戲算了呢間餐廳係門口就已經好吸睛，餐廳到處都係我鍾意嘅熊仔公仔，門口隻大人咁高嘅熊仔仲帶埋聖誕帽頸巾添。聖誕節有2款餐單選擇，分別都係一百多至二百多左右。而散叫只係幾十蚊至百幾蚊左右，算中低價位。每一枱都會有一隻熊仔放係枱，見到有d枱仲有d係戴左聖誕帽添。香檳青口薯蓉湯 + 牛油法包 - 湯加了薯蓉及紅蘿蔔粒粒去煮，非常濃稠。聖誕燒火雞沙津 - 火雞啖啖肉，沙津汁是日式醋汁。芝士焗bbq 豬仔骨 $180 - 份量非常大，一人根本是處理不掉的，豬條骨上有大量芝士，焗得香脆。而薯條份量實際沒有相中的少，是豬仔骨給蓋住了。是用有皮薯條，脆之餘不是空心薯仔。黑松露蟹籽帶子黃金意大利飯 $92 - 賣相不錯，白汁忌廉香味濃郁，平常意大利飯不會加粟米，但應該是親子餐廳的關係，飯加了粟米來煮，整體飯味增添了甜度，小朋友應該都會頗喜歡的。離開前仲發現，除左周圍都係熊仔裝飾之外，餐廳仲有一個角落。可以比小朋友玩耍添，又多個小朋友放電嘅地喇

今天約了朋友去南豐紗廠行下，hea 遊……影下相。 原來香港在50年代時，紡織工業是非常繁榮，到現在紡織業已經北上那麼多年，對紡織業已經有些糢糊了。 新一代的年輕人，想了解歷史，可以去逛一逛《南紗》。在離開時有車去九龍灣，就決定去九龍灣商場行下，再去Mega Box食個慶生飯啦…入到去，見到好多Teddy Bear, 重重被包圍著入到去已經見到兩隻大bear bear啦，有bear bear 控的朋友一定要0黎跟bear bear影下相啦遊戲小天地 ：小朋友玩的開心，大朋友又放心熊小館的位置是三面向的, 旁邊有個滑冰場, 一邊食一邊可以見到小朋友在學滑冰。 中朋友一起滑完可以約埋一起食個午餐或晚餐都好方便。被bear bear 包圍著，被愛包圍著一樣甘溫暖有隻白雪雪小熊仔等緊我們了, 仲有Welcome offers。 睇到MENU, 有早餐, 午餐及晚餐的, 都很大衆化及受歡迎。 現場見到的有, 一家大小的, 中朋友,大朋友都在用膳, 很和諧感。燒美國殼飼厚切小牛扒伴醋：我地理想70％熟，嫩滑多汁。 配上芥辣及醋汁食，提升牛肉的口感，好味道。黑松露忌廉汁煙三文魚天使麵酥炸魷魚圈配

又到了假期的尾聲，當然捉緊機會，盡情玩樂。今晚就同小女生到megabox 睇戲，順便食埋飯！上次聽聖誕怪怪傑時見到在戲院那層有間新開的親子餐廳，bear bear 做主題，而且價錢也大眾化，今次就同小女生試下啦！餐廳好大，可以容納很多食客，我們六時來到，直接入座。假日晚上都有全日套餐，好經濟實惠呢！周圍都有bear bear, 立刻覺得自己年輕左廿年加$6就有蒜蓉多士和忌廉湯，忌廉湯好creamy,仲有粒粒的粟米，還加入了香草，一點也不馬虎。焗墨西哥辣肉醬意粉份量不少，面層放了很多芝士，焗到金黃，很香！肉醬帶少許微辣，更加惹味啊！沙律牛粒配蕃茄紅飯牛肉粒厚切，份量很多啊！雖然切得這麼厚，但一點都不硬，都juicy,有口感也有牛肉味！伴了沙律菜，不會變了食肉獸加入了茄汁的炒飯，小女生食到停不了口！每枱都有隻熊bear bear,小女生立刻與熊仔拍照，心情真的特別愉快。橙汁和一般凍飲一樣，加$3，太抵吧！一頓完美的晚餐又怎會少了甜品呢！焗法式焦糖燉蛋白都只是$25，入口香滑，焦糖香脆又無焦苦味，對小女生來說甜度也屬於適中，不過對於我來說，少甜會更好！心太軟又是水準之作，一切開黑朱古力像溶岩

MegaBox開咗一間新餐廳，以熊仔做主題，我呢啲熊仔fans，更加要來棒場啦。一去到餐廳門口，就已經有好多大小不同，品種不同，國家不同嘅熊仔歡迎我哋，我真係好鍾意呢度，貪佢可以打卡影相，我諗小朋友會仲開心，因為佢中間有一個小角落係開放比小朋友玩嘅。佢有好多西餐可以選擇，可以加$28升級做套餐，就可以有埋餐湯，牛油法包，及凍熱飲品。我哋叫咗個黑松露帶子意大利飯$92蜂蜜味BBQ燒豬仔骨$140海鹽風薯條配檸檬沙律汁$40心太軟套餐加$29黑松露帶子意大利粉，帶子好新鮮，意大利飯嘅份量比出邊鋪頭多，兩個人食啱啱好。BBQ燒豬仔骨，豬脊骨好嫩，而且份量好大份，仲配有薯條，醬汁嘅味道亦都夠濃，好味。薯條配檸檬沙律汁，好特別好清新，而且好開胃，所以我哋都食咗好多，停唔到口。套餐加$29可以有心太軟，我哋當然唔會錯過啦，一切開入邊個朱古力流心好犀利，我哋即刮乾淨個盤咁食哂。呢度嘅服務好好，餐廳又多嘢影，食物又好食，份量又多，價錢仲要唔貴，如果坐近溜冰場，仲可以一邊睇溜冰比賽一邊食飯。下次都會再嚟

今日我地帶囡囡去玩，mega box 食玩買，小朋友每次黎到都好開心，而且好少商場會有親子餐廳，有價錢都會好貴，但熊小館價錢合理，我地黎之前已經上openrice 睇定有咩餐廳，新開了一間熊小館，以Bear Bear 為主題，囡囡同老婆一定鐘意。餐廳以Bear Bear 為主，整間鋪都擺設都係Bear Bear ，我地進入了Bear Bear 世界，影相打卡一流餐廳安排了一張可以同大Bear Bear 坐既枱，囡囡超開心，而且張枱都有一隻細細既Bear Bear ，好有聖誕氣氛。瘋薯（肉醬炸薯條）-薯條係下午茶係必點食物，好邪惡，真係不能抗拒，炸得金黃香脆，而且仲係我鐘意既粗薯條，沾埋肉醬食，好好味，唔會太單調酥炸魷魚圈配檸檬沙律汁-炸至金黃色，外脆內嫩，粉漿亦唔太厚心太軟-一切開朱古力好澎湃咁流出，朱古力如果苦一點會更好，因為好甜，因為我比較鐘意苦小小既朱古力熱情玫瑰（熱）-淡淡的玫瑰味和熱情果配搭的很好薔薇之戀-（凍）-玫瑰花茶柚子，柚子味比較重，蓋過了玫瑰味餐廳還有一個小角落，可以比小朋友玩，雖然不算大，但小朋友都得好開心

聖誕節，今日帶女女去megabox 睇戲，我地睇戲前去搵下午茶食，發現了一間主題為Bear Bear 既餐廳，女女已經嘈住要入去食啦。門口已經有兩大隻Bear Bear ，未坐低已經周圍要影相，因為周圍都係Bear Bear。餐廳仲有一小角比小朋友玩同睇書既地方，女女已經掛住玩唔去食野。餐廳價錢經濟實惠，好抵食，唔會話因為主題餐廳價錢而偏貴西多士（$42）西多士配朱古力漿真係好邪惡，炸得乾身不滴油，完全沒有油膩感。尼哥斯吞拿魚沙律伴溫泉蛋（$68）份量都好多，新鮮的沙律菜，十分爽口，而且加上吞拿魚一齊食，口感好豐富紅荳pop-pop (凍）爆谷紅荳冰（$18）以為會有爆谷加入紅荳冰，原來係爆谷漿加入紅豆冰，第一次飲，味道好特別，愈飲愈多，味道有點似粟米味😂😂😂，值得一試

果日去Mega Box行街，行到咁上下有d肚餓，就睇下有咩食啦。行行下突然見到呢間餐廳門口兩個大大隻既熊啤啤被電親既我地見到餐牌又好抵所以即刻入左去係呢度食飯真係好治癒，周圍都係熊啤啤😍真係少女心爆發呢間餐廳都幾多小朋友，仲有個閱讀區域比小朋友等餐果陣去玩周圍影相既時候發現有間privite room，係度開party一定好開心啦影完一大輪我地終於心滿意足咁返去準備食野，啱啱坐低餐就送到了帶子菠菜忌廉湯$32加了菠菜既忌廉湯沒有咁heavy，感覺上健康不少。雖然加了菠菜，但都係好creamy同奶味重，好飲蜂蜜味BBQ燒豬仔骨$140大大份，外皮少許焦，骨與骨中間既肉幾juicy，燒烤汁配上蜂蜜，感覺不錯烤美國牛肉芝士煙肉漢堡包$62呢個餐真係好抵，62蚊就有一個漢堡包、沙律、薯條同餐飲！漢堡包材料十足，有美國牛肉漢堡排、煙肉、番茄、芝士同生菜，是最經典既漢堡包搭配唐揚脆脆雞翅$48雖然外皮是炸得很脆的那種，但內裏很入味juicy，讚👍🏻心太軟$29十分有驚喜的甜品！外皮不厚，一切開內裏既朱古力便湧出黎，熱辣辣既心太軟配上忌廉好好食呢間餐廳有咁多啤啤熊陪我地食飯，而且價錢又咁抵，真係好正